ਚਿਤਕਾਰਾ ਯੂਨੀਵਰਸਿਟੀ ਦੇ ਚਿਤਕਾਰਾ ਸਕੂਲ ਆਫ਼ ਪਲੈਨਿੰਗ ਐਂਡ ਆਰਕੀਟੈਕਚਰ(ਸੀਐਸਪੀਏ), ਨੇ ਇੰਡੀਅਨ ਇੰਸਟੀਚਿਊਟ ਆਫ਼ ਆਰਕੀਟੈਕਟ (ਆਈਆਈਏ) ਦੇ ਸਹਿਯੋਗ ਨਾਲ ਅੱਜ ਇੱਥੇ ਆਈਆਈਏ ਦੇ ਮੈਂਬਰਾਂ ਅਤੇ ਪੰਜਾਬ ਦੇ ਆਰਕੀਟੈਕਚਰਾਂ ਲਈ ਦੀਆਂ ਸਾਲਾਨਾ ਇੱਕ ਰੋਜ਼ਾ ਇਨਡੋਰ ਖੇਡਾਂ ਸਮੈਸ਼-2 ਦਾ ਆਯੋਜਨ ਕੀਤਾ। ਚਿਤਕਾਰਾ ਯੂਨੀਵਰਸਿਟੀ ਸਪੋਰਟਸ ਬੋਰਡ ਨੇ ਟੂਰਨਾਮੈਂਟ ਦੇ ਆਯੋਜਨ ਵਿੱਚ ਮੁੱਖ ਭੂਮਿਕਾ ਨਿਭਾਈ ਅਤੇ ਸਾਰੀਆਂ ਜ਼ਰੂਰੀ ਲੋਡ਼ਾਂ ਤੇ ਬੁਨਿਆਦੀ ਢਾਂਚਾ ਮੁਹੱਈਆ ਕਰਾਇਆ।
ਪੰਜਾਬ ਭਰ ਤੋਂ ਪਹੁੰਚੇ ਹੋਏ 75 ਆਰਕੀਟੈਕਚਰਾਂ ਨੇ ਸੀਐਸਪੀਏ ਦੇ ਫੈਕਲਟੀ ਮੈਂਬਰਾਂ ਦੇ ਨਾਲ ਦਿਨ ਭਰ ਚੱਲੇ ਬੈਡਮਿੰਟਨ, ਟੇਬਿਲ ਟੈਨਿਸ ਅਤੇ ਸਤਰੰਜ ਦੇ ਵੱਖ-ਵੱਖ ਇਨਡੋਰ ਮੁਕਾਬਲਿਆਂ ਵਿੱਚ ਭਾਗ ਲਿਆ। ਇਸ ਸਮਾਗਮ ਵਿੱਚ ਖਿਡਾਰੀਆਂ ਦੀ ਭਾਵਨਾ, ਉਤਸ਼ਾਹ ਅਤੇ ਖੇਡਾਂ ਪ੍ਰਤੀ ਜੋਸ਼ ਦਾ ਉੱਚ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਸਾਰੇ ਉਮਰ ਵਰਗਾਂ ਦੇ ਆਰਕੀਟੈਕਚਰ ਪੇਸ਼ੇਵਰਾਂ ਨੇ ਇਨ੍ਹਾਂ ਖੇਡਾਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲਿਆ।
