ਪਿੰਡ ਵਾਸੀਆਂ ਰੋਹ ਦੇਖ ਅਧਿਕਾਰੀਆਂ ਨੇ ਰੋਕੀ ਨਿਸਾਨਦੇਹੀ
ਮਾਮਲਾ : ਪਿੰਡ ਦੇ ਧਨਾਂਢ ਵਿਅਕਤੀਆਂ ਵੱਲੋਂ ਗਰੀਬਾ ਨੂੰ ਦਿੱਤੀ ਦਾਨ ਜ਼ਮੀਨ ਹੜੱਪਣ ਦਾ
Web Admin
5 ਦਰਿਆ ਨਿਊਜ਼ (ਸਾਹਿਬ ਸੰਧੂ)
ਭਦੌੜ/ਸ਼ਹਿਣਾ , 31 May 2014
ਭਦੌੜ ਦੇ ਮਹੁੱਲਾ ਕੱਚੀ ਖਾਨਾਂ ਦਾ ਜਮੀਨ ਵਿਵਾਦ ਜੋ ਲੰਮੇ ਸਮੇ ਤੋਂ ਚੱਲ ਆ ਰਿਹਾ ਤੇ ਅੱਜ਼ ਉਸ ਵੇਲੇ ਹੋਰ ਵੱਧ ਗਿਆ ਜਦ ਨਿਸ਼ਾਨਦੇਹੀ ਕਰਨ ਆਏ ਤਹਿਸੀਲਦਾਰ, ਕਨੂੰਗੋ ਅਤੇ ਪਟਵਾਰੀ ਨੂੰ ਲੋਕਾਂ ਦਾ ਗੁੱਸਾ ਦੇਖ ਨਿਸ਼ਾਨਦੇਹੀ ਵਿਚਾਲੇ ਛੱਡ ਜਾਣਾ ਪਿਆ।ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਭਗਤ ਰਵਿਦਾਸ ਮੰਦਰ ਵਿੱਚ ਇੱਕਠੇ ਹੋਏ ਪਿੰਡ ਵਾਸੀਆਂ ਗੁਰਲਾਲ ਸਿੰਘ ਪ੍ਰੇਮੀ, ਪਰਮਜੀਤ ਸਿੰਘ, ਸੁਖਦੇਵ ਸਿੰਘ, ਪੂਰਨ ਸਿੰਘ, ਗੁਰਮੇਲ ਸਿੰਘ, ਸੁਖਰਾਜ਼ ਸਿੰਘ, ਹਰਬੰਸ ਸਿੰਘ, ਭੋਲਾ ਸਿੰਘ ਅਤੇ ਗੱਲਾ ਮਜਦੂਰ ਯੂਨੀਅਨ ਅਤੇ ਬਾਬਾ ਦੀਪ ਸਿੰਘ ਦੇ ਕਲੱਬ ਮੈਂਬਰਾਂ ਨੇ ਦੱਸਿਆ ਕਿ ਪਿੰਡ ਦੇ ਸਰਦਾਰਾਂ ਵੱਲੋਂ ਮਹੁੱਲਾ ਕੱਚੀ ਖਾਨਾਂ ਦੇ ਗਰੀਬ ਲੋਕਾਂ ਨੂੰ 11 ਕਨਾਲ 9 ਮਰਲੇ ਜ਼ਮੀਨ ਦਾਨ ਵੱਜੋਂ ਦਿੱਤੀ ਸੀ ਤੇ ਇਸ ਜ਼ਮੀਨ ਅੰਦਰ ਭਗਤ ਰਵਿਦਾਸ ਦਾ ਮੰਦਰ ਅਤੇ ਔਰਤਾਂ ਲਹੀ ਅਹਾਤਾ ਬਣਿਆ ਹੋਇਆ ਹੈ ਤੇ ਜਦਕਿ ਬਾਕੀ ਜਮੀਨ ਤੇ ਛੱਪੜ ਹੈ ਤੇ ਕੁੱਝ ਸਾਲ ਪਹਿਲਾਂ ਪਿੰਡ ਦੇ ਇੱਕ ਧਨਾਂਢ ਵਿਅਕਤੀ ਨੇ ਇਸ ਛੱਪੜ ਤੇ ਕਬਜ਼ਾ ਕਰ ਲਿਆ ਤੇ ਅੱਧੇ ਛੱਪੜ ਵਿੱਚ ਮਿੱਟੀ ਪਾ ਉਥੇ ਆਪਣੀ ਕਾਸ਼ਤ ਕਰਨੀ ਸ਼ੁਰੂ ਕਰ ਦਿੱਤੀ। ਪਿੰਡ ਵਾਸੀਆਂ ਨੇ ਦੋਸ਼ ਲਗਾਇਆ ਕਿ ਇਸ ਜ਼ਮੀਨ ਦੀ ਧੋਖੇ ਨਾਲ ਰਜਿਸ਼ਟਰੀ ਕਰਵਾਈ ਗਈ ਹੈ ਤੇ ਇਹ ਕੇਸ ਇੱਕ ਸਾਲ ਤੋਂ ਅਦਾਲਤ ਵਿੱਚ ਚੱਲ ਰਿਹਾ ਹੈ ਤੇ ਅੱਜ਼ ਉਕਤ ਵਿਅਕਤੀ ਇਸ ਜਗ੍ਹਾ ਦੀ ਨਿਸ਼ਾਨਦੇਹੀ ਕਰ ਰਹੇ ਸਨ ਤੇ ਅੱਜ਼ ਪਿੰਡ ਵਾਸੀਆਂ ਦਾ ਇੱਕਠ ਤੇ ਗੁੱਸਾ ਦੇਖ ਸਰਕਾਰੀ ਅਧਿਕਾਰੀਆਂ ਨੇ ਨਿਸ਼ਾਨਦੇਹੀ ਰੋਕ ਦਿੱਤੀ। ਇੱਕਠੇ ਹੋਏ ਲੋਕਾਂ ਨੇ ਪ੍ਰਸ਼ਾਸ਼ਨ ਅਤੇ ਉੁਕਤ ਵਿਅਕਤੀ ਵਿਰੁੱਧ ਨਾਹਰੇਬਾਜ਼ੀ ਕਰਦਿਆਂ ਮੰਗ ਕੀਤੀ ਕਿ ਉਹਨਾਂ ਨੂੰ ਇਨਸਾਫ ਮਿਲਣਾ ਚਾਹੀਦਾ ਹੈ ਜ਼ੇਕਰ ਇਹ ਧਨਾਂਢ ਲੋਕ ਗਰੀਬ ਲੋਕਾਂ ਨਾਲ ਧੱਕਾ ਕਰਨੋ ਨਾ ਹੱਟੇ ਤਾਂ ਓਹ ਮਜਬੂਰ ਹੋ ਇਸ ਸੰਘਰਸ਼ ਨੂੰ ਹੋਰ ਵਿਸ਼ਾਲ ਕਰਨਗੇ।