ਚੰਡੀਗੜ੍ਹ ਗਰੁੱਪ ਆਫ਼ ਕਾਲਜਿਜ ਦੇ ਪ੍ਰੈਜ਼ੀਡੈਂਟ ਰਛਪਾਲ ਸਿੰਘ ਧਾਲੀਵਾਲ ਨੂੰ ਈ ਟੀ ਇੰਸਪਾਇੰਰਿੰਗ ਲੀਡਰ ਨਾਰਥ ਚੰਡੀਗੜ੍ਹ -2021 ਐਵਾਰਡ ਨਾਲ ਨਿਵਾਜਿਆ ਗਿਆ ਹੈ।ਪ੍ਰੈਜ਼ੀਡੈਂਟ ਰਛਪਾਲ ਸਿੰਘ ਧਾਲੀਵਾਲ ਨੂੰ ਇਹ ਐਵਾਰਡ ਸਿੱਖਿਆਂ ਦੇ ਖੇਤਰ ਵਿਚ ਬਿਹਤਰੀਨ ਯੋਗਦਾਨ, ਭਵਿੱਖ ਦੀ ਨਵੀਨਤਮ ਅਤੇ ਸਟੀਕ ਸੋਚ ਰੱਖਣ ਵਾਲੇ ਪੇਸ਼ੇਵਾਰ ਹੋਣ ਦੇ ਨਾਲ ਨਾਲ ਸਮਾਜਿਕ ਪ੍ਰਾਪਤੀ , ਉਦਯੋਗ ਵਿਕਾਸ ਦੇ ਖੇਤਰ ਵਿਚ ਅਸਧਾਰਨ ਉੱਤਮਤਾ ਅਤੇ ਸਫਲਤਾ ਦੇ ਪ੍ਰਦਰਸ਼ਨ ਕਰਨ ਲਈ ਦਿਤਾ ਗਿਆ ਹੈ। ਪ੍ਰੈਜ਼ੀਡੈਂਟ ਧਾਲੀਵਾਲ ਨੂੰ ਇਹ ਐਵਾਰਡ ਹਰਿਆਣਾ ਦੇ ਰਾਜਪਾਲ ਬੰਡਾਰੂ ਦੱਤਾਤ੍ਰੇਅ ਅਤੇ ਮਸ਼ਹੂਰ ਹਾਲੀਵੁੱਡ ਅਤੇ ਬਾਲੀਵੁੱਡ ਐਕਟਰ ਕਬੀਰ ਬੇਦੀ ਵੱਲੋਂ ਦਿਤਾ ਗਿਆ।ੳਪਸ਼ਨਲ ਮੀਡੀਆ ਸਿਲਊਸ਼ਨਜ਼ ਆਫ਼ ਐਡਵਾਂਸ ਇਨਸਾਈਟਸ ਨਾਮਕ ਇਕ ਸੁਤੰਤਰ ਖੋਜ ਏਜੰਸੀ ਵੱਲੋਂ ਅੰਗਰੇਜ਼ੀ ਦੇ ਅਖ਼ਬਾਰ ਟਾਈਮਜ਼ ਆਫ਼ ਇੰਡੀਆ ਦੀ ਭਾਈਵਾਲੀ ਨਾਲ ਕਰਵਾਏ ਗਏ ਇਕ ਸਰਵੇਖਣ ਵਿਚ ਭਾਰਤ ਦੇ ਵੱਖ ਵੱਖ ਰਾਜਾਂ ਦੀਆਂ ਪ੍ਰਮੁੱਖ ਪ੍ਰੇਰਣਾਦਾਇਕ ਹਸਤੀਆਂ ਦੀ ਖੋਜ ਕੀਤੀ ਗਈ। ਇਸ ਖੋਜ ਲਈ ਸੰਬੰਧਿਤ ਰਾਜ ਵਿਚ ਵੱਖ ਵੱਖ ਕੈਟਾਗਰੀਆਂ ਰਾਹੀਂ ਇਨ੍ਹਾਂ ਹਸਤੀਆਂ ਦੀਆਂ ਪ੍ਰਾਪਤੀਆਂ, ਲੋਕਾਂ ਵਿਚ ਹਰਮਨ-ਪਿਆਰੇ ਹੋਣਾ, ਸੰਬੰਧਿਤ ਰਾਜ ਅਤੇ ਉੱਥੋਂ ਦੇ ਨਾਗਰਿਕਾਂ ਨੂੰ ਉਸ ਹਸਤੀ ਦੀ ਦੇਣ, ਰਾਜ ਲਈ ਭਵਿੱਖ ਦੀ ਸਟੀਕ ਸੋਚ ਸਮੇਤ ਕਈ ਅਜਿਹੇ ਪੈਰਾਮੀਟਰ ਰੱਖੇ ਗਏ। ਇਨ੍ਹਾਂ ਸਭ ਪੈਰਾਮੀਟਰ ਵਿਚ ਸਰਵੇ ਕਰਨ ਤੋਂ ਬਾਅਦ ਪ੍ਰੈਜ਼ੀਡੈਂਟ ਧਾਲੀਵਾਲ ਨੂੰ ਇਸ ਮਾਣਮੱਤੇ ਐਵਾਰਡ ਨਾਲ ਨਿਵਾਜਿਆ ਗਿਆ। ਇੱਥੇ ਇਹ ਵੀ ਜ਼ਿਕਰੇਖਾਸ ਹੈ ਕਿ ਰਸ਼ਪਾਲ ਸਿੰਘ ਧਾਲੀਵਾਲ ਨੂੰ ਦੇਸ਼ ਦੇ ਨੌਜਵਾਨਾਂ ਦੇ ਸ਼ਕਤੀਕਰਨ ਅਤੇ ਉਨ੍ਹਾਂ ਨੂੰ ਬਿਹਤਰੀਨ ਵਿੱਦਿਅਕ ਬੁਨਿਆਦੀ ਢਾਂਚਾ ਅਤੇ ਪਲੇਸਮੈਂਟ ਸੇਵਾ ਪ੍ਰਦਾਨ ਕਰਨ ਲਈ ਸਦਾ ਮੋਹਰੀ ਰਹਿਣ ਦਾ ਸਿਹਰਾ ਪ੍ਰਾਪਤ ਹੈ।
ਪ੍ਰੈਜ਼ੀਡੈਂਟ ਧਾਲੀਵਾਲ ਦੀ ਅਗਵਾਈ ਵਿਚ ਸੀ ਜੀ ਸੀ ਲਾਂਡਰਾਂ ਅਤੇ ਸੀ ਜੀ ਸੀ ਝੰਜੇੜੀ ਕੈਂਪਸ ਉੱਤਰੀ ਭਾਰਤ ਦੇ ਮੋਹਰੀ ਵਿੱਦਿਅਕ ਅਦਾਰੇ ਮੰਨੇ ਜਾਂਦੇ ਹਨ। ਜਦ ਕਿ ਸੀ ਜੀ ਸੀ ਝੰਜੇੜੀ ਕੈਂਪਸ ਨੂੰ ਤਾਂ ਡਿਗਰੀ ਪੂਰੀ ਹੋਣ ਤੋਂ ਪਹਿਲਾਂ ਹੀ ਪਲੇਸਮੈਂਟ ਕਰਾਉਣ ਦਾ ਮਾਣ ਪ੍ਰਾਪਤ ਹੈ। ਇਸ ਤਰਾਂ ਪ੍ਰੈਜ਼ੀਡੈਂਟ ਧਾਲੀਵਾਲ ਦੀ ਅਗਵਾਈ ਵਿਚ ਦੇਸ਼ ਦੇ ਭਵਿੱਖ ਨੌਜਵਾਨ ਇਕ ਬਿਹਤਰੀਨ ਨਾਗਰਿਕ ਅਤੇ ਇਕ ਨਿਪੁੰਨ ਪੇਸ਼ੇਵਾਰ ਬਣਦੇ ਹਨ।ਸੀ ਜੀ ਸੀ ਦੇ ਪ੍ਰੈਜ਼ੀਡੈਂਟ ਰਛਪਾਲ ਸਿੰਘ ਧਾਲੀਵਾਲ ਇਹ ਐਵਾਰਡ ਹਾਸਿਲ ਕਰਨ ਤੋਂ ਬਾਅਦ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕਿ ਸੀ ਜੀ ਸੀ ਗਰੁੱਪ ਨੂੰ ਸ਼ੁਰੂ ਕਰਦੇ ਹੋਏ ਉਨ੍ਹਾਂ ਦਾ ਅਤੇ ਸੀ ਜੀ ਸੀ ਦੇ ਚੇਅਰਮੈਨ ਸਤਨਾਮ ਸਿੰਘ ਸੰਧੂ ਦਾ ਇਸ ਕੈਂਪਸ ਨੂੰ ਇਸ ਖ਼ਿੱਤੇ ਦੇ ਸਭ ਤੋਂ ਬਿਹਤਰੀਨ ਕੈਂਪਸ ਵਜੋਂ ਸਥਾਪਿਤ ਕਰਨਾ ਸੀ। ਜਿਸ ਵਿਚ ਸਿੱਖਿਆਂ ਹਾਸਿਲ ਕਰਨ ਵਾਲਾ ਹਰ ਵਿਦਿਆਰਥੀ ਇਕ ਬਿਹਤਰੀਨ ਪੇਸ਼ੇਵਾਰ ਵਜੋਂ ਸੁਸਾਇਟੀ ਵਿਚ ਸਥਾਪਿਤ ਹੋਵੇ। ਇਸ ਉਪਲਬਧੀ ਲਈ ਲਗਾਤਾਰ ਮਿਹਨਤ ਕੀਤੀ ਜਾਂਦੀ ਹੈ। ਜਿਸ ਦੇ ਨਤੀਜੇ ਵਜੋਂ ਸੀ ਜੀ ਸੀ ਦੀਆਂ ਦੋਨੋਂ ਸ਼ਾਖਾਵਾਂ ਸੀ ਜੀ ਸੀ ਲਾਂਡਰਾਂ ਅਤੇ ਝੰਜੇੜੀ ਤੋਂ ਹੁਣ ਤੱਕ ਵੀਹ ਹਜ਼ਾਰ ਤੋਂ ਵੀ ਵੱਧ ਵਿਦਿਆਰਥੀ ਪਾਸ ਆਊਟ ਹੋ ਕੇ ਦੇਸ਼-ਵਿਦੇਸ਼ ਵਿਚ ਨਾਮੀ ਉਦਯੋਗਿਕ ਸੰਸਥਾਵਾਂ ਵਿਚ ਸਨਮਾਨਯੋਗ ਅਹੁਦਿਆਂ ਤੇ ਕੰਮ ਕਰ ਰਹੇ ਹਨ। ਪ੍ਰੈਜ਼ੀਡੈਂਟ ਧਾਲੀਵਾਲ ਅਨੁਸਾਰ ਸੀ ਜੀ ਸੀ ਲਾਂਡਰਾਂ ਵਿਚ 40 ਤੋਂ ਵੱਧ ਅਤੇ ਸੀ ਜੀ ਸੀ ਝੰਜੇੜੀ ਵਿਚ 23 ਵੱਧ ਪ੍ਰੋਗਰਾਮ ਚਲਾਏ ਜਾ ਰਹੇ ਹਨ। ਹਰ ਕੋਰਸ ਨੂੰ ਸ਼ੁਰੂ ਕਰਨ ਤੋਂ ਪਹਿਲਾਂ ਇੰਡਸਟਰੀ ਦੇ ਬਿਹਤਰੀਨ ਸਿੱਖਿਆਂ ਸ਼ਾਸਤਰੀ ਚੁਣੇ ਜਾਂਦੇ ਹਨ। ਜਦ ਕਿ ਇਸ ਦੇ ਨਾਲ ਹੀ ਡਿਗਰੀ ਪੂਰੀ ਕਰਨ ਵਾਲੇ ਹਰ ਵਿਦਿਆਰਥੀ ਦੀ ਪਲੇਸਮੈਂਟ ਦੀ ਪੂਰੀ ਤਿਆਰੀ ਪਹਿਲੇ ਦਿਨ ਤੋ ਹੀ ਸ਼ੁਰੂ ਕਰ ਦਿਤੀ ਜਾਂਦੀ ਹੈ। ਸੂਬੇ ਵਿਚ ਲਗਭਗ ਹਰ ਨਵਾਂ ਕੋਰਸ ਸ਼ੁਰੂ ਕਰਨਾ ਦਾ ਸਿਹਰਾ ਵੀ ਸੀ ਜੀ ਸੀ ਗਰੁੱਪ ਦੇ ਸਿਰ ਹੀ ਜਾਂਦਾ ਹੈ। ਪ੍ਰੈਜ਼ੀਡੈਂਟ ਧਾਲੀਵਾਲ ਨੇ ਕਿਹਾ ਕਿ ਇਸ ਤਰਾਂ ਦੇ ਐਵਾਰਡ ਉਨ੍ਹਾਂ ਦੇ ਹੌਸਲੇ ਨੂੰ ਹੋਰ ਮਜ਼ਬੂਤ ਕਰਦੇ ਹੋਏ ਸਮਾਜ ਲਈ ਹੋਰ ਬਿਹਤਰ ਕਰਨ ਲਈ ਪ੍ਰੇਰਣਾਦਾਇਕ ਹੋ ਨਿੱਬੜਦੇ ਹਨ। ਅਸੀ ਭਵਿੱਖ ਵਿਚ ਵੀ ਬਿਹਤਰੀਨ ਨਾਗਰਿਕ ਅਤੇ ਪੇਸ਼ੇਵਾਰ ਤਿਆਰ ਕਰਨ ਲਈ ਪੂਰੀ ਤਰਾਂ ਲਾਮਬੰਦ ਹਾਂ।