ਹਰਿਆਣਾ ਵਿਧਾਨ ਸਭਾ ਦੀ ਮੇਜ਼ਬਾਨੀ ਵਿੱਚ 8-9 ਜੂਨ ਨੂੰ ਆਯੋਜਿਤ ਰਾਸ਼ਟਰਮੰਡਲ ਸੰਸਦੀ ਸੰਘ (ਸੀਪੀਏ) ਭਾਰਤ ਖੇਤਰ ਦੇ ਜੋਨ-II ਕਾਨਫਰੰਸ ਨੇ ਸ਼ਾਨਦਾਰ ਆਯੋਜਨ ਅਤੇ ਉੱਤਮ ਮੇਜ਼ਬਾਨੀ ਦੀ ਨਵੀਂ ਮਿਸਾਲ ਪੇਸ਼ ਕੀਤੀ। ਇਸ ਲਈ ਵਿਧਾਨ ਸਭਾ ਸਪੀਕਰ ਹਰਵਿੰਦਰ ਕਲਿਆਣ ਨੇ ਕਾਨਫਰੰਸ ਦੀ ਗਰਿਮਾ ਵਧਾਉਣ ਲਈ ਲੋਕ ਸਭਾ ਸਪੀਕਰ ਓਮ ਬਿਰਲਾ, ਰਾਜ ਸਭਾ ਦੇ ਉਪ-ਸਭਾਪਤੀ ਹਰਿਵੰਸ਼, ਹਰਿਆਣਾ ਦੇ ਰਾਜਪਾਲ ਪ੍ਰੋ. ਅਸੀਮ ਕੁਮਾਰ ਘੋਸ਼ ਅਤੇ ਮੁੱਖ ਮੰਤਰੀ ਨਾਇਬ ਸਿੰਘ ਨੂੰ ਪੱਤਰ ਲਿਖ ਕੇ ਵਿਸ਼ੇਸ਼ ਤੌਰ ’ਤੇ ਧੰਨਵਾਦ ਪ੍ਰਗਟ ਕੀਤਾ ਹੈ।
ਵਿਧਾਨ ਸਭਾ ਸਪੀਕਰ ਨੇ ਕਾਨਫਰੰਸ ਵਿੱਚ ਹਿੱਸਾ ਲੈਣ ਵਾਲੇ ਉੱਤਰੀ ਖੇਤਰ ਦੇ ਪੰਜਾਂ ਰਾਜਾਂ ਦੇ ਨਾਲ-ਨਾਲ ਵੱਖ-ਵੱਖ ਰਾਜ ਵਿਧਾਨ ਮੰਡਲਾਂ ਤੋਂ ਆਏ ਪੀਠਾਸੀਨ ਅਧਿਕਾਰੀਆਂ ਅਤੇ ਜਨ-ਪ੍ਰਤੀਨਿਧੀਆਂ ਦਾ ਵੀ ਧੰਨਵਾਦ ਕੀਤਾ। ਵਿਧਾਨ ਸਭਾ ਸਪੀਕਰ ਕਲਿਆਣ ਨੇ ਕਿਹਾ ਕਿ ਇਨ੍ਹਾਂ ਸਾਰੇ ਭਾਗੀਦਾਰਾਂ ਨੇ ਸਾਰਥਕ ਚਰਚਾ ਕਰਕੇ ਲੋਕਤਾਂਤ੍ਰਿਕ ਸੰਵਾਦ ਨੂੰ ਮਜ਼ਬੂਤੀ ਪ੍ਰਦਾਨ ਕੀਤੀ ਹੈ।
