ਜ਼ਿਲ੍ਹਾ ਪੁਲਿਸ ਮੁਖੀ ਗੁਰਸ਼ਰਨ ਸਿੰਘ ਸੰਧੂ ਨੇ ਵਿਸ਼ੇਸ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਮੋਹਾਲੀ ਪੁਲਿਸ ਨੇ ਜਆਲੀ ਸਰਟੀਫਿਕੇਟ ਅਤੇ ਡੀਗਰੀਆਂ ਤਿਆਰ ਕਰਕੇ ਲੋਕਾਂ ਨੂੰ ਠੱਗਣ ਵਾਲੇ ਸੰਜੇ ਸ਼ਰਮਾ ਅਤੇ ਉਸ ਦੀ ਸਾਥਣ ਪ੍ਰੇਯਿਕਾ ਠਾਕੁਰ ਨੂੰ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।ਸੰਧੂ ਨੇ ਦੱਸਿਆ ਕਿ ਦੀਪਕ ਭਾਰਦਵਾਜ ਪੁੱਤਰ ਰਾਜ ਭਾਰਦਵਾਜ 2290/3 ਸੈਕਟਰ 45 ਸੀ ਚੰਡੀਗੜ੍ਹ ਨੇ ਸੂਚਨਾਂ ਦਿੱਤੀ ਸੀ ਕਿ ਸੰਜੇ ਸ਼ਰਮਾ ਪੁੱਤਰ ਮੀਰ ਚੰਦ ਵਾਸੀ ਪਿੰਡ ਸਦੋਰ ਥਾਣਾ ਤੀਸਾ ਐਚ.ਪੀ ਜੋ ਕਿ ਮਕਾਨ ਨੰ: 503 ਫੇਜ਼ 6 ਮੋਹਾਲੀ ਅਪਣੇ ਦੋ ਸਾਥੀਆ ਪ੍ਰੇਯਿਕਾ ਠਾਕੂਰ ਪਿੰਡ ਬਹਰਾਮਪੁਰ (ਗੁਰਦਾਸਪੁਰ) ਜੋ ਕਿ ਫਲੈਟ ਨੰ: 80 ਏ. ਕੇ ਬੀ ਐਸ ਕਲੌਨੀ ਛਜੂਮਾਜਰਾ ਰੋਡ ਖਰੜ ਅਤੇ ਅਤੁੱਲ ਭਾਟਿਆ ਵਾਸੀ ਸੈਕਟਰ 40 ਚੰਡੀਗੜ੍ਹ ਨਾਲ ਮਿਲ ਕੇ ਲੋਕਾਂ ਨੂੰ 10ਵੀਂ ਅਤੇ 12ਵੀਂ ਜਮਾਤ ਦੇ ਜਆਲੀ ਸਰਟੀਫਿਕੇਟ ਅਪਣੇ ਵੱਲੋਂ ਬਣਾਈ ਰਾਸ਼ਟਰੀ ਕੌਂਸਲ ਆਫ ਸਕੂਲ ਐਜੂਕੇਸ਼ਨ ਵੱਲੋਂ ਤਿਆਰ ਕਰਕੇ ਮੋਹਰਾ ਲਗਾ ਕੇ ਅਪਣੇ ਦਸਤਖਤ ਕਰਕੇ ਭੋਲੇ ਭਾਲੇ ਲੋਕਾਂ ਨੂੰ ਪੈਸੇ ਲੈ ਕੇ ਵੇਚਦਾ ਹੈ। ਇਸ ਕੰਮ ਲਈ ਉਸ ਨੇ ਐਸ.ਸੀ.ਓ ਨੰ: 24 ਟਾਪ ਫਲੌਰ ਫੇਜ਼-1 ਮੋਹਾਲੀ ਵਿਖੇ ਦਫ਼ਤਰ ਖੋਲਿਆ ਹੋਇਆ ਹੈ ਅਤੇ ਉਹ ਹਿੰਦੋਸਤਾਨ ਦੀਆਂ ਵੱਖ-ਵੱਖ ਯੂਨੀਵਰਸਿਟੀਆਂ ਦੀਆਂ ਪੈਸੇ ਲੈ ਕੇ ਬਿਨ੍ਹਾਂ ਪੇਪਰ ਦਿੱਤੀਆਂ ਜਆਲੀ ਡਿਗਰੀਆਂ ਵੀ ਦਿਵਾਉਂਦਾ ਹੈ ਅਤੇ ਜਆਲੀ ਸਰਟੀਫਿਕੇਟ ਤਿਆਰ ਕਰਨ ਲਈ ਖਰੜ ਵਿਖੇ ਇੱਕ ਫਲੈਟ ਲਿਆ ਹੋਇਆ ਹੈ ਜਿਸ ਵਿੱਚ ਉਸ ਦੀ ਸਾਥਣ ਪ੍ਰਯਿਕਾ ਠਾਕੂਰ ਰਹਿੰਦੀ ਹੈ।
ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਿਆ ਕਿ ਸੂਚਨਾ ਦੇ ਅਧਾਰ ਤੇ ਐਸ.ਪੀ. (ਡੀ) ਗੁਰਸ਼ਰਨਦੀਪ ਸਿੰਘ ਗਰੇਵਾਲ ਦੀ ਨਿਗਰਾਨੀ ਹੇਠ ਸੀ.ਆਈ.ਸਟਾਫ ਨੂੰ ਤੁਰੰਤ ਕਾਰਵਾਈ ਕਰਨ ਦੀ ਹਦਾਇਤ ਕੀਤੀ ਅਤੇ ਸਬ ਇੰਸਪੈਕਟਰ ਚਰਨ ਸਿੰਘ ਵੱਲੋਂ ਤੁਰੰਤ ਮੁਕਦਮਾ ਨੰ: 97 ਮਿਤੀ 14 ਮਈ 2014 ਅ/ਧ 420, 465, 468, 120 ਬੀ ਆਈ.ਪੀ.ਐਸ ਥਾਣਾ ਫੇਜ਼-1 ਮੋਹਾਲੀ ਵਿਖੇ ਦਰਜ ਕਰਕੇ ਸੰਜੇ ਸ਼ਰਮਾ ਦੇ ਮੋਹਾਲੀ ਦਫ਼ਤਰ ਵਿਖੇ ਛਾਪਾ ਮਾਰਿਆ ਗਿਆ ਅਤੇ ਜਿਥੋ ਆਰ.ਸੀ. ਐਸ.ਈ. ਵੱਲੋਂ ਜਾਰੀ ਛੇ ਜਆਲੀ ਸਰਟੀਫਿਕੇਟ ਅਤੇ 13 ਡਿਟੇਲ ਮਾਰਕ ਸੀਟ ਸ੍ਰੀਧਰ ਯੂਨੀਵਰਸਿਟੀ ਰਾਜਸਥਾਨ, ਮਾਨਵ ਭਾਰਤੀ ਯੂਨੀਵਰਸਿਟੀ ਸੋਲਨ ਦੇ 13, ਸੀ.ਐਮ.ਜੀ ਮੇਘਾਲਿਆ ਦੇ 5 ਜਆਲੀ ਸਰਟੀਫਿਕੇਟ ਬ੍ਰਾਮਦ ਕੀਤੇ ਗਏ ਹਨ ਅਤੇ ਦਫ਼ਤਰ ਵਿਚੋਂ 6 ਸੀ.ਪੀ.ਯੂ, ਇੱਕ ਲੇਜਰ ਪ੍ਰਿੰਟਰ ਬ੍ਰਾਮਦ ਕੀਤਾ ਗਿਆ ਹੈ।ਇਸ ਤੋਂ ਇਲਾਵਾ ਪੁਲਿਸ ਪਾਰਟੀ ਨੇ ਖਰੜ ਵਾਲੇ ਫਲੈਟ ਵਿਖੇ ਵੀ ਛਾਪਾ ਮਾਰਿਆ ਅਤੇ ਫਲੈਟ ਵਿੱਚੋ ਪ੍ਰੇਯਿਕਾ ਠਾਕੂਰ ਦੇ ਸਾਹਮਣੇ ਆਰ.ਸੀ.ਐਸ.ਈ ਦੇ ਨਾਮ ਤੇ ਛਪਾਏ ਗਏ 8000 ਜਆਲੀ ਸਰਟੀਫਿਕੇਟ ਬਾ੍ਰਮਦ ਕੀਤੇ ਗਏ ਅਤੇ ਇਸ ਤੋਂ ਇਲਾਵਾ ਇਕ ਡਸਕਟਾਪ, ਇਕ ਕੀਬੋਰਡ, ਇੱਕ ਪਿੰਰਟਰ, ਇਕ ਲੈਪਟਾਪ ਵੀ ਬ੍ਰਾਮਦ ਕੀਤਾ ਗਿਆ। ਦੋਸੀਆਂ ਨੂੰ ਮੋਹਾਲੀ ਦੀ ਅਦਾਲਤ ਵਿੱਚ ਪੇਸ ਕਰਕੇ ਦੋ ਦਿਨਾਂ ਪੁਲਿਸ ਰਿਮਾਂਡ ਮਿਲਿਆ ਹੈ । ਇਨ੍ਹਾਂ ਪਾਸਿਓ ਇਸ ਨੈਟਵਰਕ ਦੀ ਜੜ੍ਹਾਂ ਨਾਲ ਜੁੜੇ ਵਿਆਕਤੀਆਂ ਅਤੇ ਹੋਰ ਖੁਲਾਸੇ ਹੋਣ ਦੀ ਵੀ ਆਸ ਹੈ।