Web Admin

5 ਦਰਿਆ ਨਿਊਜ਼

ਪਟਿਆਲਾ , 29 Apr 2014

Last updated on: Apr 29, 2014, 00:00 IST

ਡਾ. ਜਸਪਾਲ ਸਿੰਘ, ਵਾਈਸ ਚਾਂਸਲਰ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਨੇ ਮਿਤੀ: 29/04/2014 ਨੂੰ ਵਿਸ਼ਵ ਨ੍ਰਿਤ ਦਿਵਸ ਦੇ ਮੌਕੇ 'ਤੇ  ਡਾ. ਆਰੋਹੀ ਵਾਲੀਆ ਚੀਮਾ, ਅਸਿਸਟੇਂਟ ਪ੍ਰੋਫੈਸਰ, ਨ੍ਰਿਤ ਵਿਭਾਗ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ, ਵੱਲੋਂ ਲਿੱਖੀ ਕਿਤਾਬ ਵੂਮੈਨ ਕਲਾਸਿਕਲ ਡਾਂਸਰਜ਼ ਆੱਫ ਇੰਡੀਆ ਰਿਲੀਜ਼ ਕੀਤੀ ।  ਇਸ ਕਿਤਾਬ ਵਿੱਚ ਕੱਥਕ,  ਕੂਚੀਪੂੜੀ,  ਭਰਤਨਾਟਿਯਮ, ਓਡੀਸੀ, ਕੱਥਕਲੀ, ਮਨੀਪੁਰੀ, ਮੋਹਿਨੀਅਟਮ ਦੀਆਂ 48 ਮਹਿਲਾ ਕਲਾਕਾਰਾਂ ਦਾ ਵਰਨਣ ਹੈ ।  ਡਾ. ਆਰੋਹੀ ਵਾਲੀਆ ਚੀਮਾ ਵੱਲੋਂ ਲਗਭਗ ਹਰੇਕ ਸਾਲ ਵਿਸ਼ਵ ਨ੍ਰਿਤ ਦਿਵਸ ਦੇ ਮੌਕੇ 'ਤੇ ਕਿਤਾਬ ਰਿਲੀਜ਼ ਕਰਵਾਉਣ ਕਰਕੇ ਡਾ. ਜਸਪਾਲ ਸਿੰਘ ਨੇ ਲੇਖਿਕਾ ਦੀ ਮਿਹਨਤ ਅਤੇ ਲਗਨ ਦੀ ਪ੍ਰਸ਼ੰਸ਼ਾ ਕੀਤੀ ।  ਡਾ. ਆਰੋਹੀ ਵਾਲੀਆ ਚੀਮਾ ਨੇ ਹੁਣ ਤੱਕ ਫੋਕ ਡਾਂਸਿਜ਼ ਆੱਫ ਪੰਜਾਬ (2008), 31 ਇਮਪਾਰਟੈਂਟ ਇੰਟਰਨੈਸ਼ਨਲ ਡੈਜ (2008), ਅਭਿਨਯ ਦਰਪਨ (2009),  ਅਜੋਕੀ ਔਰਤ: ਦਸ਼ਾ ਅਤੇ ਦਿਸ਼ਾ (2010),  ਫੋਕ ਡਾਂਸਿਜ਼ ਆੱਫ ਨਦਰਨ ਇੰਡੀਆ (2011), ਗਲੀਮਪਸਿਜ਼ ਆੱਫ ਇੰਡੀਅਨ ਕਲਾਸਿਕਲ ਡਾਂਸਿਜ਼ (2013) ਅਤੇ  ਵੂਮੈਨ ਕਲਾਸਿਕਲ ਡਾਂਸਰਜ਼ ਆੱਫ ਇੰਡੀਆ (2014),  ਕਿਤਾਬਾਂ ਲਿਖੀਆਂ ਹਨ ।  ਇਸ ਮੌਕੇ 'ਤੇ  ਡਾ. ਜਸਵਿੰਦਰ ਸਿੰਘ, ਡੀਨ ਅਕਾਦਮਿਕ ਮਾਮਲੇ, ਡਾ. ਨਵਜੋਤ ਕਸੇਲ, ਡੀਨ ਫੈਕਲਟੀ ਆੱਫ ਆਰਟਸ ਅਤੇ ਕਲਚਰ, ਡਾ. ਡੇਜ਼ੀ ਵਾਲੀਆ, ਪ੍ਰੋਫੈਸਰ ਅਤੇ ਮੁਖੀ ਨ੍ਰਿਤ ਵਿਭਾਗ, ਸ਼੍ਰੀ ਐਸ.ਕੇ. ਆਹਲੂਵਾਲੀਆ, ਸਾਬਕਾ ਡਵੀਜ਼ਨਲ ਕਮਿਸ਼ਨਰ, ਪਟਿਆਲਾ, ਡਾ. ਦੀਪਕ ਮਨਮੋਹਨ, ਸ. ਪਰਮਜੀਤ ਸਿੰਘ ਸਿੱਧੂ (ਪੰਮੀ ਬਾਈ), ਡਾ. ਜੋਧ ਸਿੰਘ, ਸ. ਆਰ.ਪੀ.ਐਸ. ਚੀਮਾ ਅਤੇ ਰਮਾ ਭੱਲਾ ਹਾਜ਼ਰ ਸਨ ।