ਪਾਰਸ ਹੈਲਥ ਨੇ ਲੋਕਾਂ ਨੂੰ ਘਰ ਦੇ ਨੇੜੇ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾਉਣ ਲਈ ਮੋਹਾਲੀ ਵਿੱਚ ਆਪਣਾ ਪਹਿਲਾ ਪਾਰਸ ਮੈਡਸੈਂਟਰ ਸ਼ੁਰੂ ਕੀਤਾ ਹੈ। ਇਸਦਾ ਉਦਘਾਟਨ ਗਰੁੱਪ COO ਵਿਨੀਤ ਅਗਰਵਾਲ, ਡਾ. ਪੰਕਜ ਮਿੱਤਲ ਅਤੇ ਹੋਰ ਸੀਨੀਅਰ ਡਾਕਟਰਾਂ ਦੀ ਹਾਜ਼ਰੀ ਵਿੱਚ ਕੀਤਾ ਗਿਆ।ਇਸ ਮੈਡਸੈਂਟਰ ਵਿੱਚ ਡਾਕਟਰੀ ਸਲਾਹ, ਟੈਸਟ ਅਤੇ ਫਾਲੋ-ਅਪ ਇਲਾਜ ਦੀ ਸਹੂਲਤ ਮਿਲੇਗੀ। ਪਾਰਸ ਹੈਲਥ ਪੰਚਕੂਲਾ ਦੇ ਮਾਹਿਰ ਡਾਕਟਰ ਵੀ ਇੱਥੇ ਸਮੇਂ-ਸਮੇਂ ਤੇ ਮਰੀਜ਼ਾਂ ਨੂੰ ਦੇਖਣਗੇ।
ਇਹ ਕੇਂਦਰ ਮੋਹਾਲੀ ਅਤੇ ਨੇੜਲੇ ਇਲਾਕਿਆਂ ਦੇ ਲੋਕਾਂ ਲਈ ਫਾਇਦੇਮੰਦ ਰਹੇਗਾ, ਕਿਉਂਕਿ ਹੁਣ ਉਨ੍ਹਾਂ ਨੂੰ ਛੋਟੀਆਂ ਸਿਹਤ ਸਮੱਸਿਆਵਾਂ ਲਈ ਦੂਰ ਨਹੀਂ ਜਾਣਾ ਪਵੇਗਾ। ਇਸ ਨਾਲ ਸਮੇਂ ਸਿਰ ਤੇ ਸਸਤਾ ਇਲਾਜ ਮਿਲਣਾ ਆਸਾਨ ਹੋਵੇਗਾ। ਪਾਰਸ ਹੈਲਥ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਪਹਿਲ ਦਾ ਮਕਸਦ ਮਾਹਿਰ ਸਿਹਤ ਸੇਵਾਵਾਂ ਨੂੰ ਲੋਕਾਂ ਦੇ ਘਰ ਦੇ ਨੇੜੇ ਲਿਆਉਣਾ ਹੈ, ਤਾਂ ਜੋ ਮਰੀਜ਼ ਸਮੇਂ ਤੇ ਇਲਾਜ ਕਰਵਾ ਸਕਣ ਅਤੇ ਆਪਣੀ ਸਿਹਤ ਦਾ ਵਧੀਆ ਧਿਆਨ ਰੱਖ ਸਕਣ।