ਹਰਿਆਣਾ ਵਿੱਚ ਪੀਐਮ ਗਤੀਸ਼ਕਤੀ ਪਹਿਲ ਤਹਿਤ ਬੁਨਿਆਦੀ ਢਾਂਚਾ ਵਿਕਾਸ ਨੂੰ ਤੇਜ ਕਰਦੇ ਹੋਏ 42 ਪ੍ਰਮੁੱਖ ਪ੍ਰੋਜੈਕਟਾਂ ਨੂੰ ਮੈਪ ਕੀਤਾ ਗਿਆ ਹੈ, ਜਦੋਂ ਕਿ 40 ਹੋਰ ਪ੍ਰੋਜੈਕਟ ਪਾਇਪ ਲਾਇਨ ਵਿੱਚ ਹਨ।ਮੁੱਖ ਸਕੱਤਰ ਸ੍ਰੀ ਅਨੁਰਾਗ ਰਸਤੋਗੀ ਨੇ ਅੱਜ ਵੱਖ-ਵੱਖ ਵਿਭਾਗਾਂ ਵਿੱਚ ਪ੍ਰਗਤੀ ਦੀ ਸਮੀਖਿਆ ਲਈ ਮੀਟਿੰਗ ਦੀ ਅਗਵਾਈ ਕਰਦੇ ਹੋਏ ਪ੍ਰੋਜੈਕਟਾਂ ਦੇ ਜਲਦੀ ਲਾਗੂ ਕਰਨ ਦੇ ਨਿਰਦੇਸ਼ ਦਿੱਤੇ। ਉਦਯੋਗ ਅਤੇ ਵਣਜ ਵਿਭਾਗ ਵੱਲੋਂ ਆਯੋਜਿਤ ਇਸ ਮੀਟਿੰਗ ਵਿੱਚ ਏਕੀਕ੍ਰਿਤ ਯੋਜਨਾ, ਵਿਭਾਗਾਂ ਦੇ ਵਿੱਚ ਤਾਲਮੇਲ ਨੂੰ ਬਿਹਤਰ ਬਨਾਉਣ ਅਤੇ ਪ੍ਰੋਜੈਕਟਾਂ ਨੂੰ ਸਮੇਂਬੱਧ ਢੰਗ ਨਾਲ ਪੂਰਾ ਕਰਨ 'ਤੇ ਵਿਸ਼ੇਸ਼ ਜੋਰ ਦਿੱਤਾ ਗਿਆ।
ਮੁੱਖ ਸਕੱਤਰ ਨੇ ਕਿਹਾ ਕਿ ਸਾਰੀ ਪ੍ਰਮੁੱਖ ਪ੍ਰੋਜੈਕਟਾਂ ਲਈ ਪੀਐਮ ਗਤੀਸ਼ਕਤੀ ਨੁੰ ਕੇਂਦਰੀ ਯੋਜਨਾ ਉਪਕਰਣ ਵਜੋ ਅਪਣਾਇਆ ਜਾਵੇ, ਜਿਸ ਤੋਂ ਪਾਰਦਰਸ਼ਿਤਾ, ਕੁਸ਼ਲਤਾ ਅਤੇ ਬਿਹਤਰ ਨਤੀਜੇ ਯਕੀਨੀ ਕੀਤੇ ਜਾ ਸਕਣ। ਉਨ੍ਹਾਂ ਨੇ ਪ੍ਰੋਜੈਕਟਾਂ ਦੀ ਸਖਤ ਨਿਗਰਾਨੀ, ਬਿਹਤਰ ਤਾਲਮੇਲ ਅਤੇ ਸਮੇਂ 'ਤੇ ਪੂਰਾ ਕਰਨ 'ਤੇ ਜੋਰ ਦਿੰਦੇ ਹੋਏ ਕਿਹਾ ਕਿ ਪੀਐਮ ਗਤੀਸ਼ਕਤੀ ਦੇ ਪ੍ਰਭਾਵੀ ਲਾਗੂ ਕਰਨ ਨਾਲ ਨਾ ਸਿਰਫ ਬੁਨਿਆਦੀ ਢਾਂਚਾ ਵਿਕਾਸ ਨੂੰ ਗਤੀ ਮਿਲੇਗੀ, ਸਗੋ ਇਹ ਨਿਵੇਸ਼ ਨੂੰ ਖਿੱਚਣ , ਰੁਜ਼ਗਾਰ ਸ੍ਰਿਜਨ ਅਤੇ ਹਰਿਆਣਾ ਨੂੰ ਲਾਜਿਸਟਿਕਸ ਤੇ ਉਦਯੋਗਿਕ ਵਿਕਾਸ ਦੇ ਖੇਤਰ ਵਿੱਚ ਮੋਹਰੀ ਸੂਬਾ ਬਨਾਉਣ ਵਿੱਚ ਵੀ ਸਹਾਇਕ ਹੋਵੇਗਾ।
ਮੁੱਖ ਸਕੱਤਰ ਨੇ ਦੋਹਰਾਇਆ ਕਿ 100 ਕਰੋੜ ਰੁਪਏ ਤੋਂ ਵੱਧ ਲਾਗਤ ਵਾਲੀ ਸਾਰੀ ਬੁਨਿਆਦੀ ਢਾਂਚਾ ਪ੍ਰੋਜੈਕਟਾਂ ਨੂੰ ਪੀਐਮ ਗਤੀਸ਼ਕਤੀ ਪਲੇਟਫਾਰਮ ਰਾਹੀਂ ਅੱਗੇ ਵਧਾਇਆ ਜਾਵੇਗਾ। ਇੰਨ੍ਹਾਂ ਪ੍ਰੋਜੈਕਟਾਂ ਦੀ ਸਮੀਖਿਆ ਨੈਟਵਰਕ ਪਲਾਨਿੰਗ ਗਰੁੱਪ ਅਤੇ ਏਂਪਰਡ ਗਰੁੱਪ ਆਫ ਸੇਕ੍ਰੇਟਰੀਜ ਵਰਗੇ ਤੰਤਰਾਂ ਰਾਹੀਂ ਕੀਤੀ ਆਵੇਗੀ, ਤਾਂ ਜੋ ਏਕੀਕ੍ਰਿਤ ਯੋਜਨਾ ਅਤੇ ਸਮੇਂਬੱਧ ਮੰਜੂਰੀ ਯਕੀਨੀ ਕੀਤੀ ਜਾ ਸਕੇ।
ਪੀਐਮ ਗਤੀ ਸ਼ਕਤੀ ਇੱਕ ਜੀਆਈਐਸ ਅਧਾਰਿਤ ਪਲੇਟਫਾਰਮ ਹੈ, ਜਿਸ ਵਿੱਚ 2400 ਤੋਂ ਵੱਧ ਡੇਟਾ ਲੇਅਰ ਏਕੀਕ੍ਰਿਤ ਹਨ। ਇਹ ਪਲੇਟਫਾਰਮ ਵਿਭਾਗਾਂ ਨੂੰ ਰਿਅਲ-ਟਾਇਮ ਜਾਣਕਾਰੀ ਉਪਲਬਧ ਕਰਾਉਂਦੇ ਹੋਏ ਵਿਗਿਆਨਕ ਅਤੇ ਡੇਟਾ-ਅਧਾਰਿਤ ਫੈਸਲੇ ਲੈਣ ਵਿੱਚ ਸਹਾਇਤਾ ਕਰਦੀ ਹੈ। ਇਹ ਪਲੇਟਫਾਰਮ ਬੁਨਿਆਦੀ ਢਾਂਚੇ ਦੀ ਕਮੀ ਦੀ ਪਹਿਚਾਣ ਅਤੇ ਬਿਹਤਰ ਰੂਟ ਪਲਾਨਿੰਗ ਵਿੱਚ ਸਹਾਇਤਾ ਕਰਦੀ ਹੈ, ਜਿਸ ਨਾਲ ਪ੍ਰੋਜੈਕਟਾਂ ਦੇ ਲਾਗੂ ਕਰਨ ਵਿੱਚ ਤੇਜੀ ਆਉਂਦੀ ਹੈ।