ਇਸ ਦੌਰਾਨ ਭਵਿੱਖ ਦੀਆਂ ਚੁਣੌਤੀਆਂ ’ਤੇ ਗੰਭੀਰ ਵਿਚਾਰ-ਵਟਾਂਦਰਾ ਕਰਦੇ ਹੋਏ ‘ਵਿਕਸਿਤ ਭਾਰਤ-2047’ ਦੇ ਵਿਜ਼ਨ ਨੂੰ ਸਾਕਾਰ ਕਰਨ ਦੇ ਰਾਹ ਤਲਾਸ਼ੇ ਗਏ। ਵਕਤਾਵਾਂ ਨੇ ਕਿਹਾ ਕਿ ਇਸ ਸੁਪਨੇ ਨੂੰ ਸਾਕਾਰ ਕਰਨ ਵਿੱਚ ਜਿੱਥੇ ਸਦਨ ਦੇ ਮੈਂਬਰਾਂ ਦੀ ਅਹਿਮ ਭੂਮਿਕਾ ਹੈ, ਉੱਥੇ ਹੀ ਇਸ ਲਈ ਸਮਾਜ ਦਾ ਜਾਗਰੂਕ ਹੋਣਾ ਵੀ ਬਹੁਤ ਜ਼ਰੂਰੀ ਹੈ।
ਦੋ ਦਿਨਾਂ ਦੇ ਕਾਨਫਰੰਸ ਵਿੱਚ ਨਾਰਥ ਜੋਨ ਦੇ ਪੰਜਾਂ ਰਾਜਾਂ ਸਮੇਤ 13 ਵਿਧਾਨ ਮੰਡਲਾਂ ਦੇ ਪੀਠਾਸੀਨ ਅਤੇ ਉਪ-ਪੀਠਾਸੀਨ ਅਧਿਕਾਰੀ ਅਤੇ ਜਨ-ਪ੍ਰਤੀਨਿਧੀ ਸ਼ਾਮਲ ਹੋਏ, ਜਿਨ੍ਹਾਂ ਵਿੱਚੋਂ ਲਗਭਗ 40 ਭਾਗੀਦਾਰਾਂ ਨੇ ਨਿਰਧਾਰਤ ਵਿਸ਼ੇ ’ਤੇ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਉਨ੍ਹਾਂ ਨੇ ਹਰਿਆਣਾ ਦੇ ਰਾਜ ਗੀਤ ਦੀ ਲਾਇਨ ‘ਅਤਿਥੀ ਦੇਵੋ ਭਵ:, ਇੱਥੇ ਸੇਵਾ ਧਰਮ ਨਿਭਾਣਾ’ ਦਾ ਜ਼ਿਕਰ ਕਰਦੇ ਹੋਏ ਰਾਜ ਦੀ ਆਤਿਥੇਅਤਾ ਪਰੰਪਰਾ ਦੀ ਵਿਸ਼ੇਸ਼ ਤੌਰ ’ਤੇ ਪ੍ਰਸ਼ੰਸਾ ਕੀਤੀ।
ਵਿਧਾਨ ਸਭਾ ਸਪੀਕਰ ਨੇ ਕਿਹਾ ਕਿ ਕਾਨਫਰੰਸ ਦੇ ਉਦਘਾਟਨੀ ਸੈਸ਼ਨ ਵਿੱਚ ਹਰਿਆਣਾ ਵਿਧਾਨ ਸਭਾ ਦਾ ਸਦਨ ‘ਲਘੂ ਭਾਰਤ’ ਦਾ ਰੂਪ ਪੇਸ਼ ਕਰਦਾ ਨਜ਼ਰ ਆਇਆ, ਜਿੱਥੇ ਵੱਖ-ਵੱਖ ਰਾਜਾਂ ਅਤੇ ਦਲਾਂ ਦੇ ਜਨ-ਪ੍ਰਤੀਨਿਧੀ ਇੱਕੱਠੇ ਬੈਠੇ ਦਿਖਾਈ ਦਿੱਤੇ। ਇਸ ਪ੍ਰਬੰਧ ਦੀ ਭਾਗੀਦਾਰਾਂ ਨੇ ਵਿਸ਼ੇਸ਼ ਸ਼ਲਾਘਾ ਕੀਤੀ।
ਕਾਨਫਰੰਸ ਦੇ ਸਮਾਪਨ ’ਤੇ 4 ਲਿਖਤੀ ਸੰਕਲਪ ਪਾਸ ਕੀਤੇ ਗਏ, ਜਦਕਿ ਉੱਤਮ ਮੇਜ਼ਬਾਨੀ ਅਤੇ ਸੁਚੱਜੇ ਆਯੋਜਨ ਲਈ ਵਿਧਾਨ ਸਭਾ ਸਪੀਕਰ ਹਰਵਿੰਦਰ ਕਲਿਆਣ ਪ੍ਰਤੀ ਧੰਨਵਾਦ ਦਾ ਇੱਕ ਅਲਿਖਿਤ ਪ੍ਰਸਤਾਵ ਵੀ ਧੁਨੀਮਤ ਨਾਲ ਮਨਜ਼ੂਰ ਕੀਤਾ ਗਿਆ। ਵਿਧਾਨ ਸਭਾ ਸਪੀਕਰ ਹਰਵਿੰਦਰ ਕਲਿਆਣ ਬੁੱਧਵਾਰ ਨੂੰ ਮਹਿਮਾਨਾਂ ਨੂੰ ਸਨਮਾਨ ਸਹਿਤ ਵਿਦਾ ਕਰਨ ਵਿੱਚ ਰੁੱਝੇ ਰਹੇ।
ਉਨ੍ਹਾਂ ਨੇ ਹਰ ਮਹਿਮਾਨ ਦੀ ਸਹਾਇਤਾ ਲਈ ਜਿੱਥੇ ਸੰਪਰਕ ਅਧਿਕਾਰੀ ਤਾਇਨਾਤ ਕੀਤੇ ਹੋਏ ਸਨ, ਉੱਥੇ ਹੀ ਉਹ ਖੁਦ ਵੀ ਹਰ ਵਿਅਕਤੀ ਦੀ ਸਹੂਲਤ ਦਾ ਧਿਆਨ ਰੱਖਦੇ ਰਹੇ। ਵਿਧਾਨ ਸਭਾ ਸਪੀਕਰ ਨੇ ਸੂਬੇ ਦੇ ਮੁੱਖ ਮੰਤਰੀ ਨਾਇਬ ਸਿੰਘ, ਸੂਬਾ ਸਰਕਾਰ ਅਤੇ ਇਸ ਦੇ ਸਾਰੇ ਵਿਭਾਗਾਂ ਦਾ ਵਿਸ਼ੇਸ਼ ਤੌਰ ’ਤੇ ਧੰਨਵਾਦ ਕੀਤਾ ਹੈ।
ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਹਰਿਆਣਾ ਸਰਕਾਰ ਅਤੇ ਵਿਧਾਨ ਸਭਾ ਦੇ ਅਧਿਕਾਰੀਆਂ ਤੇ ਕਰਮਚਾਰੀਆਂ ਦੀ ਦਿਨ-ਰਾਤ ਦੀ ਮਿਹਨਤ ਅਤੇ ਲਗਨ ਨਾਲ ਇਸ ਆਯੋਜਨ ਨੂੰ ਭਵਿਆ ਰੂਪ ਦਿੱਤਾ ਜਾ ਸਕਿਆ। ਵਿਧਾਨ ਸਭਾ ਸਪੀਕਰ ਨੇ ਮੀਡੀਆ ਕਰਮੀਆਂ ਦਾ ਵੀ ਵਿਸ਼ੇਸ਼ ਧੰਨਵਾਦ ਕਰਦਿਆਂ ਕਿਹਾ ਕਿ ਸਮਾਚਾਰ ਮਾਧਿਅਮਾਂ ਨੇ ਰਚਨਾਤਮਕ ਦ੍ਰਿਸ਼ਟੀਕੋਣ ਅਪਣਾਉਂਦੇ ਹੋਏ ਕਾਨਫਰੰਸ ਦੇ ਵਿਚਾਰ-ਵਟਾਂਦਰੇ ਨੂੰ ਜਨ-ਜਨ ਤੱਕ ਪਹੁੰਚਾਇਆ ਹੈ।
