ਸਰਕਾਰੀ ਹਾਈ ਸਕੂਲ ਝੰਡਾ ਕਲਾਂ ਵਿਖੇ ਤਕਨੀਕੀ ਅਤੇ ਬਾਲ ਮੇਲੇ ਦਾ ਆਯੋਜਨ ਕੀਤਾ ਗਿਆ ਜਿੱਥੇ ਵਿਧਾਇਕ ਹਲਕਾ ਸਰਦੂਲਗੜ੍ਹ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਪੰਜਾਬ ਸਕੂਲ ਸਿੱਖਿਆ ਵਿਭਾਗ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਅਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਸੈ. ਸਿੱ.) ਸ੍ਰੀ ਸੰਜੀਵ ਕੁਮਾਰ ਗੋਇਲ, ਉੱਪ ਜ਼ਿਲ੍ਹਾ ਸਿੱਖਿਆ ਅਫਸਰ ਡਾ. ਵਿਜੇ ਮਿੱਢਾ ਦੀ ਯੋਗ ਰਹਿਨੁਮਾਈ ਅਤੇ ਸ੍ਰੀ ਹਰਜਿੰਦਰ ਸਿੰਘ ਮੁੱਖ ਅਧਿਆਪਕ ਦੀ ਅਗਵਾਈ ਹੇਠ ਕਰਵਾਏ ਗਏ ਤਕਨੀਕੀ ਅਤੇ ਬਾਲ ਮੇਲੇ ਵਿੱਚ ਸਮੂਹ ਸਟਾਫ ਨੇ ਵੱਖ ਵੱਖ ਤਰ੍ਹਾਂ ਨਾਲ ਭੂਮਿਕਾ ਨਿਭਾਈ।
ਤਕਨੀਕੀ ਮੇਲੇ ਦਾ ਉਦਘਾਟਨ ਕਰਦਿਆਂ ਵਿਧਾਇਕ ਸ੍ਰੀ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਨੇ ਕੰਪਿਊਟਰ ਸਾਇੰਸ ਦੇ ਵਿਸ਼ੇ ਦੀ ਮਹੱਤਤਾ ਅਤੇ ਬਾਲ ਮੇਲੇ ਦੀ ਸਾਰਥਿਕਤਾ ਬਾਰੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ। ਉਨ੍ਹਾਂ ਕਿਹਾ ਕਿ ਅਜਿਹੇ ਮੇਲਿਆਂ ਦਾ ਆਯੋਜਨ ਸਮੇਂ ਦੀ ਮੁੱਖ ਲੋੜ ਹੈ, ਕਿਊਂਕਿ ਅਜੋਕਾ ਯੁੱਗ ਤਕਨੀਕੀ ਯੁੱਗ ਹੈ ਅਤੇ ਤਕਨੀਕ ਦੀ ਜਾਣਕਾਰੀ ਤੋਂ ਬਿਨ੍ਹਾਂ ਮਨੁੱਖ ਦੀ ਤਰੱਕੀ ਦੀ ਕਲਪਨਾ ਨਹੀਂ ਕੀਤੀ ਜਾ ਸਕਦੀ। ਸਕੂਲ ਵੱਲੋ ਵਿਧਾਇਕ ਸ੍ਰੀ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਨੂੰ ਯਾਦਗਾਰੀ ਭੇਂਟ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਮੇਲੇ ਦੌਰਾਨ ਬਾਹਰੋ ਆਏ ਪਤਵੰਤੇ ਸੱਜਣਾਂ ਦਾ ਸੁਆਗਤ ਸ੍ਰੀ ਕੁਲਦੀਪ ਸਿੰਘ ਐਸ ਐਸ ਮਾਸਟਰ ਅਤੇ ਸ. ਬੂਟਾ ਸਿੰਘ ਡੀਪੀਈ, ਦੀਪਕ ਕੁਮਾਰ ਮੈਥ ਮਾਸਟਰ ਅਤੇ ਸਤੀਸ਼ ਕੁਮਾਰ ਸਾਇੰਸ ਮਾਸਟਰ ਨੇ ਕੀਤਾ। ਮੇਲੇ ਦੀ ਹਰ ਪ੍ਰਕਾਰ ਦੀ ਸਜਾਵਟ ਦਾ ਕੰਮ ਸ੍ਰੀਮਤੀ ਸਰਬਜੀਤ ਕੌਰ ਐਸ ਐਸ ਮਿਸਟ੍ਰੈਸ ਅਤੇ ਸ੍ਰੀਮਤੀ ਪ੍ਰਤਿਭਾ ਰਾਣੀ ਅੰਗਰੇਜੀ ਮਿਸਟ੍ਰੈਸ ਨੇ ਕੀਤਾ।
ਬਾਹਰੋ ਆਏ ਪਤਵੰਤੇ ਸੱਜਣਾਂ ਦੇ ਸੀਟਿੰਗ ਅਰੇਂਜਮੈੰਟ ਅਤੇ ਰਿਫਰੈਸ਼ਮੈੰਟ ਦਾ ਬੰਦੋਬਸਤ ਸ੍ਰੀਮਤੀ ਪੂਨਮ ਕੁਮਾਰੀ ਐਸ ਐਸ ਮਿਸਟ੍ਰੈਸ ਅਤੇ ਰਜਨੀ ਬਾਲਾ ਜੂਨੀਅਰ ਸਹਾਇਕ ਨੇ ਕੀਤਾ। ਇਸ ਮੌਕੇ ਸ਼੍ਰੀਮਤੀ ਸਲੋਚਨਾ ਰਾਣੀ ਪੰਜਾਬੀ ਮਿਸਟ੍ਰੈਸ ਵੱਲੋਂ ਵਿਦਿਆਰਥੀਆ ਅਤੇ ਪਿੰਡ ਵਾਸੀਆਂ ਲਈ ਲਾਇਬ੍ਰੇਰੀ ਦੀਆ ਕਿਤਾਬਾਂ ਦੀ ਸਟਾਲ ਦਾ ਪ੍ਰਬੰਧ ਕੀਤਾ ਗਿਆ ਅਤੇ ਜਿਆਦਾ ਤੋਂ ਜਿਅਦਾ ਉਸਾਰੂ ਸਹਿਤ ਪੜਨ ਲਈ ਵਿਭਾਗੀ ਹੋਕਾ ਦਿੱਤਾ ।
ਮਮਤਾ ਰਾਣੀ ਅਤੇ ਅਨਸੂਈਆ ਰਾਣੀ ਨੇ ਸਾਰੇ ਸਕੂਲ ਵਿੱਚ ਅਨੁਸ਼ਾਸ਼ਨ ਕਾਇਮ ਰੱਖਿਆ। ਮੁੱਖ ਅਧਿਆਪਕ ਜੀ ਨੇ ਸ਼੍ਰੀਮਤੀ ਮਨੀਸ਼ਾ ਅਤੇ ਸ. ਜਸਬੀਰ ਸਿੰਘ ਵੱਲੋਂ ਲਗਾਏ ਗਏ ਟੈਕਨਾਲੋਜੀ ਮੇਲੇ ਦੀ ਸਰਾਹਨਾ ਕੀਤੀ। ਇਸ ਮੌਕੇ ਵਿਧਾਇਕ ਜੀ ਵੱਲੋਂ ਸਕੂਲ ਦਾ ਸਾਲਾਨਾ ਮੈਗਜ਼ੀਨ ‘ਮੇਰੇ ਅਲਫਾਜ਼, ਮੇਰੀ ਉਡਾਣ’ ਰਿਲੀਜ਼ ਕੀਤਾ ਗਿਆ। ਮੁੱਖ ਅਧਿਆਪਕ ਸਕੂਲ ਮੈਨੇਜਮੈਂਟ ਕਮੇਟੀ ਝੰਡਾ ਕਲਾਂ ਅਤੇ ਸਮੂਹ ਸਟਾਫ ਨੇ ਪਹੁੰਚੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ।