ਅਮਰ ਸ਼ਹੀਦ ਬਾਬਾ ਅਜੀਤ ਸਿੰਘ ਜੁਝਾਰ ਸਿੰਘ ਮੈਮੋਰੀਅਲ (ਆਟੋਨੋਮਸ) ਕਾਲਜ ਆਫ ਫਾਰਮੇਸੀ, ਬੇਲਾ (ਰੋਪੜ) ਵਿਖੇ ਮਿਤੀ 25/09/2023 ਨੂੰ ਵਿਸ਼ਵ ਫਾਰਮਾਸਿਸਟ ਦਿਵਸ ਮਨਾਇਆ ਗਿਆ। ਹਰੇਕ ਸਾਲ ਵਾਂਗ ਇਸ ਸਾਲ ਵੀ ਸੰਸਥਾ ਵਿਖੇ ਫਾਰਮਾਸਿਸਟ ਦਿਵਸ ਨੂੰ ਬੜੇ ਹੀ ਉਤਸਾਹ ਨਾਲ ਮਨਾਇਆ ਗਿਆ।ਇਸ ਸਾਲ ਦੀ ਥੀਮ “ਫਾਰਮਾਸਿਸਟ ਸਟਰੈਥਰਿੰਗ ਹੈਲਥ ਸਿਸਟਮ੍ ਅੰਗਦਾਨ ਮਹਾਦਾਨ” ਦੇ ਤਹਿਤ ਕਾਲਜ ਦੇ ਸਟਾਫ ਅਤੇ ਵਿਦਿਆਰਥੀ ਵੱਲੋਂ ਇੱਕ ਜਾਗਰੂਕ ਰੈਲੀ ਕਾਲਜ ਕੱਢੀ ਗਈ ਹੈ।
ਇਸ ਰੈਲੀ ਨੂੰ ਕਾਲਜ ਦੇ ਡਾਇਰੈਕਟਰ ਡਾ. ਸੈਲਸ਼ ਸ਼ਰਮਾ, ਡਾ. (ਪੋ੍ਰ) ਸੰਦੀਮ ਕੁਮਾਰ ਮੁਖੀ ਫਾਰਮਾਸਿਉਟੀਕਸ ਅਤੇ ਡਾ. (ਸਹਾਇਕ ਪ੍ਰੋਂ) ਸੁਮਨ ਲਤਾ ਮੁੱਖੀ ਫਾਰਮਾਸਿਊਟੀਕਲ ਕਮਿਸਟਰੀ ਵੱਲੋ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ।ਰੈਲੀ ਕਾਲਜ ਤੋ ਸ਼ੁਰੂ ਹੋਕੇ ਪਿੰਡ ਬੇਲਾ ਦੇ ਬਜਾਰ ਵਿੱਚੋ ਹੰਦੀ ਹੋਈ ਵਾਪਸ ਕਾਲਜ ਵਿੱਖੇ ਸਮਾਪਤ ਹੋਈ।ਬਾਅਦ ਵਿੱਚ ਵਿਦਿਆਰਥੀਆਂ ਵੱਲੋਂ ਕਾਲਜ ਵਿਖੇ ਬੂਟੇ ਲਗਾਏ ਅਤੇ ਸਲੋਗਨ ਪ੍ਰਤਿਯੋਗਿਤਾ ਕਰਵਾਈ ਗਈ।
ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰਦਿਆਂ ਕਾਲਜ ਦੇ ਡਾਇਰੈਕਟਰ ਡਾ. ਸੈਲੇਸ਼ ਸ਼ਰਮਾ ਨੇ ਇਸ ਦਿਨ ਦੇ ਇਤਿਹਾਸ `ਤੇ ਰੌਸ਼ਨੀ ਪਾਉਂਦਿਆ ਦੱਸਿਆ ਕਿ 2012 ਵਿੱਚ ਇਸ ਦਿਨ ਇੰਟਰਨੈਸ਼ਨਲ ਫੈਡਰੇਸ਼ਨ ਆਫ ਫਾਰਮਾਸਿਸਟ ਦਾ ਗਠਨ ਕੀਤਾ ਗਿਆ ਸੀ, ਇਸ ਕਰਕੇ ਅੱਜ ਦੇ ਦਿਨ ਇਹ ਦਿਵਸ ਮਨਾਇਆ ਜਾਂਦਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਸਮੇਂ ਇਸ ਫੈਡਰੇਸ਼ਨ ਨਾਲ 132 ਸੰਸਥਾਵਾਂ ਅਤੇ 30 ਲੱਖ ਤੋਂ ਜਿਆਦਾ ਲੋਕ ਜੁੜੇ ਹੋਏ ਹਨ, ਜੋ ਕਿ ਸਿਹਤ ਸਬੰਧੀ ਸੇਵਾਵਾਂ ਪ੍ਰਦਾਨ ਕਰ ਰਹੇ ਹਨ।
ਡਾ. ਸ਼ਰਮਾ ਨੇ ਕਿਹਾ ਅੱਜ ਦੇ ਸਮੇਂ ਵਿੱਚ ਫਾਰਮਾਸਿਸਟ ਆਪਣੇ ਖੇਤਰ ਵਿੱਚ ਇਕ ਅਹਿਮ ਰੋਲ ਨਿਭਾ ਰਹੇ ਹਨ। ਇਸ ਦੇ ਨਾਲ-ਨਾਲ ਅਜੋਕੇ ਸਮੇਂ ਵਿੱਚ ਨਵੀਆਂ ਦਵਾਈਆਂ, ਨਵੇਂ ਡਿਵਾਈਸ ਨੂੰ ਮਰੀਜ਼ਾ ਤੱਕ ਸਹੀਂ ਸਮੇਂ ਅਤੇ ਸਹੀਂ ਮਾਤਰਾ ਤੱਕ ਪਹੁਚਾੳਣ ਦੇ ਨਾਲ ਦਵਾਈਆ ਵੇਚਣ, ਆਯਾਤ-ਨਿਰਯਾਤ ਅਤੇ ਨਵੀ ਟੈਕਨੋਲੋਜੀ ਦੁਆਰਾ ਦਵਾਈਆਂ ਬਣਾਉਣ ਦੀ ਜਿੰਮੇਵਾਰੀ ਵੀ ਫਾਰਮਾਸਿਸਟ ਦੀ ਹੈ।ਇਸ ਸਾਰੇ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਸਮੂਹ ਸਟਾਫ ਮੈਂਬਰ ਨੇ ਬੜੇ ਹੀ ਸੁਚੱਜੇ ਢੰਗ ਨਾਲ ਆਪਣੀ ਡਿਉਟੀ ਨਿਭਾਈ।