ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਨੇ ਅੱਜ ਵਿਧਾਨ ਸਭਾ ਹਲਕਾ ਦੱਖਣੀ ਅੰਦਰ ਚੋਣ ਪ੍ਰਚਾਰ ਕੀਤਾ ਜਿੱਥੇ ਹਲਕਾ ਇੰਚ: ਪੱਪੀ ਪਰਾਸ਼ਰ ਦੀ ਅਗਵਾਈ ਵਿੱਚ ਹਲਕੇ ਦੇ ਵੋਟਰਾਂ ਵੱਲੋ ਸ: ਬਿੱਟੂ ਦੇ ਕੀਤੇ ਜੋਰਦਾਰ ਸਵਾਗਤ ਨੇ ਵਿਰੋਧੀਆਂ ਦੇ ਖੇਮੇ ਵਿੱਖ ਖਲਬਲੀ ਮਚਾ ਦਿੱਤੀ। ਇਸ ਮੋਕੇ ਸ: ਰਵਨੀਤ ਸਿੰਘ ਬਿੱਟੂ ਨੇ ਕਿਹਾ ਕਿ ਪੰਜਾਬ ਦੀ ਆਕਲੀ ਭਾਜਪਾ ਸਰਕਾਰ ਨੇ ਗਰੀਬ ਲੋਕਾਂ ਨੂੰ ਆਪਣੇ ਕੋਲੋ ਕੋਈ ਸਹੂਲਤ ਤਾਂ ਕੀ ਦੇਣੀ ਸੀ ਸਗੋ ਕੇਂਦਰ ਦੀ ਕਾਂਗਰਸ ਸਰਕਾਰ ਵੱਲੋ ਲੁਧਿਆਣਾ ਦੀ ਜਨਤਾ ਲਈ 24 ਸੋ ਫਲੈਟਾਂ ਦੇ ਭੇਜੇ ਪੈਸੇ ਵੀ ਹੜ੍ਹਪ ਕਰ ਗਈ ਜੇ ਹਲਕੇ ਦੇ ਵੋਟਰਾਂ ਨੇ ਉਹਨਾਂ ਨੂੰ ਸੇਵਾ ਦਾ ਮੋਕਾ ਦਿੱਤਾਂ ਤਾਂ ਉਹ ਗਰੀਬ ਜਨਤਾਂ ਦੇ ਖਾਦੇ ਪੈਸੇ ਤਾਂ ਬਾਦਲ ਸਰਕਾਰ ਦੀ ਤਿਜੌਰੀ ਵਿੱਚੋ ਵਾਪਸ ਕੱਢਵਾਕੇ ਗਰੀਬ ਜਨਤਾਂ ਦੇ ਹਿਤਾ ਲਈ ਖਰਚ ਕਰਨਗੇ ਸਗੋ ਹੋਰ ਨਵੇ ਲੋੜਵੰਦ ਬੇ ਘਰਾਂ ਲਈ ਪਹਿਲੇ 6 ਮਹੀਨੇ ਵਿੱਚ ਹੀ 10 ਹਜਾਰ ਫਲੈਟ ਤਿਆਰ ਕਰਕੇ ਦਿੱਤੇ ਜਾਣਗੇ । ਉਹਨਾਂ ਕਿਹਾ ਕਿ ਹਲਕਾ ਦੱਖਣੀ ਦੇ ਅੰਦਰ ਬੁਹ ਗਿਣਤੀ ਪ੍ਰਵਾਸੀ ਲੋਕ ਰਹਿੰਦੇ ਹਨ ਜੋ ਮੁਢਲੀਆਂ ਸਹੂਲਤਾਂ ਤੋ ਵਾਂਝੇ ਹਨ ਸੱਤਾਧਾਰੀ ਆਗੂ ਸਿਰਫ ਕਾਗਜਾਂ ਵਿੱਚ ਹੀ ਲੋਕਾਂ ਨੂੰ ਸਹੂਲਤਾਂ ਦੇ ਰਹੇ ਹਨ ।