ਇਸ ਨਾਲ ਸਮਾਜ ਵਿੱਚ ਸੰਵਿਧਾਨਕ ਮੁੱਲਾਂ ਪ੍ਰਤੀ ਨਿਸ਼ਠਾ ਹੋਰ ਮਜ਼ਬੂਤ ਹੋਈ ਹੈ।
ਵਾਲ ਆਫ ਮੈਮੋਰੀ ਬਣੀ ਖਿੱਚ ਦਾ ਕੇਂਦਰ
ਕਾਨਫਰੰਸ ਦੇ ਮੁੱਖ ਓਡੀਟੋਰਿਅਮ ਦੇ ਨੇੜੇ ‘ਵਾਲ ਆਫ ਮੈਮੋਰੀ’ ਸਥਾਪਿਤ ਕੀਤੀ ਗਈ। ਇਸ ’ਤੇ ਵੱਖ-ਵੱਖ ਰਾਜਾਂ ਦੇ ਜਨ-ਪ੍ਰਤੀਨਿਧੀਆਂ ਨੇ ਇਸ ਆਯੋਜਨ ਬਾਰੇ ਆਪਣੀਆਂ ਆਗੰਤੁਕ ਟਿੱਪਣੀਆਂ ਵਿਲੱਖਣ ਅੰਦਾਜ਼ ਵਿੱਚ ਦਰਜ ਕੀਤੀਆਂ। ਭਾਗੀਦਾਰਾਂ ਨੇ ਇਸ ਮੰਚ ਨੂੰ ਸਿੱਖਣ ਦੀ ਅਦਭੁਤ ਕੋਸ਼ਿਸ਼ ਅਤੇ ਲੋਕਤਾਂਤ੍ਰਿਕ ਮੁੱਲਾਂ ਦੀ ਬੇਮਿਸਾਲ ਵਿਆਖਿਆ ਦੱਸਿਆ।
ਉਨ੍ਹਾਂ ਨੇ ਆਪਣੀਆਂ ਟਿੱਪਣੀਆਂ ਵਿੱਚ ਇਸ ਨੂੰ ਇੱਕ ਵਧੀਆ ਯਤਨ ਅਤੇ ਸ਼ਾਨਦਾਰ ਤਜਰਬਾ ਕਰਾਰ ਦਿੱਤਾ। ਇਸ ਨੂੰ ਭਵਿੱਖ ਲਈ ਫਲਦਾਇਕ ਚਿੰਤਨ ਵਾਸਤੇ ਸੁਚੱਜਾ ਆਯੋਜਨ ਵੀ ਦੱਸਿਆ ਗਿਆ। ਇੱਥੇ ਵੱਡੀ ਗਿਣਤੀ ਵਿੱਚ ਭਾਗੀਦਾਰਾਂ ਨੇ ਆਪਣੇ ਤਜਰਬੇ ਸਾਂਝੇ ਕੀਤੇ।
ਸੰਸਦੀ ਖੋਜ ਅਤੇ ਨਵੀਨਤਾ ਕੇਂਦਰ
ਕਾਨਫਰੰਸ ਦੇ ਪਹਿਲੇ ਦਿਨ ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ ‘ਸੰਸਦੀ ਖੋਜ ਅਤੇ ਨਵੀਨਤਾ ਕੇਂਦਰ’ ਦਾ ਉਦਘਾਟਨ ਕੀਤਾ। ਇਸ ਕੇਂਦਰ ਰਾਹੀਂ ਵਿਧਾਇਕਾਂ, ਕਮੇਟੀ ਚੇਅਰਮੈਨਾਂ ਅਤੇ ਉਨ੍ਹਾਂ ਦੇ ਮੈਂਬਰਾਂ ਨੂੰ ਤੱਥ-ਆਧਾਰਿਤ ਖੋਜ, ਵਿਸ਼ਲੇਸ਼ਣ ਅਤੇ ਸੰਦਰਭ ਸਮੱਗਰੀ ਉਪਲਬਧ ਕਰਵਾਈ ਜਾਵੇਗੀ। ਇਹ ਕੇਂਦਰ ਵਿਧਾਨਕ ਅਤੇ ਸੰਸਦੀ ਕਾਰਜਾਂ ਦੇ ਪ੍ਰਭਾਵੀ ਸੰਚਾਲਨ ਵਿੱਚ ਸਹਿਯੋਗ ਦੇਵੇਗਾ ਅਤੇ ਉੱਤਮ ਸੰਸਦੀ ਅਤੇ ਵਿਧਾਨਕ ਪ੍ਰਕਿਰਿਆਵਾਂ ਪ੍ਰਤੀ ਜਾਗਰੂਕਤਾ ਵਧਾਉਣ ਵਰਗੇ ਕੰਮ ਕਰੇਗਾ।
ਲੋਕਤੰਤਰ ਗੈਲਰੀ
ਕਾਨਫਰੰਸ ਦੇ ਪਹਿਲੇ ਦਿਨ ਵਿਧਾਨ ਪਰਿਸਰ ਵਿੱਚ ਲੋਕਤੰਤਰ ਗੈਲਰੀ ਦਾ ਵੀ ਉਦਘਾਟਨ ਕੀਤਾ ਗਿਆ। ਇਸ ਗੈਲਰੀ ਦਾ ਉਦੇਸ਼ ਨਾਗਰਿਕਾਂ, ਖ਼ਾਸ ਕਰਕੇ ਵਿਦਿਆਰਥੀਆਂ ਅਤੇ ਨੌਜਵਾਨਾਂ ਨੂੰ ਭਾਰਤੀ ਸੰਵਿਧਾਨ, ਲੋਕਤਾਂਤ੍ਰਿਕ ਮੁੱਲਾਂ ਅਤੇ ਵਿਧਾਇਕਾ ਦੀ ਕਾਰਜ-ਪ੍ਰਣਾਲੀ ਨਾਲ ਜਾਣੂ ਕਰਵਾਉਣਾ ਹੈ। ਇਹ ਗੈਲਰੀ ਸੈਲਾਨੀਆਂ ਨੂੰ ਵਿਧਾਨ ਸਭਾ ਦੀ ਭੂਮਿਕਾ, ਵਿਧਾਨਕ ਪ੍ਰਕਿਰਿਆ ਅਤੇ ਲੋਕਤਾਂਤ੍ਰਿਕ ਸੰਸਥਾਵਾਂ ਦੇ ਮਹੱਤਵ ਬਾਰੇ ਸਰਲ ਅਤੇ ਆਕਰਸ਼ਕ ਮਾਧਿਅਮਾਂ ਰਾਹੀਂ ਜਾਣਕਾਰੀ ਪ੍ਰਦਾਨ ਕਰਦੀ ਹੈ।
ਵਾਤਾਵਰਣ ਸੰਰਖਣ ਲਈ ਈ-ਬੱਸ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸਰੋਤਾਂ ਦੇ ਸੁਝਬੂਝ ਨਾਲ ਉਪਯੋਗ ਅਤੇ ਈਂਧਨ ਦੀ ਖਪਤ ਘਟਾਉਣ ਦੇ ਆਹਵਾਨ ਦੀ ਪਾਲਣਾ ਕਰਦੇ ਹੋਏ ਕਾਨਫਰੰਸ ਵਿੱਚ ਆਉਣ ਵਾਲੇ ਪ੍ਰਤੀਨਿਧੀਆਂ ਅਤੇ ਅਧਿਕਾਰੀਆਂ ਦੇ ਆਵਾਜਾਈ ਪ੍ਰਬੰਧ ਕੁਝ ਰੂਟਾਂ ’ਤੇ ਈ-ਬੱਸਾਂ ਰਾਹੀਂ ਕੀਤੇ ਗਏ। ਇਸ ਪਹਿਲ ਨਾਲ ਨਾ ਸਿਰਫ਼ ਪੈਟਰੋਲਿਅਮ ਪਦਾਰਥਾਂ ਦੀ ਖਪਤ ਵਿੱਚ ਕਮੀ ਆਈ, ਸਗੋਂ ਵੱਡੇ ਵਾਹਨਾਂ ਦੇ ਸਾਂਝੇ ਉਪਯੋਗ ਨਾਲ ਆਵਾਜਾਈ ਖਰਚ ਵਿੱਚ ਵੀ ਮਹੱਤਵਪੂਰਨ ਬਚਤ ਹੋਈ।
ਸਾਰੇ ਪੀਠਾਸੀਨ ਅਧਿਕਾਰੀਆਂ, ਮਾਣਯੋਗ ਰਾਜਪਾਲ, ਮੁੱਖ ਮੰਤਰੀ ਸਮੇਤ ਵੱਡੀ ਗਿਣਤੀ ਵਿੱਚ ਵਿਸ਼ੇਸ਼ ਮਹਿਮਾਨਾਂ ਨੇ ਇਨ੍ਹਾਂ ਬੱਸਾਂ ਵਿੱਚ ਸਫ਼ਰ ਕੀਤਾ।
ਨਾਟਕ ਮੰਚਨ
ਸੋਮਵਾਰ ਨੂੰ ਉਦਘਾਟਨੀ ਸੈਸ਼ਨ ਤੋਂ ਬਾਅਦ ਸੈਕਟਰ-18 ਸਥਿਤ ਟੈਗੋਰ ਥੀਏਟਰ ਵਿੱਚ ਸੰਵਿਧਾਨਕ ਮੁੱਲਾਂ ’ਤੇ ਆਧਾਰਿਤ ਵਿਸ਼ੇਸ਼ ਰੰਗਮੰਚੀ ਪੇਸ਼ਕਾਰੀ ‘ਸੰਵਿਧਾਨ ਕੇ ਨਾਇਕ’ ਨਾਟਕ ਦਾ ਮੰਚਨ ਕੀਤਾ ਗਿਆ। ਇਸ ਨਾਟਕ ਲਈ ਵਿਸ਼ੇਸ਼ ਸਕ੍ਰਿਪਟ ਤਿਆਰ ਕਰਵਾਈ ਗਈ ਸੀ। ਇਸ ਦਾ ਉਦੇਸ਼ ਸੰਵਿਧਾਨ ਦੇ ਆਦਰਸ਼ਾਂ, ਮੁੱਲਾਂ ਅਤੇ ਨਾਗਰਿਕ ਫ਼ਰਜ਼ਾਂ ਪ੍ਰਤੀ ਜਨ-ਜਾਗਰੂਕਤਾ ਵਧਾਉਣਾ ਸੀ।
ਰਾਸ ਕਲਾ ਮੰਚ ਦੇ ਕਲਾਕਾਰਾਂ ਨੇ ਇਹ ਪੇਸ਼ਕਾਰੀ ਦਿੱਤੀ। ਇਸ ਨਾਟਕ ਨੂੰ ਦੋਵੇਂ ਰਾਜਾਂ ਦੇ ਰਾਜਪਾਲਾਂ, ਲੋਕ ਸਭਾ ਸਪੀਕਰ, ਰਾਜ ਸਭਾ ਉਪ-ਸਭਾਪਤੀ, ਮੁੱਖ ਮੰਤਰੀ, ਵਿਧਾਨ ਸਭਾ ਸਪੀਕਰ, ਮੰਤਰੀਆਂ ਅਤੇ ਮੈਂਬਰਾਂ ਨੇ ਦੇਖਿਆ।