ਐਨ.ਡੀ.ਐਸ ਬੈਂਸ ਕੈਂਪ ਕਮਾਂਡੈਟ ਸੀ-ਪਾਈਟ ਕੈਂਪ, ਗਿੱਲ ਰੋਡ ਲੁਧਿਆਣਾ ਨੇ ਦੱਸਿਆ ਕਿ ਨੌਜਵਾਨਾਂ ਨੂੰ ਫੌਜ਼ 'ਚ ਭਰਹੋਣ ਲਈ ਸਰੀਰਕ ਅਤੇ ਲਿਖਤੀ ਪ੍ਰੀਖਿਆ ਟੈਸਟ ਦੀ ਤਿਆਰੀ ਕਰਵਾਉਣ ਲਈ 5 ਨਵੰਬਰ ਤੋਂ 5 ਦਸੰਬਰ, 2014 ਤੱਕ ਸੀ-ਪਾਈਟ ਕੈਂਪ ਵਿਖੇ ਟਰੇਨਿੰਗ ਮੁਹੱਈਆਂ ਕਰਵਾਈ ਜਾ ਰਹੀ ਹੈ। ਉਹਨਾਂ ਦੱਸਿਆ ਕਿ ਟਰੇਨਿੰਗ ਦੌਰਾਨ ਨੌਜਵਾਨਾਂ ਨੂੰ ਮੁਫਤ ਰਾਸ਼ ਨਿਵਾਸ ਅਤੇ ਸਿਖਲਾਈ ਦਿੱਤੀ ਜਾਵੇਗੀ। ਉਹਨਾਂ ਦੱਸਿਆ ਕਿ ਨੌਜਵਾਨ ਆਪਣੇ ਪਿੰਡ ਦੇ ਸਰਪੰਚ ਤੋਂ ਚਾਲ-ਚੱਲਣ, ਨੋ-ਕਲੇਮ ਅਤੇ ਅਨਮੈਰਿਡ ਦੇ ਸਰਟੀਫਿਕੇਟ ਨਾਲ ਲੈ ਕੇ ਆਉਣ ਅਤੇ ਇਸ ਤੋਂ ਇਲਾਵਾ ਤਹਿਸੀਲ ਵੱਲੋਂ ਰਿਹਾਇਸ਼, ਜਾਤੀ ਅਤੇ ਪੇਂਡੂ ਖੇਤਰ ਸਬੰਧੀ ਜਾਰੀ ਕੀਤੇ ਸਰਟੀਫਿਕੇਟ ਵੀ ਨਾਲ ਲੈ ਕੇ ਆਉਣੇ ਜਰੂਰੀ ਹਨ। ਉਹਨਾਂ ਦੱਸਿਆ ਕਿ ਨੌਜਵਾਨ ਪੱਗ ਅਤੇ ਪਟਕੇ ਵਾਲੀਆਂ 25-25 ਪਾਸਪੋਰਟ ਸਾਈਜ਼ ਫੋਟੋਆਂ ਨਾਲ ਲੈ ਕੇ ਆਉਣ। ਉਹਨਾਂ ਦੱਸਿਆ ਕਿ ਨੋਜਵਾਨਾਂ ਦੀ ਉਮਰ ਸਾਢੇ ਸਤਾਰਾ ਤੋਂ ਇੱਕੀ ਸਾਲ (17-1/2 ਤੋਂ 21 ਸਾਲ), ਕੱਦ ਘੱਟ ਤੋਂਂ ਘੱਟ 170 ਸੈਂਟੀਮੀਟਰ ਅਤੇ ਛਾਤੀ 77 ਸੈਂਟੀਮੀਟਰ ਹੋਣੀ ਚਾਹੀਦੀ ਹੈ। ਨੌਜਵਾਨਾਂ ਦੇ ਦਸਵੀਂ ਵਿੱਚੋਂ 45 ਪ੍ਰਤੀਸ਼ਤ ਹੋਣੇ ਜਰੂਰੀ ਹਨ ਜਾਂ ਆਰਟਸ ਵਿਸਿਆਂ ਨਾਲ 12ਵੀਂ ਪਾਸ ਹੋਣਾ ਜਰੂਰੀ ਹੈ ਅਤੇ ਇਹ ਸਾਰੇ ਸਰਟੀਫਿਕੇਟਸ ਅੰਗਰੇਜ਼ੀ ਭਾ'ਚ ਹੋਣੇ ਚਾਹੀਦੀ ਹਨ। ਉਹਨਾਂ ਇਹ ਵੀ ਦੱਸਿਆ ਕਿ ਟੈਟੂ ਵਾਲੇ ਨੌਜਵਾਨਾਂ ਨੂੰ ਇਸ ਕੈਂਪ 'ਚ ਭਰਤੀ ਨਹੀਂ ਕੀਤਾ ਜਾਵੇਗਾ।
