Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

29 Apr 2014

ਲੁਧਿਆਣਾ ਸਹਿਰ ਅੰਦਰ ਅੰਨਾ ਹਜ਼ਾਰੇ ਦੇ ਨਾਂ ਨਾਲ ਮਸ਼ਹੂਰ ਇੰਗਲੈਂਡ ਤੋ ਆਏ ਸਾਬਕਾ ਪੁਲਿਸ ਕਮੀਸ਼ਨਰ ਤੇਜਸਵੀ ਸ਼ਰਮਾ ਵੱਲੋ ਪੰਜਾਬ ਅੰਦਰ ਲਗਾਤਾਰ ਭ੍ਰਿਸ਼ਟਾਚਾਰ ਖਿਲਾਫ ਚਲਾਈ ਗਈ ਸੰਸਥਾ ਪੰਜਾਬ ਵਿਜੀਲੈਂਸ ਸੈਲ ਅਤੇ ਦੀ ਐੰਟੀ ਕਰਪਸ਼ਨ ਫੈਡਰੇਸ਼ਨ ਆਫ ਇੰਡੀਆ ਵਜ਼ੋ ਪੰਜਾਬ ਵਾਸੀਆਂ ਨੂੰ ਵੋਟ ਦਾ ਸਹੀ ਇਸਤੇਮਾਲ ਕਰਨ ਦੀ ਅਪੀਲ ਕਰਨ ਵਾਲੇ ਸ਼੍ਰੀ ਸ਼ਰਮਾ ਨੇ ਲੋਕ ਸਭਾ ਹਲਕਾ ਲੁਧਿਆਣਾ ਤੋ ਆਜ਼ਾਦ ਉਮੀਦਵਾਰ ਵਜ਼ੋ ਚੋਣ ਲੜ ਰਹੇ ਸ. ਸਿਮਰਜੀਤ ਸਿੰਘ ਬੈਂਸ ਨੂੰ ਵੋਟ ਪਾਉਣ ਦੀ ਵਿਸ਼ੇਸ ਅਪੀਲ ਕੀਤੀ। ਸ਼੍ਰੀ ਸ਼ਰਮਾ ਨੇ ਇਸ ਮੌਕੇ ਪ੍ਰੈਸ ਨੋਟ ਜਾਰੀ ਕਰਦਿਆਂ ਕਿਹਾ ਕਿ ਸ. ਸਿਮਰਜੀਤ ਸਿੰਘ ਬੈਂਸ ਨੇ ਹਮੇਸ਼ਾ ਭ੍ਰਿਸ਼ਟਾਚਾਰ ਅਤੇ ਭ੍ਰਿਸ਼ਟ ਅਫਸਰਸ਼ਾਹੀ ਖਿਲਾਫ ਲੜਾਈ ਲੜੀ ਹੈ ਅਤੇ ਹੁਣ ਸ. ਸਿਮਰਜੀਤ ਸਿੰਘ ਬੈਂਸ ਨੇ ਅਕਾਲੀ ਉਮੀਦਵਾਰ ਮਨਪ੍ਰੀਤ ਸਿੰਘ ਇਆਲੀ ਦੇ ਕਰੋੜਾਂ ਰੁਪਏ ਦੇ ਜਮੀਨੀ ਘੋਟਾਲੇ ਨੂੰ ਜਨਤਕ ਕਰਨ ਅਤੇ ਚੋਣਾਂ ਬਾਅਦ ਇਸ ਜਮੀਨੀ ਘੋਟਾਲੇ ਦੀ ਸੀ.ਬੀ.ਆਈ ਜਾਂਚ ਕਰਵਾਉਣ ਦੀ ਗੱਲ ਕਹਿ ਕੇ ਭ੍ਰਿਸ਼ਟ ਅਕਾਲੀ ਸਰਕਾਰ ਦੇ ਭ੍ਰਿਸ਼ਟ ਆਗੂਆਂ ਨੂੰ ਜਨਤਾ ਦੀ ਕਚਿਹਰੀ ਵਿੱਚ ਖੜਾ ਕਰ ਦਿੱਤਾ ਹੈ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਸ. ਸਿਮਰਜੀਤ ਸਿੰਘ ਬੈਂਸ ਵੱਲੋ ਪਿਛਲੇ 15 ਸਾਲਾਂ ਤੋ ਚਲਾਏ ਜਾ ਰਹੇ ਬੈਂਸ ਸੁਵਿਧਾ ਸੈਂਟਰ ਦੀ ਪਹੁੰਚ ਸਰਕਾਰੀ ਸੁਵਿਧਾ ਸੈਂਟਰ ਨਾਲੋ ਕਿਤੇ ਵਧੇਰੇ ਹੈ। ਉਹਨਾਂ ਕਿਹਾ ਕਿ ਮੈਨੂੰ ਪੂਰਨ ਆਸ ਹੈ ਕਿ ਲੋਕ ਸਭਾ ਹਲਕਾ ਲੁਧਿਆਣਾ ਦੇ ਲੋਕ ਅੱਜ ਵੋਟਿੰਗ ਮਸ਼ੀਨ ਦੇ ਬਟਨ ਨੰਬਰ 14 ਲੈਟਰ ਬਾਕਸ ਨੂੰ ਦਬਾ ਕੇ ਸਿਮਰਜੀਤ ਸਿੰਘ ਬੈਂਸ ਨੂੰ ਜਿਤਾਉਣਗੇ।