ਉਹਨਾਂ ਕਿਹਾ ਕਿ ਲੁਧਿਆਣਾ ਇੰਡਸਟਰੀ ਤਬਾਹ ਹੋ ਰਹੀ ਹੈ ਜਿਸ ਕਰਕੇ ਬੁਹਤ ਆਸ ਦੇ ਨਾਲ ਬਾਹਰੀ ਸੂਬਿਆਂ ਵਿੱਚੋ ਆਏ ਸਾਡੇ ਪ੍ਰਵਾਸੀ ਭਰਾ ਬੇ ਰੋਜਗਾਰੀ ਕਾਰਨ ਆਪਣੇ ਬਚਿਆਂ ਦੀਆਂ ਮੁਢਲੀਆਂ ਸਹੂਲਤਾਂ ਦੇਣ ਤੋ ਵੀ ਅਸਮਰਥ ਹੋ ਰਹੇ ਹਨ ਲੁਧਿਆਣਾ ਦੇ ਹਰ ਨਾਗਰਿਕ ਨੂੰ ਰੋਜੀ ਰੋਟੀ ਅਤੇ ਰੋਜਗਾਰ ਦੇਣਾ ਉਹਨਾਂ ਦਾ ਪਹਿਲਾ ਕੰਮ ਹੋਵੇਗਾ । ਇਸ ਮੋਕੇ ਹਲਕਾ ਇੰਚ: ਪੱਪੀ ਪਰਾਸ਼ਰ ਨੇ ਕਿਹਾ ਕਿ ਲੁਧਿਆਣਾ ਦੇ ਵੋਟਰਾਂ ਨੇ ਰਵਨੀਤ ਸਿੰਘ ਬਿੱਟੂ ਨੂੰ 2 ਲੱਖ ਵੋਟਾਂ ਦੇ ਨਾਲ ਜਿਤਾਉਣ ਦਾ ਪੱਕਾ ਮਨ ਬਣਾ ਲਿਆ ਹੈ ਜਿਸ ਕਰਕੇ ਵਿਰੋਧੀ ਪੂਰੀ ਤਰਾਂ ਬੁਖਲਾਹਟ ਵਿੱਚ ਹਨ ਅਤੇ ਕਾਗਰਸੀ ਵਰਕਰਾਂ ਨੂੰ ਧਮਕੀਆਂ ਦੇ ਰਹੇ ਹਨ ਪਰ ਕਾਂਗਰਸੀ ਵਰਕਰ ਡਰਨ ਵਾਲੇ ਨਹੀ ਵਿਰੋਧੀਆਂ ਦੀ 21 ਨਾਲ ਪਾਈ ਭਾਜੀ 151 ਕਰਕੇ ਮੋੜੀ ਜਾਵੇਗੀ । ਇਸ ਮੋਕੇ ਉਹਨਾਂ ਦੇ ਨਾਲ ਜਰਨੈਲ ਸਿੰਘ ਸਿਮਲਾਪੁਰੀ, ਬੰਤ ਸਿੰਘ ਦੋਬਰਜੀ, ਹਰਕੀਰਤ ਕੋਟਲੀ, ਗਗਨੇਸ਼ਰ ਪ੍ਰਭਵਾਕਰ, ਪਲਵਿੰਦਰ ਤੱਗੜ, ਅਨੂਪ ਰਾਜ ਸਿੰਘ ਗਿੱਲ , ਇੰਦਰਪਾਲ ਸਿੰਘ ਗਿੱਲ, ਰਮਨਦੀਪ ਸਿੰਘ ਜੰਡਿਆਲੀ , ਰਣਜੋਧ ਸਿੰਘ ਗਿੱਲ, ਕੀਰਤਇੰਦਰ ਸਿੰਘ ਸਿੰਘਪੁਰਾ, ਅਵਤਾਰ ਸਿੰਘ , ਦਰਸ਼ਨ ਸਿੰਘ, ਕਰਨੈਲ ਸਿੰਘ, ਵਿਕੀ, ਅਵਤਾਰ ਸਿੰਘ , ਜਗਤਾਰ ਸਿੰਘ, ਦਲਵਾਰਾ ਸਿੰਘ, ਮਹਿੰਦਰ ਸਿੰਘ, ਬੂਟਾ ਸਿੰਘ, ਗੁਰਪ੍ਰੀਤ ਸਿੰਘ, ਪਾਲਾ ਸਿੰਘ, ਲਾਲ ਸਿੰਘ, ਅੱਛਰਾ ਸਿੰਘ। ਆਤਮਾ ਸਿੰਘ, ਆਦਿ ਹਾਜਰ ਸਨ ।