ਲੋਕ ਸਭਾ ਵਿੱਚ ਅੱਜ ਸਾਂਸਦ ਸ. ਰਵਨੀਤ ਸਿੰਘ ਬਿੱਟੂ ਨੇ ਲੁਧਿਆਣਾ ਸਮੇਤ ਸਮੂਚੇ ਪੰਜਾਬ ਪ੍ਰਦੇਸ਼ ਵਿੱਚ ਸੇਹਤ ਸਹੂਲਤਾਂ ਦੇ ਡਿੱਗਦੇ ਮਿਆਰ ਵੱਲ ਚਿੰਤਾ ਜ਼ਾਹਿਰ ਕਰਦਿਆਂ ਸੰਸਦ ਦਾ ਧੀਆਨ ਖਿੱਚੀਆ ਅਤੇ ਸੂਬਾ ਸਰਕਾਰ ਦੀ ਖੂਬ ਖਿੰਚਾਈ ਕੀਤੀ।ਪੰਜਾਬ ਦੀ ਅਕਾਲੀ ਭਾਜਪਾ ਸਰਕਾਰ ਨੂੰ ਕਠਘਰੇ ਵਿੱਚ ਖੜਾ ਕਰਦਿਆਂ ਰਵਨੀਤ ਸਿੰਘ ਬਿੱਟੂ ਨੇ ਹਾਲ ਹੀ ਵਿੱਚ ਲੁਧਿਆਣਾ ਦੇ ਸਿਵਿਲ ਅਸਪਤਾਲ ਵਿੱਚ ਇੱਕੋ ਦਿਨ 16 ਘੰਟਿਆਂ ਦੇ ਅੰਦਰ ਅੰਦਰ 6 ਬੱਚਿਆਂ ਦੇ ਦਮ ਤੋੜ ਜਾਣ ਦੀ ਘਟਨਾਂ ਨੂੰ ਮੰਦਭਾਗਾ ਕਰਾਰ ਦਿੰਦਿਆਂ ਕਿਹਾ ਕਿ ਜੇਕਰ ਉਤਰ ਭਾਰਤ ਦੇ ਮੈਨਚੇਸਟਰ ਕਹੇ ਜਾਣ ਵਾਲੇ ਲੁਧਿਆਣਾ ਦੇ ਸਿਵਿਲ ਅਸਪਤਾਲ ਵਿੱਚ ਇਸ ਤਰਾਂ ਦੀ ਘਟਨਾਂ ਵਾਪਰ ਸਕਦੀ ਹੈ ਤਾਂ ਸੋਚਿਆ ਜਾ ਸਕਦਾ ਹੈ ਕਿ ਹੋਰ ਜ਼ਿਲਿਆਂ ਦੇ ਸਿਵਿਲ ਅਸਪਤਾਲਾਂ ਵਿੱਚ ਕੀ ਹਾਲ ਹੁੰਦਾ ਹੋਵੇਗਾ।ਸੂਬੇ ਅੰਦਰ ਨਿਘਰਤੀ ਜਾਂਦੀ ਸੇਹਤ ਸਹੂਲਤਾਂ ਲਈ ਅਕਾਲੀ ਭਾਜਪਾ ਸਰਕਾਰ ਨੂੰ ਪੂਰੀ ਤਰਾਂ ਜਿੰਮੇਂਵਾਰ ਠਹਿਰਾਉਂਦਿਆਂ ਸ. ਰਵਨੀਤ ਸਿੰਘ ਬਿੱਟੂ ਨੇ ਦੱਸਿਆ ਕਿ ਹਾਲਾਂਕਿ ਕੇਂਦਰ ਦੀ ਪਿਛਲੀ ਯੂ.ਪੀ.ਏ. ਸਰਕਾਰ ਨੇ ਪੰਜਾਬ ਨੂੰ ਪਿੱਛਲੇ ਚਾਰ ਸਾਲਾਂ ਵਿੱਚ ਰੁਪਏ 1100 ਕਰੋਡ ਦੀ ਰਾਸ਼ੀ ਸੇਹਤ ਸਹੂਲਤਾਂ ਵਿੱਚ ਸੁਧਾਰ ਅਤੇ ਵਾਧੇ ਲਈ ਦਿੱਤੀ ਪਰ ਸਿਵਿਲ ਅਸਪਤਾਲਾਂ ਰਾਹੀਂ ਗਰੀਬਾਂ ਦਾ ਕੋਈ ਫਾਇਦਾ ਹੁੰਦਾ ਨਜ਼ਰ ਨਹੀਂ ਆ ਰਿਹਾ।ਕੇਂਦਰ ਵੱਲੋਂ ਭੇਜੇ ਗਏ ਕਰੋਡਾਂ ਰੁਪਇਆਂ ਦੇ ਖੁਰਦ ਫੁਰਦ ਹੋਣ ਦਾ ਖਦਸ਼ਾ ਜ਼ਾਹਿਰ ਕਰਦਿਆਂ ਸ. ਰਵਨੀਤ ਸਿੰਘ ਬਿੱਟੂ ਨੇ ਐਨ.ਡੀ.ਏ. ਸਰਕਾਰ ਤੋਂ ਇੱਕ ਕਮੇਟੀ ਦੇ ਗਠਨ ਕਰਨ ਦੀ ਮੰਗ ਕੀਤੀ ਤਾਂ ਜੋ ਪੈਸਿਆਂ ਦੇ ਸਹੀ ਵਰਤੋਂ ਨੂੰ ਲੈਕੇ ਸੱਚਾਈ ਸਭਨਾਂ ਦੇ ਸਾਹਮਣੇ ਆ ਸਕੇ