ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਨੂੰ ਅੱਜ ਵਿਧਾਨ ਸਭਾ ਹਲਕਾ ਦਾਖਾ ਦੇ ਪਿੰਡ ਬੀਰਮੀ ਸਮੇਤ ਤਕਰੀਬਨ ਅੱਧੀ ਦਰਜਨ ਪਿੰਡਾਂ ਦੀਆਂ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰਦੇ ਕਿਹਾ ਕਿ ਕੇਂਦਰ ਅੰਦਰ ਮੁੜ ਕਾਂਗਰਸ ਸਰਕਾਰ ਆਉਣ ਤੇ 10 ਕਰੋੜ ਨੋਜਵਾਨਾਂ ਨੂੰ ਰੋਜਗਾਰ ਦੇਣ ਦੇ ਨਾਲ ਨਾਲ ਬੀਮਾਂ ਸਹੂਲਤ ਵੀ ਪਹਿਲ ਦੇ ਅਧਾਰ ਦੇ ਦਿੱਤੀ ਜਾਵੇਗੀ । ਉਹਨਾਂ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਲੋਕਾਂ ਦੇ ਨਾਲ ਜੋ ਵਆਦੇ ਕੀਤੇ ਉਹ ਹਮੇਸ਼ਾ ਪੂਰੇ ਕੀਤੇ ਜਦਕਿ ਪੰਜਾਬ ਦੀ ਅਕਾਲੀ ਭਾਜਪਾ ਸਰਕਾਰ ਨੇ ਵਿਧਾਨ ਸਭਾ ਚੋਣਾਂ ਵਿੱਚ ਕੀਤਾ ਇਕ ਵੀ ਵਆਦਾ ਪੂਰਾ ਨਹੀ ਕੀਤਾ । ਭਾਵੇ ਉਹ ਸ਼ਗਨ ਸਕੀਮ ਦੇ 31ਹਜਾਰ ਦਾ ਵਆਦਾ ਹੋਵੇ, ਬੁਢਾਪਾ ਪੈਸ਼ਨ ਹੋਵੇ ਜਾ ਫਿਰ ਬੇ-ਰੋਜਗਾਰ ਭੱਤਾ ਹੋਵੇ। ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਕਾਜਰਕਾਲ ਵਿੱਚ ਸੱਤਾਧਾਰੀਆਂ ਨੇ ਨਸ਼ੇ, ਰੇਤ ਦੀ ਸਮਗਲਿੰਗ ਕਰਨ ਤੇ ਜੋਰ ਦੇਣ ਦੇ ਨਾਲ ਨਾਲ ਲੋਕਾਂ ਦੀਆਂ ਜਮੀਨਾਂ ਤੇ ਨਜਾਇਜ ਕਬਜੇ ਅਤੇ ਗਰੀਬ ਜਨਤਾਂ ਤੇ ਝੂੱਠੇ ਪਰਚੇ ਦੇਣ ਤੇ ਜੋਰ ਦਿੱਤਾ ਹੈ । ਸ: ਬਿੱਟੂ ਨੇ ਕਿਹਾ ਕਿ ਝੂੱਠੇ ਪਰਚੇ ਕਰਨ ਅਤੇ ਨਸ਼ੇ ਦੀ ਸ਼ਮਗਲਿੰਗ ਕਰਨ ਵਿਚੱ ਵਿਧਾਨ ਸਭਾ ਹਲਕਾ ਦਾਖਾ ਸਭ ਤੋ ਮੋਹਰੀ ਹੈ।
ਉਹਨਾਂ ਦੋਸ਼ ਲਇਆ ਕਿ ਪੰਜਾਬ ਅੰਦਰ ਜਵਾਨੀ ਨੂੰ ਬਰਬਾਦ ਕਰਨ ਲਈ ਜਿਹੜਾ ਨਸ਼ਾ ਸਮਗਲਰਾਂ ਦਾ ਇਕ ਗਿਰੋਹ ਕੰਮ ਕਰ ਰਿਹਾ ਹੈ ਉਸ ਦਾ ਮੁੱਖੀ ਬਾਦਲ ਪਰਿਵਾਰ ਦਾ ਨਜਦੀਕੀ ਰਿਸ਼ਤੇਦਾਰ ਮਜੀਠੀਆ ਹੈ। ਪੰਜਾਬ ਦੀ ਜਵਾਨੀ ਨੂੰ ਬਚਾਉਣ ਦੇ ਲਈ ਇਸ ਗਿਰੋਹ ਦਾ ਖਾਤਮਾਂ ਜਰੂਰੀ ਹੈ। ਇਸ ਮੋਕੇ ਸਾਬਕਾ ਵਿਧਾਇਕ ਜਸਵੀਰ ਸਿੰਘ ਜੱਸੀ ਖੰਗੂੜਾ ਨੇ ਕਿਹਾ ਕਿ ਵਿਧਾਨ ਸਭਾ ਹਲਕਾ ਦਾਖਾ ਵਿਕਾਸ ਪੱਖੋ ਬੂਰੀ ਤਰਾਂ ਪਛੱੜ ਚੁੱਕਾ ਹੈ ਹਲਕੇ ਦੇ ਅੰਦਰ ਲੋਕਾਂ ਤੇ ਤਸੱਦਦ ਵਿੱਚ ਵਾਧਾ ਹੋਇਆ ਹੈ ਉਹਨਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਆਤਂਕ ਨੂੰ ਖਤਮ ਕਰਨ ਲਈ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਰਵਨੀਤ ਸਿੰਘ ਬਿੱਟੂ ਨੂੰ ਜਿਤਾਕੇ ਭੇਜਣ ਅਤੇ ਇਸ ਬਾਦਲ ਸਰਕਾਰ ਦੇ ਜੁਲਮਾਂ ਦਾ ਅੰਤ 30 ਤਰੀਕ ਨੂੰ ਕਰਨ। ਇਸ ਮੋਕੇ ਉਹਨਾਂ ਦੇ ਨਾਲ ਗੁਰਪ੍ਰੀਤ ਸਿੰਘ ਖੰਗੂੜਾ, ਮਨਜੀਤ ਸਿੰਘ ਹੰਬੜਾ,ਦਰਸ਼ਨ ਸਿੰਘ ਬੀਰਮੀ, ਰਣਜੀਤ ਸਿੰਘ ਮਾਗਟ , ਦਰਸ਼ਨ ਸਿੰਘ ਬੀਰਮੀ, ਪਰਮਜੀਤ ਸਿੰਘ, ਸੁਖਦੀਪ ਸਿੰਘ, ਬਲਜਿੰਦਰ ਸਿੰਘ, ਲੱਖਾ ਸਿੰਘ, ਕੇਸ਼ਰ ਸਿੰਘ, ਗੁਰਦੀਪ ਸਿੰਘ, ਰਾਮ ਸਿੰਘ, ਕਮਲਪ੍ਰੀਤ ਸਿੰਘ ਖੰਗੂੜਾ, ਹਰਜਿੰਦਰ ਸਿੰਘ ਢੀਡਸਾ, ਦੀਪਕ ਖੰਡੂਰ ਆਦਿ ਹਾਜਰ ਸਨ ।