ਮਾਈਂਡ ਟ੍ਰੀ ਸਕੂਲ ਨੇ ਆਪਣਾ ਸਾਲਾਨਾ ਦਿਨ ਭਾਰਤ ਦੀ ਸੱਭਿਆਚਾਰਕ ਵਿਰਾਸਤ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਨਾਲ ਮਨਾਯਾ, ਜਿਸ ਦਾ ਵਿਸ਼ਾ ਸੀ “ਪ੍ਰਕਾਸ਼, ਰੰਗ ਅਤੇ ਉਤਸਵ–ਤੌਹਾਰਾਂ ਦਾ ਤੌਹਾਰ (“ਲਾਈਟ ਕਲਰਸ ਐਂਡ ਸੇਲਿਬ੍ਰੇਸ਼ੰਸ-ਫੇਸਟੀਵਲ ਆਫ ਫੈਸਟੀਵਲਜ਼”)। ਸਾਲਾਨਾ ਦਿਵਸ ਸਮਾਰੋਹ ਦੇ ਪ੍ਰੋਗਰਾਮਾਂ ਵਿਚ ਨਾਟਕ, ਸੰਗੀਤ ਅਤੇ ਨ੍ਰਿਤ ਨੇ ਦਰਸ਼ਕਾਂ ਨੂੰ ਮੰਤਰਮੁਗਧ ਕਰ ਦਿਤਾ, ਵਿਦਿਆਰਥੀਆਂ ਨੇ ਅਸਾਧਾਰਨ ਰਚਨਾਤਮਕਤਾ ਅਤੇ ਉਤਸ਼ਾਹ ਦੇ ਨਾਲ ਭਾਰਤੀ ਤੌਹਾਰਾਂ ਨੂੰ ਸ੍ਟੇਜ ਤੇ ਜੀਵਿਤ ਕੀਤਾ।
ਸਾਲਾਨਾ ਦਿਵਸ ਸਮਾਰੋਹ ਦੀ ਸ਼ੁਰੂਆਤ ਪ੍ਰਿੰਸੀਪਲ ਹਰਵੀਨ ਕੌਰ ਵਲੋਂ ਦੀਪ ਪ੍ਰਜਵਲਨ ਦੇ ਨਾਲ ਹੋਈ ਜਿਸ ਤੋਂ ਬਾਅਦ ਮਨਮੋਹਕ ਗਣੇਸ਼ ਵੰਦਨਾ ਪੇਸ਼ ਕੀਤੀ ਗਈ। ਪ੍ਰੋਗਰਾਮ ਨੇ ਭਾਰਤ ਦੀ ਵੱਖ-ਵੱਖ ਸੱਭਿਆਚਾਰਕ ਤਾਨੇ-ਬਾਣੇ ਰਾਹੀਂ ਇੱਕ ਆਨੰਦਮਈ ਯਾਤਰਾ ਲਈ ਮੰਚ ਤਿਆਰ ਕੀਤਾ। ਸਾਲਾਨਾ ਦਿਵਸ ਦੇ ਪ੍ਰੋਗਰਾਮਾਂ ਵਿੱਚ ਭਾਰਤੀ ਤੌਹਾਰ ਦੀ ਵਿਸ਼ੇਸ਼ਤਾ ਵਾਲੇ ਵੱਖ-ਵੱਖ ਨਾਟਕਾਂ ਅਤੇ ਨ੍ਰਿਤ ਸ਼ਾਮਲ ਕੀਤੇ ਗਏ।
ਸ਼ੁਰੂਆਤ ਪੰਜਾਬ ਦੇ ਰਵਾਇਤੀ ਫਸਲ ਕਟਾਈ ਦੇ ਤਿਉਹਾਰ ਲੋਹੜੀ ਦੇ ਨਾਲ ਹੋਈ , ਜਿਸ ਦੇ ਬਾਅਦ ਇੱਕ ਮਨਮੋਹਕ ਕਸ਼ਮੀਰੀ ਡਾਂਸ ਨੇ ਦਰਸ਼ਕਾਂ ਨੂੰ ਕਸ਼ਮੀਰ ਦੀ ਬਰਫ ਤੋਂ ਢਕੇ ਪਹਾੜਾਂ ਵਿੱਚ ਪਹੁੰਚਾਇਆ। ਕ੍ਰਿਸਮਸ 'ਤੇ ਪ੍ਰਸਤੁਤ ਇੱਕ ਨਾਟਕ ਅਤੇ ਨ੍ਰਿਤ ਪ੍ਰੋਗ੍ਰਾਮ ਨੇ ਛੁੱਟੀਆਂ ਦੇ ਮੌਸਮ ਦੀ ਭਾਵਨਾ ਨੂੰ ਜੀਵਤ ਕੀਤਾ ਅਤੇ ਇਸ ਵਿਚ ਵਿਦਿਆਰਥੀਆਂ ਵਲੋਂ ਖੁਸ਼ੀ ਨੂੰ ਸਾਂਝਾ ਕਰਨ ਅਤੇ ਇੱਕਜੁਟਤਾ ਦੇ ਦ੍ਰਿਸ਼ਾਂ ਨੂੰ ਪੇਸ਼ ਕੀਤਾ ਗਯਾ।
