ਚਿਤਕਾਰਾ ਯੂਨੀਵਰਸਿਟੀ ਨੇ ਇੰਟਰਨੈਸ਼ਨਲ ਸਟਾਰਟਅੱਪ ਫਾਊਂਡੇਸ਼ਨ ਦੇ ਚੇਅਰਮੈਨ ਅਤੇ ਸੰਸਥਾਪਕ ਅਤੇ ਜੇ ਏ ਚੌਧਰੀ ਨੂੰ ਡਾਕਟਰੇਟ ਦੀ ਆਨਰੇਰੀ ਉਪਾਧੀ ਨਾਲ ਸਨਮਾਨਿਆ ਹੈ। ਉੱਦਮਤਾ ਦੇ ਗਤੀਸ਼ੀਲ ਖੇਤਰ ਵਿੱਚ ਪਰਿਵਰਤਨਸ਼ੀਲ ਯੋਗਦਾਨ ਲਈ ਪਾਏ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਸਬੰਧੀ ਇਹ ਸਨਮਾਨ ਕੀਤਾ ਗਿਆ। ਜੇਏ ਚੌਧਰੀ ਦੁਆਰਾ ਸਥਾਪਿਤ ਇੰਟਰਨੈਸ਼ਨਲ ਸਟਾਰਟਅਪ ਫਾਊਂਡੇਸ਼ਨ, ਵਿਸ਼ਵ ਪੱਧਰ ਤੇ ਸਟਾਰਟਅੱਪ ਅਤੇ ਉਦਮੀ ਦੋਹਾਂ ਦੇ ਪ੍ਰਚਾਰ, ਉਤਸ਼ਾਹਿਤ ਕਰਨ ਅਤੇ ਸਮਰਥਨ ਕਰਨ ਲਈ ਵਚਨਬੱਧ ਹੈ।
ਇਹ ਉਭਰਦੇ ਹੋਏ ਇਨੋਵੇਟਰਸ ਲਈ ਸਲਾਹ, ਸਰੋਤ ਅਤੇ ਇੱਕ ਸੰਪੰਨ ਪਲੇਟਫਾਰਮ ਪ੍ਰਦਾਨ ਕਰਦਾ ਹੈ। ਚਿਤਕਾਰਾ ਯੂਨੀਵਰਸਿਟੀ ਦੇ ਚਾਂਸਲਰ ਡਾ: ਅਸ਼ੋਕ ਚਿਤਕਾਰਾ ਅਤੇ ਪ੍ਰੋ ਚਾਂਸਲਰ ਡਾ: ਮਧੂ ਚਿਤਕਾਰਾ ਨੇ ਚਿਤਕਾਰਾ ਯੂਨੀਵਰਸਿਟੀ ਪੰਜਾਬ ਦੇ ਕੈਂਪਸ ਵਿਖੇ ਉਨ੍ਹਾਂ ਨੂੰ ਡਿਗਰੀ ਪ੍ਰਦਾਨ ਕੀਤੀ।
ਚਿਤਕਾਰਾ ਯੂਨੀਵਰਸਿਟੀ ਦੇ ਚਾਂਸਲਰ ਡਾ. ਅਸ਼ੋਕ ਚਿਤਕਾਰਾ ਨੇ ਜੇ ਏ ਚੌਧਰੀ ਦੇ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ, ਕਿ ‘‘ਜੇ ਏ ਚੌਧਰੀ ਦੀ ਬੇਮਿਸਾਲ ਲੀਡਰਸ਼ਿਪ ਅਤੇ ਮਹੱਤਵਪੂਰਣ ਮੁੱਖ ਭੂਮਿਕਾ ਦੇ ਕਾਰਨ ਹੈਦਰਾਬਾਦ ਵਿੱਚ ਆਈਟੀ ਕ੍ਰਾਂਤੀ ਸੰਭਵ ਹੋਈ। ਉਨ੍ਹਾਂ ਕਿਹਾ ਕਿ ਕਈਂ ਪੁਰਸਕਾਰ ਹਾਸਿਲ ਕਰ ਚੁੱਕੇ ਸ੍ਰੀ ਚੌਧਰੀ ਸਮਾਜ ਵਿੱਚ ਬਦਲਾਅ ਲਿਆਉਣ ਵਿੱਚ ਕਾਮਯਾਬ ਹੋਏ ਹਨ।
