ਜ਼ਿਲਾ ਫਤਹਿਗੜ੍ਹ ਸਾਹਿਬ ਵਿੱਚ ਪ੍ਰਧਾਨ ਮੰਤਰੀ ਮਤੱਸਯ ਯੋਜਨਾ ਅਧੀਨ ਚੱਲ ਰਹੇ ਪ੍ਰੋਜੈਕਟਾ ਰਾਹੀਂ ਮੱਛੀ ਪਾਲਣ ਦਾ ਵਿਕਾਸ ਹੋਵੇਗਾ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਡਿਪਟੀ ਕਮਿਸ਼ਨਰ ਪਰਨੀਤ ਸੇ਼ਰਗਿੱਲ ਨੇ ਮੱਛੀ ਪੂੰਗ ਫਾਰਮ ਬਾਗੜ੍ਹੀਆਂ ਫੱਗਣਮਾਜਰਾ ਦੇ ਦੌਰੇ ਦੌਰਾਨ ਮੱਛੀ ਪਾਲਕਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਉਹਨਾਂ ਦੱਸਿਆ ਕਿ ਕਿਸਾਨ ਖੇਤੀਬਾੜੀ ਦੇ ਬਦਲ ਵਜੋਂ ਮੱਛੀ ਪਾਲਣ ਦਾ ਧੰਦਾ ਅਪਣਾ ਸਕਦੇ ਹਨ।
ਇਸ ਧੰਦੇ ਵਿੱਚ ਮਸ਼ੀਨਰੀ ਦੀ ਲੋੜ ਬਹੁਤ ਘੱਟ ਪੈਂਦੀ ਹੈ ਅਤੇ ਖੇਤੀਬਾੜੀ ਨਾਲੋਂ ਚੋਖਾ ਮੁਨਾਫਾ ਹੰਦਾ ਹੈ। ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਇਸ ਸਕੀਮ ਅਧੀਨ ਵੱਖ ਵੱਖ ਪ੍ਰੋਜੈਕਟਾ ਤੇ ਜਨਰਲ ਕੈਟੇਗਰੀ ਦੇ ਲਾਭਪਾਤਰੀਆਂ ਨੂੰ 40 ਪ੍ਰਤੀਸ਼ਤ ਅਤੇ ਔਰਤਾਂ ਐਸ ਸੀ ਲਾਭਪਾਤਰੀਆਂ ਨੂੰ 60 ਪ੍ਰਤੀਸ਼ਤ ਦੀ ਦਰ ਨਾਲ ਸਬਸਿਡੀ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਕਿਸਾਨਾਂ ਨੂੰ ਇਸ ਸਕੀਮ ਦਾ ਲਾਭ ਉਠਾ ਕੇ ਆਪਣੀ ਆਮਦਨ ਵਿੱਚ ਵਾਧਾ ਕਰਨਾ ਚਾਹੀਦਾ ਹੈ। ਉਹਨਾਂ ਨੇ ਮੱਛੀ ਫਾਰਮ ਤੇ ਚੱਲ ਰਹੀ ਮੱਛੀ ਦੀ ਬਰੀਡਿੰਗ ਦਾ ਨਿਰੀਖਣ ਕੀਤਾ। ਇਸ ਮੌਕੇ ਓਹਨਾਂ ਨੇ ਮੱਛੀ ਪੂੰਗ ਫਾਰਮ ਬਾਗੜੀਆਂ ਫੱਗਣਮਾਜਰਾ ਵਿਖੇ ਬੂਟਾ ਵੀ ਲਾਇਆ ਤੇ ਵਿਭਾਗ ਦੇ ਕੰਮਾਂ ਦੀ ਸ਼ਲਾਘਾ ਕਰਦਿਆ ਕਿਹਾ ਕਿ ਕਿਸਾਨਾਂ ਅਤੇ ਬੇਰੁਜਗਾਰ ਨੌਜਵਾਨਾਂ ਨੂੰ ਮੱਛੀ ਪਾਲਣ ਅਧੀਨ ਚੱਲ ਰਹੀਆਂ ਸਕੀਮਾਂ ਦਾ ਭਰਪੂਰ ਲਾਭ ਲੈ ਕੇ ਆਪਣੀ ਆਮਦਨ ਵਿੱਚ ਵਾਧਾ ਕਰਨਾ ਚਾਹੀਦਾ ਹੈ।
ਇਸ ਮੋਕੇ ਸ੍ਰੀ ਪਵਨ ਕੁਮਾਰ ਮੁੱਖ ਕਾਰਜਕਾਰੀ ਅਫ਼ਸਰ ਮੱਛੀ ਪਾਲਕ ਵਿਕਾਸ ਏਜੰਸੀ ਨੇ ਦੱਸਿਆ ਕਿ ਫਾਰਮ 31.63 ਏਕੜ ਰਕਬੇ ਵਿੱਚ ਫੈਲਿਆ ਹੋਇਆ ਹੈ, ਇੱਥੇ ਚਾਈਨਿਜ਼ ਸਰਕੂਲਰ ਹੈਚਰੀ ਵਿੱਚ ਇੰਨਡਿਊਡ ਬਰੀਡਿੰਗ ਰਾਹੀਂ ਮੱਛੀ ਪੂੰਗ ਪੈਦਾ ਕੀਤਾ ਜਾਂਦਾ ਹੈ। ਉਹਨਾਂ ਦੱਸਿਆ ਕਿ ਫਾਰਮ ਤੇ ਆਧੁਨਿਕ ਐਕੂਏਟਿਕ ਐਨੀਮਲ ਹੈਲਥ ਅਤੇ ਇਨਵਾਇਰਨਮੈਂਟ ਮੈਨੇਜਮੈਂਟ ਲਬਾਟਰੀ ਸਥਾਪਿਤ ਕੀਤੀ ਗਈ ਹੈ।
