ਬੁਰਾਈ ‘ਤੇ ਅਛਾਈ ਦੀ ਜਿੱਤ ਦੇ ਪ੍ਰਤੀਕ ਦੁਸਹਿਰੇ ਦਾ ਤਿਉਹਾਰ ਮਹਾਰਾਜਾ ਅਜ ਸਰੋਵਰ ਦੇ ਪਵਿੱਤਰ ਅਸਥਾਨ ‘ਤੇ ਦੁਸਹਿਰਾ ਕਮੇਟੀ ਖਰੜ ਵਲੋਂ ਵੱਡੀ ਹੀ ਸ਼ਰਧਾ ਅਤੇ ਧੂਮਧਾਮ ਮਨਾਇਆ ਗਿਆ।ਇਸ ਮੌਕੇ ਮੁੱਖ ਮਹਿਮਾਨ ਸ੍ਰੀ ਲਲਿਤ ਜੈਨ (ਆਈ.ਏ.ਐਸ.) ਨੇ ਰਿਬਨ ਕੱਟ ਕੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ । ਜਿਸ ਤੋਂ ਬਾਅਦ ਕਮੇਟੀ ਵੱਲੋਂ ਕੱਢਿਆ ਗਈਆਂ ਸੋਭਾ ਯਾਤਰਾਵਾਂ ਮੈਦਾਨ ਵਿੱਚ ਪਹੁੰਚੀਆ।
ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਆਈ.ਪੀ.ਐਸ.ਅਧਿਕਾਰੀ ਚਰਨਜੀਤ ਸਿੰਘ, ਐਸ.ਡੀ.ਐਮ ਰਾਜਪੁਰਾ ਡਾ: ਸੰਜੀਵ ਸਰਮਾ, ਸ੍ਰੀ ਕਰਨ ਗੌਤਮ, ਅਧਿਕਾਰੀ (ਗ੍ਰਹਿ ਮੰਤਰਾਲਾ), ਖਰੜ ਨਗਰ ਕੌਸਲ ਦੀ ਪ੍ਰਧਾਨ ਸ੍ਰੀਮਤੀ ਜਸਪ੍ਰੀਤ ਕੌਰ ਲੌਂਗੀਆ ਅਤੇ ਨਗਰ ਕੌਸਲ ਦੇ ਸਮੂਹ ਮੈਂਬਰ, ਵੱਖ-ਵੱਖ ਰਾਜਨੀਤਿਕ ਅਤੇ ਸਮਾਜ ਸੇਵੀ ਸੰਸਥਾਵਾਂ, ਪੱਤਰਕਾਰ, ਦੁਸਹਿਰਾ ਕਮੇਟੀ ਦੇ ਪ੍ਰਧਾਨ ਕਮਲ ਕਿਸੋਰ ਸਰਮਾ ਅਤੇ ਬੁਲਾਰੇ ਰਾਜੇਸ ਕੋਸ਼ਿਕ ਸਮੇਤ ਵੱਡੀ ਗਿਣਤੀ ਵਿੱਚ ਇਲਾਕਾ ਨਿਵਾਸੀ ਹਾਜਰ ਸਨ।
ਇਸ ਮੌਕੇ ਆਕਰਸਕ ਝਾਕੀਆਂ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਸ੍ਰੀ ਗਣੇਸ ਜੀ, ਭਗਵਾਨ ਸ੍ਰੀ ਰਾਮ ਨਾਲ ਸੰਬੰਧਿਤ ਝਾਕੀ, ਦੇਸ ਭਗਤੀ ਨਾਲ ਸਬੰਧਤ ਭਗਤ ਸਿੰਘ, ਰਾਜਗੁਰੂ, ਸੁਖਦੇਵ ਦੀ ਸਹਾਦਤ ਨੂੰ ਦਰਸਾਉਂਦੀ ਝਾਕੀਆ ਪੇਸ਼ ਕੀਤੀਆ ਗਈਆਂ ਜੋ ਕਿ ਲੋਕਾਂ ਨੂੰ ਬਹੁੰਤ ਪਸੰਦ ਆਈਆ। ਮੁੱਖ ਮਹਿਮਾਨ ਲਲਿਤ ਜੈਨ ਨੇ ਆਪਣੇ ਸੰਬੋਧਨ ਵਿਚ ਖਰੜ ਨਗਰ ਨਿਵਾਸੀਆਂ ਨੂੰ ਦੁਸਹਿਰੇ ਦੇ ਸੁਭ ਅਵਸਰ ‘ਤੇ ਸੁਭਕਾਮਨਾਵਾਂ ਦਿੱਤੀਆਂ ਅਤੇ ਕਿਹਾ ਕਿ ਸਾਨੂੰ ਆਪਣੇ ਜੀਵਨ ਵਿਚ ਭਗਵਾਨ ਰਾਮ ਤੋਂ ਪ੍ਰੇਰਨਾ ਲੈਣੀ ਚਾਹੀਦੀ ਹੈ।
ਗਰਾਊਂਡ ਵਿੱਚ ਸਥਾਪਿਤ ਕੀਤੇ ਵਿਸਾਲ ਪੁਤਲਿਆਂ ਲੰਕਾਪਤੀ ਰਾਵਨ, ਕੰੁਭਕਰਨ, ਮੇਘਨਾਥ ਨੂੰ ਮੁੱਖ ਮਹਿਮਾਨ ਸ੍ਰੀ ਲਲਿਤ ਜੈਨ (ਆਈ.ਏ.ਐਸ.) ਵੱਲੋਂ ਅਗਨੀ ਭੇਟ ਕੀਤਾ ਗਿਆ। ਕਮੇਟੀ ਪ੍ਰਧਾਨ ਕਮਲ ਕਿਸੋਰ ਸਰਮਾ ਨੇ ਦੱਸਿਆ ਕਿ 6 ਦਿਨ ਪਹਿਲਾਂ ਜਮੀਨ ਵਿੱਚ ਪਿੱਛਲੀ ਦਿਨੀ ਆਈ ਬਾਰਿਸ਼ ਕਾਰਨ ਕਾਫੀ ਮਾਤਰਾ ਵਿੱਚ ਪਾਣੀ ਖੜਾ ਸੀ ਜਿਸ ਨਾਲ ਪੁਰੇ ਮੈਦਾਨ ਵਿੱਚ ਚੀਕੜ ਹੋ ਗਿਆ ਸੀ ਪਰ ਮਹਾਰਾਜਾ ਅੱਜ ਸਰੋਵਰ ਵਿਕਾਸ ਪਰਿਸ਼ਦ ਰਜਿ ਅਤੇ ਨਗਰ ਕੌਂਸਲ ਖਰੜ ਦੀ ਮਿਹਨਤ ਸਦਕਾ ਮੈਦਾਨ ਵਿੱਚ ਮਿੱਟੀ ਪਾ ਕੇ ਇਸ ਨੂੰ ਪੱਧਰਾ ਕੀਤਾ ਗਿਆ ਜਿਸ ਲਾਲ ਦੁਸਹਿਰੇ ਦਾ ਤਿਉਹਾਰ ਬਹੁਤ ਹੀ ਸੁੱਚਜੇ ਅਤੇ ਸੇਵਾ ਭਾਵ ਨਾਲ ਨੇਪਰੇ ਚੜਿਆ। ਉਨਾਂ ਸਮੂਹ ਨਗਰ ਨਿਵਾਸੀਆਂ ਦਾ ਦੁਸਹਿਰੇ ਮੌਕੇ ਸਮੂਲੀਅਤ ਕਰਨ ਲਈ ਧੰਨਵਾਦ ਕੀਤਾ।