Web Admin

5 ਦਰਿਆ ਨਿਊਜ਼ (ਪਰਮਜੀਤ ਰੌੜੀ )

ਪੋਜੇਵਾਲ , 17 Apr 2014

Last updated on: Apr 17, 2014, 00:00 IST

ਕੇਂਦਰ ਸਰਕਾਰ ਨੇ ਕਦੇ ਵੀ ਪੰਜਾਬ ਨਾਲ ਵਿਤਕਰਾ ਨਹੀਂ ਕੀਤਾ ਸਗੋ ਸੂਬੇ ਦੀ ਅਕਾਲੀ ਭਾਜਪਾ ਸਰਕਾਰ ਨੇ ਕੇਂਦਰ ਵਲੋ ਭੇਜੀਆ ਗ੍ਰਾਟਾਂ ਨੁੰ ਸਾਰੇ ਸੂਬੇ ਅੰਦਰ ਖਰਚਣ ਦੀ ਵਜਾਏ ਬਾਦਲਾਂ ਦੇ ਜੱਦੀ ਹਲਕਿਆਂ ਹੀ ਖਰਚ ਕੀਤੀਆਂ ਹਨ।ਇਹ ਸ਼ਬਦ ਲੋਕ ਸਭਾ ਸ਼੍ਰੀ ਆਨੰਦਪੁਰ ਸਾਹਿਬ ਤੋ ਕਾਂਗਰਸ, ਪੀਪੀਪੀ ਦੀ ਉਮੀਦਵਾਰ ਅੰਬਿਕਾ ਸੋਨੀ ਨੇ ਅਸੋਕ ਨਾਨੋਵਾਲ ਦੀ ਅਗੁਵਾਈ ਵਿੱਚ ਪਿੰਡ ਚਾਂਦਪੁਰ ਰੁੜਕੀ ਵਿਖੇ ਗੁਰਦੁਆਰਾ ਸਾਹਿਬ ਵਿਖੇ ਨਮਸਤਕ ਹੋਣ ਤੋ ਬਾਅਦ ਕੀਤੇ ਚੋਣ ਜਲਸੇ ਨੂੰ ਸੰਬੋਧਨ ਕਰਦੇ ਹੋਏ ਕਹੇ।ਉਹਨਾਂ ਕਿਹਾ ਕਿ ਉਹ ਜਿਤੇ ਚਾਹੇ ਹਰੇ ਪ੍ਰੰਤੂ ਲੋਕ ਸਭਾ ਹਲਕਾ ਸ੍ਰੀ ਆਨੰਦਪੁਰ ਸਾਹਿਬ ਦੇ ਲੋਕਾਂ ਤੋ ਵੱਖ ਨਹੀਂ ਹੋ ਸਕਦੀ।ਉਹਨਾਂ ਅਕਾਲੀ ਉਮੀਦਵਾਰ ਚੰਦੂਮਾਜਰਾ ਨੁੰ ਨਿਸ਼ਾਨਾਂ ਬਣਾਉਦਿਆ ਕਿਹਾ ਕਿ ਉਹ ਪਿੰਡਾਂ ਅੰਦਰ ਮੇਰੇ ਵਿਰੁੱਧ ਕੁੱਝ ਬੋਲਣ ਤੋ ਪਹਿਲਾਂ ਆਮ ਲੋਕਾਂ ਨੂੰ ਆਪਣੇ ਸਿਆਸੀ ਜੀਵਨ ਵਾਰੇ ਜਾਣਕਾਰੀ ਦੇਣ।ਉਹਨਾਂ ਕਿਹਾ ਕਿ ਸੂਝਵਾਨ ਵੋਟਰ ਉਹਨਾਂ ਨੂੰ ਵੱਧ ਤੋ ਵੱਧ ਵੋਟਾਂ ਪਾ ਕੇ ਕਾਮਯਾਬ ਕਰਦੇ ਹਨ ਤਾਂ ਉਹ ਪਹਿਲਾਂ ਨਾਲੋ ਜਿਆਦਾ ਉਤਸ਼ਾਹਿਤ ਹੋ ਕੇ ਲੋਕਾਂ ਦੀ ਸੇਵਾ ਕਰਨ ਦੇ ਨਾਲ ਨਾਲ ਇਸ ਪਛੜੇ ਇਲਾਕੇ ਦੀ ਹਰ ਸਮੱਸਿਆ ਦਾ ਹੱਲ ਕਰਨਗੇ।ਇਸ ਮੌਕੇ ਸੀ.ਡੀ ਕੰਬੋਜ,ਅਰੁਣ ਮਲਿਕ,ਪ੍ਰਵੀਨ ਚੌਧਰੀ,ਅਸੋਕ ਨਾਨੋਵਾਲ, ਰਾਮ ਕਿਸ਼ਨ ਕਟਾਰੀਆ,ਬੀਬੀ ਸੰਤੋਸ਼ ਕਟਾਰੀਆ,ਰਾਜਵਿੰਦਰ ਲੱਕੀ,ਵਿੱਕੀ ਚੌਧਰੀ ਜਿਲਾ ਪ੍ਰੀਸ਼ਦ ਮੈਂਬਰ,ਦਰਸ਼ਨ ਲਾਲ ਮੰਗੂਪੁਰ,ਸ਼ਿਵ ਰਾਮ ਪਾਲੀ, ਰਜਿੰਦਰ ਕਟਾਰੀਆ,ਪ੍ਰੋ. ਮੀਲੂ,ਰਾਮ ਧੰਨ,ਬਲਵੀਰ ਪ੍ਰਧਾਨ,ਹਰਮੇਸ਼ ਲਾਲ, ਦੇਸ ਰਾਜ,ਮੈਡਮ ਰਚਨਾ ਦੇਵੀ,ਪ੍ਰੀੰਸੀਪਲ ਸੁਨੀਤਾ ਸੋਨੀ ਤੇ ਵਧੇਰੇ ਗਿਣਤੀ ਵਿੱਚ ਇਲਾਕਾ ਵਾਸੀ ਹਾਜਿਰ ਸਨ।