ਇੰਟਰਨੈਟ ਸੇਵਾਵਾਂ ਦੇ ਮੰਦੜੇ ਹਾਲ
ਭਦੌੜ ਐਕਸਚੇਂਜ ਨੂੰ ਚਲਾ ਰਿਹਾ ਹੈ ਇੱਕ ਕਰਮਚਾਰੀ
Web Admin
5 ਦਰਿਆ ਨਿਊਜ਼ (ਸਾਹਿਬ ਸੰਧੂ)
ਭਦੌੜ/ਸ਼ਹਿਣਾ , 04 May 2014
ਸਥਾਨਕ ਸ਼ਹਿਰ ਦੇ ਵੱਖ ਵੱਖ ਹਿੱਸਿਆਂ ਵਿੱਚ ਬੀ.ਐਸ.ਐਨ.ਐਲ. ਵੱਲੋਂ ਮੁਹੱਈਆ ਕਰਵਾਈਆਂ ਜਾ ਰਹੀਆਂ ਇੰਟਰਨੈਟ ਸੇਵਾਵਾਂ ਦਿਨੋਂ ਦਿਨ ਮੰਦੜੀਆਂ ਹੁੰਦੀਆਂ ਜਾ ਰਹੀਆਂ ਹਨ, ਜਿਸ ਕਾਰਨ ਸਮੇਂ ਸਮੇਂ ਬੰਦ ਹੋ ਰਹੇ ਇੰਟਰਨੈਟ ਕਾਰਨ ਅਤੇ ਕੀਤੀਆਂ ਜਾ ਰਹੀਆਂ ਸ਼ਿਕਾਇਤਾਂ ਦੀ ਸੁਣਵਾਈ ਨਾ ਹੋਣ ਕਾਰਨ ਮਾਨਸਿਕ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰ ਰਹੇ ਉਪਭੋਗਤਾਵਾਂ ਵਿਚ ਰੋਸ ਪਾਇਆ ਜਾ ਰਿਹਾ ਹੈ । ਉੁਕਤ ਸਬੰਧੀ ਰੋਸ ਪ੍ਰਗਟ ਕਰਦਿਆਂ ਵੱਡਾ ਚੌਂਕ, ਗੋਬਿੰਦ ਬਸਤੀ, ਥਾਣਾ ਰੋਡ ਖੇਤਰ ਨਾਲ ਸਬੰਧਤ ਕੁੱਝ ਉਪਭੋਗਤਾਵਾਂ ਨੇ ਦੱਸਿਆ ਕਿ ਬੀ.ਐਸ.ਐਨ.ਐਲ. ਵੱਲੋਂ ਮੁਹੱਈਆ ਕਰਵਾਈ ਜਾ ਰਹੀ ਬਾਰਡਬੈਂਡ ਇੰਟਰਨੈਟ ਸੇਵਾਵਾਂ ਵਿਚ ਤਕਰੀਬਨ ਰੋਜ਼ਾਨਾ ਹੀ ਖਰਾਬੀ ਆ ਰਹੀ ਹੈ, ਜਿਸ ਕਾਰਨ ਜ਼ਰੂਰੀ ਇੰਨਰਨੈਟ ਕਾਰਜਾਂ ਨੂੰ ਨਿਪਟਾਉਣ ਤੋਂ ਵਾਂਝੇ ਹੋ ਰਹੇ ਉਪਭੋਗਤਾਵਾਂ ਨੂੰ ਅੱਤ ਦੀ ਮਾਨਸਿਕ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਉਪਭੋਗਤਾਵਾਂ ਅਨੁਸਾਰ ਸ਼ਹਿਰ ਵਿੱਚ ਸਥਾਪਿਤ ਸ਼ਿਕਾਇਤ ਸੈਂਟਰ 'ਚ ਇੰਟਰਨੈਟ ਸਬੰਧੀ ਮੁਸ਼ਕਿਲਾਂ ਨੂੰ ਹੱਲ ਕਰਨ ਲਈ ਕੋਈ ਅਧਿਕਾਰੀ ਨਹੀਂ ਹੈ ਅਤੇ ਪੂਰੀ ਐਕਸਚੇਂਜ ਨੂੰ ਸਿਰਫ਼ ਇੱਕ ਕਰਮਚਾਰੀ ਹੀ ਸੰਭਾਲ ਰਿਹਾ ਹੈ, ਜਿਸ ਕਾਰਨ ਇੰਟਰਨੈਟ 'ਚ ਏਨੀਆਂ ਜ਼ਿਆਦਾ ਮੁਸ਼ਕਿਲਾਂ ਆ ਰਹੀਆਂ ਹਨ ਅਤੇ ਜਿਸ ਕਰਕੇ ਕੰਮਕਾਜੀ ਉਪਭੋਗਤਾਵਾਂ ਨੂੰ ਆਰਥਿਕ ਤੌਰ ਤੇ ਵੀ ਭਾਰੀ ਨੁਕਸਾਨ ਉਠਾਉਣਾ ਪੈ ਰਿਹਾ ਹੈ । ਜਿਸ ਕਰਕੇ ਹੁਣ ਉਪਭੋਗਤਾ ਹੌਲੀ ਹੌਲੀ ਕੁਨੈਕਸ਼ਨ ਕਟਵਾ ਕੇ ਦੂਜੀਆਂ ਨਿੱਜ ਕੰਪਨੀਜ਼ ਦੇ ਕੁਨੈਕਸ਼ਨ ਲੈਣ ਲਈ ਮਜ਼ਬੂਰ ਹੋ ਰਹੇ ਹਨ। ਉਪਭੋਗਤਾਵਾਂ ਨੇ ਬੀ.ਐਸ.ਐਨ.ਐਲ. ਦੇ ਉੱਚ ਅਧਿਕਾਰੀਆਂ ਤੋਂ ਜਲਦ ਤੋਂ ਜਲਦ ਇੰਟਰਨੈਟ ਸੇਵਾਵਾਂ 'ਚ ਆ ਰਹੀਆਂ ਸਮੱਸਿਆਵਾਂ ਤੋਂ ਨਿਜਾਤ ਦਿਵਾਉਣ ਦੀ ਮੰਗ ਕੀਤੀ ਹੈ।