ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਵੀਰਵਾਰ ਨੂੰ ਹੈਂਡਬੁਕ ਫਾਰ ਏਗਜੀਕਯੂਟਿਵ ਮਜਿਸਟੇ੍ਰਟਸ ਦਾ ਵਿਮੋਚਨ ਕੀਤਾ। ਇਹ ਪੁਸਤਕ ਸੀਨੀਅਰ ਆਈਏਐਸ ਅਧਿਕਾਰੀ ( ਸੇਵਾਮੁਕਤ ) ਡਾ. ਕੇ. ਕੇ. ਖੰਡੇਲਵਾਲ ਅਤੇ ਹਰਿਆਣਾ ਸਰਕਾਰ ਵਿੱਚ ਵਧੀਕ ਮੁੱਖ ਸਕੱਤਰ ਸ੍ਰੀ ਅਪੂਰਵ ਕੁਮਾਰ ਸਿੰਘ ਵੱਲੋਂ ਲਿਖੀ ਗਈ ਹੈ।
ਹਰਿਆਣਾ ਆਈਏਐਸ ਆਫ਼ਿਸਰਸ ਏਸੋਸਇਏਸ਼ਨ ਦੇ ਤੱਤਵਾਧਾਨ ਵਿੱਚ ਆਯੋਜਿਤ ਕਿਤਾਬ ਵਿਮੋਚਨ ਪ੍ਰੋਗਰਾਮ ਵਿੱਚ ਆਈਏਐਸ ਏਸੋਸਇਏਸ਼ਨ ਦੇ ਪਦਾਧਿਕਾਰੀ ਅਤੇ ਕਈ ਸੀਨੀਅਰ ਪ੍ਰਸ਼ਾਸਨਿਕ ਅਧਿਕਾਰੀ ਮੌਜ਼ੂਦ ਰਹੇ। ਇਸ ਮੌਕੇ 'ਤੇ ਹਰਿਆਣਾ ਆਈਏਐਸ ਆਫ਼ਿਸਰ ਏਸੋਸਇਏਸ਼ਨ ਦੇ ਸਕੱਤਰ ਡਾ. ਅਮਿਤ ਅਗਰਵਾਲ ਨੇ ਏਸੋਸਇਏਸ਼ਨ ਵੱਲੋਂ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੂੰ ਯਾਦਗਾਰੀ ਚਿਨ੍ਹੰ ਭੇਂਟ ਕੀਤਾ।
ਮੁੱਖ ਮੰਤਰੀ ਨੇ ਇਸ ਮੌਕੇ ਨੂੰ ਰਾਜ ਦੀ ਪ੍ਰਸ਼ਾਸਨਿਕ ਅਤੇ ਨਿਆਇਕ ਵਿਵਸਥਾ ਲਈ ਸਾਰਥਕ ਦੱਸਦੇ ਹੋਏ ਕਿਹਾ ਕਿ ਇਹ ਸਾਧਾਰਣ ਪੋ੍ਰਗਰਾਮ ਨਹੀਂ ਹੈ ਸਗੋਂ ਇਹ ਵਿਚਾਰਾਂ ਦਾ ਉਤਸਵ ਹੈ। ਜਦੋਂ ਇੱਕ ਕਿਤਾਬ ਲਿਖੀ ਜਾਂਦੀ ਹੈ ਤਾਂ ਉਹ ਸਿਰਫ਼ ਸ਼ਬਦਾਂ ਦਾ ਸੰਗਮ ਨਹੀਂ ਹੁੰਦਾ ਸਗੋਂ ਇਹ ਲੇਖਕ ਦੀ ਸੋਚ, ਉਸ ਦੀ ਸਾਧਨਾ ਅਤੇ ਉਸ ਦੀ ਸੰਵੇਦਨਾਵਾਂ ਦਾ ਸੰਗਮ ਹੁੰਦਾ ਹੈ।