ਇੱਕ ਮਾਹਿਰ ਹੋਣ ਦੇ ਨਾਤੇ, ਉਸ ਦੇ ਵਿਚਾਰ ਅਤੇ ਸਲਾਹ ਦੁਨੀਆਂ ਭਰ ਦੇ ਆਈਟੀ ਸੈਕਟਰ ਉਦਯੋਗਾਂ ਨਾਲ ਸਬੰਧਤ ਵਿਆਪਕ ਅਤੇ ਮਹੱਤਵਪੂਰਨ ਮਾਮਲਿਆਂ ’ਤੇ ਅਕਸਰ ਮੰਗ ਕੀਤੀ ਜਾਂਦੀ ਹੈ। ਚਿਤਕਾਰਾ ਯੂਨੀਵਰਸਿਟੀ ਦੇ ਪ੍ਰੋ ਚਾਂਸਲਰ ਡਾ. ਮਧੂ ਚਿਤਕਾਰਾ ਨੇ ਜੇ ਏ ਚੌਧਰੀ ਨੂੰ ਵਧਾਈ ਦਿੱਤੀ ਅਤੇ ਕਿਹਾ, ਕਿ ‘‘ਸ੍ਰੀ ਚੌਧਰੀ ਦਾ ਆਈਟੀ ਉਦਯੋਗ ਵਿੱਚ ਕੰਮ ਕਰਨ ਦਾ ਇੱਕ ਸ਼ਾਨਦਾਰ ਇਤਿਹਾਸ ਰਿਹਾ ਹੈ।
ਆਪਣੇ 25 ਸਾਲਾਂ ਤੋਂ ਵੱਧ ਸਮੇਂ ਦੇ ਕੈਰੀਅਰ ਵਿੱਚ ਉਨ੍ਹਾਂ ਕਈਂ ਨਾਮਵਰਾਂ ਸੰਸਥਾਵਾਂ ਵਿੱਚ ਯੋਗਦਾਨ ਪਾਇਆ ਹੈ। ਉਹ ਹਮੇਸ਼ਾ ਨਵੇਂ ਦਿਸਹੱਦਿਆਂ ਦਾ ਪਿੱਛਾ ਕਰਦਾ ਹੈ ਅਤੇ ਆਪਣੀ ਸੋਚ ਨਾਲ ਭਵਿੱਖ ਦਾ ਨਿਰਮਾਣ ਕਰਦਾ ਹੈ।
ਇਸ ਮੌਕੇ ਸ੍ਰੀ ਜੇ ਏ ਚੌਧਰੀ ਨੇ ਉਨ੍ਹਾਂ ਨੂੰ ਦਿੱਤੇ ਆਨਰੇਰੀ ਡਾਕਟਰੇਟ ਦੇ ਦਿੱਤੇ ਸਨਮਾਨ ਲਈ ਚਿਤਕਾਰਾ ਯੂਨੀਵਰਸਿਟੀ ਦਾ ਧੰਨਵਾਦ ਕੀਤਾ ਅਤੇ ਕਿਹਾ, ਕਿ ‘‘ਉਨ੍ਹਾਂ ਲਈ ਇਹ ਸਨਮਾਨ ਹਾਸਿਲ ਕਰਨਾ ਬੇਹੱਦ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਕਿਹਾ ਕਿ ਇਸ ਲਈ ਮੈਂ ਵਿਸ਼ੇਸ਼ ਤੌਰ ’ਤੇ ਡਾ: ਅਸ਼ੋਕ ਚਿਤਕਾਰਾ ਅਤੇ ਡਾ. ਮਧੂ ਚਿਤਕਾਰਾ ਦਾ ਧੰਨਵਾਦ ਕਰਦਾ ਹਾਂ।
