ਕੇਂਦਰੀ, ਊਰਜਾ, ਆਵਾਸਨ ਅਤੇ ਸ਼ਹਿਰੀ ਮਾਮਲੇ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਕਰਨਾਲ ਸ਼ਹਿਰ ਦੇ ਵਿਚੋਂ-ਵਿੱਚ ਬਨਣ ਵਾਲੇ ਏਲੀਵੇਟੇਡ ਫਲਾਈਓਵਰ ਦਾ ਨਿਰਮਾਣ ਕੰਮ ਤੇਜ ਗਤੀ ਨਾਲ ਚੱਲ ਰਿਹਾ ਹੈ ਅਤੇ ਅਗਾਮੀ ਦਸੰਬਰ ਮਹੀਨੇ ਤੱਕ ਇਸ ਦਾ ਨਿਰਮਾਣ ਕੰਮ ਪੂਰਾ ਹੋ ਜਾਵੇਗਾ। ਜਿਵੇਂ ਇਸ ਫਲਾਈਓਵਰ ਦਾ ਨਿਰਮਾਣ ਕੰਮ ਪੂਰਾ ਹੋਵੇਗਾ, ਇਸ ਦਾ ਨਾਮ ਸਾਕਬਾ ਪ੍ਰਧਾਨ ਮੰਤਰੀ ਸ੍ਰੀ ਅਟਲ ਬਿਹਾਰੀ ਵਾਜਪੇਯੀ ਨੂੰ ਸਮਰਪਿਤ ਕਰ ਕੇ ਅਟਲ ਸੇਤੁੂ ਰੱਖਿਆ ਜਾਵੇਗਾ।
ਇਹ ਐਲਾਨ ਸ੍ਰੀ ਮਨੋਹਰ ਲਾਲ ਨੇ ਸ਼ਨੀਵਾਰ ਨੂੰ ਕਰਨਾਲ ਦੌਰੇ ਦੌਰਾਨ ਸ਼ਹਿਰ ਵਿੱਚ ਚੱਲ ਰਹੇ ਵੱਖ-ਵੱਖ ਵਿਕਾਸਾਤਮਕ ਪਰਿਯੋਜਨਾਵਾਂ ਦਾ ਨਿਰੀਖਣ ਕਰਨ ਦੇ ਬਾਅਦ ਮੀਡੀਆ ਨਾਲ ਗਲਬਾਤ ਕਰਦੇ ਹੋਏ ਕੀਤਾ। ਸ੍ਰੀ ਮਨੋਹਰ ਲਾਲ ਨੇ ਮੀਡੀਆ ਪਰਸਨਸ ਨੂੰ ਨਵੇਂ ਸਾਲ ਦੀ ਵਧਾਈ ਦਿੱਤੀ। ਉਨ੍ਹਾਂ ਨੇ ਮੀਡੀਆ ਦੇ ਸੁਆਲ ਦੇ ਜਵਾਬ ਵਿੱਚ ਕਿਹਾ ਕਿ ਕਰਨਾਲ ਵਿੱਚ ਅੱਜ ਉਨ੍ਹਾ ਦਾ ਮੁੱਖ ਪ੍ਰੋਗਰਾਮ ਵਿਦੇਸ਼ ਵਿੱਚ ਰੁਜ਼ਗਾਰ ਦੇ ਲਈ ਚੋਣ ਕੀਤੇ ਨੌਜੁਆਨਾਂ ਨੂੰ ਆਫਰ ਲੇਟਰ ਵੰਡ ਕਰਨਾ ਹੈ।
ਹਰਿਆਣਾ ਸਰਕਾਰ ਦੀ ਇਹ ਇੱਕ ਅਨੋਖੀ ਪਹਿਲ ਹੈ। ਇਸ ਪਹਿਲ ਨਾਲ ਨੌਜੁਆਨਾ ਨੂੰ ਬਿਨ੍ਹਾ ਖਰਚ ਦੇ ਵਿਦੇਸ਼ਾਂ ਵਿੱਚ ਰੁਜ਼ਗਾਰ ਦੇ ਮੋਕੇ ਪ੍ਰਾਪਤ ਹੋ ਰਹੇ ਹਨ। ਇੰਨ੍ਹਾ ਹੀ ਨਹੀਂ ਦਲਾਲਾਂ ਤੋਂ ਛੁਟਕਾਰਾ ਵੀ ਮਿਲ ਰਿਹਾ ਹੈ ਅਤੇ ਡੰਕੀ ਵਰੋ ਗਲਤ ਰਸਤਿਆਂ ਤੋਂ ਵੀ ਨੌਜੁਆਨ ਬਚਣਗੇ।
