ਬੀਤੇ ਦਿਨੀ ਰੋਟਰੀ ਕਲੱਬ ਰੋਪੜ ਸੈਂਟਰਲ ਵੱਲੋ ਸਲਾਨਾ ਟਰਮ ਦੀ ਸਮਾਪਤੀ ਮੌਕੇ ਗਵਰਨਰ ਆਫੀਸ਼ੀਅਲ ਵਿਜ਼ਿਟ ਦਾ ਇਕ ਵਿਸ਼ੇਸ਼ ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਡਿਸਟਰਿਕਟ ਗਵਰਨਰ 3080 ਰੋਟੇਰੀਅਨ ਰਵੀ ਪ੍ਰਕਾਸ਼ ਅਤੇ ਫਸਟ ਲੇਡੀ ਰੋਟੇਰੀਅਨ ਸ਼ਾਲਨੀ ਨੇ ਇਸ ਸਮਾਗਮ ਚ ਅਧਿਕਾਰਤ ਤੌਰ ਤੇ ਸ਼ਮੂਲੀਅਤ ਕੀਤੀ।
ਇਸ ਮੌਕੇ ਰੋਟਰੀ ਕਲੱਬ ਰੋਪੜ ਸੈਂਟਰਲ ਦੇ ਪ੍ਰਧਾਨ ਰੁਮਿੰਦਰ ਸਿੰਘ ਤੇ ਕਲੱਬ ਮੈਬਰਾਂ ਵੱਲੋਂ ਡਿਸਟਰਿਕਟ ਗਵਰਨਰ ਦੇ ਸਾਹਮਣੇ ਆਪਣੇ ਬੀਤੇ ਇਕ ਸਾਲ ਦਾ ਰਿਪੋਰਟ ਕਾਰਡ ਪੇਸ਼ ਕੀਤਾ ਤੇ ਦੱਸਿਆ ਗਿਆ ਕਿਵੇਂ ਪ੍ਰਧਾਨ ਰੁਮਿੰਦਰ ਸਿੰਘ ਨੇ 2025-26 ਦੇ ਕਾਰਜਕਾਲ ਦੌਰਾਨ 167 ਪ੍ਰੋਜੈਕਟ ਕੀਤੇ ਜਿਸ ਵਿੱਚ ਵਾਤਾਵਰਨ, ਬੱਚਿਆਂ ਦੀ ਐਜੂਕੇਸ਼ਨ, ਬੱਚਿਆਂ ਅਤੇ ਵੁਮਨ ਹੈਲਥ, ਖੂਨਦਾਨ ਕੈਂਪ, ਸੜਕ ਸੁਰੱਖਿਆ ਅਵੇਅਰਨੈਸ ਵਰਗੇ ਅਨੇਕਾਂ ਪ੍ਰੋਜੈਕਟ ਕੀਤੇ। ਇਸ ਮੌਕੇ ਡਿਸਟਰਿਕਟ ਗਵਰਨਰ ਰਵੀ ਪ੍ਰਕਾਸ਼ ਵੱਲੋਂ ਆਪਣੇ ਸੰਬੋਧਨ ਦੌਰਾਨ ਕਿਹਾ ਗਿਆ ਕਿ ਰੋਟਰੀ ਡਿਸਟਰਿਕਟ 3080 ਦਾ ਘੇਰਾ ਬਹੁਤ ਹੀ ਵਿਸ਼ਾਲ ਹੈ।
ਜਿਸ ਵਿੱਚ ਪੰਜ ਰਾਜਾਂ( ਪੰਜਾਬ, ਹਰਿਆਣਾ, ਹਿਮਾਚਲ, ਉਤਰਾਖੰਡ, ਯੂਪੀ) ਤੇ ਚੰਡੀਗੜ੍ਹ ਦੇ ਲੱਗਭਗ 17 ਰੈਵੇਨਿਊ ਡਿਸਟਰਿਕਟ ਆਉਦੇ ਹਨ। ਇਸ ਮੌਕੇ ਉਹਨਾਂ ਕਿਹਾ ਕਿ ਇਸ ਆਫੀਸ਼ੀਅਲ ਵਿਜ਼ਿਟ ਦਾ ਮੁੱਖ ਮਕਸਦ ਕਲੱਬ ਵੱਲੋਂ ਕੀਤੇ ਗਏ ਸਮਾਜ ਭਲਾਈ ਤੇ ਹੋਰ ਪ੍ਰੋਜੈਕਟਾਂ ਦੀ ਜਾਂਚ ਕਰਨਾ ਹੁੰਦਾ ਹੈ।
