ਭਾਜਪਾ ਦੇ ਕੌਮੀਂ ਆਗੂ ਸੁੱਖਮਿੰਦਰਪਾਲ ਸਿੰਘ ਗਰੇਵਾਲ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਮਲੇਰ ਕੋਟਲਾ ਨੂੰ ਨਵਾਂ ਜ਼ਿਲਾ ਬਣਾਇਆ ਗਿਆ ਹੈ ਪਰ ਇਸ ਬਾਰੇ ਐਲਾਨ ਕਰਨ ਦਾ ਮੌਕਾ ਕਾਂਗਰਸ ਸਰਕਾਰ ਵੱਲੋਂ ਧਰਮ ਦੀ ਰਾਜਨੀਤੀ ਦਾ ਪੱਤਾ ਖੇਡ ਕੇ ਚੁਣਿਆ ਗਿਆ ਹੈ। ਗਰੇਵਾਲ ਨੇ ਕਿਹਾ ਨਵਾਂ ਜਲਿਾ ਬਣਾਉਣਾ ਕੋਈ ਮਾੜਾ ਕੰਮ ਨਹੀਂ ਪਰ ਇਸ ਦਾ ਐਲਾਨ ਈਦ ਦੇ ਮੁਬਾਰਕ ਮੌਕੇ ਤੇ ਕਰਨਾ ਕੋਝੀ ਰਾਜਨੀਤੀ ਹੈ। ਮਲੇਰ ਕੋਟਲਾ ਪੰਜਾਬ ਦਾ ਇਤਿਹਾਸਿਕ ਸ਼ਹਿਰ ਹੈ।ਗਰੇਵਾਲ ਨੇ ਕਿਹਾ ਸਿੱਖ ਅਤੇ ਮੁਗਲੀਆ ਰਾਜ ਵੇਲੇ ਦੀਆਂ ਬਹੁਤ ਸਾਰੀਆਂ ਘਟਨਾਵਾਂ ਇਸ ਸ਼ਹਿਰ ਨਾਲ ਜੁੜੀਆ ਹਨ ਇਸ ਸਹਿਰ ਚ ਹਾਅ ਦਾ ਨਾਹਰਾ ਮਾਰਨ ਵਾਲੇ ਨਵਾਬ ਵੀ ਹਨ ਤੇ ਅੰਗਰੇਜ਼ਾਂ ਦੇ ਜ਼ੁਲਮ ਅੱਗੇ ਨਾ ਝੁਕਣ ਵਾਲੇ ਕੂਕੇ ਵੀ ।ਪੰਜਾਬ ਸਰਕਾਰ ਨੇ ਕੂਕਾ ਯਾਦਗਾਰੀ ਟ੍ਰਸਟ ਬਣਾ ਕੇ ਬਹੁਤ ਵੱਡਾ ਸਮਾਰਕ ਉਸਾਰਿਆ ਹੈ। ਗਰੇਵਾਲ ਨੇ ਕਿਹਾ ਸਾਹਿਬਜ਼ਾਦਿਆਂ ਦੀ ਯਾਦ ਇਸ ਸਹਿਰ ਨਾਲ ਜੁੜੀ ਹੈ ਇਹ ਸਾਰਾ ਕੁਝ ਸਾਂਝੀਵਾਲਤਾ ਦੀ ਗਲ ਹੈ ।ਸਰਬ ਧਰਮ ਦੀ ਗੱਲ ਹੈ ।ਸਿੱਖ ਤਾਂ ਮੰਗਦੇ ਹੀ ਸਰਬੱਤ ਦਾ ਭਲਾ ਹਨ।ਪਰ ਸਰਕਾਰ ਨੂੰ ਆਪਣੀ ਰਾਜਨੀਤੀ ਲਈ ਧਰਮਾਂ ਦੀ ਦੁਰਵਰਤੋਂ ਨਹੀਂ ਕਰਨੀ ਚਾਹੀਦੀ ਸੀ, ਚੰਗਾ ਹੁੰਦਾ ਜੇ ਸਰਕਾਰ ਸਾਹਿਬਜ਼ਾਦਿਆਂ ਦੀ ਗੱਲ ਕਰਦੀ, ਨਵਾਬ ਸੇਰ ਖਾਂ ਦੀ ਗੱਲ ਕਰਦੀ, ਕੂਕਾ ਅੰਦੋਲਨ ਤੇ ਸਹੀਦੀਆਂ ਬਾਰੇ ਵੀ ਗੱਲ ਕਰਦੀ ਪਰ ਇਕ ਫਰਿਕੇ ਵਿਸੇਸ ਬਾਰੇ ਗੱਲ ਕਰਨੀ ਮੰਦਭਾਗੀ ਹੈ।ਗਰੇਵਾਲ ਨੇ ਕਿਹਾ ਜਿਥੇ ਇਸ ਨਵੇਂ ਜ਼ਿਲੇ ਦਾ ਅਸੀਂ ਸਵਾਗਤ ਕਰਦੇ ਆ ਉਥੇ ਮੰਗ ਵੀ ਕਰਦੇ ਆ ਕੇ ਸਾਂਝੀਵਾਲਤਾ ਸਾਹਿਬਜ਼ਾਦਿਆਂ, ਨਵਾਬ ਸੇਰ ਖਾਂ, ਕੂਕਾ ਅੰਦੋਲਨ ਤੇ ਸਹੀਦੀਆਂ ਦੇ ਪੈਗ਼ਾਮ ਨੂੰ ਲੋਕਾਂ ਚ ਜਾਇਆ ਜਾਏ ਧਰਮ ਦੀ ਰਾਜਨੀਤੀ ਨਹੀਂ ਕਰਨੀ ਚਾਹੀਦੀ। ਗਰੇਵਾਲ ਨੇ ਕਿਹਾ ਪੰਜਾਬ ਵਿੱਚ ਭਾਜਪਾ ਦੀ ਸਰਕਾਰ ਬਣਨ ਤੇ ਰਹਿ ਗਈਆਂ ਤਰੁਟੀਆਂ ਅਸੀਂ ਦੂਰ ਕਰਾਂਗੇ ਤੇ ਸਾਰੇ ਵਰਗਾਂ ਨੂੰ ਬਣਦਾ ਸਤਿਕਾਰ ਦੇਵਾਂਗੇ। ਇਸ ਸਮੇਂ ਉਨਾਂ ਨਾਲ ਜਸਵੰਤ ਸਿੰਘ ਜਨਰਲ ਸਕੱਤਰ, ਨਾਮਧਾਰੀ ਦਰਬਾਰ ਸ੍ਰੀ ਭੈਣੀ ਸਾਹਿਬ, ਗੁਰਭੇਜ ਸਿੰਘ ਗੁਰਾਇਆਂ, ਦਲਜੀਤ ਸਿੰਘ ਸਾਹੀ ਐਡਵੋਕੇਟ ਸਮਰਾਲਾ ਹਾਜਰ ਸਨ।