ਉਦਯੋਗ ਅਤੇ ਵਣਜ ਵਿਭਾਗ ਦੇ ਕਮਿਸ਼ਨਰ ਅਤੇ ਸਕੱਤਰ ਡਾ. ਅਮਿਤ ਕੁਮਾਰ ਅਗਰਵਾਲ ਨੇ ਦਸਿਆ ਕਿ 42 ਮੈਪ ਕੀਤੇ ਗਏ ਪ੍ਰੋਜੈਕਟਾਂ 11 ਵਿਭਾਗਾਂ ਨਾਲ ਸਬੰਧਿਤ ਹਨ, ਜਿਨ੍ਹਾਂ ਵਿੱਚ ਲੋਕ ਨਿਰਮਾਣ ਵਿਭਾਗ (ਭਵਨ ਅਤੇ ਸੜਕ), ਸਿੰਚਾਈ, ਸ਼ਹਿਰੀ ਸਥਾਨਕ ਨਿਗਮ, ਊਰਜਾ ਅਤੇ ਐਚਐਸਆਈਆਈਡੀਸੀ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਵੱਖ-ਵੱਖ ਵਿਭਾਗਾਂ ਦੀ 40 ਹੋਰ ਪ੍ਰੋਜੈਕਟਰਾਂ ਨੂੰ ਵੀ ਪੜਾਅਵਾਰ ਢੰਗ ਨਾਲ ਪਲੇਟਫਾਰਮ ਵਿੱਚ ਸ਼ਾਮਿਲ ਕੀਤਾ ਜਾਵੇਗਾ।
ਮੀਟਿੰਗ ਵਿੱਚ ਸਮਰੱਥਾ ਨਿਰਮਾਣ ਅਤੇ ਸੰਸਥਾਗਤ ਮਜਬੂਤੀਕਰਣ ਦੀ ਪ੍ਰਗਤੀ ਦੀ ਵੀ ਸਮੀਖਿਆ ਕੀਤੀ ਗਈ। ਹੁਣ ਤੱਕ 36 ਵਿਭਾਗਾਂ ਦੇ 500 ਤੋਂ ਵੱਧ ਅਧਿਕਾਰੀਆਂ ਨੂੰ 100 ਤੋਂ ਵੱਧ ਮੀਟਿੰਗਾਂ ਅਤੇ ਵਰਕਸ਼ਾਪਾਂ ਰਾਹੀਂ ਟ੍ਰੇਨਡ ਕੀਤਾ ਗਿਆ ਹੈ, ਜਿਸ ਨਾਲ ਮੁੱਖ ਦਫਤਰ ਅਤੇ ਫੀਲਡ ਪੱਧਰ 'ਤੇ ਪਲੇਟਫਾਰਮ ਦਾ ਵਿਆਪਕ ਵਰਤੋ ਯਕੀਨੀ ਹੋਇਆ ਹੈ।ਮੀਟਿੰਗ ਵਿੱਚ ਪੀਐਮ ਗਤੀ ਸ਼ਕਤੀ ਦੇ ਜਮੀਨੀ ਪ੍ਰਭਾਵ ਨੂੰ ਦਰਸ਼ਾਉਣ ਵਾਲੀ ਵਿਵਹਾਰਕ ਕੇਸ ਸਟਡੀ ਵੀ ਪੇਸ਼ ਕੀਤੀ ਗਈ।
ਇੱਕ ਕੇਸ ਸਟਡੀ ਵਿੱਚ ਅਜਿਹੇ ਪਿੰਡਾਂ ਦੀ ਪਹਿਚਾਣ ਕੀਤੀ ਗਈ ਜਿੱਥੇ ਬੱਸ ਕਿਯੂ ਸ਼ੈਲਟਰ ਅਤੇ ਪਬਲਿਕ ਟ੍ਰਾਂਸਪੋਰਟ ਦੀ ਸਹੂਲਤ ਨਹੀਂ ਸੀ। ਇਸ ਨਾਲ ਕਨੈਕਟੀਵਿਟੀ ਵਿੱਚ ਸੁਧਾਰ ਹੋਇਆ ਅਤੇ ਯਾਤਰਾ ਦੂਰੀ ਲਗਭਗ 9.5 ਕਿਲੋਮੀਟਰ ਤੋਂ ਘੱਟ ਕੇ ਕਰੀਬ 2 ਕਿਲੋਮੀਟਰ ਰਹਿ ਗਈ, ਜਿਸ ਨਾਲ ਨਾਗਰਿਕਾਂ ਦੀ ਟ੍ਰਾਂਸਪੋਰਟ ਲਾਗਤ ਵਿੱਚ ਵੀ ਕਮੀ ਆਈ। ਇਸ ਪਲੇਟਫਾਰਮ ਦੀ ਵਰਤੋ ਪ੍ਰਮੁੱਖ ਬੁਨਿਆਦੀ ਢਾਂਚਾ ਪਰਿਯੋਜਨਾਵਾਂ ਦੀ ਸਟੀਕ ਯੋਜਨਾ ਬਨਾਉਣ ਲਈ ਵੀ ਕੀਤਾ ਜਾ ਰਿਹਾ ਹੈ।