ਸਮਾਗਮ ਦੇ ਮੁੱਖ ਮਹਿਮਾਨ ਆਰਕੀਟੈਕਟ ਪ੍ਰਿਤਪਾਲ ਸਿੰਘ ਆਹਲੂਵਾਲੀਆ (ਚੇਅਰਮੈਨ- ਆਈ.ਆਈ.ਏ. ਪੰਜਾਬ ਚੈਪਟਰ) ਸਨ। ਇਸ ਮੌਕੇ ਦਿਨੇਸ਼ ਸੀ ਭਗਤ (ਵਾਈਸ ਚੇਅਰਮੈਨ-ਆਈ.ਆਈ.ਏ. ਪੰਜਾਬ ਚੈਪਟਰ), ਰਾਜਨ ਟਾਂਗਰੀ (ਸਯੁੰਕਤ ਸਕੱਤਰ), ਆਰਕੀਟੈਕਟ ਨਿਰੰਜਨ ਕੁਮਾਰ(ਕਨਵੀਨਰ ਸਪੋਰਟਸ ਕਮੇਟੀ), ਆਰ. ਰਜਨੀਸ਼ ਵਾਲੀਆ (ਆਰਕੀਟੈਕਟਸ ਵੈਲਫੇਅਰ ਕਮੇਟੀ), ਆਰਕੀਟੈਕਟ ਸੰਜੇ ਕੁਮਾਰ (ਈਵੈਂਟ ਕਨਵੀਨਰ ਆਈ.ਆਈ.ਏ.), ਆਰਕੀਟੈਕਟ ਰਜਿੰਦਰ ਸੰਧੂ (ਚੇਅਰਮੈਨ ਆਈਆਈਏ ਪਟਿਆਲਾ), ਆਰਕੀਟੈਕਟ ਨਗਿੰਦਰ ਨਰਾਇਣ (ਚੇਅਰਮੈਨ ਆਈਆਈਏ ਹੁਸ਼ਿਆਰਪੁਰ-ਕਪੂਰਥਲਾ), ਆਰਕੀਟੈਕਟ ਰਾਜਨ ਤਾਂਗਡ਼ੀ (ਜਨਰਲ ਸਕੱਤਰ) ਅਤੇ ਆਰਕੀਟੈਕਟ ਬਲਬੀਰ ਬੱਗਾ (ਚੇਅਰਮੈਨ ਆਈ.ਆਈ.ਏ. ਲੁਧਿਆਣਾ) ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਮੂਲੀਅਤ ਕੀਤੀ।
ਇਹ ਟੂਰਨਾਮੈਂਟ ਇੱਕ ਸਾਲਾਨਾ ਈਵੈਂਟ ਹੈ ਅਤੇ ਇਸ ਵਿੱਚ ਪੰਜਾਬ ਭਰ ਦੇ ਆਰਕੀਟੈਕਟ ਮਿਲ ਕੇ ਇਸ ਇਨਡੋਰ ਟੂਰਨਾਮੈਂਟ ਵਿੱਚ ਭਾਗ ਲੈਂਦੇ ਹਨ। ਚੇਅਰਮੈਨ ਆਈ.ਆਈ.ਏ ਪੰਜਾਬ ਆਰਕੀਟੈਕਟ ਪ੍ਰਿਤਪਾਲ ਸਿੰਘ ਆਹਲੂਵਾਲੀਆ ਨੇ ਚਿਤਕਾਰਾ ਸਕੂਲ ਆਫ਼ ਪਲੈਨਿੰਗ ਐਂਡ ਆਰਕੀਟੈਕਚਰ ਦੇ ਡੀਨ ਸੁਮਿਤ ਵਢੇਰਾ ਦੇ ਇਸ ਸਮਾਗਮ ਦੀ ਮੇਜ਼ਬਾਨੀ ਲਈ ਕੀਤੇ ਉਪਰਾਲੇ ਅਤੇ ਸਫਲ ਸਮਾਰੋਹ ਲਈ ਕੀਤੇ ਪ੍ਰਬੰਧਾਂ ਦੀ ਭਰਵੀਂ ਸ਼ਲਾਘਾ ਕੀਤੀ। ਉਨ੍ਹਾਂ ਚਿਤਕਾਰਾ ਯੂਨੀਵਰਸਿਟੀ ਵੱਲੋਂ ਮੁਹੱਈਆ ਕਰਾਈਆਂ ਗਈਆਂ ਸਹੂਲਤਾਂ, ਬੁਨਿਆਦੀ ਢਾਂਚੇ ਅਤੇ ਪ੍ਰਬੰਧਾਂ ਦੀ ਵੀ ਸ਼ਲਾਘਾ ਕੀਤੀ।