ਉਨ੍ਹਾਂ ਕਿਹਾ ਕਿ ਚਿਤਕਾਰਾ ਨੇ ਜਿਸ ਤਰਾਂ ਨਾਲ ਉਦਯੋਗ ਜਗਤ ਨਾਲ ਸਬੰਧਿਤ ਕੋਰਸ ਆਰੰਭ ਕੀਤੇ ਹਨ, ਇਹ ਸ਼ਲਾਘਾਯੋਗ ਹਨ। ਉਨ੍ਹਾਂ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਉਹ ਸਿੱਖਿਆ ਦੇ ਖੇਤਰ ਵਿੱਚ ਅਗਵਾਈ ਕਰਦੇ ਰਹਿਣਗੇ ਅਤੇ ਨਵੀਆਂ ਉਚਾਈਆਂ ’ਤੇ ਪਹੁੰਚਣਗੇ।” ਉਨ੍ਹਾਂ ਨੇ ਚਿਤਕਾਰਾ ਯੂਨੀਵਰਸਿਟੀ ਦੀਆਂ ਸਿੱਖਿਆ ਅਤੇ ਉੱਦਮਤਾ ਦੋਵਾਂ ਵਿੱਚ ਸ਼ਾਨਦਾਰ ਪ੍ਰਾਪਤੀਆਂ ਲਈ ਸ਼ਲਾਘਾ ਕੀਤੀ।
ਜੇ ਏ ਚੌਧਰੀ ਨੇ ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਆਈਆਈਟੀ) ਮਦਰਾਸ ਤੋਂ ਸਾਲਿਡ ਸਟੇਟ ਇਲੈਕਟਰੋਨਿਕਸ ਵਿੱਚ ਐਮ.ਟੈਕ ਅਤੇ ਐਸਕੇ ਯੂਨੀਵਰਸਿਟੀ ਤੋਂ ਐਮ.ਐਸ.ਸੀ. ਦੀ ਡਿਗਰੀ ਹਾਸਿਲ ਕੀਤੀ ਹੋਈ ਹੈ। ਉਨ੍ਹਾਂ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਭਾਰਤੀ ਪੁਲਾਡ਼ ਖੋਜ ਸੰਗਠਨ (ਇਸਰੋ) ਵਿੱਚ ਇੱਕ ਵਿਗਿਆਨੀ ਵਜੋਂ ਕੀਤੀ, ਜਿੱਥੇ ਉਹ ਭਾਸਕਰ, ਰੋਹਿਣੀ ਅਤੇ ਆਰੀਆਭੱਟ ਉਪਗ੍ਰਹਿਆਂ ਲਈ ਟੈਲੀਮੈਟਰੀ ਉਪ-ਸਿਸਟਮ ਡਿਜ਼ਾਈਨ ਕਰਨ ਵਿੱਚ ਸ਼ਾਮਲ ਸੀ।
ਉਸ ਨੇ ਭਾਰਤ ਹੈਵੀ ਇਲੈਕਟਰੀਕਲਸ ਲਿਮਿਟੇਡ (ਭੇਲ) ਵਿੱਚ ਵੀ ਕੰਮ ਕੀਤਾ, ਜਿੱਥੇ ਉਸ ਨੇ ਤੰਤਰ ਵਿਕਾਸ ਵਿੱਚ ਯੋਗਦਾਨ ਪਾਇਆ, ਜੋ ਭੇਲ ਦੇ ਪਾਵਰ ਸਟੇਸ਼ਨਾਂ ਦੇ ਪ੍ਰਦੂਸ਼ਣ ਦੇ ਪੱਧਰਾਂ ਆਨਲਾਈਨ ਨਿਗਰਾਨੀ ਕਰ ਸਕਦਾ ਹੈ। ਸ੍ਰੀ ਚੌਧਰੀ ਨੇ ਐਨਆਰਡੀਸੀ, ਭਾਰਤ ਸਰਕਾਰ ਤੋਂ ਮੈਰੀਟੋਰੀਅਸ ਇਨਵੈਨਸ਼ਨ ਐਵਾਰਡ, ਭਾਰਤੀ ਆਈਟੀ ਉਦਯੋਗ ਨੂੰ ਉਤਸ਼ਾਹਿਤ ਕਰਨ ਲਈ ਐਚਐਮਏ ਐਵਾਰਡ ਆਫ਼ ਐਕਸੀਲੈਂਸ, ਆਧਰਾਂ ਪ੍ਰਦੇਸ਼ ਵਿੱਚ ਆਈਟੀ ਉਦਯੋਗ ਨੂੰ ਉਤਸ਼ਾਹਿਤ ਕਰਨ ਲਈ ਐਚਵਾਈਐਸਈਏ ਐਵਾਰਡ ਆਫ਼ ਐਕਸੀਲੈਂਸ ਅਤੇ 2020 ਵਿੱਚ ਐਚਵਾਈਐਸਈਏ ਨੇ ਉਨ੍ਹਾਂ ਲਾਈਫ ਟਾਈਮ ਅਚੀਵਮੈਂਟ ਐਵਾਰਡ ਨਾਲ ਸਨਮਾਨਿਤ ਕੀਤਾ।