ਕਿਤਾਬ ਸਿਰਫ਼ ਲਾਇਬੇ੍ਰਰੀ ਦੀ ਸ਼ੋਭਾ ਹੀ ਨਹੀਂ ਹੁਦੀ ਸਗੋਂ ਇਹ ਆਉਣ ਵਾਲੀ ਪੀਢੀਆਂ ਦਾ ਇੱਕ ਮਾਰਗਦਰਸ਼ਕ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਕਿਤਾਬ ਡਾ. ਭੀਮਰਾਓ ਅੰਬੇਡਕਰ ਦੇ ਪਵਿੱਤਰ ਸੰਵਿਧਾਨ ਨੂੰ ਮਜਬੂਤ ਕਰਨ ਵਿੱਚ ਆਪਣੀ ਮਹੱਤਵਪੂਰਨ ਭੂਮਿਕਾ ਅਦਾ ਕਰੇਗੀ।
ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਅੱਜ ਦਾ ਇਹ ਵਿਮੋਚਨ ਇਸ ਲਈ ਵੀ ਇਤਿਹਾਸਕ ਹੈ, ਕਿਉਂਕਿ ਇਹ ਕਿਤਾਬ ਅਜਿਹੇ ਸਮੇ ਵਿੱਚ ਪ੍ਰਕਾਸ਼ਿਤ ਹੋ ਰਹੀ ਹੈ, ਜਦੋਂ ਦੇਸ਼ ਦੀ ਅਪਰਾਧਿਕ ਨਿਅ੍ਹਾਂ ਵਿਵਸਥਾ ਵਿੱਚ ਇੱਕ ਨਵਾਂ ਅਧਿਆਏ ਸ਼ੁਰੂ ਹੋਇਆ ਹੈ। ਭਾਰਤੀ ਨਾਗਰਿਕ ਸੁਰੱਖਿਆ ਸੰਹਿਤਾ-2023 ਨੇ ਕ੍ਰਿਮਿਨਲ ਪੋ੍ਰਸੀਜਰ ਕੋਡ, 1973 ਦਾ ਸਥਾਨ ਲਿਆ ਹੈ।
ਇਹ ਬਦਲਾਵ ਨਿਅ੍ਹਾਂ ਪ੍ਰਕਿਰਿਆ ਨੂੰ ਤੇਜ, ਸਰਲ, ਪਾਰਦਰਸ਼ੀ ਅਤੇ ਤਕਨੀਕੀ ਤੌਰ ਨਾਲ ਸਸ਼ਕਤ ਬਨਾਉਣ ਦੀ ਦਿਸ਼ਾ ਵਿੱਚ ਚੁੱਕਿਆ ਗਿਆ ਇੱਕ ਨਿਰਣਾਇਕ ਕਦਮ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ ਕੁਸ਼ਲ ਮਾਰਗਦਰਸ਼ਨ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਸ੍ਰੀ ਅਮਿਤ ਸ਼ਾਹ ਦੀ ਅਗਵਾਈ ਹੇਠ ਰਾਜ ਸਰਕਾਰ ਨੇ ਹਰਿਆਣਾ ਵਿੱਚ ਇਨ੍ਹਾਂ ਤਿੰਨਾਂ ਅਪਰਾਧਿਕ ਕਾਨੂੰਨਾਂ ਨੂੰ ਪੂਰਨ ਤੌਰ ਨਾਲ ਲਾਗੂ ਕਰ ਦਿੱਤਾ ਹੈ।
ਅਜਿਹੇ ਪਰਿਵਰਤਨ ਦੇ ਦੌਰ ਵਿੱਚ ਕਾਰਜਕਾਰੀ ਮਜਿਸਟੇ੍ਰਟਾਂ ਦੀ ਭੂਮਿਕਾ ਹੋਰ ਵੀ ਵੱਧ ਮਹੱਤਵਪੂਰਨ ਹੋ ਜਾਂਦੀ ਹੈ। ਕਿਉਂਕਿ ਉਹ ਪ੍ਰਸ਼ਾਸਨਿਕ ਪ੍ਰਣਾਲੀ ਦੇਸ ਥੰਭ ਹਨ ਜਿਨ੍ਹਾਂ ਦੇ ਮੌਡਿਆਂ 'ਤੇ ਕਾਨੂੰਨ-ਵਿਵਸਥਾ, ਜਨ ਸੁਰੱਖਿਆ, ਸ਼ਾਂਤੀ ਅਤੇ ਨਿਸ਼ਪੱਖ ਨਿਅ੍ਹਾਂ ਦੀ ਸਿੱਧੀ ਜਿੰਮੇਦਾਰੀ ਹੁੰਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਕਿਤਾਬ ਦੀ ਵਿਸ਼ੇਸ਼ਤਾ ਇਹ ਹੈ ਕਿ ਇਹ ਕਾਂਨੂੰਨਾਂ ਦਾ ਸੰਕਲਨ ਮਾਤਰ ਨਹੀਂ ਹੈ।
ਇਹ ਇੱਕ ਅਜਿਹਾ ਵਿਆਪਕ ਮਾਰਗਦਰਸ਼ਕ ਹੈ ਜੋ ਕਾਰਜਕਾਰੀ ਮਜਿਸਟ੍ਰੇਟਾਂ ਦੀ ਭੂਮਿਕਾ ਤੋਂ ਲੈ ਕੇ ਉਨ੍ਹਾਂ ਦੀ ਸ਼ਕਤੀਆਂ, ਵਿਵਹਾਰਿਕ ਪ੍ਰਕਿਰਿਆਂ, ਕਾਨੂੰਨਾਂ ਲੋੜਾਂ ਅਤੇ ਜਮੀਨੀ ਹਾਲਾਤਾਂ ਵਿੱਚ ਉਨ੍ਹਾਂ ਦੇ ਪ੍ਰਯੋਗ ਤੱਕ, ਹਰ ਪਹਿਲੂ ਨੂੰ ਬਹੁਤਾ ਸਰਲ ਅਤੇ ਸਪਸ਼ਟ ਤੌਰ 'ਤੇ ਪੇਸ਼ ਕਰਦੀ ਹੈ। 10 ਭਾਗਾਂ ਅਤੇ 45 ਅਧਿਆਵਾਂ ਵਿੱਚ ਲਿਖੀ ਗਈ ਇਹ ਕਿਤਾਬ ਆਪਣੇ ਆਪ ਵਿੱਚ ਇੱਕ ਸੰਪੂਰਨ ਸੰਦਰਭ ਗ੍ਰੰਥ ਹੈ।
ਇਹ ਕਿਤਾਬ ਹਰ ਯੁਵਾ ਅਤੇ ਅਨੁਭਵੀ ਅਧਿਕਾਰੀ ਨੂੰ ਦਿਸ਼ਾ ਦੇਣ ਵਾਲੀ ਅਤੇ ਨਿਰਣਾਇਕ ਸਮਰਥਾ ਵਧਾਉਣ ਵਾਲੀ ਸਿੱਧ ਹੋਵੇਗੀ-ਨਾਇਬ ਸਿੰਘ ਸੈਣੀ
ਮੁੱਖ ਮੰਤਰੀ ਨੇ ਕਿਹਾ ਕਿ ਇਸ ਕਿਤਾਬ ਵਿੱਚ ਵੱਖ ਵੱਖ ਪਹਿਲੁਆਂ ਦਾ ਵਿਸਥਾਰ, ਵਿਵੇਚਨਾਤਮਕ ਅਤੇ ਬਹੁਤਾ ਵਿਵਹਾਰਿਕ ਬਿਯੂਰਾ ਦਿੱਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ ਨਿਵਾਰਕ ਨਿਅ੍ਹਾਂ, ਸੁਰੱਖਿਆ ਕਾਰਵਾਈ, ਮਜਿਸਟ੍ਰਿਅਲ ਜਾਂਚ, ਪਛਾਣ ਪਰੇਡ, ਸਿਵਲ ਵਿਵਸਥਾ ਬਣਾਏ ਰਖਣ, ਦੰਗਿਆਂ ਨੂੰ ਸੱਦਾ, ਮਾਨਹਾਨਿ, ਅਵਮਾਨਨਾ, ਅਨੁਸ਼ਾਸਨਿਕ ਅਧਿਕਾਰ ਆਦਿ ਸ਼ਾਮਲ ਹਨ।