ਉਨ੍ਹਾਂ ਚਿਤਕਾਰਾ ਯੂਨੀਵਰਸਿਟੀ ਦੀ ਪਰਾਹੁਣਚਾਰੀ ਅਤੇ ਚਿਤਕਾਰਾ ਸਕੂਲ ਆਫ ਪਲੈਨਿੰਗ ਐਂਡ ਆਰਕੀਟੈਕਚਰ ਦੁਆਰਾ ਟੂਰਨਾਮੈਂਟ ਦਾ ਸਫਲ ਸੰਚਾਲਨ ਅਤੇ ਯੂਨੀਵਰਸਿਟੀ ਸਪੋਰਟਸ ਬੋਰਡ ਅਤੇ ਸਮੁੱਚੇ ਤੌਰ ’ਤੇ ਚਿਤਕਾਰਾ ਯੂਨੀਵਰਸਿਟੀ ਦੀ ਪ੍ਰਸੰਸਾ ਕੀਤੀ। ਉਨ੍ਹਾਂ ਚਿਤਕਾਰਾ ਯੂਨੀਵਰਸਿਟੀ ਦੇ ਨਾਲ ਆਈਆਈਏ ਪੰਜਾਬ ਦੀ ਸਾਂਝੇਦਾਰੀ ਨੂੰ ਭਵਿੱਖ ਵਿੱਚ ਵੀ ਜਾਰੀ ਰੱਖਣ ਅਤੇ ਅਜਿਹੇ ਸਮਾਗਮਾਂ ਦੀ ਇਕੱਠਿਆਂ ਮੇਜ਼ਬਾਨੀ ਕਰਨ ਦੀ ਇੱਛਾ ਪ੍ਰਗਟ ਕੀਤੀ। ਇਸ ਮੌਕੇ ਚਿਤਕਾਰਾ ਯੂਨੀਵਰਸਿਟੀ ਦੇ ਪ੍ਰੋ ਚਾਂਸਲਰ ਡਾ: ਮਧੂ ਚਿਤਕਾਰਾ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ ਅਤੇ ਸੀਐਸਪੀਏ ਵਿਭਾਗ ਦੇ ਵਲੰਟੀਅਰਾਂ, ਚਿਤਕਾਰਾ ਸਪੋਰਟਸ ਬੋਰਡ ਅਤੇ ਪ੍ਰਬੰਧਕੀ ਕਮੇਟੀ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ।
ਟੂਰਨਾਮੈਂਟ ਵਿੱਚ ਹੋਏ ਵੱਖ-ਵੱਖ ਮੁਕਾਬਲਿਆਂ ਦੇ ਨਤੀਜੇ ਹੇਠ ਲਿਖੇ ਅਨੁਸਾਰ ਰਹੇ:-
ਟੇਬਲ ਟੈਨਿਸ ਪੁਰਸ਼ ਸਿੰਗਲ ਵਿੱਚ ਅਤੁਲ ਦੱਤਾ ਨੇ ਪਹਿਲਾ ਸਥਾਨ ਜਿੱਤਿਆ ਅਤੇ ਅਸ਼ਵਿਨ ਦੂਜੇ ਸਥਾਨ ’ਤੇ ਰਿਹਾ। ਮਹਿਲਾ ਸਿੰਗਲ ਵਰਗ ਵਿੱਚ ਰਮਿੰਦਰ ਨੇ ਪਹਿਲਾ ਅਤੇ ਜਸਮੀਤ ਕੌਰ ਨੇ ਦੂਜਾ ਸਥਾਨ ਹਾਸਿਲ ਕੀਤਾ।
