ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਕੇਂਦਰੀ ਜੋਨ ਲੁਧਿਆਣਾ ਦੇ ਨਵੇਂ ਬਣੇ ਚੀਫ਼ ਇੰਜੀ: ਨਰਿੰਦਰਪਾਲ ਸਿੰਘ (ਐਨ.ਪੀ.ਸਿੰਘ) ਨੇ ਅਹੁੱਦਾ ਸੰਭਾਲਦਿਆ ਕਿਹਾ ਕਿ ਖਪਤਾਕਾਰਾਂ ਦੀਆਂ ਬਿਜਲੀ ਸਮੱਸਿਆਵਾਂ ਅਤੇ ਸ਼ਿਕਾਇਤਾਂ ਨੂੰ ਪਹਿਲਾ ਦੇ ਆਧਾਰ ਤੇ ਹੱਲ ਕੀਤਾ ਜਾਵੇਗਾ। ਇੰਜੀ: ਐਨ.ਪੀ ਸਿੰਘ ਜੋ ਇੰਜੀ: ਰਛਪਾਲ ਸਿੰਘ ਦੇ ਸੇਵਾਮੁਕਤ ਹੋਣ ਤੋਂ ਬਾਅਦ ਕੇਂਦਰੀ ਜੋਨ ਲੁਧਿਆਣਾ ਦੇ ਨਵੇਂ ਚੀਫ਼ ਇੰਜੀ: ਬਣੇ ਹਨ। ਇਸ ਤੋਂ ਪਹਿਲਾ ਉਹ ਚੀਫ਼ ਇੰਜੀ: ਸਟੋਰ ਅਤੇ ਵਰਕਸ਼ਾਪ ਸਨ ਜਦਕਿ ਉਸ ਤੋਂ ਪਹਿਲਾ ਪੂਰਬੀ ਅਤੇ ਸਬਅਰਬਨ ਸਰਕਲ ਵਿੱਚ ਉਹ ਡਿਪਟੀ ਚੀਫ਼ ਇੰਜੀ: ਦੇ ਅਹੁੱਦੇ ਤੇ ਰਹਿ ਚੁੱਕੇ ਹਨ। ਇੰਜੀ: ਐਨ.ਪੀ.ਸਿੰਘ ਨੇ ਕਿਹਾ ਕਿ ਗਰਮੀ ਦੇ ਸੀਜਨ ਦੌਰਾਨ ਕੋਈ ਸ਼ਡਿਊਲ ਕੱਟ ਨਹੀਂ ਲੱਗੇਗਾ ਅਤੇ ਝੋਨੇ ਦੇ ਸੀਜਨ ਦੌਰਾਨ ਕਿਸਾਨਾਂ ਨੂੰ 15 ਜੂਨ ਤੋਂ 8 ਘੰਟੇ ਬਿਲਜੀ ਦੀ ਨਿਰਵਿਘਨ ਸਪਲਾਈ ਮਿਲੇਗੀ। ਉਨ੍ਹਾਂ ਕਿਹਾ ਕਿ ਰਾਜ ਵਿੱਚ ਇਸ ਸਮੇਂ 1500 ਲੱਖ ਯੂਨਿਟਾਂ ਦੀ ਮੰਗ ਹੈ ਜਦਕਿ ਨਿਗਮ ਕੋਲ ਖਪਤਕਾਰਾਂ ਦੀ ਮੰਗ ਮੁਤਾਬਕ ਬਿਜਲੀ ਦੀ ਸਪਲਾਈ ਪੂਰੀ ਹੈ। ਇੰਜੀ: ਐਨ.ਪੀ.ਸਿੰਘ ਨੇ ਕਿਹਾ ਕਿ ਇਸ ਸਮੇਂ ਖੇਤੀਬਾੜੀ ਕੁਨੈਕਸ਼ਨਾਂ ਨੂੰ 6 ਘੰਟੇ ਬਿਜਲੀ ਦੀ ਸਪਲਾਈ ਦਿੱਤੀ ਜਾ ਰਹੀ ਹੈ। ਗਰਮੀ ਦੇ ਸੀਜਨ ਦੌਰਾਨ ਖਪਤਕਾਰਾਂ ਦੀ ਸ਼ਿਕਾਇਤਾ ਅਤੇ ਬਿਜਲੀ ਸਮੱਸਿਆਵਾਂ ਹੱਲ ਕਰਨ ਲਈ ਆਰਜੀ ਤੌਰ ਤੇ 500 ਬੰਦੇ ਰੱਖੇ ਜਾਰ ਹੇ ਹਨ ਅਤੇ ਉਨ੍ਹਾਂ ਨੂੰ ਮੋਟਰਸਾਇਕਲ ਦੀ ਸਹੂਲਤ ਵੀ ਮੁਹੱਈਆਂ ਕੀਤੀ ਜਾ ਰਹੀ ਹੈ ਤਾਂ ਜੋ ਪਹਿਲ ਦੇ ਆਧਾਰ ਤੇ ਖਪਤਕਾਰਾਂ ਦੀਆਂ ਸ਼ਿਕਾਇਤਾ ਦਾ ਹੱਲ ਹੋ ਸਕੇ।
ਉਨ੍ਹਾਂ ਕਿਹਾ ਜੋ ਸ਼ਿਕਾਇਤ ਰਪੀਟ ਹੋਣਗੀਆ। ਉਨ੍ਹਾਂ ਦਾ ਵੀ ਸਥਾਈ ਹੱਲ ਮੌਕੇ ਤੇ ਹੀ ਕੀਤਾ ਜਾਵੇਗਾ। ਇਸ ਮੌਕੇ ਉਨ੍ਹਾਂ ਨੇ ਸਾਰੇ ਉੱਚ ਅਧਿਕਾਰੀਆ ਨੂੰ ਹਦਾਇਤ ਕੀਤੀ ਕਿ ਉਹ ਮੰਡਲ ਅਤੇ ਉੱਪ ਮੰਡਲ ਦਫ਼ਤਰਾਂ ਵਿੱਚ ਆਪਣੀ ਹਾਜ਼ਰੀ ਨੂੰ ਯਕੀਨੀ ਬਣਾਉਣ ਤਾਂ ਜੋ ਹਰ ਖਪਤਕਾਰ ਦੀ ਸ਼ਿਕਾਇਤ ਦਾ ਨਿਪਟਾਰਾ ਮੌਕੇ ਤੇ ਹੀ ਹੋ ਸਕੇ। ਇਸ ਮੌਕੇ ਨਵੇਂ ਚੀਫ਼ ਇੰਜੀ: ਐਨ.ਪੀ. ਸਿੰਘ ਜਿਉ ਹੀ ਦਫ਼ਤਰ ਪੁੱਜੇ ਕੇਂਦਰੀ ਜੋਨ ਦਫ਼ਤਰ ਦੇ ਉੱਚ ਅਧਿਕਾਰੀਆ ਅਤੇ ਮੁਲਾਜ਼ਮਾਂ ਨੇ ਉਨ੍ਹਾਂ ਨੂੰ ਬੁੱਕੇ ਅਤੇ ਗੁਲਦਸਤੇ ਭੇਂਟ ਕਰਕੇ ਉਨ੍ਹਾਂ ਨੂੰ ਜੀ ਆਇਆ ਕਿਹਾ। ਇਸ ਮੌਕੇ ਇੰਜੀ: ਪੀ.ਐਸ. ਧਾਲੀਵਾਲ ਡਿਪਟੀ ਚੀਫ਼ ਐਂਡਮਿਨ, ਇੰਜੀ: ਐਚ.ਐਸ. ਜੋਗੀ ਡਿਪਟੀ ਚੀਫ਼ ਪੂਰਬੀ ਸਰਕਲ, ਇੰਜੀ: ਜਗਜੀਤ ਸਿੰਘ, ਡਿਪਟੀ ਚੀਫ਼ ਸਬ ਅਰਬਨ ਸਰਕਲ, ਇੰਜੀ: ਕੁਲਬੀਰ ਸਿੰਘ ਡਿਪਟੀ ਚੀਫ਼ ਵੈਸਟ ਸਰਕਲ, ਇੰਜੀ: ਸੁਦਾਗਰ ਸਿੰਘ, ਇੰਜੀ: ਰਮਿੰਦਰਜੀਤ ਸਿੰਘ, ਇੰਜੀ: ਪੀ.ਐਸ. ਬਰਾੜ, ਇੰਜੀ: ਸੰਜੀਵ ਪ੍ਰਭਾਕਰ, ਸੂਚਨਾ ਅਫ਼ਸਰ ਜਗਰੂਪ ਸਿੰਘ ਜਰਖੜ ਆਦਿ ਹੋਰ ਅਧਿਕਾਰੀ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।