ਅਜਿਹੇ ਵਿਵਸਥਾ ਉਪਲਬਧ ਕਰਵਾਉਣ ਵਾਲਾ ਹਰਿਆਣਾ ਦੇਸ਼ ਦਾ ਮੋਹਰੀ ਸੂਬਾ ਹੈ ਅਤੇ ਜਲਦੀ ਹੀ ਵਿਦੇਸ਼ਾਂ ਵਿੱਚ 7600 ਨੌਜੁਆਨਾ ਲਈ ਹੋਰ ਰੁਜ਼ਗਾਰ ਦੇ ਮੌਕੇ ਪ੍ਰਾਪਤ ਹੋਣਗੇ। ਕੇਂਦਰੀ ਮੰਤਰੀ ਨੇ ਆਪਣੇ ਪ੍ਰਸਤਾਵਿਤ ਦੌਰਾ ਪ੍ਰੋਗਰਾਮ ਦੌਰਾਨ ਸੱਭ ਤੋਂ ਪਹਿਲੇ ਲਗਭਗ 128 ਕਰੋੜ ਰੁਪਏ ਨਾਲ ਸੈਕਟਰ 13 ਤੇ 14 ਦੇ ਵਿੱਚੋਂ-ਵਿੱਚ ਲੰਘਣ ਵਾਲੇ ਮਾਰਗ 'ਤੇ ਬਣਾਏ ਜਾ ਰਹੇ ਏਲੀਵੇਟੇਡ ਫਲਾਈਓਵਰ ਦਾ ਨਿਰੀਖਣ ਕੀਤਾ ਅਤੇ ਉਸ ਦੀ ਪ੍ਰਗਤੀ ਦੇ ਬਾਰੇ ਵਿੱਚ ਜਾਣਕਾਰੀ ਲਈ।
ਇਸ ਮੌਕੇ 'ਤੇ ਡਿਪਟੀ ਕਮਿਸ਼ਨਰ ਅਤੇ ਸਮਾਰਟ ਸਿਟੀ ਪ੍ਰੋਜੈਕਟ ਕਰਨਾਲ ਦੇ ਸੀਈਓ ਉੱਤਮ ਸਿੰਘ ਨੇ ਦਸਿਆ ਕਿ ਇਸ ਫਲਾਈਓਵਰ ਦਾ ਨਿਰਮਾਣ ਕੰਮ ਪਿਛਲੀ 19 ਜਨਵਰੀ 2025 ਨੂੰ ਸ਼ੁਰੂ ਹੋਇਆ ਸੀ, ਤਾਂਹੀ ਤੋਂ ਇਹ ਕੰਮ ਤੇਜ ਗਤੀ ਨਾਲ ਚੱਲ ਰਿਹਾ ਹੈ ਅਤੇ ਨਿਰਧਾਰਿਤ ਸਮੇਂ ਵਿੱਚ ਪੂਰਾ ਕਰਵਾਉਣ ਦੀ ਭਰਸਕ ਸਤਨ ਜਾਰੀ ਹਨ ਅਤੇ ਹੁਣ ਤੱਕ 60 ਤੋਂ 65 ਫੀਸਦੀ ਕੰਮ ਪੂਰਾ ਹੋ ਚੁੱਕਾ ਹੈ।
ਕੇਂਦਰੀ ਮੰਤਰੀ ਨੇ ਇਸ ਦੇ ਬਾਅਦ ਮੁਗਲ ਕਨਾਲ ਜਿਸ ਦਾ ਨਾਮ ਹੁਣ ਕਰਣ ਕਨਾਲ ਹੈ, ਇਸ ਦੇ ਫੇਜ਼ 2 ਤੇ 3 ਦੇ ਕੰਮ ਦਾ ਨਿਰੀਖਣ ਕੀਤਾ ਅਤੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਸ਼ਹਿਰ ਦੀ ਸੁੰਦਰਤਾ ਤੇ ਨਗਰ ਨਿਗਮ ਦੇ ਸਰੋਤਾਂ ਨੂੰ ਵਧਾਉਣ ਦੀ ਦਿਸ਼ਾ ਵਿੱਚ ਬਿਹਤਰਨੀ ਕਾਰਜ ਯੋਜਨਾ ਤਿਆਰ ਕਰਨ। ਇਸ ਤੋਂ ਇਲਾਵਾ ਫੇਜ਼ 4 ਤਹਿਤ ਕੌਮੀ ਰਾਜਮਾਰਗ ਨੂੰ ਪਾਰ ਕਰਨ ਦੇ ਬਾਅਦ ਕਰਣ ਕਨਾਲ ਦੇ ਅੱਗੇ ਦੇ ਹਿੱਸੇ ਨੂੰ ਸਾਫ ਪਾਣੀ ਦੇ ਲਈ ਵੀ ਤਿਆਰ ਕਰਨ ਦੀ ਯੋਜਨਾ ਬਣਾਈ।
