ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਐੱਲ. ਪੀ. ਯੂ.) ਦੇ ਸਕੂਲ ਆਫ ਜਰਨਲਿਜ਼ਮ, ਫਿਲਮ ਐਂਡ ਕ੍ਰਿਏਟਿਵ ਆਰਟਸ ਨੇ ਰਾਸ਼ਟਰੀ 'ਹਿੰਦੀ ਦਿਵਸ' ਦੇ ਮੌਕੇ 'ਤੇ 'ਹਿੰਦੀ ਹੈਂ ਹਮ' 'ਤੇ ਆਧਾਰਿਤ ਇਕ ਦਿਲਚਸਪ ਭਾਸ਼ਾ ਦੇ ਪ੍ਰੋਗਰਾਮ ਦਾ ਆਯੋਜਨ ਪ੍ਰਸਿੱਧ ਲੇਖਕਾਂ, ਬੁਲਾਰਿਆਂ ਅਤੇ ਕਵੀਆਂ ਨਾਲ ਕੀਤਾ। ਇਸ ਸਮਾਗਮ ਨੇ ਸਾਰੇ ਵਿਦਿਆਰਥੀਆਂ ਅਤੇ ਸਟਾਫ਼ ਮੈਂਬਰਾਂ ਨੂੰ ਪੁਰਾਤਨ ਕਹਾਣੀ ਸੁਣਾਉਣ ਦੀ ਕਲਾ 'ਦਾਸਤਾਂਗੋਈ' ਨਾਲ ਮਸਤ ਕਰ ਦਿੱਤਾ। 'ਰਾਜਕੁਮਾਰੀ ਚੌਬੋਲੀ' ਬਾਰੇ ਦੱਸਦੀ ਕਹਾਣੀ ਨੂੰ ਸਾਰਿਆਂ ਨੇ ਬੇਹੱਦ ਸਲਾਹਿਆ।
ਬੁਲਾਰਿਆਂ ਨੇ ਕਿਹਾ ਕਿ ਸਾਰੀਆਂ ਭਾਸ਼ਾਵਾਂ ਆਪੋ-ਆਪਣੇ ਪੈਰੋਕਾਰਾਂ ਲਈ ਮਾਵਾਂ ਹਨ, ਇਸ ਲਈ ਸਾਰਿਆਂ ਨੂੰ ਸਾਰੀਆਂ ਭਾਸ਼ਾਵਾਂ ਦਾ ਬਰਾਬਰ ਸਤਿਕਾਰ ਕਰਨਾ ਚਾਹੀਦਾ ਹੈ। ਕਈ ਸਭਿਆਚਾਰਾਂ ਅਤੇ ਮੱਤਾਂ ਬਾਰੇ ਹੋਰ ਜਾਣਨ ਲਈ ਸਾਰਿਆਂ ਨੂੰ ਹੋਰ ਭਾਸ਼ਾਵਾਂ ਵੀ ਸਿੱਖਣੀਆਂ ਚਾਹੀਦੀਆਂ ਹਨ। ਇਹ ਦਿਨ ਬਹੁਤ ਮਹੱਤਵਪੂਰਨ ਸੀ ਕਿਉਂਕਿ ਕੁਲੀਨ ਮਹਿਮਾਨ ਬੁਲਾਰਿਆਂ ਵਿੱਚ ਹਿੰਦੀ ਭਾਸ਼ਾ ਦੇ ਜਾਣੂੰ ਮੁਸਲਿਮ ਅਧਿਕਾਰੀ ਵੀ ਸ਼ਾਮਲ ਸਨ।
ਇਨ੍ਹਾਂ ਵਿੱਚ ਉੱਘੇ ਵਿਦਵਾਨ ਮਹਿਮੂਦ ਫਾਰੂਕੀ, ਦਰੇਨ ਸਾਹਿਦੀ, ਸਈਅਦ ਅਸਗਰ ਵਜਾਹਤ, ਅਸ਼ੋਕ ਵਾਜਪਾਈ, ਖੁਸ਼ਬੀਰ ਸਿੰਘ ਸ਼ਾਦ ਅਤੇ ਹੋਰ ਸਨ। ਐਲਪੀਯੂ ਦੀ ਪ੍ਰੋ ਚਾਂਸਲਰ ਸ਼੍ਰੀਮਤੀ ਰਸ਼ਮੀ ਮਿੱਤਲ ਨੇ ਆਯੋਜਕਾਂ ਨੂੰ ਰਾਸ਼ਟਰੀ ਸਮਾਗਮ ਲਈ ਉਨ੍ਹਾਂ ਦੀ ਪਹਿਲਕਦਮੀ ਲਈ ਵਧਾਈ ਦਿੱਤੀ। ਇੱਕ ਪੇਂਟਿੰਗ ਮੁਕਾਬਲੇ ਤੋਂ ਲੇਖ ਲਿਖਣ ਅਤੇ ਬਹਿਸ ਭਾਗੀਦਾਰੀ ਤੱਕ ਸ਼ੁਰੂ ਕਰਦਿਆਂ ; ਐਲਪੀਯੂ ਨੇ ਕੈਂਪਸ ਦੇ ਚਾਰੇ ਪਾਸੇ ਰੰਗੀਨ ਜਸ਼ਨਾਂ ਨਾਲ ਹਿੰਦੀ ਦਿਵਸ- 2022 ਮਨਾਇਆ।