Web Admin

5 ਦਰਿਆ ਨਿਊਜ਼ (ਅਜੈ ਪਾਹਵਾ)

ਲੁਧਿਆਣਾ , 05 Apr 2014

Last updated on: Apr 05, 2014, 00:00 IST

ਲੋਕ ਸਭਾ ਹਲਕਾ ਲੁਧਿਆਣਾ ਤੋ ਆਜ਼ਾਦ ਉਮੀਦਵਾਰ ਸਿਮਰਜੀਤ ਸਿੰਘ ਬੈਂਸ ਨੇ ਅੱਜ ਵਿਸ਼ਵਕਰਮਾ ਪੁਰੀ ਅਤੇ ਲਾਗਲੇ ਇਲਾਕਿਆਂ ਵਿੱਚ ਚੋਣ ਪ੍ਰਚਾਰ ਦੌਰਾਨ ਅਕਾਲੀ ਉਮੀਦਵਾਰ ਮਨਪ੍ਰੀਤ ਸਿੰਘ ਇਆਲੀ ਨੂੰ ਨਿਸ਼ਾਨਾ ਬਣਾਇਆ।  ਬੈਂਸ ਨੇ ਇਲਾਕਾ ਨਿਵਾਸੀਆਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਸੋਚ ਕੇ ਵੇਖੋ ਜੋ ਵਿਅਕਤੀ ਸਿਰਫ ਲੋਕ ਸਭਾ ਦੀ ਟਿਕਟ ਮਿਲਨ ਤੇ ਹੀ ਸਰੇਆਮ ਪਬਲਿਕ ਮੀਟਿੰਗ ਵਿੱਚ ਗੁੰਡਾਗਰਦੀ ਭਰਿਆ ਬਿਆਨ ਦੇ ਸਕਦਾ ਹੈ ਉਹ ਲੋਕ ਸਭਾ ਜਿੱਤਣ ਬਾਅਦ ਧੱਕੇਸ਼ਾਹੀ ਵਿੱਚ ਕਿਸ ਹੱਦ ਤੱਕ ਜਾ ਸਕਦਾ ਹੈ। ਸ. ਬੈਂਸ ਨੇ ਕਿਹਾ ਕਿ ਫਿਲਹਾਲ ਇਆਲੀ ਸਿਰਫ ਇੱਕ ਵਿਧਾਇਕ ਹਨ ਅਤੇ ਇਸ ਤਰਾਂ ਦੀ ਸ਼ਬਦਾਵਲੀ ਵਰਤ ਰਹੇ ਹਨ ਸੋਚੋ ਜੇ ਉਹ ਕੈਬਿਨੇਟ ਵਜ਼ੀਰ ਜਾਂ ਲੋਕ ਸਭਾ ਮੈਬਰ ਹੁੰਦੇ ਉਹ ਕਿਸ ਤਰਾਂ੍ਹ ਦੀ ਸ਼ਬਦਾਵਲੀ ਵਰਤਦੇ..? ਉਹਨਾਂ ਕਿਹਾ ਕਿ ਸੂਬੇ ਦੀ ਅਕਾਲੀ ਸਰਕਾਰ ਹਰ ਤਰਾਂ ਨਾਲ ਧੱਕੇਸ਼ਾਹੀ ਕਰਕੇ ਮੇਰੇ ਸਮਰਥਕਾਂ ਨੂੰ ਡਰਾ ਧਮਕਾ ਰਹੀ ਹੈ ਪਰੰਤੂ ਉਹਨਾਂ ਨੂੰ ਇਹ ਨਹੀ ਪਤਾ ਕਿ ਧਮਕੀਆਂ ਨਾਲ ਮੇਰੇ ਸਮਰਥਕ ਡਰਦੇ ਨਹੀ ਸਗੋ ਤਗੜੇ ਹੋ ਕੇ ਹੋਰ ਵੀ ਚੰਗੀ ਤਰਾਂਹ ਚੋਣ ਪ੍ਰਚਾਰ ਕਰਦੇ ਹਨ। ਮੁਸਕੁਰਾਉਦਿਆਂ ਸ. ਬੈਂਸ ਨੇ ਕਿਹਾ ਕਿ ਇਸ ਕੰਮ ਲਈ ਮੈ ਸ. ਇਆਲੀ ਦਾ ਧੰਨਵਾਦ ਕਰਦਾ ਹਾਂ। ਵੱਡੀ ਗਿਣਤੀ 'ਚ ਹਾਜ਼ਿਰ ਇਲਾਕਾ ਨਿਵਾਸੀਆਂ ਨੇ ਸ. ਬੈਂਸ ਨੂੰ ਸਮਰਥਨ ਦੇ ਐਲਾਨ ਬਾਅਦ ਉਹਨਾਂ ਨੂੰ ਸਨਮਾਨਿਤ ਵੀ ਕੀਤਾ। ਇਸ ਮੌਕੇ ਹੋਰਨਾਂ ਤੋ ਇਲਾਵਾ ਕਮਲਜੀਤ ਸਿੰਘ, ਹਰਨੇਕ ਸਿੰਘ, ਰਾਕੇਸ਼ ਕੁਮਾਰ, ਸੁਰਿੰਦਰ ਸਿੰਘ, ਵਿਨੋਦ ਕੁਮਾਰ, ਮਨਜਿੰਦਰ ਸਿੰਘ, ਪਰਮਜੀਤ ਸਿੰਘ, ਗੁਰਮੇਲ ਸਿੰਘ, ਹਿੰਮਤ ਕੁਮਾਰ, ਪ੍ਰਿਤਪਾਲ ਕੌਰ, ਕੁਲਦੀਪ ਕੌਰ, ਚਰਨਜੀਤ ਚੰਨੀ, ਸੁਖਵਿੰਦਰ ਸਿੰਘ, ਪਵਨ ਕੁਮਾਰ, ਲਖਵਿੰਦਰ ਸਿੰਘ, ਤਨਵਿੰਦਰਵੀਰ ਸਿੰਘ, ਪਰਮਜੀਤ ਸਿੰਘ, ਅਮਨ ਗੋਇਲ, ਰਾਹੁਲ ਗੋਇਲ, ਸਰਬਜੀਤ ਸੋਨੂੰ, ਕੁਲਦੀਪ ਸਿੰਘ, ਜਗਜੀਵਨ ਮਣਕੂ, ਹਰਚਰਨ ਸਿੰਘ, ਨਿਰਭੈ ਸਿੰਘ, ਅਮਰਿੰਦਰ ਸਿੰਘ, ਬਲਦੇਵ ਰਾਜ, ਬਲਵੀਰ ਸੰਧੂ, ਸੋਨੂੰ ਅਹੁਜਾ, ਨਰੇਸ਼ ਕੁਮਾਰ, ਹਰਪ੍ਰੀਤ ਟਿੰਕੂ, ਕਿਸ਼ਨ ਸਿੰਘ, ਪ੍ਰਿੰਸ ਵਰਮਾ, ਰਵਿੰਦਰ ਸਿੰਘ, ਅਮਨਜੋਤ ਸਿੰਘ, ਬਸੰਤ ਸਿੰਘ, ਜਸਵੀਰ ਜੱਸੀ, ਹਰਮਿੰਦਰ ਸਿੰਘ ਤੋ ਇਲਾਵਾ ਵੱਡੀ ਗਿਣਤੀ 'ਚ ਇਲਾਕਾ ਨਿਵਾਸੀ ਤੇ ਪਤਵੰਤੇ ਸੱਜਣ ਹਾਜ਼ਿਰ ਸਨ।