ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਵਿਧਾਨ ਸਭਾ ਹਲਕਾ ਬਸੀ ਪਠਾਣਾ ਦੀਆਂ ਲਿੰਕ ਸੜਕਾਂ ਦੇ ਨਵ ਨਿਰਮਾਣ ਦੀ ਪ੍ਰਕਿਰਿਆ ਇਨੀ ਦਿਨੀ ਜੋਸ਼ੋ ਖਰੋਸ਼ ਨਾਲ ਜਾਰੀ ਹੈ। ਵਿਧਾਇਕ ਰੁਪਿੰਦਰ ਸਿੰਘ ਹੈਪੀ ਨੇ ਅੱਜ ਹਲਕੇ ਅਧੀਨ ਆਉਂਦੀਆਂ 10 ਹੋਰ ਸੜਕਾਂ ਦੇ ਨਿਰਮਾਣ ਕਾਰਜਾਂ ਦੀ ਸ਼ੁਰੂਆਤ ਮੌਕੇ ਨੀਹ ਪੱਥਰ ਰੱਖੇ ਅਤੇ ਪਿੰਡਾਂ ਦੇ ਨਿਵਾਸੀਆਂ ਨੂੰ ਭਰੋਸਾ ਦਵਾਇਆ ਕਿ 31 ਮਾਰਚ 2026 ਤੋਂ ਪਹਿਲਾਂ ਪਹਿਲਾਂ ਸਾਰੀਆਂ ਲਿੰਕ ਸੜਕਾਂ ਦੀ ਨੁਹਾਰ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਜਾਵੇਗਾ।ਵਿਧਾਇਕ ਰੁਪਿੰਦਰ ਸਿੰਘ ਹੈਪੀ ਨੇ ਕਿਹਾ ਕਿ ਹਲਕਾ ਨਿਵਾਸੀਆਂ ਦੀਆਂ ਜਰੂਰਤਾਂ ਤੋਂ ਉਹ ਭਲੀ ਭਾਂਤ ਜਾਣੂ ਹਨ ਅਤੇ ਪੜਾਅਵਾਰ ਢੰਗ ਨਾਲ ਵਿਕਾਸ ਕਾਰਜਾਂ ਨੂੰ ਨੇਪਰੇ ਚੜਾਇਆ ਜਾ ਰਿਹਾ ਹੈ।
ਉਹਨਾਂ ਕਿਹਾ ਕਿ ਲਿੰਕ ਸੜਕਾਂ ਦੇ ਨਿਰਮਾਣ ਤੋਂ ਇਲਾਵਾ ਹਲਕੇ ਵਿੱਚ ਬੁਨਿਆਦੀ ਸੁਵਿਧਾਵਾਂ ਦਾ ਵਾਧਾ ਕਰਨ ਲਈ ਵੀ ਅਨੇਕਾਂ ਹੋਰ ਪ੍ਰੋਜੈਕਟ ਪ੍ਰਗਤੀ ਅਧੀਨ ਹਨ।ਅੱਜ ਵਿਧਾਇਕ ਰੁਪਿੰਦਰ ਸਿੰਘ ਹੈਪੀ ਨੇ ਖੇੜੀ ਸੰਘੋਲ ਰੋਡ ਤੋਂ ਬਾਠਾਂ ਖੁਰਦ ਵਾਇਆ ਮੋਹਨ ਮਾਜਰਾ, ਖੇੜੀ ਸੰਘੋਲ ਰੋਡ ਤੋਂ ਐੱਚ ਐਮ ਸਕੂਲ ਲੋਹਾਰ ਮਾਜਰਾ ਖੁਰਦ, ਸਰਹਿੰਦ ਮੋਰਿੰਡਾ ਰੋਡ ਤੋਂ ਐਲ.ਸੀ ਰੋਡ ਖਾਂਟ ਵਾਇਆ ਡੂਮਛੇੜੀ ਪੰਜ ਕੋਹਾ ਟੋਡਰਪੁਰ, ਸੁਹਾਵੀ ਤੋਂ ਮੁਸਤਫ਼ਾਬਾਦ (ਐਮ ਸੀ ਲਿਮਟ ਤੱਕ), ਬੋਡ ਤੋਂ ਕੋਟਲਾ ਮਕਸੂਦਾ, ਮੀਰਪੁਰ ਤੋਂ ਮੁੱਲਾਂਪੁਰ ਵਾਇਆ ਉਦਲਪੁਰ, ਖੇੜੀ ਤੋਂ ਧਮਹੇੜੀ ਰੋਡ, ਖੇੜੀ ਧਮਹੇੜੀ ਰੋਡ ਤੋਂ ਜਲੋਵਾਲ ਫਿਰੋਜ਼ਪੁਰ ਰੋਡ ਵਾਇਆ ਲਾਡਪੁਰੀ ਅਤੇ ਬੱਡਲਾ ਤੋਂ ਦੁਲਵਾਂ ਤੇ ਭੜੀ ਤੋਂ ਸੰਘੋਲ ਲਿੰਕ ਸੜਕਾਂ ਬਣਵਾਉਣ ਦੇ ਕੰਮ ਆਰੰਭ ਕਰਵਾਏ।
ਇਸ ਮੌਕੇ ਉਨਾਂ ਨੇ ਸੰਬੰਧਿਤ ਵੱਖ-ਵੱਖ ਪਿੰਡਾਂ ਦੀਆਂ ਗ੍ਰਾਮ ਪੰਚਾਇਤਾਂ ਅਤੇ ਅਧਿਕਾਰੀਆਂ ਨੂੰ ਹਦਾਇਤ ਕੀਤੀ ਕਿ ਉਹ ਨਿਰਮਾਣ ਕਾਰਜਾਂ ਦੀ ਨਿਗਰਾਨੀ ਕਰਦੇ ਰਹਿਣ।