ਉਨ੍ਹਾਂ ਨੇ ਭਰੋਸਾ ਦਿੱਤਾ ਕਿਤਾ ਕਿ ਇਹ ਕਿਤਾਬ ਹਰ ਯੁਵਾ ਅਤੇ ਅਨੁਭਵੀ ਅਧਿਕਾਰੀ ਨੂੰ ਦਿਸ਼ਾ ਦੇਣ ਵਾਲੀ, ਸਪਸ਼ਟਤਾ ਪ੍ਰਦਾਨ ਕਰਨ ਵਾਲੀ ਅਤੇ ਨਿਰਣਾਇਕ ਸਮਰਥਾ ਵਧਾਉਣ ਵਾਲੀ ਸਿੱਧ ਹੋਵੇਗੀ। ਮੁੱਖ ਮੰਤਰੀ ਨੇ ਦੋਹਾਂ ਲੇਖਕਾਂ ਦੇ ਯੋਗਦਾਨ ਦਾ ਜਿਕਰ ਕਰਦੇ ਹੋਏ ਕਿਹਾ ਕਿ ਡਾ. ਕੇ. ਕੇ. ਖੰਡੇਲਵਾਲ ਦਾ ਇੰਜੀਨਿਅਰ, ਵਿਧੀ ਮਾਹਿਰ, ਪ੍ਰਸ਼ਾਸਕ, ਲੇਖਕ ਅਤੇ ਸਿਵਲ ਸੇਵਕ ਵੱਜੋਂ ਵਿਆਪਕ ਅਨੁਭਵ ਪ੍ਰਸ਼ਾਸਣਿਕ ਪ੍ਰਣਾਲੀ ਲਈ ਅਮੁੱਲ ਰਿਹਾ ਹੈ।
ਮੌਜ਼ੂਦਾ ਵਿੱਚ ਭਾਰਤ ਸਕਾਉਟਸ ਐਂਡ ਗਾਇਡਸ ਦੇ ਚੀਫ਼ ਨੇਸ਼ਨਲ ਕਮਿਸ਼ਨਰ ਵੱਜੋਂ ਉਨ੍ਹਾਂ ਦਾ ਮਾਰਗਦਰਸ਼ਨ ਯੁਵਾਵਾਂ ਨੂੰ ਰਾਸ਼ਟਰ ਨਿਰਮਾਣ ਦੀ ਦਿਸ਼ਾ ਵਿੱਚ ਪ੍ਰੇਰਿਤ ਕਰ ਰਿਹਾ ਹੈ। ਇਸੇ ਤਰ੍ਹਾਂ ਵਧੀਕ ਮੁੱਖ ਸਕੱਤਰ ਸ੍ਰੀ ਅਪੂਰਵ ਕੁਮਾਰ ਸਿੰਘ ਨੇ ਊਰਜਾ, ਟਾਉਨ ਐਂਡ ਕੰਟ੍ਰੀ ਪਲਾਨਿੰਗ, ਸ਼ਹਿਰੀ ਸਟੇਟ, ਖਨਨ, ਸਿੰਚਾਈ ਅਤੇ ਜਲ ਸਰੋਤ ਜਿਹੇ ਮਹੱਤਵਪੂਰਨ ਵਿਭਾਗਾਂ ਵਿੱਚ ਆਪਣੀ ਅਗਵਾਈ ਨਾਲ ਰਾਜ ਨੂੰ ਨਵੀਂ ਦਿਸ਼ਾ ਪ੍ਰਦਾਨ ਕੀਤੀ ਹੈ।
ਇਹ ਕਿਤਾਬ ਦੋਹਾਂ ਦੇ ਅਨੁਭਵ ਅਤੇ ਦ੍ਰਿਸ਼ਟੀ ਦਾ ਸ਼ਾਨਦਾਰ ਤਾਲਮੇਲ ਹੈ। ਅਨੁਭਵ ਅਤੇ ਕਾਨੂੰਨ ਦੋਹਾਂ ਦਾ ਸੰਤੁਲਨ ਹੀ ਅਧਿਕਾਰੀ ਨੂੰ ਸਮਰਥ ਅਤੇ ਪ੍ਰਭਾਵੀ ਬਣਦਾ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਅਧਿਕਾਰਿਆਂ ਨੂੰ ਅਕਸਰ ਅਜਿਹੇ ਹਾਲਾਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਜਿੱਥੇ ਕੁੱਝ ਮਿਨਟਾਂ ਵਿੱਚ ਵੱਡੇ ਫੈਸਲੇ ਲੈਣੇ ਪੈਂਦੇ ਹਨ।
ਅਜਿਹੇ ਸਮੇ ਵਿੱਚ ਅਨੁਭਵ ਅਤੇ ਕਾਨੂੰਨ ਦੋਹਾਂ ਦਾ ਸੰਤੁਲਨ ਹੀ ਅਧਿਕਾਰੀ ਨੂੰ ਸਮਰਥ ਅਤੇ ਪ੍ਰਭਾਵੀ ਬਣਾਉਂਦਾ ਹੈ। ਇਹ ਕਿਤਾਬ ਉਸੇ ਸੰਤੁਲਨ ਨੂੰ ਮਜਬੂਤ ਕਰਨ ਵਿੱਚ ਮਦਦਗਾਰ ਸਾਬਿਤ ਹੋਵੇਗੀ।
ਇਹ ਕਿਤਾਬ ਫੀਲਡ ਅਧਿਕਾਰਿਆਂ ਲਈ ਵਨ-ਸਟਾਪ ਸੋਲੂਸ਼ਨ-ਸੁਧੀਰ ਰਾਜਪਾਲ
ਵਧੀਕ ਮੁੱਖ ਸਕੱਤਰ ਸ੍ਰੀ ਸੁਧੀਰ ਰਾਜਪਾਲ ਨੇ ਕਿਹਾ ਕਿ ਨਵੇਂ ਅਧਿਕਾਰਿਆਂ ਨੂੰ ਜਦੋਂ ਅਚਾਨਕ ਫੀਲਡ ਵਿੱਚ ਜਾਂ ਦਫ਼ਤਰ ਵਿੱਚ ਮੁਸ਼ਕਲ ਹਾਲਾਤਾਂ ਦਾ ਸਾਹਮਨਾ ਕਰਨਾ ਪੈਂਦਾ ਹੈ, ਉੱਦੋਂ ਉਨ੍ਹਾਂ ਨੂੰ ਅਜਿਹੀ ਕਿਤਾਬ ਦੀ ਲੋੜ ਹੁੰਦੀ ਹੈ ਜੋ ਉਨ੍ਹਾਂ ਦੇ ਲਈ ਵਨ-ਸਟਾਪ ਸੋਲੂਸ਼ਨ ਦਾ ਕੰਮ ਕਰਨ। ਇਹ ਕਿਤਾਬ ਉਸੇ ਸੋਚ ਦਾ ਨਤੀਜਾ ਹੈ ਕਿ ਸੀਨੀਅਰ ਅਧਿਕਾਰੀ ਆਪਣੀ ਟੀਮ ਨੂੰ ਮਜਬੂਤ ਬਨਾਉਣ ਅਤੇ ਹਰ ਮੋੜ 'ਤੇ ਮਾਰਗਦਰਸ਼ਨ ਦੇਣ ਲਈ ਕਿਵੇਂ ਖਲੌਤੇ ਰਹਿੰਦੇ ਹਨ। ਮੁੱਖ ਮੰਤਰੀ ਨੇ ਵੀ ਸਾਨੂੰ ਸਿਖਾਇਆ ਹੈ ਕਿ ਇੱਕ ਟੀਮ ਦੀ ਭਾਵਨਾ ਨਾਲ ਪੂਰੇ ਹਰਿਆਣਾ ਨੂੰ ਅੱਗੇ ਵਧਾਉਣਾ ਹੈ।
ਏਗਜੀਕਯੂਟਿਵ ਮਜਿਸਟੇ੍ਰਟਸ ਹੈਂਡਬੁਕ ਹਰ ਯੁਵਾ ਅਤੇ ਕੰਮ ਕਰ ਰਹੇ ਅਧਿਕਾਰੀ ਲਈ ਇੱਕ ਜੀਵੰਤ ਮਾਰਗਦਰਸ਼ਿਕਾ ਵੱਜੋਂ ਕੰਮ ਕਰੇਗੀ-ਡਾ. ਕੇ. ਕੇ. ਖੰਡੇਲਵਾਲ
ਕਿਤਾਬ ਦੇ ਲੇਖਕ ਸੀਨੀਅਰ ਆਈਏਐਸ ਅਧਿਕਾਰੀ ( ਸੇਵਾਮੁਕਤ ) ਡਾ. ਕੇ. ਕੇ. ਖੰਡੇਲਵਾਲ ਨੇ ਅੱਜ ਕਿਤਾਬ ਦੇ ਲਾਂਚ ਪ੍ਰੋਗਰਾਮ ਦੌਰਾਨ ਕਿਤਾਬ ਦੇ ਟੀਚੇ ਅਤੇ ਇਸ ਦੀ ਪ੍ਰਾਸੰਗਿਕਤਾ 'ਤੇ ਵਿਸਥਾਰ ਨਾਲ ਪ੍ਰਕਾਸ਼ ਪਾਇਆ। ਮੁੱਖ ਮੰਤਰੀ ਦੀ ਸਰਲਤਾ, ਜਨਸੇਵਾ ਪ੍ਰਤੀ ਨਿਸ਼ਠਾ ਅਤੇ ਸਮਰਥਾ ਪ੍ਰਸ਼ਾਸਨਿਕ ਤੰਤਰ ਲਈ ਸਦਾ ਇੱਕ ਮਿਸਾਲ ਰਹੀ ਹੈ।
ਡਾ. ਖੰਡੇਲਵਾਲ ਨੇ ਕਿਹਾ ਕਿ ਇਹ ਪ੍ਰੇਗਰਾਮ ਸਿਰਫ਼ ਇੱਕ ਕਿਤਾਬ ਦੇ ਵਿਮੋਚਨ ਦਾ ਮੌਕਾ ਨਹੀਂ ਹੈ ਸਗੋਂ ਇਹ ਪ੍ਰਸ਼ਾਸਨਿਕ ਅਨੁਭਵਾਂ, ਜਿੰਮੇਦਾਰਿਆਂ ਅਤੇ ਜਨਤਾ ਦੀ ਸੇਵਾ ਪ੍ਰਤੀ ਅਟੁਟ ਪ੍ਰਤੀਬੱਧਤਾ ਨੂੰ ਦੁਬਾਰਾ ਯਾਦ ਕਰਨ ਦਾ ਮੌਕਾ ਵੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਕਿਤਾਬ ਸਿਰਫ਼ ਇੱਕ ਹੈਂਡਬੁਕ ਨਹੀਂ, ਸਗੋਂ ਸਾਲਾਂ ਦਾ ਤਜ਼ਰਬਾ, ਚੁਣੌਤਿਆਂ ਅਤੇ ਸੀਖਾਂ ਦੀ ਯਾਤਰਾ ਦਾ ਸੰਕਲਨ ਹੈ।
ਉਨ੍ਹਾਂ ਨੇ ਕਿਹਾ ਕਿ ਭਾਰਤੀ ਨਿਅ੍ਹਾਂ ਸੰਹਿਤਾ 2023 ਲਾਗੂ ਹੋਣ ਤੋਂ ਬਾਅਦ ਫੀਲਡ ਪ੍ਰਸ਼ਾਸਨ ਦੀ ਭੂਮਿਕਾ ਵਿੱਚ ਕਈ ਨਵੇ ਹਾਲਾਤਾਂ ਅਤੇ ਜਿੰਮੇਦਾਰਿਆਂ ਸਾਹਮਣੇ ਆਈਆਂ ਹਨ। ਅਜਿਹੇ ਸਮੇ ਵਿੱਚ ਇੱਕ ਅਜਿਹੀ ਸੰਦਰਭ ਕਿਤਾਬ ਦੀ ਲੋੜ ਮਹਿਸੂਸ ਕੀਤੀ ਗਈ ਜੋ ਵਿਵਹਾਰਿਕ, ਸਰਲ ਅਤੇ ਕੰਮ ਕਰ ਰਹੇ ਅਧਿਕਾਰਿਆਂ ਨੂੰ ਤੁਰੰਤ ਮਾਰਗਦਰਸ਼ਨ ਦੇਣ ਵਾਲੀ ਹੋਵੇ। ਇਹ ਕਿਤਾਬ ਪ੍ਰਸ਼ਾਸਨਿਕ ਸਮਰਥਾ ਵਧਾਉਣ ਅਤੇ ਫੀਲਡ ਪੱਧਰ 'ਤੇ ਤੁਰੰਤ ਫੈਸਲਾ ਲੈਣ ਵਿੱਚ ਬਹੁਤ ਮਦਦਗਾਰ ਸਿੱਧ ਹੋਵੇਗੀ।
