ਮਹਿੰਦਰਾ ਐਂਡ ਮਹਿੰਦਰਾ ਲਿਮਟਿਡ ਸਵਰਾਜ ਡਿਵੀਜ਼ਨ ਅਤੇ ਟੀ.ਪੀ.ਆਈ. (ਟਿਊਬ ਪ੍ਰੋਡਕਟਜ਼ ਆਫ ਇੰਡੀਆ , ਮੋਹਾਲੀ ਅਤੇ ਰਾਜਪੁਰਾ ) ਲਿੰਮਟਿਡ ਕੰਪਨੀਆਂ ਨੇ ਕੋਵਿਡ ਸੰਕਟ ਕਰਕੇ ਸਿਹਤ ਬੁਨਿਆਦੀ ਢਾਂਚੇ ਤੇ ਪੈ ਰਹੇ ਅਸਰ ਨਾਲ ਨਜਿੱਠਣ ਲਈ ