22 ਹਜਾਰ ਦੀ ਆਬਾਦੀ ਵਾਲੇ ਕਸਬੇ ਸ਼ਹਿਣਾ 'ਚ ਨਹੀ ਹੈ ਪੰਚਾਇਤ ਘਰ
Web Admin
5 ਦਰਿਆ ਨਿਊਜ਼ (ਸਾਹਿਬ ਸੰਧੂ)
ਭਦੌੜ/ਸ਼ਹਿਣਾ , 18 May 2014
ਬਲਾਕ ਸ਼ਹਿਣਾ ਦੇ 56 ਪਿੰਡਾਂ ਚੋ 35 ਪਿੰਡਾਂ ਚ ਪੰਚਾਇਤ ਘਰ ਨਹੀ ਹਨ। ਜਿੱਥੇ ਪੰਚਾਇਤ ਘਰ ਹਨ ਉੱਥੇ ਪੰਚਾਇਤ ਘਰਾਂ ਦੀ ਹਾਲਤ ਮਾੜੀ ਹੈ। ਕਸਬੇ ਸ਼ਹਿਣਾ ਦੀ ਆਬਾਦੀ 22 ਹਜਾਰ ਹੈ। ਇੱਥੇ ਵੀ ਪੰਚਾਇਤ ਘਰ ਨਹੀ ਹੈ। ਕਸਬੇ ਸ਼ਹਿਣਾ ਦੇ ਬੱਸ ਸਟੈਂਡ ਤੇ ਬਣਿਆ ਛੋਟਾ ਜਿਹਾ ਪੰਚਾਇਤ ਘਰ ਕਾਨੂੰਨੀ ਸੇਵਾਵਾ ਅਥਾਰਟੀ ਨੂੰ ਸੌਂਪ ਦਿੱਤਾ ਹੈ। ਸ਼ਹਿਣਾ ਦੀ ਪੰਚਾਇਤ ਪੈਨਸਨਾਂ ਇੱਕ ਧਰਮਸ਼ਾਲਾ ਚ ਵੰਡਦੀ ਹੈ ਅਤੇ ਪੰਚਾਇਤੀ ਕੰਮਾਂ ਲਈ ਵੀ ਕੋਈ ਠੋਸ ਥਾਂ ਨਹੀ ਹੈ। ਪਿੰਡ ਗਿੱਲ ਕੋਠੇ ਚ ਵੀ ਪੰਚਾਇਤ ਘਰ ਨਹੀ ਹੈ। ਇੱਥੇ ਪੰਚਾਇਤੀ ਕੰਮਾਂ ਲਈ ਸਕੂਲ ਵਰਤਣਾ ਪੈਂਦਾ ਹੈ। ਪਿੰਡ ਚੂੰਘਾਂ, ਪੱਤੀ ਮੋਹਰ ਸਿੰਘ, ਪੱਤੀ ਮੋਹਰ ਸਿੰਘ ਬੀ, ਚ ਵੀ ਪੰਚਾਇਤ ਘਰ ਨਹੀ ਹੈ। ਬਲਾਕ ਸ਼ਹਿਣਾ ਦੇ ਜਿਹੜੇ ਪਿੰਡਾਂ ਚ ਨਵੀਂ ਪੰਚਾਇਤ ਬਣੀ ਹੈ ਉੱਥੇ ਪੰਚਾਇਤ ਘਰ ਨਹੀ ਹਨ।