ਬੈਡਮਿੰਟਨ ਦੇ (40 ਸਾਲ ਤੋਂ ਵੱਧ ਉਮਰ ਵਰਗ) ਦੇ ਪੁਰਸ਼ਾਂ ਦੇ ਡਬਲਜ਼ ਮੁਕਾਬਲੇ ਵਿੱਚ ਨਿਰੰਜਨ ਅਤੇ ਰਜਨੀਸ਼ ਨੇ ਮਿਲ ਕੇ ਪਹਿਲਾ ਸਥਾਨ ਜਿੱਤਿਆ ਅਤੇ ਸੰਜੇ ਤੇ ਅਸ਼ਵਿਨੀ ਦੂਜੇ ਸਥਾਨ ਤੇ ਰਹੇ।
ਇਸੇ ਤਰ੍ਹਾਂ ਬੈਡਮਿੰਟਨ (40 ਸਾਲ ਤੋਂ ਘੱਟ ਪੁਰਸ਼) ਡਬਲਜ਼ ਪ੍ਰਤੀਯੋਗਿਤਾ ਸ਼ਿਵ ਅਤੇ ਅਨੰਤ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਅਤੇ ਪ੍ਰੀਤਪਾਲ ਤੇ ਕੋਮਲ ਪ੍ਰੀਤ ਦੂਜੇ ਸਥਾਨ ’ਤੇ ਰਹੀ।
ਬੈਡਮਿੰਟਨ ਮਿਕਸਡ ਡਬਲਜ਼ ਮੁਕਾਬਲੇ ਵਿੱਚ ਪ੍ਰੀਤਪਾਲ ਅਤੇ ਨੀਲਮ ਨੇ ਪਹਿਲਾ ਸਥਾਨ ਜਿੱਤਿਆ ਅਤੇ ਦਵਿੰਦਰ ਪਾਲ ਸਿੰਘ ਅਤੇ ਰਮਿੰਦਰ ਕੌਰ ਦੂਜੇ ਸਥਾਨ ਤੇ ਰਹੇ।
ਬੈਡਮਿੰਟਨ ਸਿੰਗਲਜ਼ ਪੁਰਸ਼ 35 ਸਾਲ ਤੋਂ ਉੱਪਰ ਦੇ ਵਰਗ ਵਿੱਚ ਅਨੰਤ ਨੇ ਪਹਿਲਾ ਸਥਾਨ ਅਤੇ ਸ਼ਿਵ ਦੂਜੇ ਸਥਾਨ ’ਤੇ ਰਿਹਾ। ਇਸੇ ਤਰ੍ਹਾਂ 40 ਸਾਲ ਤੋਂ ਵੱਧ ਉਮਰ ਦੇ ਪੁਰਸ਼ ਸਿੰਗਲਜ਼ ਵਿੱਚ ਪ੍ਰੀਤਪਾਲ ਨੇ ਪਹਿਲਾ ਸਥਾਨ ਅਤੇ ਪਰਦੀਪ ਨੇ ਦੂਜਾ ਸਥਾਨ ਹਾਸਲ ਕੀਤਾ। ਇਸੇ ਤਰਾਂ 45 ਸਾਲ ਤੋਂ ਵੱਧ ਉਮਰ ਵਰਗ ਵਿੱਚ ਰਜਨੀਸ਼ ਨੇ ਪਹਿਲਾ ਸਥਾਨ ਅਤੇ ਅਸ਼ਵਿਨ ਨੇ ਦੂਜਾ ਸਥਾਨ ਹਾਸਲ ਕੀਤਾ। ਸ਼ਤਰੰਜ ਮੁਕਾਬਲੇ ਵਿੱਚ ਮਾਨਵ ਜੇਤੂ ਰਿਹਾ ਅਤੇ ਨਗਿੰਦਰ ਨਾਰੀਅਨ ਦੂਜੇ ਸਥਾਨ ’ਤੇ ਰਿਹਾ।