ਆਮ ਆਦਮੀ ਪਾਰਟੀ ਦੇ ਸੂਬਾ ਮੁੱਖ ਬੁਲਾਰੇ, ਵਿਧਾਇਕ ਤੇ ਸਾਬਕਾ ਕੈਬੀਨੈਟ ਮੰਤਰੀ ਪੰਜਾਬ ਕੁਲਦੀਪ ਸਿੰਘ ਧਾਲੀਵਾਲ ਨੇ ਸੀਨੀਅਰ ਮਹਿਲਾ ਆਗੂ ਐਡਵੋਕੇਟ ਅਮਨਦੀਪ ਕੌਰ ਧਾਲੀਵਾਲ, ਬਲਾਕ ਇੰਚਾਰਜ ਜਸਜੀਤ ਸਿੰਘ, ਸੰਦੀਪ ਸਿੰਘ, ਹਰਪਾਲ ਸਿੰਘ ਬਲਜੀਤ ਸਿੰਘ ਦੇ ਉਪਰਾਲੇ ਨਾਲ ਅਜਨਾਲਾ ਹਲਕੇ ‘ਚ ਲੱਗਦੀ ਭਾਰਤ ਪਾਕਿ ਕੌਮਾਂਤਰੀ ਸਰਹੱਦ ਤੇ ਵੱਸੇ ਪਿੰਡਾਂ ਦੀਨੇਵਾਲੀ , ਬੱਲ ਲਭੇ ਦਰਿਆ, ਚੱਕ ਬਾਲਾ, ਨੰਗਲ ਅੰਬ, ਕਸਬਾ ਰਮਦਾਸ ਦੇ ਵਾਰਡ ਨੰਬਰ 1, 2, 3, 6, 9, 10 ਵਿਖੇ ਸ਼ਾਨਦਾਰ ਚਾਰ ਸਾਲ ਭਗਵੰਤ ਮਾਨ ਦੇ ਨਾਲ ਤਹਿਤ ਜਨਤਕ ਵੱਡੀਆਂ ਮੀਟਿੰਗਾਂ ਕਰਕੇ ਸਰਹੱਦੀ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੀਆਂ।
ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆਂ ਸ. ਧਾਲੀਵਾਲ ਨੇ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਸ. ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਸਰਕਾਰ ਦਾ ਕਿਸਾਨਾਂ ਸਮੇਤ ਆਮ ਵਰਗਾਂ ਨੂੰ ਦਰਪੇਸ਼ ਦਿੱਕਤਾਂ ਦੂਰ ਕਰਕੇ ਸੁੱਖ ਸਹੂਲਤਾਂ ਦੀ ਭਰਪੂਰਤਾ ਨਾਲ ਰੰਗਲੇ ਪੰਜਾਬ ਦੀ ਸਿਰਜਣਾ,ਕੌਮੀ ਏਕਤਾ ਤੇ ਦੇਸ਼ ਦੀ ਮਜ਼ਬੂਤ ਸੁਰੱਖਿਆ ਪ੍ਰਮੁੱਖ ਪਹਿਲਾ ਏਜੰਡਾ ਹੈ। ਅਤੇ ਚਾਰ ਸਾਲਾਂ ‘ਚ ਚੋਣ ਗਰੰਟੀਆਂ 100 ਫੀਸਦੀ ਪੂਰੀਆਂ ਕਰਕੇ ਭ੍ਰਿਸ਼ਟਾਚਾਰ ਮੁਕਤ ਸ਼ਾਸਨ, ਚਹੁੰ ਮੁਖੀ ਵਿਕਾਸ, ਰੁਜ਼ਗਾਰ ਦੇ ਖੇਤਰ ‘ਚ ਇਤਿਹਾਸਕ ਮੀਲ ਪੱਥਰ ਕਾਇਮ ਕਰਦਿਆਂ ਦੇਸ਼ ਭਰ ‘ਚੋਂ ਕੌਮੀ ਪੱਧਰ ਦਾ ਇਤਿਹਾਸ ਰਚਿਆ ਹੈ।
