ਹਰਿਆਣਾ ਸਰਕਾਰ ਨੇ ਸੂਬੇ ਵਿੱਚ ਫੱਲ ਅਰਥਵਿਵਸਥਾ ਨੂੰ ਮਜਬੂਤ ਕਰਨ ਅਤੇ ਕਿੰਨੂੰ ਉਤਪਾਦਕ ਕਿਸਾਨਾਂ ਦੀ ਆਮਦਨ ਵਧਾਉਣ ਦੀ ਦਿਸ਼ਾ ਵਿੱਚ ਇੱਕ ਵੱਡਾ ਫੈਸਲਾ ਕੀਤਾ ਹੈ। ਇਸ ਦੇ ਲਈ, ਸਿਰਸਾ ਸਥਿਤ ਵੀਟਾ ਮਿਲਕ ਪਲਾਂਟ ਪਰਿਸਰ ਵਿੱਚ ਲਗਭਗ 226.39 ਕਰੋੜ ਰੁਪਏ ਦੀ ਲਾਗਤ ਨਾਲ ਇੱਕ ਅੱਤਆਧੁਨਿਕ ਕਿਨੂੰ ਜੂਸ ਪ੍ਰੋਸੈਸਿੰਗ ਪਲਾਂਟ ਲਗਾਇਆ ਜਾ ਰਿਹਾ ਹੈ। ਮੁੱਖ ਸਕੱਤਰ ਸ੍ਰੀ ਅਨੁਰਾਗ ਰਸਤੋਗੀ ਨੇ ਅੱਜ ਇੱਥੇ ਇੱਕ ਉੱਚ ਪੱਧਰੀ ਮੀਟਿੰਗ ਦੀ ਅਗਵਾਈ ਕਰਦੇ ਹੋਏ ਇਸ ਮਹਤੱਵਪੂਰਣ ਪਰਿਯੋਜਨਾ ਦੀ ਸਮੀਖਿਆ ਕੀਤੀ।
ਇਹ ਪ੍ਰੋਜੈਕਟ 33 ਸਾਲ ਦੀ ਰਿਆਇਤ ਸਮੇਂ ਦੇ ਨਾਲ ਪਬਲਿਕ -ਨਿਜੀ ਭਾਗੀਦਾਰੀ (ਪੀਪੀਪੀ) ਮਾਡਲ 'ਤੇ ਵਿਕਸਿਤ ਕੀਤੀ ਜਾਵੇਗੀ, ਜਿਸ ਨਾਲ ਸਾਰੇ ਹਿੱਤਧਾਰਕਾਂ ਨੂੰ ਲਾਭ ਹੋਵੇਗਾ। ਹਰਿਆਣਾ ਡੇਅਰੀ ਵੱਲੋਂ ਪਲਾਂਟ ਸਥਾਪਿਤ ਕਰਨ ਲਈ ਲਗਭਗ ਤਿੰਨ ਏਕੜ ਭੂਮੀ ਉਪਲਬਧ ਕਰਾਈ ਜਾਵੇਗੀ, ਜਦੋਂ ਕਿ ਨਿਜੀ ਭਾਗੀਦਾਰ ਪਲਾਂਟ ਅਤੇ ਮਸ਼ੀਨਰੀ, ਜਰੂਰੀ ਸਿਵਲ ਢਾਂਚਾ ਸਥਾਪਿਤ ਕਰੇਗਾ ਅਤੇ ਪਲਾਟ ਦਾ ਸੰਚਾਲਨ ਕਰੇਗਾ।
ਮੀਟਿੰਗ ਵਿੱਚ ਇਹ ਵੀ ਫੈਸਲਾ ਕੀਤਾ ਗਿਆ ਕਿ ਪ੍ਰੋਜੈਕਟ ਤਹਿਤ ਮੁੱਖ ਰੂਪ ਨਾਲ ਫੱਲ ਅਤੇ ਸਬਜੀ ਪ੍ਰੋਸੈਸਿੰਗ ਉਦਯੋਗ ਸਥਾਪਿਤ ਕੀਤਾ ਜਾਵੇਗਾ, ਜਿਸ ਵਿੱਚ ਵਿਸ਼ੇਸ਼ ਰੂਪ ਨਾਲ ਕਿੰਨੂ ਜੂਸ ਪ੍ਰੋਸੈਸਿੰਗ 'ਤੇ ਜੋਰ ਦਿੱਤਾ ਜਾਵੇਗਾ। ਜਰੂਰਤ ਪੈਣ 'ਤੇ ਪਰਿਯੋਜਨਾ ਨੂੰ ਵਾਇਬਿਲਿਟੀ ਗੈਪ ਫੰਡ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਜਾ ਸਕਦੀ ਹੈ। ਭਵਿੱਖ ਵਿੱਚ ਜਰੂਰਤ ਅਨੂਸਾਰ ਖੇਤੀਬਾੜੀ ਅਧਾਰਿਤ ਹੋਰ ਪ੍ਰੋਸੈਸਿੰਗ ਉਦਯੋਗਾਂ ਦੀ ਸੰਭਾਵਨਾਵਾਂ ਵੀ ਤਲਾਸ਼ ਕੀਤੀ ਜਾ ਸਕਦੀ ਹੈ।
ਹਰਿਆਣਾ ਡੇਅਰੀ ਡਿਵੇਲਪਮੈਂਟ ਕੋਆਪਰੇਟਿਵ ਫੈਡਰੇਸ਼ਨ ਦੇ ਪ੍ਰਬੰਧ ਨਿਦੇਸ਼ਕ ਸ੍ਰੀ ਰੋਹਿਤ ਯਾਦਵ ਨੇ ਦਸਿਆ ਕਿ ਹਰਿਆਣਾ ਵਿੱਚ ਪ੍ਰਤੀ ਸਾਲ ਲਗਭਗ 4.40 ਲੱਖ ਮੀਟ੍ਰਿਕ ਟਨ ਕਿਨੂੰ ਦਾ ਉਤਪਾਦਨ ਹੁੰਦਾ ਹੈ, ਜਿਸ ਵਿੱਚ ਇੱਕਲੇ ਸਿਰਸਾ ਜਿਲ੍ਹਾ ਦਾ ਯੋਗਦਾਨ ਲਗਭਗ 55 ਫੀਸਦੀ ਹੈ। ਪ੍ਰਸਤਾਵਿਤ ਪਲਾਂਟ ਵਿੱਚ ਪ੍ਰਤੀ ਸਾਲ ਲਗਭਗ 9,000 ਮੀਟ੍ਰਿਕ ਟਨ ਕਿਨੂੰ ਅਤੇ 12,600 ਮੀਟ੍ਰਿਕ ਟਨ ਹੋਰ ਫੱਲਾਂ ਦੀ ਪ੍ਰੋਸੈਸਿੰਗ ਕਰ ਉੱਚ ਗੁਣਵੱਤਾ ਵਾਲਾ ਪੈਕੇਜਡ ਜੂਸ ਤਿਆਰ ਕੀਤਾ ਜਾਵੇਗਾ।
ਵਿਸ਼ੇਸ਼ ਰੂਪ ਨਾਲ ਕਿਨੂੰ ਉਤਪਾਦਨ ਦਾ ਲਗਭਗ 25 ਫੀਸਦੀ ਹਿੱਸਾ, ਜੋ ਵਿਸ਼ੇਸ਼ ਤੌਰ 'ਤੇ ਬੀ-ਗ੍ਰੇਡ ਫੱਲ ਹੁੰਦਾ ਹੈ ਅਤੇ ਪਹਿਲਾਂ ਘੱਟ ਕੀਮਤ 'ਤੇ ਵਿਕਦਾ ਸੀ, ਹੁਣ ਮੁੱਲ ਸੰਵਰਧਨ ਰਾਹੀਂ ਵਰੋਤ ਵਿੱਚ ਲਿਆਇਆ ਜਾਵੇਗਾ, ਜਿਸ ਨਾਲ ਸਿੱਧੇ ਤੌਰ 'ਤੇ ਕਿਸਾਨਾਂ ਦੀ ਆਮਦਨ ਵਧੇਗੀ। ਇਸ ਪਹਿਲ ਦੀ ਇੱਕ ਪ੍ਰਮੁੱਖ ਵਿਸ਼ੇਸ਼ਤਾ ਇਸ ਦਾ ਕਿਸਾਨ-ਕੇਂਦ੍ਰਿਤ ਦ੍ਰਿਸ਼ਟੀਕੋਣ ਹੈ, ਜਿਸ ਦੇ ਤਹਿਤ ਕੱਚੇ ਮਾਲ ਦੀ ਖਰੀਦ ਸੂਬੇ ਦੇ ਕਿਸਾਨਾਂ ਤੋਂ ਕੀਤੀ ਜਾਵੇਗੀ।ਮੁੱਖ ਸਕੱਤਰ ਸ੍ਰੀ ਅਨੁਰਾਗ ਰਸਤੋਗੀ ਨੇ ਕਿਹਾ ਕਿ ਇਹ ਪਰਿਯੋਜਨਾ ਸਰਕਾਰੀ ਬੁਨਿਆਦੀ ਢਾਂਚੇ, ਸਹਿਕਾਰੀ ਅਦਾਰਿਆਂ ਅਤੇ ਨਿਜੀ ਖੇਤਰ ਦੇ ਤਾਲਮੇਲ ਦਾ ਇੱਕ ਬਿਹਤਰੀਨ ਉਦਾਹਰਣ ਹੈ, ਜੋ ਗ੍ਰਾਮੀਣ ਆਮਦਨ ਨੂੰ ਸਥਾਈ ਰੂਪ ਨਾਲ ਵਧਾਉਣ ਵਿੱਚ ਸਹਾਇਕ ਹੋਵੇਗੀ।
ਕਾਫੀ ਕੱਚੇ ਮਾਲ ਦੀ ਉਪਲਬਧਤਾ, ਸਪਸ਼ਟ ਭੂਮੀ ਸਵਾਮਿਤਵ, ਆਧੁਨਿਕ ਏਸੋਪਟਿਕ ਪੈਕੇਜਿੰਗ ਤਕਨੀਕ ਅਤੇ ਮਜਬੂਤ ਪੀਪੀਪੀ ਢਾਂਚੇ ਨਾਲ ਸਿਰਸਾ ਦਾ ਇਹ ਕਿੰਨੂ ਜੂਸ ਪ੍ਰੋਸੈਸਿੰਗ ਪਲਾਂਟ ਹਰਿਆਣਾ ਨੂੰ ਦੇਸ਼ ਵਿੱਚ ਪ੍ਰੀਮੀਅਮ ਫੱਲ ਅਧਾਰਿਤ ਪੀਣ ਦੇ ਪਦਾਰਥਾਂ ਦਾ ਪ੍ਰਮੁੱਖ ਕੇਂਦਰ ਬਨਾਉਣ ਵਿੱਚ ਮਹਤੱਵਪੂਰਣ ਭੁਮਿਕਾ ਨਿਭਾਏਗਾ।ਮੀਟਿੰਗ ਵਿੱਚ ਮਾਲ ਅਤੇ ਆਪਦਾ ਪ੍ਰਬੰਧਨ ਵਿਭਾਗ ਦੀ ਵਧੀਕ ਮੁੱਖ ਸਕੱਤਰ ਅਤੇ ਵਿੱਤ ਕਮਿਸ਼ਨਰ ਡਾ. ਸੁਮਿਤਾ ਮਿਸ਼ਰਾ, ਮੁੱਖ ਮੰਤਰੀ ਦੇ ਪ੍ਰਧਾਨ ਸਕੱਤਰ ਸ੍ਰੀ ਅਰੁਣ ਕੁਮਾਰ ਗੁਪਤਾ ਅਤੇ ਮੁੱਖ ਮੰਤਰੀ ਦੇ ਵਧੀਕ ਪ੍ਰਧਾਨ ਸਕੱਤਰ ਡਾ. ਸਾਕੇਤ ਕੁਮਾਰ ਸਮੇਤ ਹੋਰ ਸੀਨੀਅਰ ਅਿਧਕਾਰੀ ਵੀ ਮੌਜੂਦ ਰਹੇ।