ਭਦੌੜ ਵਿਖੇ 'ਆਪ' ਦਾ ਜਬਰਦਸਤ ਸ਼ਕਤੀ ਪ੍ਰਦਰਸ਼ਨ
Web Admin
5 ਦਰਿਆ ਨਿਊਜ਼ (ਸਾਹਿਬ ਸੰਧੂ)
ਭਦੌੜ/ਸ਼ਹਿਣਾ , 27 Apr 2014
ਚੋਣਾਂ ਵਿੱਚ ਕੁੱਝ ਹੀ ਸਮਾ ਬਾਕੀ ਰਹਿ ਗਿਆ ਹੈ ਤੇ ਵੱਖ ਵੱਖ ਉਮੀਦਵਾਰਾਂ ਵੱਲੋਂ ਚੋਣ ਪ੍ਰਚਾਰ ਸਮਾਪਤ ਹੋਣ ਤੋਂ ਪਹਿਲਾਂ ਪਿੰਡ ਪਿੰਡ ਸਹਿਰ ਸਹਿਰ ਆਪਣਾ ਸਕਤੀ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ। ਲੋਕ ਸਭਾ ਹਲਕਾ ਸੰਗਰੂਰ ਦੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਭਗਵੰਤ ਮਾਨ ਵੱਲੋਂ ਭਦੌੜ ਵਿਖੇ ਆਪਣਾ ਰੋਡ ਸੋਅ ਕੀਤਾ ਗਿਆ। ਜਿਸ ਵਿੱਚ ਨੋਜਵਾਨਾਂ ਦਾ ਭਾਰੀ ਵਿਸ਼ਾਲ ਇੱਕਠ ਹੋਇਆ ਤੇ ਇਸ ਇੱਕਠ ਨੇ ਵਿਰੋਧੀ ਪਾਰਟੀਆਂ ਨੂੰ ਸੋਚਾਂ ਵਿੱਚ ਪਾ ਦਿੱਤਾ। ਭਗਵੰਤ ਮਾਨ ਵੱਲੋਂ ਦੋ ਵਜ਼ੇ ਦੇ ਕਰੀਬ ਭਦੌੜ ਪੁੱਜ਼ ਆਪਣਾ ਸ਼ਕਤੀ ਪ੍ਰਦਰਸ਼ਨ ਸ਼ੁਰੂ ਕੀਤਾ ਗਿਆ। ਜਿਸ ਵਿੱਚ ਸੈਂਕੜਿਆਂ ਦੀ ਗਿਣਤੀ ਵਿੱਚ ਨੋਜਵਾਨਾਂ ਟੋਪੀਆਂ ਪਾ ਝੰਡੀਆਂ ਅਤੇ ਝਾੜੂ ਫੜ੍ਹ ਪੁੱਜ਼ੇ। ਇਸ ਦੌਰਾਨ ਭਗਵੰਤ ਮਾਨ ਦੇ ਹੱਕ ਵਿੱਚ ਐਮੀ ਵਿਰਕ ਨੇ ਵੀ ਵੋਟਾਂ ਮੰਗੀਆਂ। ਭਗਵੰਤ ਮਾਨ ਵੱਲੋਂ ਪਿੰਡਾਂ ਦੀਆਂ ਸੱਥਾਂ ਅਤੇ ਚੁਰਸਤਿਆਂ ਤੇ ਲੋਕਾਂ ਨੂੰ ਸੰਬੋਧਨ ਕੀਤਾ। ਇਸ ਮੌਕੇ ਉਹਨਾਂ ਨਾਲ ਉਘੇ ਪੱਤਰਕਾਰ ਬਲਤੇਜ ਪੰਨੂੰ ਵੀ ਹਾਜਰ ਸਨ। ਇਹ ਕਾਫਲਾ ਭਦੌੜ, ਜੰਗੀਆਣਾ, ਦੀਪਗੜ੍ਹ, ਰਾਮਗੜ੍ਹ ਅਤ ਸ਼ਹਿਣਾ ਤੋਂ ਬਿਨਾਂ ਵੱਡੇ ਵੱਡੇ ਪਿੰਡਾਂ ਵਿੱਚ ਦੀ ਹੁੰਦਾ ਹੋਇਆ ਸੰਗਰੂਰ ਸ਼ਹਿਰ ਵੱਲ ਨੂੰ ਰਵਾਨਾ ਹੋਇਆ।