Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

ਲੁਧਿਆਣਾ , 06 Apr 2014

Last updated on: Apr 06, 2014, 00:00 IST

ਪੁਲਿਸ ਕਮਿਸ਼ਨਰ ਲੁਧਿਆਣਾ ਸੰਜੀਵ ਕਾਲੜਾ ਵੱਲੋਂ ਜਾਬਤਾ ਫੌਜ਼ਦਾਰੀ ਸੰਘਤਾ 1973 (1974 ਦਾ ਐਕਟ ਨੰਬਰ-2) ਦੀ ਧਾਰਾ 144 ਅਧੀਨ ਪੁਲਿਸ ਕਮਿਸ਼ਨਰੇਟ ਲੁਧਿਆਣਾ ਦੇ ਅਧਿਕਾਰ ਖੇਤਰ ਵਿੱਚ ਆਉਂਦੇ ਅਸਲਾ ਡੀਲਰਾਂ ਨੂੰ ਹੁਕਮ ਜ਼ਾਰੀ ਕੀਤਾ ਗਿਆ ਹੈ ਕਿ ਲਾਇਸੰਸ ਹੋਲਡਰਾਂ ਵੱਲੋਂ ਜਮ੍ਹਾ ਕਰਵਾਏ ਗਏ ਲਾਇਸੰਸੀ ਹਥਿਆਰਾਂ ਦੀ ਸਹੀ ਰਸੀਦ, ਜਿਸ ਵਿੱਚ ਹਥਿਆਰਾਂ ਅਤੇ ਲਾਇਸੰਸ ਦਾ ਵੇਰਵਾ ਦਰਜ ਹੋਵੇ ਅਸਲਾ ਧਾਰਕ ਨੂੰ ਜ਼ਾਰੀ ਕੀਤਾ ਜਾਵੇ ਅਤੇ ਉਸ ਦਾ ਇੰਦਰਾਜ ਬਕਾਇਦਾ ਰਜਿਸਟਰ ਵਿੱਚ ਦਰਜ ਕਰਕੇ ਮੁਕੰਮਲ ਵੇਰਵਾ ਸਬੰਧਤ ਥਾਣਾ ਨੂੰ ਸੂਚਿਤ ਕੀਤਾ ਜਾਵੇ ਅਤੇ ਚੋਣ ਜਾਬਤਾ ਖਤਮ ਹੋਣ ਤੋਂ ਇੱਕ ਹਫ਼ਤੇ ਬਾਅਦ ਹੀ ਇਹਨਾ ਜਮ੍ਹਾਂ ਕੀਤੇ ਹਥਿਆਰਾਂ ਨੂੰ ਸਬੰਧਤ ਅਸਲਾ ਹੋਲਡਰ ਨੂੰ ਵਾਪਸ ਕੀਤਾ ਜਾਵੇਗਾ।ਪੁਲਿਸ ਕਮਿਸ਼ਨਰ ਨੇ ਦੱਸਿਆ ਕਿ ਲੋਕ ਸਭਾ ਚੋਣਾ-2014 ਨੂੰ ਧਿਆਨ ਵਿੱਚ ਰੱਖ ਕੇ ਚੋਣ ਕਮਿਸ਼ਨ ਆਫ ਇੰਡੀਆ ਦੀ ਹਦਾਇਤ ਅਨੁਸਾਰ ਪੁਲਿਸ ਕਮਿਸ਼ਨਰੇਟ ਲੁਧਿਆਣਾ ਦੇ ਅਸਲਾ ਲਾਇਸੰਸ ਹੋਲਡਰ ਆਪਣੇ-ਆਪਣੇ ਲਾਇਸੰਸੀ ਹਥਿਆਰ ਮੰਨਜ਼ੂਰ-ਸ਼ੁਦਾ ਅਸਲਾ ਡੀਲਰਾਂ ਪਾਸ ਜਮ੍ਹਾਂ ਕਰਵਾ ਰਹੇ ਹਨ ਅਤੇ ਇਸ ਦੀ ਰਸੀਦ ਸਬੰਧਤ ਥਾਣਿਆ ਨੂੰ ਦੇ ਰਹੇ ਹਨ। ਉਹਨਾ ਕਿਹਾ ਕਿ ਉਹਨਾਂ ਦੇ ਧਿਆਨ ਵਿੱਚ ਆਇਆ ਹੈ ਕਿ ਕੁਝ ਅਸਲਾ ਡੀਲਰ ਇਹਨਾਂ ਹਥਿਆਰਾਂ ਨੂੰ ਜਮ੍ਹਾ ਕਰਕੇ ਰਸੀਦਾਂ ਦੇ ਕੇ ਹਥਿਆਰਾਂ ਨੂੰ ਗਲਤ ਤਰੀਕੇ ਨਾਲ ਉਹਨਾਂ ਹੀ ਲਾਇਸੰਸ ਹੋਲਡਰਾਂ ਨੂੰ ਵਾਪਸ ਕਰ ਸਕਦੇ ਹਨ, ਜਿਸ ਨਾਲ ਇਹਨਾਂ ਲਾਇਸੰਸੀ ਹਥਿਆਰਾਂ ਦੀ ਦੁਰਵਰਤੋਂ ਹੋ ਸਕਦੀ ਹੈ, ਜਿਸ ਨਾਲ ਕੋਈ ਅਣ-ਸਖਾਵੀਂ ਘਟਨਾ ਵਾਪਰ ਸਕਦੀ ਹੈ ਅਤੇ ਆਮ ਜਨਤਾ ਦੀ ਸ਼ਾਂਤੀ ਅਤੇ ਸੁਰੱਖਿਆ ਖਤਰੇ ਵਿੱਚ ਪੈ ਸਕਦੀ ਹੈ।