Web Admin

5 ਦਰਿਆ ਨਿਊਜ਼ (ਪਰਮਜੀਤ ਰੌੜੀ)

ਪੋਜੇਵਾਲ , 23 Apr 2014

Last updated on: Apr 23, 2014, 00:00 IST

ਸ਼੍ਰੀ ਆਨੰਦਪੁਰ ਸਾਹਿਬ ਤੋ ਕਾਂਗਰਸ ਤੇ ਪੀਪੀਪੀ ਦੀ ਸ਼ਾਂਝੀ ਉਮੀਦਵਾਰ ਬੀਬੀ ਅੰਬਿਕਾ ਸੋਨੀ ਨੇ ਪਿੰਡ ਸਿੰਘਪੁਰ ਵਿਖੇ ਚੌਣ ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਕਿਹਾ ਕਿ ਲੋਕ ਸੇਵਾ ਕਰਨਾ ਹੀ ਮੇਰਾ ਮੁੱਢਲਾ ਫਰਜ ਹੈ।ਇਸੇ ਕਰਕੇ ਹੀ ਮੈਂ ਪਿਛਲੇ ਚਾਰ ਦਹਾਕਿਆ ਤੋ ਕਾਂਗਰਸ ਪਰਟੀ ਦੇ ਆਦੇਸ਼ਾਂ ਤੇ ਆਪਣਾ ਫਰਜ ਨਿਭਾਉਂਦੀ ਆ ਰਹੀ ਹਾਂ।ਉਹਨਾਂ ਕਿਹਾ ਕਿ ਇਸ ਵਾਰ ਇਸ ਹਲਕੇ ਤੋ ਉਹਨਾਂ ਨੂੰ ਵੋਟਾਂ ਪਾ ਕੇ ਕਾਮਯਾਬ ਕਰੋ।ਉਹਨਾਂ ਕਿਹਾ ਕਿ ਉਹ ਜਿੱਤ ਪ੍ਰਾਪਤ ਕਰਨ ਤੋ ਬਾਅਦ ਇਲਾਕੇ ਦੀਆਂ ਸਮੱਸਿਆਂਵਾਂ ਦਾ ਪਹਿਲ ਦੇ ਅਧਾਰ ਤੇ ਹੱਲ ਕਰੇਗੀ।ਇਸ ਤੋ ਕਸਬਾ ਪੋਜੇਵਾਲ ਵਿਖੇ ਅਸੋਕ ਕੁਮਾਰ ਨਾਨੋਵਾਲ ਵਲੋ ਅੰਬਿਕਾ ਸੋਨੀ ਨੂੰ ਲੱਡੂਆਂ ਨਾਲ ਤੋਲਿਆ ਗਿਆ।ਇਸ ਮੌਕੇ ਬੀਬੀ ਅੰਬਿਕਾ ਸੋਨੀ ਨੇ ਪੋਜੇਵਾਲ ਦੇ ਚੌਣ ਦਫਤਰ ਦਾ ਉਦਘਾਟਨ ਵੀ ਕੀਤਾ।ਇਸ ਮੌਕੇ ਸੀ.ਡੀ ਕੰਬੋਜ, ਰਾਮ ਕਿਸ਼ਨ ਕਟਾਰੀਆ,ਅਸੋਕ ਕੁਮਾਰ ਨਾਨੋਵਾਲ,ਰਾਜਿੰਦਰ ਗੁੱਡੀ,ਓਮ ਪ੍ਰਕਾਸ਼ ਕਟਾਰੀਆ ਸਾਬਕਾ ਸਰਪੰਚ,ਸ਼ਸ਼ੀ ਕੁਮਾਰ, ਬਲਦੇਵ ਕਿਸਾਨਾ ਸਰਪੰਚ ਨਾਨੋਵਾਲ,ਚੰਨਣ ਸਿੰਘ ਸਰਪੰਚ ਕਰੀਮਪੁਰ ਚਾਹਵਾਲਾ,ਠੇਕੇਦਾਰ ਰਾਜ ਕੁਮਾਰ,ਗੁਰਮੀਤ ਮੀਤਾ, ਹਰਮੇਸ਼ ਕਮਾਰ,ਓਮੀ ਚੂਹੜਪੁਰ ਤੇ ਹੋਰ ਹਾਜਿਰ ਸਨ।ਇੱਥੇ ਦੱਸਣਯੋਗ ਹੈ ਕਿ ਪਿੰਡ ਸਿੰਘਪੁਰ ਦੇ ਸਾਬਕਾ ਸਰਪੰਚ ਤੇ ਮੌਜੂਦਾ ਸਰਪੰਚ ਜੋ ਪੰਚਾਇਤੀ ਚੌਣਾਂ ਮੌਕੇ ਸਰਪੰਚੀ ਦੀ ਖਾਤਿਰ ਅਕਾਲੀ ਦਲ ਬਾਦਲ ਵਿੱਚ ਡੈਪੂਟੇਸ਼ਨ ਵਜੋ ਚਲੇ ਗਏ ਸਨ ਉਹਨਾਂ ਦੇ ਗਲ ਵਿੱਚ ਅੱਜ ਬੀਬੀ ਅੰਬਿਕਾ ਸੋਨੀ ਨੇ ਪੰਜੇ ਦੇ ਨਿਸ਼ਾਨ ਮਫਰਲ ਪਾ ਕੇ ਮੁੜ ਕਾਂਗਰਸ ਵਿੱਚ ਵਾਪਸੀ ਕਰਵਾਈ।ਪਿੰਡ ਸਿੰਘਪੁਰ ਦੇ ਸਾਬਕਾ ਤੇ ਮੌਜੂਦਾ ਸਰਪੰਚ ਦੀ ਵਾਪਸੀ ਚਰਚਾ ਦਾ ਵਿਸ਼ਾ ਬਣੀ ।