ਬਿਜ਼ਲੀ ਨਾ ਆਉਣ ਕਾਰਨ ਅਲਕੜਾ ਪਿੰਡ ਦੇ ਅੱਕੇ ਲੋਕਾਂ ਨੇ ਬਿਜ਼ਲੀ ਮੁਲਾਜਮ ਘੇਰੇ
Web Admin
5 ਦਰਿਆ ਨਿਊਜ਼ (ਸਾਹਿਬ ਸੰਧੂ)
ਭਦੌੜ/ਸ਼ਹਿਣਾ , 02 May 2014
ਪਿੰਡ ਅਲਕੜਾ ਦੇ ਲੋਕਾਂ ਨੇ ਕਈ ਘੰਟਿਆਂ ਤੱਕ ਬਿਜ਼ਲੀ ਸਪਲਾਈ ਨਾ ਮਿਲਣ ਕਾਰਨ ਅਖ਼ੀਰ ਇੱਕਠੇ ਹੋ ਦੇ ਰਾਤ ਭਦੌੜ ਵਿਖੇ ਬਿਜ਼ਲੀ ਗਰਿਡ ਅੰਦਰ ਬੈਠੇ ਬਿਜ਼ਲੀ ਮੁਲਾਜਮਾਂ ਦਾ ਘਿਰਾਓ ਕਰ ਨਾਹਰੇਬਾਜ਼ੀ ਕੀਤੀ ਗਈ।ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਪਿੰਡ ਅਲਕੜਾ ਦੇ ਦਲਵਿੰਦਰ ਸਿੰਘ, ਪਲਵਿੰਦਰ ਸਿੰਘ, ਸੁਰਜੀਤ ਸਿੰਘ, ਬੱਬੂ ਸਿੰਘ, ਜਗਸੀਰ ਸਿੰਘ, ਗੁਰਲਾਲ ਸਿੰਘ, ਜਸਵੀਰ ਸਿੰਘ, ਗੁਰਦੇਵ ਸਿੰਘ, ਭਾਨ ਸਿੰਘ, ਮੇਹਰ ਸਿੰਘ ਆਦਿ ਨੇ ਦੱਸਿਆ ਕਿ ਬੀਤੀ ਇੱਕ ਰਾਤ ਤੋਂ ਉਹਨਾਂ ਦੇ ਪਿੰਡ ਦੀ ਬਿਜ਼ਲੀ ਸਪਲਾਈ ਬੰਦ ਹੈ। ਜਦਕਿ ਭਦੌੜ ਦੇ ਆਸ ਪਾਸ ਪਿੰਡਾਂ ਦੀ ਸਪਲਾਈ ਨਿਰੰਤਰ ਚੱਲ ਰਹੀ ਹੈ ਅਤੇ ਪਿੰਡ ਵਿੱਚ ਪੀਣ ਯੋਗ ਪਾਣੀ ਦੀ ਬੂੰਦ ਨਹੀ ਹੈ ਜਦਕਿ ਧਨਾਂਢ ਲੋਕ ਜਨਰੇਟਰ ਲਾ ਪਾਣੀ ਇੱਕਠਾ ਕਰ ਰਹੇ ਹਨ ਤੇ ਸਮੁੱਚੇ ਪਿੰਡ ਦਾ ਬਿਜ਼ਲੀ ਪੱਖੋਂ ਜਲੂਸ ਨਿਕਲਿਆ ਪਿਆ ਹੈ। ਇੱਕਠੇ ਹੋਏ ਨੋਜਵਾਨਾਂ ਨੇ ਗਰਿਡ ਅੰਦਰ ਬੈਠੇ ਮੁਲਾਜਮਾਂ ਨਾਲ ਤਲਖ਼ੀ ਵਿੱਚ ਸਵਾਲ ਜਵਾਬ ਕਰਦਿਆਂ ਬਿਜ਼ਲੀ ਸਪਲਾਈ ਦੀ ਮੰਗ ਕੀਤੀ ਤੇ ਮੌਕੇ ਮੋਜੂਦ ਜਸਵੀਰ ਸਿੰਘ ਜੇ. ਈ ਤੇ ਉਹਨਾਂ ਦੇ ਮੁਲਾਜਮਾਂ ਨੇ ਦੱਸਿਆ ਕਿ ਲਾਇਨ ਵਿੱਚ ਪਈ ਤਕਨੀਕੀ ਖ਼ਰਾਬੀ ਕਾਰਨ ਬਿਜ਼ਲੀ ਸਪਲਾਈ ਬੰਦ ਹੈ ਤੇ ਜਿਸ ਜੇ. ਈ ਦੀ ਫੀਡਰ ਤੇ ਡਿਊਟੀ ਹੈ। ਉਸ ਨੂੰ ਬੁਲਾਇਆ ਜਾ ਰਿਹਾ ਤੇ ਜਲਦੀ ਹੀ ਸਪਲਾਈ ਬਹਾਲ ਕਰ ਦਿੱਤੀ ਜਾਵੇਗੀ। ਖ਼ਬਰ ਲਿਖੇ ਜਾਣ ਤੱਕ ਬਿਜ਼ਲੀ ਮੁਲਾਜਮ ਸਪਲਾਈ ਬਹਾਲ ਕਰਨ ਦੀਆਂ ਕੋਸ਼ਿਸਾਂ ਕਰ ਰਹੇ ਹਨ। ਇਸ ਤੋਂ ਬਿਨਾਂ ਭਦੌੜ ਦੇ ਕਈ ਹੋਰ ਇਲਾਕਿਆਂ ਦੀ ਵੀ ਬਿਜ਼ਲੀ ਸਪਲਾਈ ਬੰਦ ਸੀ।