Web Admin

5 ਦਰਿਆ ਨਿਊਜ਼ (ਸਾਹਿਬ ਸੰਧੂ)

ਭਦੌੜ/ਸ਼ਹਿਣਾ , 30 Jun 2014

ਪੰਜਾਬ ਪੁਲਿਸ ਵੱਲੋਂ ਜਿਥੇ ਲੋਕਾਂ ਦੀ ਜਾਨ ਮਾਲ ਅਤੇ ਸਰਕਾਰੀ ਸੰਪਤੀ ਦੀ ਸੁਰਖਿਆ ਦੀ ਗੱਲ ਆਖੀ ਜਾ ਰਹੀ ਹੈ ਪਰ ਪੁਲਿਸ ਦੇ ਇਹ ਫੋਕੇ ਦਾਅਵੇ ਉਸ ਵੇਲੇ ਹਵਾ ਹੋ ਗਏ ਜਦ ਚੋਰਾਂ ਨੇ ਬੀਤੀ ਰਾਤ ਭਦੌੜ ਦੇ ਨਜ਼ਦੀਕ ਪਿੰਡ ਭੋਤਨਾਂ ਵਿਖੇ ਬੜੇ ਅਰਾਮ ਨਾਲ ਇੱਕ ਬੈਂਕ ਦੇ ਏ. ਟੀ. ਐਮ ਨੂੰ ਕਟਰ ਨਾਲ ਪੁੱਟ ਲਿਆ ਤੇ ਚੋਰ ਇਸ ਘਟਨਾਂ ਨੂੰ ਅੰਜਾਮ ਦੇ ਮੌਕੇ ਤੋਂ ਫਰਾਰ ਹੋ ਗਏ।ਮੌਕੇ ਤੋਂ ਸਾਡੀ ਟੀਮ ਦੁਆਰਾ ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਭਤੋਨਾਂ ਵਿਖੇ ਪੰਜਾਬ ਐਂਡ ਸਿੰਧ ਬੈਂਕ ਦੀ ਮੋਜੂਦ ਸਾਖ਼ਾ ਦੇ ਏ. ਟੀ. ਐਮ ਤੋਂ ਚੋਰਾਂ ਨੇ ਰਾਤ ਸਮੇ ਗੈਂਸ ਕਟਰ ਨਾਲ ਏ. ਟੀ. ਐਮ ਦਾ ਕਟਰ ਕੱਟ ਕੇ ਏ. ਟੀ. ਐਮ ਮਸ਼ੀਨ ਸਮੇਤ ਮਸ਼ੀਨ ਵਿੱਚ ਪਈ 1, 78,700 ਦੀ ਰਾਸ਼ੀ ਨੂੰ ਚੋਰੀ ਕਰ ਲਿਆ ਤੇ ਚੋਰਾਂ ਨੇ ਗੱਡੀ ਦੁਆਰਾ ਇਸ ਘਟਨਾਂ ਨੂੰ ਬੜੀ ਸ਼ਫਾਈ ਅਤੇ ਅਰਾਮ ਨਾਲ ਅੰਜਾਮ ਦਿੱਤਾ। ਸਵੇਰ ਵੇਲੇ ਜਦ ਬੈਂਕ ਕਰਮਚਾਰੀਆਂ ਨੇ ਤਾਲੇ ਟੁੱਟੇ ਦੇਖੇ ਤਾਂ ਪੁਲਿਸ ਨੂੰ ਸੂਚਿਤ ਕੀਤਾ ਮੌਕੇ ਤੇ ਐਸ ਐਸ ਪੀ ਬਰਨਾਲਾ ਉਪਿੰਦਰਜੀਤ ਸਿੰਘ ਘੁੰਣ ਅਤੇ ਥਾਣਾ ਟੱਲੇਵਾਲ ਦੇ ਐਸ ਐਚ ਓ ਜੁਗਰਾਜ਼ ਸਿੰਘ ਤੋਂ ਇਲਾਵਾ ਐਸ ਪੀ ਡੀ ਸ਼ਰਨਜੀਤ ਸਿੰਘ ਵੀ ਪਹੁੰਚ ਗਏ ਤੇ ਤਫਤੀਸ਼ ਅਰੰਭ ਕਰ ਦਿੱਤੀ। ਜ਼ਿਕਰਯੋਗ ਹੈ ਕਿ ਉਕਤ ਬੈਂਕ ਵੱਲੋਂ ਮਹੀਨਾ ਪਹਿਲਾਂ ਇਹ ਏ. ਟੀ. ਐਮ ਮਸ਼ੀਨ ਲਗਾਈ ਸੀ ਤੇ ਇਸ ਏ. ਟੀ. ਐਮ ਅੰਦਰ ਕੋਈ ਸੀ. ਸੀ. ਟੀ. ਵੀ ਕੈਮਰਾ ਜਾਂ ਕੋਈ ਵੀ ਸੁਰਖਿਆ ਗਾਰਡ ਮੋਜੂਦ ਨਹੀ ਹੈ। ਇਸ ਸਬੰਧੀ ਗੱਲ ਕਰਦਿਆਂ ਐਸ. ਪੀ. ਡੀ ਸ਼ਰਨਜੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਜਲਦ ਇਸ ਗੈਂਗ ਨੂੰ ਕਾਬੂ ਕਰ ਲਿਆ ਜਾਵੇਗਾ।