ਇਸ ਮੌਕੇ ਉਹਨਾਂ ਰੋਟਰੀ ਕਲੱਬ ਰੋਪੜ ਸੈਂਟਰਲ ਦੇ ਪ੍ਰਧਾਨ ਰੁਮਿੰਦਰ ਸਿੰਘ ਤੇ ਸਾਰੇ ਕਲੱਬ ਰੋਟੇਰੀਅਨ ਮੈਬਰਾਂ ਦੀ ਸ਼ਲਾਘਾ ਕੀਤੀ ਕਿ ਉਹ ਬਹੁਤ ਥੋੜੇ ਸਮੇਂ ਦੇ ਦੌਰਾਨ ਬਹੁਤ ਉਤਸ਼ਾਹ ਦੇ ਨਾਲ ਬਹੁਤ ਵਧੀਆ ਢੰਗ ਨਾਲ ਵਧੀਆ ਪ੍ਰੋਜੇਕਟ ਕਰ ਰਹੇ ਹਨ। ਇਸ ਮੌਕੇ ਉਹਨਾਂ ਹੋਰ ਮੈਬਰ ਰੋਟੇਰੀਅਨਾਂ ਨੂੰ ਵੀ ਰੋਟਰੀ ਕਲੱਬ ਨਾਲ ਜੋੜਨ ਲਈ ਉਤਸ਼ਾਹਿਤ ਕੀਤਾ ਤੇ ਨਵੇਂ ਜੁੜ ਰਹੇ ਰੋਟੇਰੀਅਨਾਂ ਨੂੰ ਵੀ ਉਤਸ਼ਾਹ ਨਾਲ ਕੰਮ ਲਈ ਪ੍ਰੇਰਿਤ ਕੀਤਾ।
ਇਸ ਮੌਕੇ ਡਿਸਟਰਿਕਟ ਗਵਰਨਰ ਰਵੀ ਪ੍ਰਕਾਸ਼ ਜੀ ਨੇ ਦਵਿੰਦਰ ਸਿੰਘ ਜਟਾਣਾ ਜੀ ਨੂੰ ਜੀ ਆਇਆਂ ਨੂੰ ਆਖ ਕੇ ਸਵਾਗਤ ਕੀਤਾ ਜਿਹਨਾ ਨੂੰ ਰੋਟਰੀ ਕਲੱਬ ਰੋਪੜ ਸੈਂਟਰਲ ਦਾ ਹੋਨਰੀ ਮੈਂਬਰ ਬਣਾਇਆ ਗਿਆ ਜਿਨਾਂ ਵੱਲੋਂ ਹਰ ਘਰ ਮੋਰਿੰਗਾ ਮੁਹਿਮ ਦੇ ਵਿੱਚ ਵਡਮੁੱਲਾ ਯੋਗਦਾਨ ਪਾਇਆ ਗਿਆ। ਇਸ ਮੌਕੇ ਰੋਟਰੀ ਕਲੱਬ ਰੋਪੜ ਸੈਂਟਰਲ ਵੱਲੋਂ ਕੁਝ ਸਨਮਾਨਿਤ ਸ਼ਖਸ਼ੀਅਤਾਂ ਨੂੰ ਵਿਸ਼ੇਸ਼ ਤੋਰ ਤੇ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਮੰਚ ਦਾ ਸੰਚਾਲਨ ਪ੍ਰੈਜੀਡੈਂਟ ਇਲੈਕਟ ਰੋਟੇਰੀਅਨ ਡਾਕਟਰ ਸ਼ੈਲੇਸ਼ ਸ਼ਰਮਾ ਨੇ ਬਹੁਤ ਹੀ ਵਿਲੱਖਣ ਅੰਦਾਜ ਨਾਲ ਨਿਭਾਆਇਆ। ਇਸ ਸਮਾਗਮ ਦੇ ਅੰਤ ਚ ਸੈਕਟਰੀ ਰੋਟੇਰੀਅਨ ਗੁਰਜਿੰਦਰ ਸਿੰਘ ਨੇ ਆਏ ਹੋਏ ਡਿਸਟਰਿਕਟ ਗਵਰਨਰ ਰਵੀ ਪ੍ਰਕਾਸ਼ ਅਤੇ ਫਸਟ ਲੇਡੀ ਰੋਟੇਰੀਅਨ ਸ਼ਾਲਨੀ ਤੇ ਹੋਰ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਡਿਸਟਰਿਕਟ ਗਵਰਨਰ 3080 ਰੋਟੇਰੀਅਨ ਰਵੀ ਪ੍ਰਕਾਸ਼ ਅਤੇ ਫਸਟ ਲੇਡੀ ਰੋਟੇਰੀਅਨ ਸ਼ਾਲਨੀ ,ਅਸਿਸਟੈਂਟ ਗਵਰਨਰ ਰੋਟੇਰੀਅਨ ਐਡਵੋਕੇਟ ਗੁਰਪ੍ਰੀਤ ਸਿੰਘ ਅਤੇ ਮੈਡਮ ਅਮੀਸ਼ਾ।
ਪ੍ਰਧਾਨ ਰੋਟਰੀ ਕਲੱਬ ਰੋਪੜ ਸੈਂਟਰਲ ਰੋਟੇਰੀਅਨ ਰੁਮਿੰਦਰ ਸਿੰਘ ਅਤੇ ਫਸਟ ਲੇਡੀ ਕਲੱਬ ਦਮਨਪ੍ਰੀਤ ਕੌਰ ,ਸੈਕਟਰੀ ਰੋਟੇਰੀਅਨ ਗੁਰਜਿੰਦਰ ਸਿੰਘ,ਸਾਬਕਾ ਪ੍ਰਧਾਨ ਰੋਟੇਰੀਅਨ ਅਜਮੇਰ ਸਿੰਘ, ਸਾਬਕਾ ਪ੍ਰਧਾਨ ਰੋਟੇਰੀਅਨ ਕੁਲਤਾਰ ਸਿੰਘ, ਕੈਸ਼ੀਅਰ ਰੋਟੇਰੀਅਨ ਰਾਜੂ ਵਰਮਾ ,ਪ੍ਰੈਜੀਡੈਂਟ ਇਲੈਕਟ ਰੋਟੇਰੀਅਨ ਡਾਕਟਰ ਸ਼ੈਲੇਸ਼ ਸ਼ਰਮਾ, ਸੈਕਟਰੀ ਇਲੈਕਟ ਸੀਏ ਕਪਿਲ ਵੋਹਰਾ, ਰੋਟੇਰੀਅਨ ਸਰਬਜੀਤ ਸਿੰਘ, ਰੋਟੇਰੀਅਨ ਡਾ ਹਰਮਨਦੀਪ ਸਿੰਘ, ਰੋਟੇਰੀਅਨ ਰੋਹਿਤ ਸੈਣੀ, ਰੋਟੇਰੀਅਨ ਰੁਪਿੰਦਰ ਸਿੰਘ, ਰੋਟੇਰੀਅਨ ਅਮਨਪ੍ਰੀਤ ਸਿੰਘ ਕਾਬੜਵਾਲ, ਰੋਟੇਰੀਅਨ ਕੁਲਜੀਤ ਸਿੰਘ, ਰੋਟੇਰੀਅਨ ਡਾਕਟਰ ਪਰਮਵੀਰ ਸਿੰਘ, ਗਗਨਦੀਪ ਸਿੰਘ,ਮਾਸਟਰ ਗਗਨਦੀਪ ਸਿੰਘ ਜਸਕਰਨ ਸਿੰਘ, ਡਾਕਟਰ ਤਜਿੰਦਰ ਸਿੰਘ ਕੁਲਵਿੰਦਰ ਸਿੰਘ, ਸੁਖਦੇਵ ਸਿੰਘ, ਅਵਤਾਰ ਸਿੰਘ ਐਮ ਡੀ ਲਾਈਵ ਕੇਅਰ ਫਾਊਂਡੇਸ਼ਨ, ਮਨਦੀਪ ਸਿੰਘ ਲਾਈਵ ਕੇਅਰ ਫਾਊਂਡੇਸ਼ਨ, ਦਲਜੀਤ ਸਿੰਘ ਮੈਨੇਜਰ ਲਾਈਫ ਕੇਅਰ ਫਾਊਂਡੇਸ਼ਨ, ਜਗਜੀਤ ਸਿੰਘ ਜੱਗੀ ਪੀ ਟੀ ਸੀ ਨਿਊਜ, ਮਨਜਿੰਦਰ ਸਿੰਘ ਮਨੀ ਲਾਡਲ ,ਮਨਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ।