ਚਿਤਕਾਰਾ ਯੂਨੀਵਰਸਿਟੀ ਨੇ ਆਕਾਸ਼ ਹੈਲਥਕੇਅਰ ਸੁਪਰ ਸਪੈਸ਼ਲਿਟੀ ਹਸਪਤਾਲ, ਦਵਾਰਕਾ, ਨਵੀਂ ਦਿੱਲੀ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਆਸ਼ੀਸ਼ ਚੌਧਰੀ ਨੂੰ ਹਸਪਤਾਲ ਅਤੇ ਸਿਹਤ ਸੰਭਾਲ ਉਦਯੋਗ ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਯੋਗਦਾਨ ਲਈ ਆਨਰੇਰੀ ਡਾਕਟਰੇਟ ਦੀ ਡਿਗਰੀ ਪ੍ਰਦਾਨ ਕੀਤੀ।
ਚਿਤਕਾਰਾ ਯੂਨੀਵਰਸਿਟੀ ਦੇ ਚਾਂਸਲਰ ਡਾ: ਅਸ਼ੋਕ ਚਿਤਕਾਰਾ ਅਤੇ ਚਿਤਕਾਰਾ ਯੂਨੀਵਰਸਿਟੀ ਦੇ ਪ੍ਰੋ ਚਾਂਸਲਰ ਡਾ: ਮਧੂ ਚਿਤਕਾਰਾ ਨੇ ਉਨ੍ਹਾਂ ਨੂੰ ਚਿਤਕਾਰਾ ਯੂਨੀਵਰਸਿਟੀ ਦੇ ਪੰਜਾਬ ਕੈਂਪਸ ਵਿਖੇ ਇਹ ਡਿਗਰੀ ਪ੍ਰਦਾਨ ਕੀਤੀ। ਡਾ: ਅਸ਼ੋਕ ਚਿਤਕਾਰਾ ਨੇ ਡਾ: ਆਸ਼ੀਸ਼ ਚੌਧਰੀ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ, ‘‘ਡਾ. ਆਸ਼ੀਸ਼ ਚੌਧਰੀ ਦੀ ਅਗਵਾਈ ਹੇਠ, ਨਿਪੁੰਨ ਡਾਕਟਰਾਂ ਅਤੇ ਵਿਸ਼ੇਸ਼ ਨਰਸਿੰਗ ਦੇਖਭਾਲ ਦੁਆਰਾ ਬਹੁਤ ਸਹਾਇਤਾ ਕੀਤੀ ਜਾਂਦੀ ਹੇ, ਖਾਸ ਤੌਰ ‘ਤੇ ਕੋਵਿਡ ਲਹਿਰਾਂ ਦੇ ਸਭ ਤੋਂ ਵੱਧ ਪ੍ਰਭਾਵਿਤ ਸਮੇਂ ਦੌਰਾਨ, ਕਮਾਲ ਦਾ ਕੰਮ ਕੀਤਾ ਹੈ।
ਡਾ. ਚੌਧਰੀ ਨੇ ਮੌਲਾਨਾ ਆਜ਼ਾਦ ਮੈਡੀਕਲ ਕਾਲਜ ਤੋਂ ਗ੍ਰੈਜੂਏਸ਼ਨ ਕੀਤੀ, ਲੇਡੀ ਹਾਰਡਿੰਗ ਮੈਡੀਕਲ ਕਾਲਜ ਤੋਂ ਆਰਥੋਪੀਡਿਕਸ ਵਿੱਚ ਪੋਸਟ ਗ੍ਰੈਜੂਏਸ਼ਨ ਕੀਤੀ ਅਤੇ ਰਾਇਲ ਕਾਲਜ ਆਫ਼ ਸਰਜਨਜ਼, ਗਲਾਸਗੋ ਤੋਂ ਸਰਟੀਫ਼ਿਕੇਟ ਪ੍ਰਾਪਤ ਕੀਤਾ। ਉਨ੍ਹਾਂ ਕੋਲ ਇੰਡੀਅਨ ਸਕੂਲ ਆਫ ਬਿਜ਼ਨਿਸ (ਆਈਐੱਸਬੀ), ਹੈਦਰਾਬਾਦ ਤੋਂ ਹੈਲਥਕੇਅਰ ਮੈਨੇਜਮੈਂਟ ਦੀ ਡਿਗਰੀ ਵੀ ਹੈ।
ਆਪਣੇ ਉੱਦਮੀ ਹੁਨਰ ਤੋਂ ਇਲਾਵਾ, ਉਹ ਰੋਬੋਟਿਕ ਗੋਡੇ ਬਦਲਣ ਅਤੇ ਹਿੱਪ ਰੀਪਲੇਸਮੈਂਟ ਸਰਜਰੀਆਂ ਕਰਨ ਵਿੱਚ ਵਿਸ਼ੇਸ਼ ਰੁਚੀ ਅਤੇ ਮੁਹਾਰਤ ਦੇ ਨਾਲ ਅਭਿਆਸ ਕਰਨ ਵਾਲੇ ਆਰਥੋਪੀਡਿਕ ਸਰਜਨ ਹਨ। ਡਾ: ਮਧੂ ਚਿਤਕਾਰਾ ਨੇ ਡਾ: ਆਸ਼ੀਸ਼ ਚੌਧਰੀ ਨੂੰ ਵਧਾਈ ਦੇਨਦੇਯਾਂ ਕਿਹਾ, ਕਿ ‘‘ਡਾ. ਚੌਧਰੀ ਦਾ 20 ਸਾਲਾਂ ਤੋਂ ਵੱਧ ਸਮੇਂ ਤੋਂ ਹਸਪਤਾਲ ਅਤੇ ਸਿਹਤ ਸੰਭਾਲ ਉਦਯੋਗ ਵਿੱਚ ਕੰਮ ਕਰਨ ਦਾ ਇੱਕ ਪ੍ਰਦਰਸ਼ਿਤ ਇਤਿਹਾਸ ਹੈ।
