ਯੰਗ ਸ਼ਕਾਲਰ (ਵਾਈ.ਐਸ.) ਹੰਡਿਆਇਆ ਵਿਖੇ ਵੱਖ-ਵੱਖ ਗਤੀਵਿਧੀਆਂ 'ਤੇ ਵਰਕਸ਼ਾਪਾਂ ਦਾ ਆਯੋਜਨ ਕਰਵਾਇਆ ਗਿਆ। ਇਸ ਸਬੰਧੀ ਸਕੂਲ ਦੇ ਪੀ.ਆਰ.ਓ. ਜਤਿੰਦਰਜੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਨ੍ਹਾਂ ਨੂੰ ਕਰਵਾਉਣ ਦਾ ਮਕਸਦ ਵਿਦਿਆਰਥੀਆਂ ਦੇ ਵਿਵਹਾਰਕ ਗੁਣਾਂ ਦਾ ਵਿਕਾਸ ਕਰਦਿਆਂ, ਉਨ੍ਹਾਂ ਨੂੰ ਦੇਸ਼ ਅਤੇ ਸਮਾਜ ਦੇ ਇੱਕ ਉੱਚ ਗੁਣਾ ਨਾਲ ਭਰਭੂਰ ਨਾਗਰਿਕ ਬਣਾਉਣਾ ਹੁੰਦਾ ਹੈ। ਨਰਸਰੀ ਤੇ ਕੇ.ਜੀ. ਕਲਾਸ ਦੇ ਵਿਦਿਆਰਥੀਆਂ ਲਈ 'ਕਲੀਨੀਨਸ' ਨਾਮੀ ਵਰਕਸ਼ਾਪ ਦਾ ਆਯੋਜਨ ਐਕਟੀਵਿਟੀ ਇੰਚਾਰਜ ਮੈਡਮ ਉਪਾਸਨਾ ਦੀ ਦੇਖ-ਰੇਖ ਹੇਠ ਕੀਤਾ ਗਿਆ। ਹਰਮਨ ਤੇ ਗੁੰਜਨ ਨੇ ਵਿਦਿਆਰਥੀਆਂ ਨੂੰ ਆਪਣੀ ਤੇ ਆਪਣੇ ਆਲੇ-ਦੁਆਲੇ ਦੀ ਸਫਾਈ ਕਿਵੇਂ ਰੱਖਣੀ ਹੈ ਸਬੰਧੀ ਡੀ.ਜੀ. ਬੋਰਡ ਉੱਤੇ ਸਲਾਈਡਾਂ ਦੀ ਸਹਾਇਤਾ ਨਾਲ ਜਾਣਕਾਰੀ ਦਿੱਤੀ। ਪਹਿਲੀ ਤੋਂ ਤੀਸਰੀ ਕਲਾਸ ਦੇ ਵਿਦਿਆਰਥੀਆਂ ਲਈ 'ਕਲੀਨੀਨਸ' ਨਾਮੀ ਵਰਕਸ਼ਾਪ ਦਾ ਅਯੋਜਨ ਐਕਟੀਵਿਟੀ ਇੰਚਾਰਜ ਮੈਡਮ ਮਨਪ੍ਰੀਤ ਪੰਧੇਰ ਦੀ ਦੇਖ-ਰੇਖ ਹੇਠ ਕੀਤਾ ਗਿਆ। ਬੱਚਿਆਂ ਨੇ ਆਪਣੇ ਹੱਥਾਂ ਵਿੱਚ ਸਲੋਗਨ ਪਕੜੇ ਹੋਏ ਸਨ ਤੇ ਉਹ ਸਕੂਲ ਦੀਆਂ ਵੱਖ-ਵੱਖ ਕਲਾਸਾਂ ਵਿੱਚੋਂ ਦੀ ਹੁੰਦੇ ਹੋਏ ਗਰਾਉਂਡ ਦਾ ਚੱਕਰ ਲਗਾ ਕੇ ਆਏ। ਬੱਚੇ ਬਹੁਤ ਉਤਸ਼ਾਹਿਤ ਸਨ, ਉਨ੍ਹਾਂ ਨੇ ਅਧਿਆਪਕਾਂ ਤੇ ਬੱਚਿਆਂ ਨੂੰ ਆਲੇ-ਦੁਆਲੇ ਦੀ ਸਫ਼ਾਈ ਰੱਖਣ ਦਾ ਸੰਦੇਸ਼ ਦਿੱਤਾ। ਚੌਥੀ ਤੋਂ ਸੱਤਵੀਂ ਕਲਾਸ ਦੇ ਵਿਦਿਆਰਥੀਆਂ ਲਈ 'ਕਮਿਊਨੀਟੀ ਸਰਵਿਸ' ਨਾਮੀ ਗਤੀਵਿਧੀ ਦਾ ਆਯੋਜਨ ਮੈਡਮ ਰਸਪ੍ਰੀਤ ਪੰਧੇਰ ਦੀ ਦੇਖ-ਰੇਖ ਹੇਠ ਕੀਤਾ ਗਿਆ, ਇਸ ਰਾਹੀਂ ਵਿਦਿਆਰਥੀਆਂ ਨੇ ਇਹ ਸਿੱਖਿਆ ਕਿ ਕਿਵੇਂ ਉਨ੍ਹਾਂ ਨੇ ਇੱਕ ਦੂਸਰੇ ਦੀ ਹਰ ਕੰਮ ਵਿਚ ਮਦਦ ਕਰਨੀ ਹੈ। ਉਨ੍ਹਾਂ ਨਾਲ ਆਪਣੇ ਵਿਚਾਰ ਸਾਂਝੇ ਕਰਨੇ ਹਨ।
ਕਿਵੇਂ ਉਨ੍ਹਾਂ ਨੇ ਖੁਦ ਤੇ ਦੂਸਰਿਆਂ ਨੂੰ ਸਫ਼ਾਈ ਸਬੰਧੀ ਸੁਚੇਤ ਕਰਨਾ ਹੈ। ਇਸ ਸਮੇਂ ਵਾਈ.ਐਸ. ਕਾਲਜ ਦੇ ਆਡੀਟੋਰੀਅਮ ਵਿਚ ਇਕੱਠੇ ਹੋਏ ਵਿਦਿਆਰਥੀਆਂ ਨੂੰ ਰੀਟਾ ਮੈਡਮ ਨੇ ਸਿੱਖਿਆ ਭਰਭੂਰ ਭਾਸ਼ਣ ਦਿੱਤਾ ਅਤੇ ਇਸ ਨਾਲ ਸਬੰਧਿਤ ਗੋਬਿੰਦ, ਪੰਕਜ਼, ਦਿਪਾਂਸ਼ੂ, ਖੁਸ਼ਬੋ, ਜਸਨਵੀ, ਪ੍ਰਕ੍ਰਿਰਤੀ ਅਤੇ ਦਿਲਜੀਤ ਆਦਿ ਬੱਚਿਆਂ ਨੇ ਇਕ ਨਾਟਕ ਵੀ ਖੇਡਿਆ। ਅੱਠਵੀਂ ਤੋਂ ਦਸਵੀਂ ਕਲਾਸ ਦੇ ਵਿਦਿਆਰਥੀਆਂ ਲਈ 'ਏਟੀਕਿਊਏਟਸ' ਨਾਮੀ ਵਰਕਸ਼ਾਪ ਦਾ ਆਯੋਜਨ ਭੂਪੇਸ਼ ਮਹਿਰਾ ਦੀ ਦੇਖ-ਰੇਖ ਹੇਠ ਕੀਤਾ ਗਿਆ। ਇਸ ਵਿਚ ਵਿਦਿਆਰਥੀਆਂ ਨੇ ਵਿਵਹਾਰ ਦੇ ਨਿਯਮ ਸਬੰਧੀ ਖੁਦ ਕਰਕੇ ਸਿੱਖਿਆ। ਵਿਦਿਆਰਥੀਆਂ ਨੇ ਇਸ ਦੌਰਾਨ ਸਿੱਖਿਆ ਕਿਵੇਂ ਉਨ੍ਹਾਂ ਨੇ ਕੰਮ ਹੋ ਜਾਣ ਦੇ 'ਧੰਨਵਾਦ' ਕਹਿਣਾ ਹੈ, ਕੋਈ ਗਲਤੀ ਹੋ ਜਾਣ 'ਤੇ 'ਮੁਆਫ' ਕਰਨਾ ਅਤੇ ਸਵੇਰੇ ਜਾਂ ਸ਼ਾਮ ਵੇਲੇ ਦੂਸਰਿਆਂ ਨੂੰ ਮਿਲਣ ਸਮੇਂ 'ਗੁੱਡ ਮੌਰਨਿੰਗ' ਜਾਂ 'ਗੁੱਡ ਈਵਨਿੰਗ' ਆਦਿ ਸ਼ਬਦਾਂ ਦਾ ਪ੍ਰਯੋਗ ਕਰਨਾ ਹੈ। ਇਸ ਸਮੇਂ ਵਿਦਿਆਰਥੀਆਂ ਨੇ ਸਿੱਖਿਆ ਕਿ ਕਿਵੇਂ ਉਨ੍ਹਾਂ ਨੇ ਭੋਜਨ ਖਾਣ ਸਮੇਂ ਬਰਤਨ ਪਕੜ ਕੇ ਭੋਜਨ ਖਾਣਾ ਹੈ, ਉਨ੍ਹਾਂ ਸਿੱਖਿਆ ਕਿ ਭੋਜਨ ਖਾਣ ਸਮੇਂ ਕੋਈ ਗੱਲਬਾਤ ਨਹੀਂ ਕਰਨੀ ਚਾਹੀਦੀ ਅਤੇ ਉੱਚੀ ਨਹੀਂ ਬੋਲਣਾ ਚਾਹੀਦਾ। ਕਿਸੇ ਪਾਰਟੀ 'ਤੇ ਜਾਣ ਸਮੇਂ ਤੁਹਾਡੀ ਡਰੈਸ ਫ਼ਕਸ਼ਨ ਦੇ ਅਨੁਸਾਰ ਹੀ ਹੋਣੀ ਚਾਹੀਦੀ ਹੈ। ਆਪਣੇ ਦੋਸਤਾਂ ਨਾਲ ਆਪਣੀਆਂ ਗੱਲਾਂ ਦਾ ਵਿਚਾਰ-ਵਟਾਂਦਰਾ ਕਰੋ। ਸਭ ਨਾਲ ਖ਼ੁਸ਼ੀ-ਖ਼ੁਸ਼ੀ ਮਿਲਣਾ ਚਾਹੀਦਾ ਹੈ। ਇਸ ਦੌਰਾਨ ਉਨ੍ਹਾਂ ਇਹ ਵੀ ਸਿੱਖਿਆ ਕਿ ਕਿਸੇ ਪਬਲਿਕ ਮੀਟਿੰਗ ਸਮੇਂ ਕੁਝ ਨਾ ਕੁਝ ਸਿੱਖੋ ਨਾ ਕੇ ਵਾਰ-ਵਾਰ ਸਮਾਂ ਵੇਖੋ।