ਜਿਲ੍ਹਾ ਮਹਿਲਾ ਕਾਂਗਰਸ ਸ਼ਹਿਰੀ ਦੇ ਪ੍ਰਧਾਨ ਲੀਨਾ ਟਪਾਰੀਆਂ ਨੇ ਅੱਜ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਦੇ ਹਕ ਵਿੱਚ ਡੋਰ ਟੂ ਡੋਰ ਵੋਟਾਂ ਮੰਗ ਕੇ ਕਾਂਗਰਸ ਦੇ ਚੋਣ ਪ੍ਰਚਾਰ ਨੂੰ ਹੁਲਾਰਾ ਦਿੱਤਾ। ਇਸ ਮੋਕੇ ਸ੍ਰੀਮਤੀ ਟਪਾਰੀਆ ਨੇ ਕਿਹਾ ਕਿ ਅਕਾਲੀ ਭਾਜਪਾ ਸਰਕਾਰ ਦੇ ਕਾਰਜਕਾਲ ਵਿੱਚ ਅਰੌਤਾਂ ਅਤੇ ਬੱਚੇ ਸੁਰਖਿਅਤ ਨਹੀ ਹਨ, ਥਾਂ ਥਾਂ ਤੇ ਮਾਸੂਮ ਬੱਚੀਆਂ ਅਤੇ ਅਰੌਤਾਂ ਦੀ ਗੁੰਡਾ ਅਨਸਰਾ ਵੱਲੋ ਪੱਤ ਰੋਲੀ ਜਾ ਰਹੀ ਹੈ। ਉਹਨਾਂ ਕਿਹਾ ਕਿ ਲੋਕ ਨਹੀ ਭੁੱਲੇ ਕਿਸ ਤਰਾਂ ਯੂਥ ਅਕਾਲੀ ਦਲ ਦੇ ਗੁੰਡਾ ਅਨਸਰਾ ਨੇ ਅ੍ਰਮਿਤਸਰ ਵਿੱਚ ਆਪਣੀ ਧੀ ਦੀ ਇਜੱਤ ਬਚਾਉਣ ਵਾਲੇ ਥਾਣੇਦਾਰ ਦੇ ਸ਼ਰੇਬਜਾਰ ਗੋਲੀਆਂ ਮਾਰਕੇ ਹਤਿਆ ਕਰ ਦਿੱਤੀ, ਕਿਸ ਤਰਾਂ ਫਰੀਦਕੋਟ ਵਿੱਚ ਇਕ ਮਾਸੂਮ ਬਾਲੜੀ ਦੇ ਮਾਪਿਆਂ ਦੇ ਸਾਹਮਣੇ ਯੂਥ ਅਕਾਲੀ ਦਲ ਦੇ ਗੁੰਡੇ ਸ਼ਰੇਆਮ ਉਸ ਨੂੰ ਅਗਵਾ ਕਰਕੇ ਲੈ ਗਏ, ਕਿਸ ਤਰਾਂ ਤਰਨਤਾਰ ਵਿੱਚ ਇਕ ਦਲਿਤ ਅਰੌਤ ਦੀ ਪੁਲਿਸ ਮੁਲਾਜਮਾਂ ਨੇ ਕੁੱਟਮਾਰ ਕੀਤੀ, ਲੁਧਿਆਣਾ ਵਿੱਚ ਇਕ ਐਸ ਪੀ ਦੀ ਹੀ ਯੂਥ ਅਕਾਲੀਆਂ ਨੇ ਲੱਤ ਤੋੜ ਦਿੱਤੀ, ਡਿਊਟੀ ਤੇ ਤਾਇਨਾਤ ਇਕ ਤਹਿਸੀਲਦਾਰ ਦੀ ਕੱਪੱੜੇ ਉਤਾਰਕੇ ਕੁੱਟਮਾਰ ਕੀਤੀ, ਹੁਣ ਸਮਾਂ ਆ ਗਿਆ ਹੈ ਕਿ ਇਸ ਸਰਕਾਰ ਨੂੰ ਸਬਕ ਸਿਖਾਇਆ ਜਾਵੇ। ਉਹਨਾਂ ਕਿਹਾ ਕਿ ਇਸੇ ਤਰਾਂ ਹੀ ਨੋਜਵਾਨਾਂ ਨੂੰ ਨਸ਼ੇ ਦੀ ਦਲ ਦਲ ਵਿੱਚ ਧੱਕ ਕੇ ਪੰਜਾਬ ਦੀ ਆਉਣ ਵਾਲੀ ਪੀੜੀ ਨੂੰ ਸੱਤਾਧਾਰੀ ਆਗੂ ਬਰਬਾਦ ਕਰ ਰਹੇ ਹਨ ਸਮਾਜ ਦੀ ਸੇਵਾ ਲਈ ਚੁਣੀ ਸਰਕਾਰ ਦੇ ਵੱਡੇ ਆਗੂਆਂ ਦਾ ਨਸ਼ਾ ਸਮਗਲਿੰਗ ਵਿੱਚ ਨਾਮ ਆਉਣ ਵੀ ਸਮਾਜ ਲਈ ਘਾਤਕ ਹੈ ਜੇਕਰ ਹੁਣ ਹੀ ਇਹਨਾਂ ਤੇ ਲੋਕਾਂ ਨੇ ਆਪਣੀ ਵੋਟ ਦੀ ਤਾਕਤ ਨਾਲ ਨਕੇਲ ਨਾ ਪਾਈ ਤਾਂ ਆਉਣ ਵਾਲੇ ਸਮੇ ਵਿੱਚ ਜਿਸ ਪੰਜਾਬ ਦੀ ਜਵਾਨੀ ਨੂੰ ਦੁਨੀਆਂ ਅੰਦਰ ਮੰਨਿਆ ਜਾਂਦਾ ਹੈ ਉਹ ਰਹਿੰਦੇ ਸਮੇ ਦੀ ਗੱਲ ਬਣ ਜਾਵੇਗੀ । ਉਹਨਾਂ ਕਿਹਾ ਕਿ ਹਰ ਵਰਗ ਤੇ ਬਾਦਲ ਸਰਕਾਰ ਨੇ ਆਤਿਆਚਾਰ ਕੀਤਾ ਹੈ ਜੇ ਪੰਜਾਬ ਦੀਆਂ ਬੇਰੋਜਗਾਰ ਲੜਕੀਆਂ ਨੇ ਸਰਕਾਰ ਤੋ ਆਪਣਾ ਹਕ ਮੰਗਿਆ ਤਾਂ ਸੱਤਾਧਾਰੀ ਮੰਤਰੀਆਂ ਨੇ ਉਹਨਾਂ ਦੀ ਸ਼ਰੇਆਮ ਕੁੱਟਮਾਰ ਕੀਤੀ। ਇਸ ਮੋਕੇ ਉਹਨਾਂ ਦੇ ਨਾਲ ਹੋਰਨਾਂ ਤੋ ਇਲਾਵਾ ਅਰੂਣਾਂ ਟਪਾਰੀਆ, ਹਰਦੀਪ ਕੌਰ, ਅਲਕਾ ਮਲਹੌਤਰਾ, ਗੁਰਪ੍ਰੀਤ ਸਿੱਧੂ, ਨੀਲਮ ਦੱਤਾ, ਰਾਧਾ ਸਹਿਗਲ,ਮਧੂ ਸਰਮਾਂ, ਰਮੇਸ਼ ਕੌਰ, ਸਰੋਜ ਬਾਲਾ, ਪ੍ਰੇਮ ਲੱਤਾ, ਊਸ਼ਾ ਵਿਜ, ਪਰਮਜੀਤ ਕੌਰ, ਕਮਲ ਸਿੰਗਲਾ, ਸੋਨੂੰ ਸਹਿਗਲ ਆਦਿ ਹਾਜਰ ਸਨ