Web Admin

5 ਦਰਿਆ ਨਿਊਜ਼ (ਰੋਹਿਤ ਕੁਮਾਰ)

ਅੰਮ੍ਰਿਤਸਰ , 17 Apr 2014

Last updated on: Apr 17, 2014, 00:00 IST

ਬਾਲੀਵੁੱਡ  ਸੁਪਰਸਟਾਰ ਵਿਵੇਕ ਓਬਰਾਏ ਨੇ ਵੀਰਵਾਰ ਨੂੰ ਅਕਾਲੀ ਭਾਜਪਾ ਦੇ ਸਾਂਝੇ ਉਮੀਦਵਾਰ ਅਰੁਣ ਜੇਤਲੀ ਦੇ ਸਮਰਥਨ ਵਿੱਚ ਅੰਮ੍ਰਿਤਸਰ ਦੀਆਂ ਗਲੀਆਂ, ਬਾਜ਼ਾਰਾ ਅਤੇ ਪੇਂਡੂ ਹਲਕਿਆਂ ਵਿੱਚ ਰੋਡ ਸ਼ੋ ਕੀਤਾ। ਰੋਡ ਸ਼ੋ ਵਿੱਚ ਜਗ੍ਹਾ-ਜਗ੍ਹਾ ਭਾਰੀ ਇਕੱਠ ਦੇ ਕਾਰਨ ਬਾਜ਼ਾਰਾਂ ਵਿੱਚ ਲੰਬੇ ਸਮੇਂ ਤੱਕ ਜਾਮ ਦੇ ਹਾਲਾਤ ਪੈਦਾ ਹੋ ਗਏ। ਜਨਤਾ ਵਿੱਚ ਜੋਸ਼ ਇਸ ਕਦਰ ਸੀ ਕਿ ਵਿਵੇਕ ਓਬਰਾਏ ਵੱਲੋ ਅਰੁਣ ਜੇਤਲੀ ਦੇ ਹੱਕ ਵਿੱਚ ਕੀਤੀ ਗਈ ਅਪੀਲ ਦਾ ਜੋਰਦਾਰ ਨਾਰਿਆਂ  ਅਤੇ ਹੱਥ ਉੱਠਾ ਕੇ ਸਮਰਥਨ ਕਰਦੀ ਨਜ਼ਰ ਆਈ। ਇਸ ਤਰ੍ਹਾਂ ਇਹ ਰੋਡ ਸ਼ੋ ਸ਼੍ਰੀ ਅਰੁਣ ਜੇਤਲੀ ਦੇ ਪੱਖ ਵਿੱਚ ਹੁੰਕਾਰ ਵਿੱਚ ਤਬਦੀਲ ਹੋ ਗਿਆ।ਆਪਣੇ ਸੰਬੋਧਨ 'ਚ ਓਬਰਾਏ ਨੇ ਕਿਹਾ ਕਿ ਸ਼੍ਰੀ ਜੇਤਲੀ ਉਨ੍ਹਾਂ ਦੇ ਪਿਤਾ ਸਮਾਨ ਹਨ ਅਤੇ ਉਨ੍ਹਾਂ ਦੇ ਪਿਤਾ ਸ਼੍ਰੀ ਸੁਰੇਸ਼ ਓਬਰਾਏ ਦੇ ਖ਼ਾਸ ਮਿੱਤਰ ਵੀ ਹਨ। ਇਹੋ ਜਿਹੇ ਨੇਕ ਸ਼ਰੀਫ ਅਤੇ  ਵਿਦਵਾਨ ਰਾਜਨੀਤਿਕ ਅੰਮ੍ਰਿਤਸਰ ਦੀ ਤਕਦੀਰ ਬਦਲ ਦੇਣਗੇ। ਇਹ ਮੇਰਾ ਸੋ ਫੀਸਦੀ ਵਿਸ਼ਵਾਸ਼ ਹੈ। ਓਬਰਾਏ ਨੇ ਇਹ ਵੀ ਕਿਹਾ ਕਿ ਨਰਿੰਦਰ ਮੋਦੀ ਅਤੇ ਭਾਜਪਾ ਇਸ ਵੇਲੇ ਦੇਸ਼ ਦੀ ਹਾਲਤ ਨੂੰ ਬਦਲਣ ਦੀ ਤਾਕਤ ਰੱਖਦੀ ਹੈ। ਮੈਂ ਖੁੱਦ ਵੀ ਮੋਦੀ ਜੀ ਦਾ ਬਹੁਤ ਖਾਸ ਪ੍ਰਸ਼ੰਸ਼ਕ ਅਤੇ ਉਨ੍ਹਾਂ ਦਾ ਸਮਰਥਕ ਹਾਂ। ਵਿਵੇਕ ਨੇ ਗੁਰੂ ਨਗਰੀ ਦੀ ਜਨਤਾਂ ਨੂੰ ਅਪੀਲ ਕੀਤੀ ਕੀ ਅਗਰ ਦੇਸ਼ ਅਤੇ ਅੰਮ੍ਰਿਤਸਰ ਦੀ ਤਕਦੀਰ ਬਦਲਣਾ ਚਾਹੁੰਦੇ ਹੋ ਤੇ ਨਰਿੰਦਰ ਮੋਦੀ ਅਤੇ ਅਰੁਣ ਜੇਤਲੀ ਵਰਗੇ ਨੇਕ ਅਗਾਂਹਵਾਧੂ ਸੋਚ ਵਾਲੇ ਨੇਤਾਵਾਂ ਨੂੰ ਹਰ ਹਾਲਤ ਵਿੱਚ ਜਿੱਤਾਣਾ ਹੋਵੇਗਾ। ਇਸ ਰੋਡ ਸ਼ੋ ਦਾ ਆਯੋਜਨ ਭਾਰਤੀ ਯੁਵਾ ਮੋਰਚਾ ਪੰਜਾਬ ਦੇ ਲੀਗਲ ਸੈੱਲ ਦੇ ਕਨਵੀਨਰ ਕੁਮਾਰ ਅਮਿਤ ਦੀ ਅਗਵਾਈ ਵਿੱਚ ਕਰਵਾਇਆ ਗਿਆ। ਜਿਸਦੇ ਵਿੱਚ ਜਨਤਾ ਯੁਵਾ ਮੋਰਚਾ ਦੇ ਪ੍ਰਦੇਸ਼ ਪ੍ਰਧਾਨ ਮੋਹਿਤ ਗੁਪਤਾ ਖ਼ਾਸ ਤੌਰ ਤੇ ਸ਼ਾਮਿਲ ਹੋਏ। ਇਸਦੇ ਇਲਾਵਾ ਰਾਹੁਲ ਮਹੇਸ਼ਵਰੀ, ਚਰਨਜੀਤ ਸਿੰਘ ਦੁੱਗਲ, ਸੁਰਿੰਦਰ ਸਿੰਘ ਚੋਧਰੀ ਵੀ ਮੌਜੂਦ ਸਨ।