Web Admin

5 ਦਰਿਆ ਨਿਊਜ਼ (ਸੀ.ਪੀ.ਸਿੰਘ)

ਐਸ.ਏ.ਐਸ.ਨਗਰ. , 13 Oct 2012

Last updated on: Oct 13, 2012, 00:00 IST

ਪੰਜਾਬ ਸਰਕਾਰ ਵੱਲੋ ਚਲਾਈ ਹਰਿਆਵਲ ਲਹਿਰ ਨੂੰ ਮੁੱਖ ਰਖਦਿਆਂ ਕਲਗੀਧਰ ਸੇਵਕ ਜੱਥਾ(ਰਜ਼ਿ.) ਦੇ ਪ੍ਰਧਾਨ ਅਤੇ ਧਰਮ ਪ੍ਰਚਾਰ ਕਮੇਟੀ ਹਲਕਾ ਮੋਹਾਲੀ ਦੇ ਮੁਖੀ ਭਾਈ ਜਤਿੰਦਰਪਾਲ ਸਿੰਘ ਦੀ ਅਗਵਾਈ ਵਿਚ ਮੋਹਾਲੀ ਵਿਖੇ ਬੂਟੇ ਲਗਾਏ ਗਏ।ਇਸ ਮੌਕੇ ਜਿਥੇ ਕਲਗੀਧਰ ਸੇਵਕ ਜਥੇ ਸਮੂੰਹ ਹਾਜ਼ਰ ਮੈਂਬਰਾਂ ਵੱਲੋ ਵੱਖ-ਵੱਖ ਤਰਾਂ ਦੇ ਪੋਦੇ ਲਗਾਏ ਗਏ ਉਥੇ ਧਰਮ ਪ੍ਰਚਾਰ ਕਮੇਟੀ ਦੇ ਮੁਖੀ ਭਾਈ ਜਤਿੰਦਰਪਾਲ ਸਿੰਘ ਹੋਰਾਂ ਵੀ ਆਪਣੇ ਹੱਥੀਂ ਪੋਦਾ ਲਗਾਇਆ। ਪੋਦੇ ਲਗਾਉਣ ਤੋ ਪਹਿਲਾਂ ਰੁੱਖਾਂ ਦੀ ਮਹੱਤਤਾ ਬਾਰੇ ਦਸਦਿਆਂ ਭਾਈ ਜਤਿੰਦਰਪਾਲ ਸਿੰਘ ਨੇ ਕਿਹਾ ਕਿ ਰੁੱਖ ਮਨੁੱਖ ਦੀ ਜਿੰਦਗੀ ਦਾ ਅਨਿੱਖੜਵਾਂ ਅੰਗ ਹਨ ਜੋ ਜਨਮ ਤੋ ਲੈ ਕੇ ਮਰਨ ਤੱਕ ਸਾਥ ਨਿਭਾਉਂਦਾ ਹੈ ਜਿਉਣ ਲਈ ਆਕਸੀਜ਼ਨ ਜੀਵਨ ਲਈ ਇਮਾਰਤੀ ਸਾਜੋ ਸਮਾਨ, ਲੱਕੜ, ਫੁੱਲ ਤੇ ਫਲ ਫਿਰ ਅੰਤਮ ਸਮੇਂ ਚਿਖਾ ਵੀ ਬਣਦਾ ਹੈ।ਇਸ ਮੌਕ ਜੱਥੇ ਦੇ ਸੀਨਅਰ ਮੀਤ ਪ੍ਰਧਾਨ ਸ੍ਰ. ਕਰਨੈਲ ਸਿੰਘ ਨੰਬਰਦਾਰ ਨੇ ਕਿਹਾ ਕਿ ਰੁੱਖ ਜਿਥੇ ਪਰਉਪਕਾਰੀ ਹਨ ਉਥੇ ਪਵਿੱਤਰ ਵੀ ਹਨ ਰੁੱਖ ਲਾਉਣਾ ਹੀ ਜਰੂਰੀ ਨਹੀਂ ਬਲ ਕਿ ਉਸ ਦੀ ਸਾਂਭ ਸੰਭਾਲ ਦੀ ਪਾਲਣਾ ਕਰਨਾ ਅਤਿ ਜਰੂਰੀ ਹੈ।ਉਹਨਾਂ ਨੇ ਇਹ ਵਿਸ਼ਵਾਸ ਦਵਾਇਆ ਕਿ ਸੰਸਥਾ ਵੱਲੋ ਆਉਂਦੇ ਦਿਨਾਂ ਵਿਚ ਵੀ ਹੋਰ ਪੋਦੇ ਲਗਾਏ ਜਾਣ ਦੀ ਮੁਹੀਮ ਚਲਾਈ ਜਾਵੇਗੀ ਅਤੇ ਉਹਨਾਂ ਦੀ ਸਾਂਭ ਸੰਭਾਲ ਦਾ ਇੰਤਜਾਮ ਵੀ ਕਲਗੀਧਰ ਸੇਵਕ ਜੱਥੇ ਵੋਲੋਂ ਕੀਤਾ ਜਾਵੇਗਾ।ਇਸ ਮੌਕੇ ਕਰਨੈਲ ਸਿੰਘ ਨੰਬਰਦਾਰ, ਰਘੁਬੀਰ ਸਿੰਘ, ਮਨਜੀਤ ਸਿੰਘ, ਬਲਜੀਤ ਸਿੰਘ, ਬਚਿੱਤਰ ਸਿੰਘ, ਸੁਖਵੰਤ ਸਿੰਘ, ਕੁਲਦੀਪ ਸਿੰਘ, ਮਹਿੰਦਰ ਸਿੰਘ, ਗੁਰਿੰਦਰ ਸਿੰਘ ਸੰਨੀ ਹਾਜ਼ਰ ਸਨ।