ਹੋਰ ਵਧੇਰੇ ਜਾਣਕਾਰੀ ਲਈ ਦਫ਼ਤਰ ਦੇ ਟੈਲੀਫੋਨ ਨੰਬਰ 0161-2491883 'ਤੇ ਵੀ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਕਰਨਲ ਕੰਵਰਪ੍ਰੀਤ ਸਿੰਘ ਅਟਵਾਲ ਜਿਲ੍ਹਾ ਰੱਖਿਆ ਸੇਵਾਵਾਂ ਭਲਾਈ ਅਫਸਰ ਨੇ ਦੱਸਿਆ ਕਿ ਜ਼ਿਲ੍ਹਾ ਰੱਖਿਆ ਸੇਵਾਵਾਂ ਭਲਾਈ ਦਫ਼ਤਰ ਲੁਧਿਆਣਾ ਵਿਖੇ ਵੀ ਪ੍ਰੀ-ਰਿਕਰੂਟਮੈਂਟ ਟ੍ਰੇਨਿੰਗ ਸ਼ੁਰੂ ਕੀਤੀ ਜਾ ਰਹੀ ਹੈ। ਉਹਨਾਂ ਦੱਸਿਆ ਕਿ 14 ਜਨਵਰੀ, 2015 ਤੋਂ ਲੁਧਿਆਣਾ ਜਿਲ੍ਹੇ ਵਿਚ ਫੌਜ਼ ਦੀ ਭਰਤੀ ਕੀਤੀ ਜਾ ਰਹੀ ਹੈ, ਜੋ ਕਿ ਵੱਖ-ਵੱਖ ਟਰੇਡਾ ਦੀ ਭਰਤੀ ਹੋਵੇਗੀ ਜਿਸ ਨੂੰ ਮੁੱਖ ਰੱਖਦੇ ਹੋਏ ਇਸ ਦਫ਼ਤਰ ਵਲੋਂ 1 ਨਵੰਬਰ,2014 ਤੋਂ ਪ੍ਰੀ-ਰਿਕਰੂਟਮੈਂਟ ਟ੍ਰੈਨਿੰਗ ਸ਼ੁਰੂ ਕੀਤੀ ਜਾ ਰਹੀ ਹੈ। ਉਹਨਾਂ ਦੱਸਿਆ ਕਿ ਪ੍ਰੀ-ਰਿਕਰੂਟਮੈਂਟ ਟ੍ਰੇਨਿੰਗ ਦਾ ਪਹਿਲਾ ਬੈਚ 1 ਨਵੰਬਰ ਤੋਂ, ਦੂਜਾ ਬੈਚ 15 ਨਵਬੰਰ ਤੋਂ, ਤੀਜਾ ਬੈਚ 1 ਦਸੰਬਰ ਤੋਂ ਅਤੇ ਚੌਥਾ ਬੈਚ 15 ਦਸੰਬਰ-2014 ਤੋਂ ਸ਼ੁਰੂ ਹੋ ਰਿਹਾ ਹੈ, ਜਿਸ ਵਿਚ ਸਾਬਕਾ ਫੌਜੀਆਂ ਦੇ ਬੱਚਿਆ ਤੋਂ ਇਲਾਵਾ ਸਿਵਿਲੀਅਨ ਬੱਚੇ ਵੀ ਟ੍ਰੇਨਿੰਗ ਲੈ ਸਕਦੇ ਹਨ। ਇਸ ਟ੍ਰੇਨਿੰਗ ਲਈ ਨਾਮਾਤਰ ਫੀਸ ਲਈ ਜਾਵੇਗੀ। ਇਲਾਕੇ ਦੇ ਚਾਹਵਾਨ ਸਿਖਿਆਰਥੀ ਜਿਲ੍ਹਾ ਰੱਖਿਆ ਸੇਵਾਵਾਂ ਭਲਾਈ ਦਫਤਰ (ਨੇੜੇ ਘੰਟਾ ਘਰ/ਪੁਰਾਣੀ ਕਚਿਹਰੀ ਰੋਡ), ਲੁਧਿਆਣਾ ਵਿਖੇ ਰਜਿਸਟਰੇਸ਼ਨ ਕਰਵਾ ਸਕਦੇ ਹਨ। ਵਧੇਰੇ ਜਾਣਕਾਰੀ ਲਈ ਦਫ਼ਤਰ ਦੇ ਫੋਨ ਨੰਬਰ 0161-2741066 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।