ਸ੍ਰੀ ਮਨੋਹਰ ਲਾਲ ਨੇ ਕਰਣ ਕਨਾਲ ਦਾ ਨਿਰੀਖਣ ਕਰਨ ਦੇ ਬਾਅਦ ਪੁਰਾਣੀ ਅਨਾਜ ਮੰਡੀ ਵਿੱਚ ਕਰੀਬ 35 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣ ਰਹੇ ਕਮਰਸ਼ਿਅਲ ਪ੍ਰੋਜੈਕਟ ਦਾ ਵੀ ਨਿਰੀਖਣ ਕੀਤਾ ਅਤੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਇਸ ਪਰਿਯੋਜਨਾ ਨੂੰ ਤੇਜ ਗਤੀ ਲਾਲ ਪੂਰਾ ਕੀਤਾ ਜਾਵੇ, ਤਾਂ ਜੋ ਨਗਰ ਨਿਗਮ ਦੀ ਆਮਦਨ ਦੇ ਸਰੋਤਾਂ ਵਿੱਚ ਵਾਧਾ ਹੋ ਸਕੇ। ਨਿਰੀਖਣ ਦੌਰਾਨ ਕੇਂਦਰੀ ਮੰਤਰੀ ਨੇ ਸ਼ਕਤੀ ਕਲੋਨੀ ਵਿੱਚ 106 ਕਰੋੜ ਰੁਪਏ ਦੀ ਲਾਗਤ ਨਾਲ ਨਿਰਮਾਣਧੀਨ ਪਰਿਯੋਜਨਾ ਦਾ ਵੀ ਦੌਰਾਨ ਕੀਤਾ ਅਤੇ ਪ੍ਰਗਤੀ ਦੇ ਬਾਰੇ ਵਿੱਚ ਜਾਣਕਾਰੀ ਲਈ।
ਇਸ 'ਤੇ ਡਿਪਟੀ ਕਮਿਸ਼ਨਰ ਨੇ ਦਸਿਆ ਕਿ ਇਹ ਕਾਰਜ ਲਗਭਗ ਪੂਰਾ ਹੋ ਚੁੱਕਾ ਹੈ ਅਤੇ ਆਪਣੇ ਆਖੀਰੀ ਪੜਾਅ ਵਿੱਚ ਹੈ। ਸ੍ਰੀ ਮਨੋਹਰ ਲਾਲ ਨੇ ਨਿਰਦੇਸ਼ ਦਿੱਤੇ ਕਿ ਜਿਵੇਂ ਹੀ ਨਿਰਮਾਣ ਕੰਮ ਪੂਰਾ ਹੋ ਜਾਵੇ, ਤੁਰੰਤ ਅੱਗੇ ਦੀ ਪ੍ਰਕ੍ਰਿਆ ਅਮਲ ਵਿੱਚ ਲਿਆਈ ਜਾਵੇ। ਇਸ ਮੌਕੇ 'ਤੇ ਨੀਲੋਖੇੜੀ ਦੇ ਵਿਧਾਇਕ ਭਗਵਾਲ ਦਾਸ ਕਬੀਰਪੰਥੀ, ਅਸੰਧ ਦੇ ਵਿਧਾਇਕ ਯੋਗੇਂਦਰ ਰਾਣਾ, ਮੇਅਰ ਰੇਣੂ ਬਾਲਾ ਗੁਪਤਾ, ਸਮੇਤ ਸਬੰਧਿਤ ਵਿਭਾਗ ਦੇ ਅਧਿਕਾਰੀ ਮੌਜੂਦ ਰਹੇ।