ਗੋਵਾ ਦੇ ਪੇਸ਼ ਕੀਤੇ ਗਏ ਲੋਕਨ੍ਰਿਤਯ ਦੀ ਜੀਵੰਤ ਲਯ ਨੇ ਤੱਟਵਰਤੀ ਖੇਤਰ ਦੇ ਤਿਉਹਾਰ ਦੀ ਭਾਵਨਾ ਨੂੰ ਦਰ੍ਸ਼ਾਯਾ, ਇਸਤੋਂ ਬਾਅਦ ਇੱਕ ਰੰਗੀਨ ਹੋਲੀ ਉਤਸਵ ਦਾ ਪ੍ਰਦਰਸ਼ਨ ਹੋਇਆ, ਜਿਸਨੇ ਰੰਗਾਂ ਦੇ ਉਤਸਵ ਨੂੰ ਪੇਸ਼ ਕੀਤਾ। ਬੁਰਾਈ ਉੱਤੇ ਚੰਗਿਆਈ ਦੀ ਜਿੱਤ ਨੂੰ ਦੁਰਗਾ ਪੂਜਾ ਦੇ ਕ੍ਰਮ ਵਿੱਚ ਸੁੰਦਰਤਾ ਨਾਲ ਦਰਸਾਇਆ ਗਿਆ, ਸ਼ਾਮ ਦੀ ਸਮਾਪਤੀ ਨਵਰਾਤਰੀ ਦੌਰਾਨ ਏਕਤਾ ਅਤੇ ਆਨੰਦ ਦੇ ਪ੍ਰਤੀਕ ਗਰਬਾ ਡਾੰਸ ਦੀ ਊਰਜਾਵਾਨ ਪ੍ਰਸਤੁਤੀ ਨਾਲ ਹੋਈ।
ਆਪਣੇ ਸੰਬੋਧਨ ਵਿੱਚ, ਪ੍ਰਿੰਸੀਪਲ ਹਰਵੀਨ ਕੌਰ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਮਿਹਨਤ ਅਤੇ ਲਗਨ ਲਈ ਵਧਾਈ ਦਿੱਤੀ, ਭਾਰਤ ਦੇ ਤਿਉਹਾਰਾਂ ਦੀ ਭਾਵਨਾ ਨੂੰ ਜੀਵੰਤ ਕਰਨ ਲਈ ਉਨ੍ਹਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਆਪਣੇ ਸੰਬੋਧਨ ਵਿੱਚ ਉਨ੍ਹਾਂ ਨੇ ਵਿਦਿਆਰਥੀਆਂ ਵਿੱਚ ਸੱਭਿਆਚਾਰਕ ਸਮਝ ਅਤੇ ਏਕਤਾ ਨੂੰ ਵਧਾਉਣ ਅਤੇ ਉਹਨਾਂ ਨੂੰ ਆਪਣੀਆਂ ਸੱਭਿਆਚਾਰਕ ਜੜ੍ਹਾਂ ਨਾਲ ਜੁੜਨ ਵਿੱਚ ਮਦਦ ਕਰਨ ਲਈ ਅਜਿਹੇ ਵਿਸ਼ਿਆਂ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ।
ਸਾਲਾਨਾ ਦਿਵਸ ਨਾ ਸਿਰਫ਼ ਭਾਰਤ ਦੇ ਤਿਉਹਾਰਾਂ ਦਾ ਜਸ਼ਨ ਸੀ ਸਗੋਂ ਮਾਈਂਡ ਟ੍ਰੀ ਸਕੂਲ ਦੇ ਵਿਦਿਆਰਥੀਆਂ ਦੀ ਰਚਨਾਤਮਕਤਾ, ਉਤਸ਼ਾਹ ਅਤੇ ਟੀਮ ਵਰਕ ਦਾ ਵੀ ਜਸ਼ਨ ਸੀ।