ਤੜਕੇ ਸਾਰ ਹੀ ਭਦੌੜ ਦੇ ਪੀ. ਐਨ. ਬੀ ਬੈਂਕ ਦੇ ਨਜ਼ਦੀਕ ਭਦੌੜ ਦੇ ਦੋ ਬਦਮਾਸ਼ ਲੜਕਿਆਂ ਵੱਲੋਂ ਜਬਰ ਜ਼ਨਾਹ ਦੀ ਮਨਸ਼ਾ ਨਾਲ ਇੱਕ ਲੜਕੀ ਨੂੰ ਅਗਵਾ ਕਰਨ ਦੀ ਅਸ਼ਫਲ ਕੋਸ਼ਿਸ ਕੀਤੀ ਗਈ ਤੇ ਜੋ ਆਪਣੇ ਮਾੜੇ ਮਨਸੂਬਿਆਂ ਵਿੱਚ ਕਾਮਯਾਬ ਹੋਣ ਦੀ ਬਜ਼ਾਏ ਉਕਤ ਲੜਕੀ ਤੋਂ ਛਿੱਤਰ ਖਾ ਆਪਣਾ ਮੋਟਰਸਾਇਕਲ ਛੱਡ ਫਰਾਰ ਹੋ ਗਏ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਭਦੌੜ ਦੇ ਨਜ਼ਦੀਕੀ ਪਿੰਡ ਬਿਲਾਸਪੁਰ ਦੀ ਰਹਿਣ ਵਾਲੀ ਇੱਕ ਲੜਕੀ ਜਸਪ੍ਰੀਤ ਕੌਰ (ਨਕਲੀ ਨਾਂਮ) ਜੋ ਭਦੌੜ ਵਿਖੇ ਕਿਸੇ ਕੰਮ ਕਾਰ ਸਬੰਧੀ ਆਈ ਸੀ ਤੇ ਉਸ ਦੇ ਨਾਲ ਉਸ ਦਾ ਛੋਟਾ ਬੱਚਾ ਵੀ ਸੀ। ਭਦੌੜ ਪੀ. ਐਨ. ਬੀ ਬੈਂਕ ਕੋਲ ਪੁੱਜ਼ਣ ਤੇ ਭਦੌੜ ਦੇ ਦੋ ਨੋਜਵਾਨ ਇੱਕ ਲਾਲ ਰੰਗ ਬਿਨਾਂ ਨੰ ਵਾਲੇ ਮੋਟਰਸਾਇਕਲ ਤੇ ਲੜਕੀ ਪਾਸ ਆਏ ਤੇ ਲੜਕੀ ਨੂੰ ਆਪਣੇ ਨਾਲ ਬੈਠਣ ਦਾ ਦਬਾਅ ਪਾਉਣ ਲੱਗੇ ਤਾਂ ਲੜਕੀ ਨੇ ਮਨਾਂ ਕਰ ਦਿੱਤਾ ਤੇ ਜਬਰਦਸਤੀ ਦਬਾਅ ਪਾਉਣ ਤੇ ਲੜਕੀ ਨੇ ਉਕਤ ਲੜਕੇ ਨੂੰ ਬਹਾਦਰੀ ਦਿਖਾਂਉਦਿਆਂ ਫੜ੍ਹ ਲਿਆ ਤੇ ਉਸ ਦੀ ਚੰਗੀ ਤਰਾਂ ਥੱਪੜਾ ਪ੍ਰੇਡ ਕੀਤੀ। ਇਸ ਦੌਰਾਨ ਉਕਤ ਨੋਜਵਾਨ ਦਾ ਦੂਸਰਾ ਸਾਥੀ ਵੀ ਆ ਗਿਆ ਤੇ ਉਸ ਨੇ ਲੜਕੀ ਨੂੰ ਧੱਕਾ ਮਾਰ ਸੁੱਟ ਦਿੱਤਾ ਤੇ ਦੋਨੇ ਨੋਜਵਾਨ ਲੜਕੀ ਦੀ ਚੈਨੀ ਉਤਾਰ ਕੇ ਫਰਾਰ ਹੋ ਗਏ ਤੇ ਡਰੇ ਹੋਏ ਆਪਣਾ ਮੋਟਰਸਾਇਕਲ ਵੀ ਛੱਡਗੇ। ਜੋ ਕਿ ਭਦੌੜ ਦੇ ਇੱਕ ਨਾਮੀ ਸੋਨੇ ਦਾ ਕੰਮ ਕਰਦੇ ਸੁਨਿਆਰੇ ਦਾ ਦੱਸਿਆ ਜਾ ਰਿਹਾ ਹੈ। ਜਿਸ ਨੂੰ ਪੁਲਿਸ ਨੇ ਮਾਲਕ ਸਣੇ ਆਪਣੇ ਕਬਜ਼ੇ ਵਿੱਚ ਲੈ ਲਿਆ। ਅੱਖ਼ੀ ਦੇਖਣ ਵਾਲਿਆਂ ਮੁਤਾਬਕ ਉਹਨਾਂ ਲੜਕਿਆਂ ਵਿੱਚੋਂ ਇੱਕ ਦੀ ਪਹਿਚਾਣ ਹਰਜੋਤ ਸਿੰਘ ਤਲਵੰਡੀ ਰੋਡ ਵੱਜੋਂ ਕੀਤੀ ਗਈ। ਜ਼ਿਕਰਯੋਗ ਹੈ ਕਿ ਇਹ ਘਟਨਾਂ ਬੱਸ ਸਟੈਂਡ ਦੇ ਨਜ਼ਦੀਕ ਵਾਪਰੀ ਜਿਥੇ ਅਕਸਰ ਬਹੁਤ ਭੀੜ ਰਹਿੰਦੀ ਹੈ ਪਰ ਕਿਸੇ ਵੀ ਰਾਹਗੀਰ ਜਾਂ ਦੁਕਾਨਦਾਰ ਨੇ ਲੜਕੀ ਦੀ ਮਦਦ ਕਰਨ ਬਜਾਏ ਕੋਲ ਖੜ੍ਹ ਤਮਾਸ਼ਾ ਦੇਖਿਆ। ਪੁਲਿਸ ਨੇ ਉਕਤ ਨੋਜਵਾਨਾਂ ਦੇ ਵਾਰਸਾਂ ਨੂੰ ਥਾਣੇ ਲੈ ਆਂਦਾ ਤੇ ਉਹਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਪੁਲਿਸ ਵੱਲੋਂ ਲੜਕੀ ਦੇ ਬਿਆਨਾਂ ਤੇ ਉਕਤ ਨੋਜਵਾਨਾਂ ਤੇ ਜਬਰ ਜ਼ਨਾਹ ਦੀ ਅਸਫ਼ਲ ਕੋਸ਼ਿਸ ਅਤੇ ਚੋਰੀ ਤਹਿਤ ਧਾਰਾ 354, 382 ਤਹਿਤ ਮਾਮਲਾ ਦਰਜ਼ ਕਰ ਪੜਤਾਲ ਆਰੰਭ ਕਰ ਦਿੱਤੀ ਹੈ।