ਕਿਸਾਨਾ ਦੇ ਮੱਛੀ ਤਲਾਬ ਦੀ ਮਿੱਟੀ ਅਤੇ ਪਾਣੀ ਦੇ ਨਮੂਨਿਆ ਦੀ ਪਰਖ ਇਸ ਲੈਬ ਵਿੱਚ ਕੀਤੀ ਜਾਂਦੀ ਹੈ ਅਤੇ ਕਿਸਾਨਾ ਨੂੰ ਮਿੱਟੀ ਪਾਣੀ ਵਿੱਚ ਸੁਧਾਰ ਲਈ ਮੁਕੰਮਲ ਜਾਣਕਾਰੀ ਦਿੱਤੀ ਜਾਂਦੀ ਹੈ, ਉਹਨਾਂ ਵਲੋਂ ਫਿਸ਼ ਫੀਡ ਸਬੰਧੀ ਵੀ ਜਾਣਕਾਰੀ ਮੁਹੱਈਆਂ ਕਰਵਾਈ ਗਈ। ਓਹਨਾਂ ਹੋਰ ਦਸਿਆ ਕਿ ਕਿਸਾਨਾਂ ਬੇਰੁਜ਼ਗਾਰ ਨੌਜਵਾਨਾਂ ਲਈ ਹਰ ਮਹੀਨੇ ਮੁਫ਼ਤ ਪੰਜ ਦਿਨਾਂ ਸਿਖਲਾਈ ਦਿੱਤੀ ਜਾਂਦੀ ਹੈ।
ਵਿਭਾਗ ਕਿਸਾਨਾਂ ਨੂੰ ਮੁਫਤ ਬੀਮਾ ਮਿੱਟੀ,ਪਾਣੀ ਜਾਂਚ,ਮਿਆਰੀ ਕਿਸਮ ਦਾ ਮੱਛੀ ਪੁੂੰਗ, ਮੱਛੀ ਫੀਡ ਤਿਆਰ ਕਰਨ ਦੀ ਟਰੇਨਿੰਗ ਅਤੇ ਹੋਰ ਵਿੱਤੀ ਸਹੂਲਤਾਂ ਦੇ ਨਾਲ ਨਾਲ ਪ੍ਰਸਾਰ ਸੇਵਾਵਾਂ ਵੀ ਪ੍ਰਦਾਨ ਕਰਦਾ ਹੈ। ਇਸ ਮੌਕੇ ਕੇ ਸਹਾਇਕ ਡਾਇਰੈਕਟਰ ਮੱਛੀ ਪਾਲਣ ਸ੍ਰੀ ਗੁਰਪ੍ਰੀਤ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏੇ ਵਿਭਾਗ ਦੀਆਂ ਸਕੀਮਾਂ ਅਤੇ ਸਰਵਿਸਜ਼ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੱਛੀ ਪਾਲਣ ਸਹਾਇਕ ਧੰਦਿਆ ਵਿਚੋ਼ ਸਭ ਤੋਂ ਉਤਮ ਬਣ ਕੇ ਉਭਰ ਰਿਹਾ ਹੈ।
ਕਿਸਾਨ ਵੀਰ ਮੱਛੀ ਪਾਲਣ ਦਾ ਧੰਦਾ ਤਕਨੀਕੀ ਤੌਰ ਤੇ ਸਿਖ ਕੇ ਕਰਨਗੇ ਤਾਂ ਚੌਖਾ ਮੁਨਾਫਾ ਕਮਾ ਸਕਦੇ ਹਨ। ਉਹਨਾਂ ਨੇ ਪ੍ਰਧਾਨ ਮੰਤਰੀ ਮਤੱਸਯ ਯੋਜਨਾ ਅਧੀਨ ਵੱਖ ਵੱਖ ਮੱਦਾ ਅਧੀਨ ਵੱਖ^ਵੱਖ ਪ੍ਰੋਜੈਕਟਾਂ ਬਾਰੇ ਮੁਕੰਮਲ ਜਾਣਕਾਰੀ ਸਾਂਝੀ ਕੀਤੀ। ਉਹਨਾ ਦੱਸਿਆ ਕਿ ਨਵੇਂ ਮੱਛੀ ਤਲਾਬ ਦੀ ਪੁਟਾਈ ਅਤੇ ਪਹਿਲੇ ਸਾਲ ਦੀ ਖਾਦ ਖੁਰਾਕ ਦੇ ਸਬਸਿਡੀ ਕੇਸ ਇਸ ਸਕੀਮ ਅਧੀਨ ਲਏ ਜਾਣਗੇ। ਇਸ ਮੌਕੇ ਤੇਜਿੰਦਰ ਸਿੰਘ ਫਾਰਮ ਸੁਪਰਡੈਂਟ, ਮੱਛੀ ਪੂੰਗ ਫਾਰਮ ਬਾਗੜੀਆਂ ਫੱਗਣਮਾਜਰਾ, ਮਿਸH ਬਲਜੋਤ ਕੌਰ ਮੱਛੀ ਪਾਲਣ ਅਫਸਰ ਅਤੇ ਪੂਨਮ ਰਾਣੀ ਮੱਛੀ ਪਾਲਣ ਅਫਸਰ ਮੌਜੂਦ ਸਨ।