ਉਨ੍ਹਾਂ ਨੂੰ ਸਯੁੰਕਤ ਰਾਜ ਅਮਰੀਕਾ ਵਿੱਚ ਟੈਕਸਾਸ ਰਾਜ ਦੀ ਤੇਲਗੂ ਐਸੋਸੀਏਸ਼ਨ ਵੱਲੋਂ 1990 ਵਿੱਚ ਜੀਵਨ ਭਰ ਲਈ ਐਵਾਰਡ ਆਫ਼ ਐਕਸੀਲੈਂਸ ਨਾਲ ਵੀ ਸਨਮਾਨਿਆ ਗਿਆ। ਸ੍ਰੀ ਚੌਧਰੀ ਨੂੰ ਹੈਦਰਾਬਾਦ ਵਿੱਚ ਹਾਈਟੈੱਕ ਸਿਟੀ ਅਤੇ ਸਾਰੀਬਰਾਬਾਦ, ਤਿਰੂਪਤੀ ਵਿੱਚ ਆਈਆਈਡੀਟੀ ਦੀ ਸਥਾਪਨਾ ਅਤੇ ਹੈਦਰਾਬਾਦ ਵਿਖੇ ਇੰਟਰਨੈਸ਼ਨਲ ਇੰਸਟੀਚਿਊਟ ਆਫ਼ ਇਨਫਰਮੇਸ਼ਨ ਟੈਕਨਾਲੋਜੀ ਬਣਾਉਣ ਵਿੱਚ ਮੁੱਖ ਆਰਕੀਟੈਕਟਾਂ ਵਿੱਚੋਂ ਇੱਕ ਦੇ ਖ਼ਿਤਾਬ ਨਾਲ ਨਿਵਾਜਿਆ ਗਿਆ।
ਉਹ ਪੋਰਟਲ ਪਲੇਅਰ ਦਾ ਸਹਿ-ਸੰਸਥਾਪਕ ਹੈ ਜਿਸ ਨੂੰ 2007 ਵਿੱਚ ਇਨਵੀਡੀਆ ਦੁਆਰਾ ਅਧਿਕ੍ਰਿਤ ਕੀਤਾ ਗਿਆ ਸੀ। ਉਹ ਹੈਦਰਾਬਾਦ ਏਂਜਲਸ ਦੇ ਸਹਿ-ਸੰਸਥਾਪਕ ਅਤੇ ਬੋਰਡ ਦੇ ਮੈਂਬਰ ਵੀ ਹਨ।
ਇਸ ਤੋਂ ਇਲਾਵਾ, ਉਨ੍ਹਾਂ ਉਸ ਚਿੱਪ ਦੇ ਵਿਕਾਸ ਦੀ ਵੀ ਅਗਵਾਈ ਕੀਤੀ ਜਿਸ ਨੇ ਆਈਪੋਡ ਦੀ ਪਹਿਲੀ ਜਨਰੇਸ਼ਨ ਦਾ ਨਿਰਮਾਣ ਕੀਤਾ। ਸ੍ਰੀ ਚੌਧਰੀ ਆਂਧਰਾ ਪ੍ਰਦੇਸ਼ ਲਈ ਉਦਯੋਗ ਵਿਕਾਸ ਫੋਰਮ ਦੇ ਚੇਅਰਮੈਨ ਤੋਂ ਇਲਾਵਾ ਫੈਡਰੇਸ਼ਨ ਆਫ਼ ਇੰਡੀਅਨ ਚੈਂਬਰਜ਼ ਆਫ਼ ਕਾਮਰਸ ਅਤੇ ਉਦਯੋਗ (ਤੇਲੰਗਾਨਾ ਅਤੇ ਆਂਧਰਾ ਪ੍ਰਦੇਸ਼), ਦੇ ਪ੍ਰਧਾਨ ਤੋਂ ਇਲਾਵਾ ਅਨੰਤਪੁਰ ਡਿਵੈਲਪਮੈਂਟ ਇਨੀਸ਼ੀਏਟਿਵ ਫਾਊਂਡੇਸ਼ਨ ਅਤੇ ਫੂਡ 360 ਫਾਊਂਡੇਸ਼ਨ ਦੇ ਪ੍ਰਧਾਨ ਵੀ ਰਹੇ ਹਨ।