ਫਰੂਖਨਗਰ ਦੀ 12.11 ਕਿਲੋਮੀਟਰ ਲੰਬੀ ਗ੍ਰੀਨ ਫੀਲਡ ਰਿੰਗ ਰੋਡ ਪ੍ਰੋਜੈਕਟ ਦੀ ਯੋਜਨਾ ਵੀ ਇਸੀ ਪਲੇਟਫਾਰਮ ਰਾਹੀਂ ਤਿਆਰ ਕੀਤੀ ਗਈ ਹੈ।ਮੀਟਿੰਗ ਵਿੱਚ ਸੂਬੇ ਦੇ ਵੱਖ-ਵੱਖ ਜਿਲ੍ਹਿਆਂ ਵਿੱਚ ਗ੍ਰੀਨਫੀਲਡ ਉਦਯੋਗਿਕ ਪਾਰਕਾਂ ਦੀ ਯੋਜਨਾ ਦੀ ਵੀ ਸਮੀਖਿਆ ਕੀਤੀ ਗਈ। ਨਰਾਇਣਗੜ੍ਹ, ਰਿਵਾੜੀ, ਅੰਬਾਲਾ, ਫਰੀਦਾਬਾਦ, ਜੀਂਦ ਅਤੇ ਸੋਨੀਪਤ ਵਿੱਚ ਪ੍ਰਸਤਾਵਿਤ ਪ੍ਰੋਜੈਕਟਾਂ ਨਾਲ ਨਿਵੇਸ਼ ਵੱਧਣ, ਰੁਜ਼ਗਾਰ ਸ੍ਰਿਜਨ ਅਤੇ ਖੇਤਰੀ ਉਦਯੋਗਿਕ ਵਿਕਾਸ ਨੂੰ ਪ੍ਰੋਤਸਾਹਨ ਮਿਲਣ ਦੀ ਉਮੀਦ ਹੈ।
ਰਾਜ ਨੇ ਡੇਟਾ ਗਵਰਨੈਂਸ ਨੂੰ ਵੀ ਮਜਬੂਤ ਕਰਦੇ ਹੋਏ 396 ਮਹਤੱਵਪੂਰਣ ਡੇਟਾ ਲੇਅਰ ਦੀ ਪਹਿਚਾਣ ਕੀਤੀ ਹੈ ਅਤੇ ਡੇਟਾ ਗੁਣਵੱਤਾ ਸੁਧਾਰਣ ਲਈ ਮਾਨਕ ਸੰਚਾਲਨ ਪ੍ਰਕ੍ਰਿਆਵਾਂ ਲਾਗੂ ਕੀਤੀਆਂ ਹਨ। ਮੀਟਿੰਗ ਵਿੱਚ ਵਾਤਾਵਰਣ, ਜੰਗਲਾਤ ਅਤੇ ਜੰਗਲੀ ਜੀਵ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਸੁਧੀਰ ਰਾਜਪਾਲ ਅਤੇ ਲੋਕ ਨਿਰਮਾਣ (ਭਵਨ ਅਤੇ ਸੜਕ) ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਏ ਕੇ ਸਿੰਘ ਸਮੇਤ ਹੋਰ ਸੀਨੀਅਰ ਅਧਿਕਾਰੀ ਮੌਜੂਦ ਰਹੇ।