Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

ਲੁਧਿਆਣਾ , 20 Apr 2014

Last updated on: Apr 20, 2014, 00:00 IST

ਲੁਧਿਆਣਾ ਲੋਕ ਸਭਾ ਸੀਟ ਤੋਂ ਅਕਾਲੀ-ਭਾਜਪਾ ਗਠਜੋੜ ਦੇ ਸਾਂਝੇ ਉਮੀਦਵਾਰ ਮਨਪ੍ਰੀਤ ਸਿੰਘ ਇਆਲੀ ਦੀ ਜੇਤੂ ਚੋਣ ਮੁਹਿੰਮ ਨੂੰ ਹੋਰ ਪ੍ਰਚੰਡ ਕਰਦਿਆਂ ਹਲਕਾ ਕੇਂਦਰੀ ਦੇ ਵਾਰਡ ਨੰਬਰ 44, ਹਰਗੋਬਿੰਦ ਨਗਰ ਵਿਖੇ ਸੰਦੀਪ ਘਈ ਅਤੇ ਸੰਨੀ ਅੰਗਰੇਜ਼ ਦੀ ਅਗਵਾਈ ਹੇਠ ਇੱਕ ਵਿਸ਼ਾਲ ਚੋਣ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ, ਜਿਸਨੂੰ ਸੰਬੋਧਨ ਕਰਦਿਆਂ ਸਾਬਕਾ ਕੇਂਦਰੀ ਮੰਤਰੀ ਸਤਪਾਲ ਗੁਸਾਈਂ ਨੇ ਕਿਹਾ ਕਿ ਉਮੀਦਵਾਰ ਇਆਲੀ ਦੀ ਜਿੱਤ ਯਕੀਨੀ ਹੈ, ਉਹਨਾਂ ਦੀ ਜੇਤੂ ਲਹਿਰ ਮੂਹਰੇ ਵਿਰੋਧੀ ਰੇਤ ਵਾਂਗ ਕਿਰ ਜਾਣਗੇ ਅਤੇ ਹਲਕਾ ਕੇਂਦਰੀ ਵਾਸੀ ਵਿਰੋਧੀ ਉਮੀਦਵਾਰਾਂ ਦੀਆਂ ਜਮਾਨਤਾਂ ਜ਼ਬਤ ਕਰਵਾ ਕੇ ਦਮ ਲੈਣਗੇ। ਉਮੀਦਵਾਰ ਇਆਲੀ ਨੇ ਕਿਹਾ ਕਿ ਅਸੀ ਵਿਕਾਸ ਦੇ ਮੁੱਦੇ ਨੂੰ ਲੈ ਕੇ ਤੁਹਾਡੀ ਕਚਹਿਰੀ ਵਿੱਚ ਆਏ ਹਾਂ ਅਤੇ ਜੋ ਕਿਹਾ ਸੀ ਉਹ ਕੀਤਾ ਹੈ ਅਤੇ ਜੋ ਕਹਾਂਗੇ ਉਹ ਕਰਾਂਗੇ। ਉਹਨਾਂ ਕਿਹਾ ਕਿ ਵਿਰੋਧੀ ਉਮੀਦਵਾਰਾਂ ਕੋਲ ਕੋਈ ਵੀ ਚੋਣ ਮੁੱਦਾ ਨਹੀਂ ਹੈ ਅਤੇ ਉਹ ਹਾਰੀ ਹੋਈ ਬਾਜੀ ਖੇਡਣ ਲਈ ਬੇਬੱਸ ਹਨ, ਇਸੇ ਕਰਕੇ ਬੇਤੁਕੀ ਬਿਆਨਬਾਜ਼ੀ ਅਤੇ ਕੂੜ ਪ੍ਰਚਾਰ 'ਤੇ ਉÎਤਰ ਆਏ ਹਨ। ਉਹਨਾਂ ਕਿਹਾ ਕਿ 30 ਅਪ੍ਰੈਲ ਨੂੰ ਤੱਕੜੀ ਦੇ ਚੋਣ ਨਿਸ਼ਾਨ ਵਾਲਾ ਬਟਨ ਦਬਾ ਕੇ ਸਾਨੂੰ ਕਾਮਯਾਬ ਕਰੋ ਤਾਂ ਜੋ ਲੁਧਿਆਣਾ ਸ਼ਹਿਰ ਦੇ ਮੁੱਦੇ ਸੰਸਦ ਵਿੱਚ ਉਠਾ ਸਕਾਂ। ਇਸ ਮੌਕੇ ਪ੍ਰਧਾਨ ਰਮੇਸ਼ ਬਾਂਗੜ, ਸਤੀਸ਼ ਨਾਗਰ, ਕੌਂਸਲਰ ਜਸਵੀਰ ਸਿੰਘ ਜੱਗਾ, ਵਾਰਡ ਇੰਚਾਰਜ ਨਰਿੰਦਰ ਕੌਰ ਲਾਂਬਾ, ਡੌਲੀ ਗੁਸਾਂਈਂ, ਅਮਿਤ ਗੁਸਾਂਈਂ, ਮਨਪ੍ਰੀਤ ਸਿੰਘ ਮੰਨਾ, ਦਵਿੰਦਰ ਸਿੰਘ, ਦੇਵੀ ਸਹਾਏ ਟੰਡਨ, ਮਨਪ੍ਰੀਤ ਕੌਰ ਰੰਧਾਵਾ, ਰੇਖਾ ਵਰਮਾ, ਬਲਜੀਤ ਛਤਵਾਲ, ਜਤਿੰਦਰ ਮਿੱਤਲ, ਸੋਨੀ ਅਨੇਜਾ, ਰਿੰਕਲ, ਸੰਦੀਪ, ਜਿੱਪੀ ਸ਼ਰਮਾ, ਸ਼ਰਨ ਦੂਆ, ਜਸਵੀਰ ਸਿੰਘ ਜੱਗੀ, ਸੁਨੀਤਾ ਸ਼ਰਮਾ, ਤਰਨਦੀਪ ਸਿੰਘ, ਕਿਰਪਾਲ ਸਿੰਘ ਆਦਿ ਤੋਂ ਵਾਰਡ ਵਾਸੀ ਭਾਰੀ ਗਿਣਤੀ 'ਚ ਹਾਜ਼ਰ ਸਨ।