ਸ. ਧਾਲੀਵਾਲ ਨੇ ਸਰਹੱਦੀ ਕਿਸਾਨਾਂ ਵਲੋਂ ਉਠਾਈਆਂ ਸਮੱਸਿਆਵਾਂ ਦੇ ਹੱਲ ਲਈ ਬੋਲਦਿਆਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਸ. ਭਗਵੰਤ ਸਿੰਘ ਮਾਨ ਵਲੋਂ ਪੰਜਾਬ ਚ ਭਾਰਤ ਪਾਕਿ ਕਰੀਬ 543 ਕਿਲੋਮੀਟਰ ਲੰਮੀ ਕੌਮਾਂਤਰੀ ਸਰਹੱਦ ਨੇੜ੍ਹੇ ਸੁਰੱਖਿਆ ਪੱਖੋਂ ਲੱਗੀ ਹੋਈ ਕੰਡਿਆਲੀ ਤਾਰ ਨੂੰ ਜ਼ੀਰੋ ਲਾਈਨ ਤੱਕ ਲਿਜਾਣ ਲਈ ਕੇਂਦਰੀ ਸਰਕਾਰ ਕੋਲ ਵਾਰ ਵਾਰ ਉੱਚ ਤਾਕਤੀ ਮੀਟਿੰਗਾਂ ਸਮੇਤ ਕੇਂਦਰੀ ਗ੍ਰਹਿ ਮੰਤਰੀ ਸ੍ਰੀ ਅਮਿਤ ਸ਼ਾਹ ਕੋਲ ਓਚੇਚੇ ਤੌਰ ਤੇ ਇਸ ਸਮੱਸਿਆ ਦਾ ਭਖਵੇਂ ਰੂਪ ‘ਚ ਮੁੱਦਾ ਉਠਾਇਆ।
ਜਿਸ ਦੇ ਨਤੀਜੇ ਵੱਜੋਂ ਕੌਮਾਂਤਰੀ ਸਰਹੱਦ ਤੇ ਵੱਸੇ ਸੈਂਕੜੇ ਪਿੰਡਾਂ, ਕਸਬਿਆਂ ਦੇ 12 ਹਜ਼ਾਰ ਕਿਸਾਨ ਪ੍ਰੀਵਾਰ,ਜਿੰਨਾਂ ‘ਚ ਅਜਨਾਲਾ ਖੇਤਰ ਦੀ ਕਰੀਬ 100 ਕਿਲੋਮੀਟਰ ਕੌਮਾਂਤਰੀ ਸਰਹੱਦੀ ਪੱਟੀ ਦੇ ਪਿੰਡਾਂ ਤੇ ਕਸਬਿਆਂ ਦੇ ਕਿਸਾਨ ਵੀ ਸ਼ਾਮਲ ਹਨ, ਨੂੰ ਹੁਣ ਵੱਡੀ ਰਾਹਤ ਮਿਲਣ ਜਾ ਰਹੀ ਹੈ , ਕਿਉਂਕਿ ਸਾਲ 1992 ਤੋਂ ਭਾਰਤ ਵਾਲੇ ਖਿੱਤੇ ਚ 2 -2, 3- 3 ਕਿਲੋਮੀਟਰ ਤੱਕ ਉਰਾਂ ਕੰਡਿਆਲੀ ਤਾਰ ਹੇਠਲੇ ਕਬਜੇ ਚ ਆ ਚੁੱਕੀ ਤਾਰ ਨੂੰ ਪੁੱਟਵਾ ਕੇ ਸਰਹੱਦੀ ਜ਼ੀਰੋ ਲਾਈਨ 