ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪੰਜਾਬ ਦੀ ਬਿਨਾ ਰੁਕਾਵਟ ਮਨਜੂਰੀ ਵਾਲੀ ਨਿਵੇਸ਼ਕ ਪੱਖੀ ਉਦਯੋਗਿਕ ਨੀਤੀ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸ ਨਾਲ ਪੰਜਾਬ ਦੇਸ਼ ਦਾ ਸਭ ਤੋਂ ਤਰਜੀਹੀ ਸੂਬਾ ਬਣ ਜਾਵੇਗਾ ਜਿਥੇ ਨਿਵੇਸ਼ਕਾਰ ਨਿਵੇਸ਼ਕਰਨਾ ਪਸੰਦ ਕਰਨਗੇ।ਪ੍ਰਧਾਨ ਮੰਤਰੀ ਨੇ ਜਰਮਨੀ ਦੀ ਚਾਂਸਲਰ ਐਂਜਲਾ ਮਾਰਕੇਲ ਨਾਲ ਕੌਮਾਂਤਰੀ ਵਪਾਰ ਮੇਲੇ ਦਾ ਦੌਰਾ ਕਰਦਿਆਂ ਪੰਜਾਬ ਵਲੋਂ ਸੂਬੇ ਦੇ ਉਦਯੋਗ ਅਤੇ ਵਣਜ ਮੰਤਰੀ ਸ਼੍ਰੀ ਮਦਨ ਮੋਹਨ ਮਿੱਤਲ ਦੀ ਅਗਵਾਈ ਵਿਚ ਸੂਬੇ ਦੀ ਉਦਯੋਗਿਕ ਤਰੱਕੀ ਅਤੇ ਨਿਵੇਸ਼ਕਾਰਾਂ ਦੇ ਪੱਖੀ ਯੋਜਨਾਵਾਂ ਦੀ ਪੇਸ਼ਕਾਰੀ ਬਾਖੁਬੀ ਢੰਗ ਨਾਲ ਕਰਨ ਦੇ ਲਈ ਰਜਵੀਂ ਸ਼ਲਾਘਾ ਕੀਤੀ । ਉਨ੍ਹਾਂ ਇਸ ਮੌਕੇ ਇਸ ਪੱਖ ਦੀ ਵੀ ਕਾਫੀ ਤਰੀਫ ਕੀਤੀ ਕਿ ਪੰਜਾਬ ਵਿਚ ਨਿਵੇਸ਼ ਨੂੰ ਹੁਲਾਰਾ ਦੇਣ ਲਈ ਅਜਿਹੀ ਨੀਤੀ ਉਲੀਕੀ ਗਈ ਹੈ ਜਿਸ ਨਾਲ ਬਿਨਾ ਰੁਕਾਵਟ ਸਾਰੀਆਂ 27 ਮਨਜੂਰੀਆਂ ਨਾਲ ਸਬੰਧਤ ਸੇਵਾਵਾਂ ਜਿਵੇਂ ਕਿ ਪ੍ਰਦੂਸ਼ਣ ਸਬੰਧੀ ਕਲੀਅਰੈਂਸ, ਸੀ.ਐਲ .ਯੂ, ਬਿਜਲੀ ਅਤੇ ਫੈਕਟਰੀ ਐਕਟ ਕਲੀਅਰੈਂਸ ਆਦਿ ਆਨ-ਲਾਈਨ ਢੰਗ ਨਾਲ ਤੂਰੰਤ ਹੀ ਹਾਸਲ ਕੀਤੀਆਂ ਜਾ ਸਕਣਗੀਆਂ।
ਉਨ੍ਹਾਂ ਪੰਜਾਬ ਦੀ ਉਦਯੋਗਿਕ ਨੀਤੀ ਦੇ ਸਵੇ ਪ੍ਰਮਾਣਕਤਾ ਦੇ ਪੱਖ ਦੀ ਵੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਬਾਕੀ ਸੁਬਿਆਂ ਨੂੰ ਵੀ ਪੰਜਾਬ ਦੀ ਤਰਜ 'ਤੇ ਉਦਯੋਗਿਕ ਨੀਤੀ ਨੂੰ ਅਪਣਾਉਣਾ ਚਾਹੀਦਾ ਹੈ। ਪ੍ਰਧਾਨ ਮੰਤਰੀ ਵਲੋਂ ਜਰਮਨੀ ਦੇ ਨਿਵੇਸ਼ਕਾਰਾਂ ਵਲੋਂ ਪੰਜਾਬ ਵਿਚ ਨਿਵੇਸ ਕਰਨ ਪ੍ਰਤੀ ਵਿਖਾਈ ਗਈ ਰੂਚੀ ਪ੍ਰਤੀ ਵੀ ਖੁਸ਼ੀ ਪ੍ਰਗਟ ਕੀਤੀ ਗਈ। ਪੰਜਾਬ ਦੇ ਉਦਯੋਗ ਅਤੇ ਵਣਜ ਮੰਤਰੀ ਸ਼੍ਰੀ ਮਦਨ ਮੋਹਨ ਮਿੱਤਲ ਵਲੋਂ ਸੂਬੇ ਵਿਚ ਨਿਵੇਸ਼ ਆਕਰਸ਼ਿਤ ਕਰਨ ਦੀਆਂ ਕੀਤੀਆਂ ਜਾ ਰਹੀਆਂ ਕੋਸ਼ਿਸ਼ਾਂ ਦੀ ਤਰੀਫ ਕਰਦਿਆਂ ਸ਼੍ਰੀ ਮੋਦੀ ਨੇ ਕਿਹਾ ਕਿ ਉਹ ਸਮਾਂ ਦੂਰ ਨਹੀਂ ਪੰਜਾਬ ਨਿਵੇਸ਼ ਪੱਖੋ ਦੇਸ਼ ਦਾ ਮੋਹਰੀ ਸੂਬਾ ਬਣ ਜਾਵੇਗਾ।ਇੰਡੋ-ਜਰਮਨ ਵਪਾਰ ਮੇਲੇ ਮੌਕੇ ਸ਼੍ਰੀ ਮਿੱਤਲ ਨੇ ਜਰਮਨ ਉਦਯੋਗਪਤੀਆਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਨੂੰ ਪੰਜਾਬ ਸਰਕਾਰ ਵਲੋਂ ਸੂਬੇ ਵਿਚ ਨਿਵੇਸ਼ ਨੂੰ ਸੁਖਾਲਾ ਬਣਾਉਣ ਲਈ ਕੀਤੀਆਂ ਜਾ ਰਹੀਆਂ ਕੋਸ਼ਿਸ਼ਾਂ ਤੋਂ ਜਾਣੂੰ ਕਰਵਾਇਆ ਅਤੇ ਕਿਹਾ ਕਿ ਵਿਕਸਤ ਦੇਸ਼ਾਂ ਦੇ ਉਦਯੋਗਪਤੀ ਹੁਣ ਨਿਵੇਸ਼ ਕਰਨ ਪਖੋਂ ਪੰਜਾਬ ਵੱਲ ਵੇਖਣ ਲੱਗੇ ਹਨ ਅਤੇ ਪੰਜਾਬ ਹੁਣ ਨਿਵੇਸ਼ ਕਰਨ ਲਈ ਇਕ ਆਦਰਸ਼ ਸੂਬਾ ਬਣਨ ਦੇ ਰਾਹ 'ਤੇ ਤੇਜੀ ਨਾਲ ਵੱਧ ਰਿਹਾ ਹੈ।ਇਸ ਮੌਕੇ ਪ੍ਰਮੁੱਖ ਸਕੱਤਰ ਉਦਯੋਗ, ਪੰਜਾਬ ਸ਼੍ਰੀ ਡੀ.ਪੀ.ਰੈਡੀ, ਨਿਵੇਸ਼ ਪੰਜਾਬ ਦੇ ਸੀ.ਈ.ਓ ਸ਼੍ਰੀ ਅਨੀਰੁਧ ਤਿਵਾੜੀ, ਪੀ.ਐਸ.ਆਈ.ਈ.ਸੀ ਦੇ ਐਮ.ਡੀ ਸ਼੍ਰੀ ਅਮਿਤ ਢਾਕਾ, ਪੇਡਾ ਦੇ ਸੀ.ਈ.ਓ ਸ਼੍ਰੀ ਅਮਰਪਾਲ ਸਿੰਘ, ਪੀ.ਐਸ.ਆਈ.ਈ.ਸੀ ਦੇ ਕਾਰਜਕਾਰੀ ਡਾਇਰੈਕਟਰ ਸ਼੍ਰੀ ਸੰਜੀਵ ਬਾਵਾ, ਪੇਡਾ ਦੇ ਡਾਇਰੈਕਟਰ ਬਲੌਰ ਸਿੰਘ ਅਤੇ ਸ਼੍ਰੀ ਮੋਹਿੰਦਰਪਾਲ ਅਰੋੜਾ ਵੀ ਮੌਜੂਦ ਸਨ।