ਇੱਕ ਅਧਿਕਾਰੀ ਦਾ ਧੀਰਜ, ਅਨੁਭਵ ਅਤੇ ਵਿਵੇਕ ਸਹੀ ਫੈਸਲੇ ਦਾ ਆਧਾਰ ਬਣਦੇ ਹਨ-ਏ. ਕੇ. ਸਿੰਘ
ਹਰਿਆਣਾ ਸਰਕਾਰ ਵਿੱਚ ਵਧੀਕ ਮੁੱਖ ਸਕੱਤਰ ਸ੍ਰੀ ਏ.ਕੇ. ਸਿੰਘ ਨੇ ਕਿਹਾ ਕਿ ਵਾਸਤਵਿਕ ਗਿਆਨ ਸਿਰਫ਼ ਕਿਤਾਬਾਂ ਨਾਲ ਹੀ ਨਹੀਂ ਸਗੋਂ ਅਨੁਭਵ ਅਤੇ ਤਜ਼ਰਬੇ ਨਾਲ ਆਉਂਦਾ ਹੈ। ਇੱਕ ਅਧਿਕਾਰੀ ਅੰਦਰ ਧੀਰਜ, ਸਫ਼ੂਤਰੀ ਅਤੇ ਵਿਵੇਕ ਦਾ ਹੋਣਾ ਸਭ ਤੋਂ ਚੰਗਾ ਗੁਣ ਹੈ ਕਿਉਂਕਿ ਹਰ ਹਾਲਾਤ ਵਿੱਚ ਸਿਰਫ਼ ਕਾਨੂੰਨ ਦੀ ਜਾਣਕਾਰੀ ਜਰੂਰੀ ਨਹੀਂ ਹੁੰਦੀ । ਜਦੋਂ ਕਾਨੂੰਨ ਹਾਲਾਤ ਨੂੰ ਪੂਰੀ ਤਰ੍ਹਾਂ ਪਰਿਭਾਸ਼ਿਤ ਨਹੀਂ ਕਰ ਪਾਉਂਦਾ, ਉੱਦੋਂ ਅਧਿਕਾਰੀ ਦਾ ਧੀਰਜ, ਅਨੁਭਵ ਨਾਲ ਵਿਕਸਿਤ ਵਿਵੇਕ ਅਤੇ ਮੌਕੇ 'ਤੇ ਉਸ ਦੀ ਤਿਆਰੀ ਹੀ ਸਹੀ ਫੈਸਲੇ ਦਾ ਆਧਾਰ ਬਣਦੇ ਹਨ।
ਇਹ ਕਿਤਾਬ ਨਵੇਂ ਅਧਿਕਾਰਿਆਂ ਲਈ ਮਾਰਗਦਰਸ਼ਕ ਸਿੱਧ ਹੋਵੇਗੀ ਅਤੇ ਉਨ੍ਹਾਂ ਨੂੰ ਜਿੰਮੇਵਾਰਿਆਂ ਦਾ ਪ੍ਰਭਾਵੀ ਢੰਗ ਨਾਲ ਨਿਰਵਹਿਨ ਕਰਨ ਵਿੱਚ ਲਗਾਤਾਰ ਪੇ੍ਰਰਣਾ ਪ੍ਰਦਾਨ ਕਰਦੀ ਹਵੇਗੀ-ਡਾ. ਅਮਿਤ ਅਗਰਵਾਲ
ਹਰਿਆਣਾ ਆਈਏਐਸ ਆਫ਼ਿਸਰਸ ਏਸੋਸਇਏਸ਼ਨ ਦੇ ਸਕੱਤਰ ਡਾ. ਅਮਿਤ ਅਗਰਵਾਲ ਨੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਅਤੇ ਹੋਰ ਸੀਨੀਅਰ ਮਹਿਮਾਨਾਂ ਦਾ ਸੁਆਗਤ ਕਰਦੇ ਹੋਏ ਕਿਹਾ ਕਿ ਇਹ ਸਿਰਫ਼ ਇੱਕ ਕਿਤਾਬ ਦਾ ਵਿਮੋਚਨ ਨਹੀਂ ਸਗੋਂ ਪ੍ਰਸ਼ਾਸਨਿਕ ਪ੍ਰਣਾਲੀ ਨੂੰ ਸਸ਼ਕਤ ਬਨਾਉਣ ਦੀ ਦਿਸ਼ਾ ਵਿੱਚ ਮਹੱਤਵਪੂਰਨ ਕਦਮ ਹੈ। ਇਹ ਕਿਤਾਬ ਨਵੇਂ ਅਧਿਕਾਰਿਆਂ ਲਈ ਮਾਰਗਦਰਸ਼ਕ ਸਿੱਧ ਹੋਵੇਗੀ ਅਤੇ ਉਨ੍ਹਾਂ ਨੂੰ ਆਪਣੀ ਜਿੰਮੇਦਾਰਿਆਂ ਦਾ ਪ੍ਰਭਾਵੀ ਢੰਗ ਨਾਲ ਵਹਿਨ ਕਰਨ ਵਿੱਚ ਲਗਾਤਾਰ ਪ੍ਰੇਰਣਾ ਅਤੇ ਦਿਸ਼ਾ ਪ੍ਰਦਾਨ ਕਰਦੀ ਰਵੇਗੀ।
ਉਨ੍ਹਾਂ ਨੇ ਕਿਹਾ ਕਿ ਮੁੱਖ ਮੰਤਰੀ, ਜੋ ਹਰਿਆਣਾ ਦੇ ਗ੍ਰਹਿ ਮੰਤਰੀ ਵੀ ਹਨ, ਉਨ੍ਹਾਂ ਦੀ ਅਗਵਾਈ ਵਿੱਚ ਹਰਿਆਣਾ ਉਨ੍ਹਾਂ ਅਗ੍ਰਣੀ ਰਾਜਿਆਂ ਵਿੱਚ ਸ਼ਾਮਲ ਹੈ ਜਿਨ੍ਹਾਂ ਨੂੰ ਤਿੰਨ ਨਵੇਂ ਅਪਰਾਧਿਕ ਕਾਨੂੰਨਾਂ ਨੂੰ ਪੂਰੀ ਤਰ੍ਹਾਂ ਲਾਗੂ ਕੀਤਾ ਹੈ। ਅਪਰਾਧ ਕੰਟੋ੍ਰਲ, ਸੇਵਾ ਅਤੇ ਸੁਰੱਖਿਆ ਦੀ ਭਾਵਨਾ ਨੂੰ ਮਜਬੂਤ ਕਰਨ ਵਿੱਚ ਇਨ੍ਹਾਂ ਤਿੰਨਾਂ ਕਾਨੂੰਨਾਂ ਦੀ ਮਹੱਤਵਪੂਰਨ ਭੂਮਿਕਾ ਰਵੇਗੀ। ਡਾ. ਅਗਰਵਾਲ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਲਗਾਤਾਰ ਤੇਜ ਗਤੀ ਨਾਲ ਨਾਨ-ਸਟਾਪ ਕੰਮ ਕਰਦੇ ਹੋਏ ਪ੍ਰਸ਼ਾਸਨਿਕ ਸਮਰਥਾ ਅਤੇ ਸੁਸ਼ਾਸਨ ਨੂੰ ਨਵੀਂ ਉੱਚਾਈਆਂ 'ਤੇ ਲੈ ਜਾ ਰਹੀ ਹੈ।
ਪ੍ਰੋਗਰਾਮ ਵਿੱਚ ਮੁੱਖ ਮੰਤਰੀ ਦੇ ਪ੍ਰਧਾਨ ਸਕੱਤਰ ਸ੍ਰੀ ਅਰੂਣ ਕੁਮਾਰ ਗੁਪਤਾ, ਮੁੱਖ ਮੰਤਰੀ ਦੇ ਵਧੀਕ ਪ੍ਰਧਾਨ ਸਕੱਤਰ ਡਾ. ਸਾਕੇਤ ਕੁਮਾਰ, ਸਾਬਕਾ ਮੁੱਖ ਸਕੱਤਰ ਸ੍ਰੀ ਡੀ. ਐਸ. ਡੇਸੀ, ਆਈਏਐਸ ਅਧਿਕਾਰੀ ( ਸੇਵਾਮੁਕਤ ) ਸ੍ਰੀਮਤੀ ਧੀਰਾ ਖੰਡੇਲਵਾਲ ਸਮੇਤ ਹਰਿਆਣਾ ਸਰਕਾਰ ਦੇ ਹੋਰ ਸੀਨੀਅਰ ਅਧਿਕਾਰੀ ਮੌਜ਼ੂਦ ਰਹੇ।