ਸਾਲ 2024 ‘ਚ ਹੁਣ ਪੰਜਾਬੀ ਸਿਨੇਮਾ ‘ਚ ਬਾਲੀਵੁੱਡ ਪੱਧਰ ਦਾ ਬਦਲਾਵ ਨਜ਼ਰ ਆ ਰਿਹਾ ਅਤੇ ਹੁਣ ਪੰਜਾਬੀ ਫਿਲਮਾਂ ਵਿੱਚ ਵੀ ਬਾਲੀਵੁੱਡ ਵਾਂਗ ਕੁਝ ਅਲੱਗ ਅਤੇ ਖਾਸ ਕੰਟੇਟ ਵਾਲੀਆਂ ਫ਼ਿਲਮਾਂ ਦੇਖਣ ਨੂੰ ਮਿਲ ਰਹੀਆਂ ਹਨ ਅਤੇ ਜਿਸ ਦਾ ਅੰਦਾਜਾ ਰੌਸ਼ਨ ਪ੍ਰਿੰਸ ਅਤੇ ਈਸ਼ਾ ਰਿਖੀ ਦੀ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਫਿਲਮ 'ਬੂ ਮੈਂ ਡਰਗੀ' ਤੋਂ ਲਾ ਸਕਦੇ ਹਾਂ, ਜੋ ਕਿ ਆਪਣੇ ਵੱਖਰੇ ਵਿਸ਼ੇ ਹੌਰਰ ਯਾਨੀ ਕਿ ਡਰਾਵਣੀ ਕਰਕੇ ਕਾਫ਼ੀ ਚਰਚਾ 'ਚ ਹੈ।
ਦੱਸ ਦਈਏ ਕਿ ਪੰਜਾਬੀ ਫਿਲਮ ਇੰਡਸਟਰੀ ‘ਚ ਦਰਸ਼ਕ ਪਹਿਲੀ ਵਾਰ ਇੱਕ ਇਸ ਤਰਾਂ ਦੀ ਫਿਲਮ ਦੇਖ ਰਹੇ ਹਨ ਜੋ ਮਨੋਰੰਜਕ ਦੇ ਨਾਲ ਨਾਲ ਡਰਾਉਂਦੀ ਵੀ ਹੈ ਅਤੇ ਸਮਾਜ ਨੂੰ ਇੱਕ ਆਇਨਾ ਵੀ ਦਿਖਾਉਂਦੀ ਹੈ। ਬੀਤੀ 29 ਮਾਰਚ ਨੂੰ ਫਿਲਮ ਦੇ ਪ੍ਰੋਡਿਊਸਰਾਂ ਵਲੋਂ ਸੀ ਪੀ 67 ਪੀ ਵੀ ਆਰ ਵਿਖੇ ਫਿਲਮ 'ਬੂ ਮੈਂ ਡਰਗੀ' ਦੇ ਪ੍ਰੀਮੀਅਰ ਸ਼ੋ ਦਾ ਆਯੋਜਨ ਕੀਤਾ।
ਇਸ ਪ੍ਰੀਮੀਅਰ ਮੌਕੇ ਰੌਸ਼ਨ ਪ੍ਰਿੰਸ, ਈਸ਼ਾ ਰਿਖੀ, ਯੋਗਰਾਜ ਸਿੰਘ, ਬੀ ਐਨ ਸ਼ਰਮਾ, ਨਿਸ਼ਾ ਬਾਨੋਂ, ਹਾਰਬੀ ਸੰਘਾ,ਗੁਰਮੀਤ ਸਾਜਨ, ਪ੍ਰਕਾਸ਼ ਗਾਧੂ, ਦਿਲਾਵਰ ਸਿੱਧੂ, ਬਾਲ ਕਲਾਕਾਰ ਅਨਮੋਲ ਵਰਮਾ, ਜੱਗੀ ਧੂਰੀ, ਨਿਰਮਾਤਾ ਸੋਨੀ ਨੱਢਾ, ਕਰਮਜੀਤ ਥਿੰਦ, ਪਰਵਿੰਦਰ ਨੱਢਾ, ਨਿਰਦੇਸ਼ਕ ਮਨਜੀਤ ਟੋਨੀ,ਫਿਲਮ ਲੇਖਕ ਰਾਜੂ ਵਰਮਾ, ਜਗਤਾਰ ਬੈਨੀਪਾਲ, ਰਾਖੀ ਹੁੰਦਲ, ਗੋਵਰਧਨ ਖੱਬੀ, ਜਗਤਾਰ ਬੈਨੀਪਾਲ, ਜਿੰਦ ਜਵੰਦਾ ਅਤੇ ਸਮੀਰ ਮਾਹੀ ਆਦਿ ਨੇ ਸ਼ਿਰਕਤ ਕੀਤੀ। ਪ੍ਰੀਮੀਅਰ ਸ਼ੌਅ ਦੌਰਾਨ ਫਿਲਮ ਦੇ ਹੌਰਰ ਵਿਸ਼ੇ, ਢਿਡੀ ਪੀੜਾਂ ਪਾਉਂਦੀ ਕਮੇਡੀ ਤੇ ਦਿਲਚਸਪ ਕਹਾਣੀ ਨੂੰ ਸਭ ਵਲੋਂ ਬੇਹੱਦ ਪਸੰਦ ਕੀਤਾ ਗਿਆ।
ਫਿਲਮ ਲੇਖ਼ਕ ਰਾਜੂ ਵਰਮਾ ਦੀ ਲਿਖੀ ਅਤੇ ਨਿਰਦੇਸ਼ਕ ਮਨਜੀਤ ਸਿੰਘ ਟੋਨੀ ਵਲੋਂ ਨਿਰਦੇਸ਼ਿਤ ਇਹ ਫ਼ਿਲਮ ਦੀ ਕਹਾਣੀ ਇੱਕ ਪਿੰਡ ਦੇ ਇਰਦ-ਗਿਰਦ ਘੁੰਮਦੀ ਹੈ। ਪਿੰਡ ਵਿੱਚ ਰਹਿਣ ਵਾਲੇ ਲੋਕ ਕਈ ਤਰ੍ਹਾਂ ਦੀਆਂ ਮੁਸ਼ਕਿਲਾਂ ਦਾ ਸਾਹਮਣੇ ਕਰਦੇ ਹਨ। ਇਨਾਂ ਮੁਸ਼ਕਿਲਾਂ ਵਿੱਚੋਂ ਨਿਕਲਣ ਲਈ ਲੋਕ ਕਈ ਤਰ੍ਹਾਂ ਦੇ ਪਾਪੜ ਵੇਲਦੇ ਹਨ ਆਦਿ ਨੂੰ ਬਹੁਤ ਹੀ ਵਧੀਆ ਤਰੀਕੇ ਨਾਲ ਪਰਦੇ ਤੇ ਪੇਸ਼ ਕੀਤਾ ਗਿਆ ਹੈ। ਇਹ ਫ਼ਿਲਮ ਪੰਜਾਬ ਦੇ ਨਾਲ ਨਾਲ ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਦਰਸ਼ਕਾਂ ਲਈ ਵੀ ਖਿੱਚ ਦਾ ਕੇਂਦਰ ਬਣ ਰਹੀ ਹੈ।