100, 150 ਮੀਟਰ ਤੱਕ ਲਿਜਾਣ ਜਾਂ ਫਿਰ ਹੁਣ ਤੱਕ ਕੰਡਿਆਲੀ ਤਾਰ ਦੇ ਕਬਜ਼ੇ ਹੇਠ ਆਈ ਹੋਈ ਜ਼ਮੀਨ ਦੇ ਤਬਾਦਲੇ ਚ ਪਿਛਾਂਹ ਉਪਜਾਊ ਓਨੀ ਹੀ ਜ਼ਮੀਨਾਂ ਦੇ ਮਾਲਕੀ ਹੱਕ ਦਿੱਤੇ ਜਾਣ ਲਈ 12 ਹਜਾਰ ਕਿਸਾਨ ਪਰਿਵਾਰਾਂ ਵਲੋਂ ਗੁਹਾਰ ਲਗਾਈ ਜਾ ਰਹੀ ਸੀ ਜਿਸ ਉੱਪਰ ਪੰਜਾਬ ‘ਚ ਰਾਜ ਕਰਦੀਆਂ ਰਹੀਆਂ ਸਾਬਕਾ ਕਾਂਗਰਸ ਅਕਾਲੀ ਤੇ ਭਾਜਪਾ ਸਰਕਾਰਾਂ ਨੇ ਚੁੱਪ ਵੱਟੀ ਰੱਖੀ।
ਸ. ਧਾਲੀਵਾਲ ਨੇ ਮਾਨ ਸਰਕਾਰ ਵਲੋਂ ਸਰਹੱਦੀ ਕਿਸਾਨਾਂ , ਤੇ ਆਮ ਲੋਕਾਂ ਨੂੰ ਸੁਰੱਖਿਆ ਤੇ ਵਿਕਾਸ ਪੱਖੋਂ ਵੱਡੀ ਰਾਹਤ ਪਹੁੰਚਾਉਣ ਦਾ ਇਕ ਹੋਰ ਦਾਅਵਾ ਠੋਕਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਗ੍ਰਹਿ ਤੇ ਨਿਆਂ ਮੰਤਰਾਲੇ ਵਲੋਂ ਬੀਤੇ ਕੱਲ੍ਹ ਸਰਹੱਦੀ ਸੁਰੱਖਿਆ ਤੇ ਸਰਹੱਦੀ ਚੌਂਕੀਆਂ, ਸਰਹੱਦੀ ਸੜਕਾਂ ਤੇ ਹੋਰ ਬੁਨਿਆਦੀ ਢਾਂਚੇ ਦੇ ਲੋੜੀਂਦੇ ਵਿਕਾਸ ਲਈ ਬੀਐਸਐਫ ਕੋਲੋਂ ਜ਼ਮੀਨ ਪ੍ਰਾਪਤੀ ਦੇ ਅਧਿਕਾਰ ਦੇ ਮਸਲੇ ਪੰਜਾਬ ਪੱਧਰ ਤੇ ਨਿਪਟਾਉਣ ਦੀ ਬਜਾਏ ਸਬ ਡਵੀਜ਼ਨ ਪੱਧਰ ਤੇ ਐਸ ਡੀ ਐਮ’ਜ਼ ਨੂੰ ਕੁਲੈਕਟਰ ਸ਼ਕਤੀਆਂ ਸੌਂਪਣ ਲਈ ਬਕਾਇਦਾ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਹੈ।ਸੰਵਾਦ ਜਨ ਸੰਪਰਕ ਮੁਹਿੰਮ ‘ਚ ਵੱਡੀ ਗਿਣਤੀ ‘ਚ ਸਰਹੱਦੀ ਔਰਤਾਂ , ਆਮ ਵਿਅਕਤੀਆਂ ਸਮੇਤ ਪੰਚ ਸਰਪੰਚ, ਕੌਂਸਲਰ, ਪਾਰਟੀ ਵਲੰਟੀਅਰ, ਮੌਜੂਦ ਸਨ।