ਉਨ੍ਹਾਂ ਦੱਸਿਆ ਕਿ ਡਾ ਚੌਧਰੀ ਨੇ ਇੱਕ ਮਾਹਿਰ ਵਜੋਂ ਬਹੁਤ ਸਾਰੇ ਪੀਅਰ-ਸਮੀਖਿਆ ਕੀਤੇ ਪੇਪਰਾਂ ਅਤੇ ਵਿਗਿਆਨਕ ਪ੍ਰਕਾਸ਼ਨਾਂ ਵਿੱਚ ਲਿਖਿਆ ਹੈ। ਦੁਨੀਆਂ ਭਰ ਦੇ ਫਾਰਮਾ ਅਤੇ ਸੇਹਤਸੰਭਾਲ ਦੇ ਉਦਯੋਗਾਂ ਨਾਲ ਸਬੰਧਤ ਵਿਆਪਕ ਅਤੇ ਮਹੱਤਵਪੂਰਨ ਮਾਮਲਿਆਂ ਤੇ ਉਨ੍ਹਾਂ ਦੇ ਵਿਚਾਰ ਅਤੇ ਸਲਾਹ ਅਕਸਰ ਮੰਗੀ ਜਾਂਦੀ ਹੈ।”
ਇਸ ਮੌਕੇ ਡਾ: ਆਸ਼ੀਸ਼ ਚੌਧਰੀ ਨੇ ਆਪਣੇ ਸਫ਼ਰ ਅਤੇ ਤਜਰਬੇ ਸਾਂਝੇ ਕੀਤੇ। ਉਨ੍ਹਾਂ ਨੇ ਚਿਤਕਾਰਾ ਯੂਨੀਵਰਸਿਟੀ ਦਾ ਇਸ ਸਨਮਾਨ ਲਈ ਧੰਨਵਾਦ ਕਰਦਿਆਂ ਕਿਹਾ, ਕਿ ‘‘ਚਿਤਕਾਰਾ ਯੂਨੀਵਰਸਿਟੀ ਤੋਂ ਡਾਕਟਰੇਟ ਦੀ ਆਨਰੇਰੀ ਡਿਗਰੀ ਮਿਲਣਾ ਮੇਰੇ ਲਈ ਮਾਣ ਵਾਲੀ ਗੱਲ ਹੈ। ਅਜਿਹੇ ਸਨਮਾਨ ਲਈ ਮੈਂ ਡਾ: ਅਸ਼ੋਕ ਚਿਤਕਾਰਾ ਅਤੇ ਡਾ: ਮਧੂ ਚਿਤਕਾਰਾ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦੀ ਰਹਾਂਗਾ।
ਉਨ੍ਹਾਂ ਕਿਹਾ ਕਿ ਚਿਤਕਾਰਾ ਨੇ ਉਦਯੋਗ-ਮੁਖੀ ਕੋਰਸਾਂ ਦੀ ਪਹਲ ਕਰਕੇ ਸਿੱਖਿਆ ਜਗਤ ਵਿੱਚ ਆਪਣੀ ਜਿਹਡ਼ੀ ਪਛਾਣ ਬਣਾਈ ਹੈ, ਉਹ ਸੱਚਮੁੱਚ ਸ਼ਲਾਘਾਯੋਗ ਹੈ। ਡਾ ਚੌਧਰੀ ਨੇ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਉਹ ਸਿੱਖਿਆ ਖੇਤਰ ਦੀ ਭਵਿੱਖ ਵਿੱਚ ਵੀ ਇਵੇਂ ਹੀ ਅਗਵਾਈ ਕਰਦੇ ਰਹਿਣਗੇ ਅਤੇ ਨਵੀਆਂ ਉਚਾਈਆਂ ਤੱਕ ਪਹੁੰਚਣਗੇ।”
ਭਾਰਤ ਵਿੱਚ ਆਕਾਸ਼ ਹੈਲਥਕੇਅਰ ਦੀਆਂ ਵਿਸਤਾਰ ਯੋਜਨਾਵਾਂ ਬਾਰੇ ਬੋਲਦਿਆਂ, ਉਨ੍ਹਾਂ ਦੱਸਿਆ ਕਿ, ‘‘ਅਸੀਂ ਦੇਸ਼ ਭਰ ਵਿੱਚ ਅਤੇ ਇਸ ਤੋਂ ਬਾਹਰ ਸਾਡੀਆਂ ਗੁਣਵੱਤਾ ਵਾਲੀਆਂ ਸਿਹਤ ਸੇਵਾਵਾਂ ਉਪਲਬਧ ਕਰਵਾਉਣ ਲਈ ਇੱਕ ਵਿਸਥਾਰ ਯੋਜਨਾ ਉੱਤੇ ਗੰਭੀਰਤਾ ਨਾਲ ਕੰਮ ਕਰ ਰਹੇ ਹਾਂ।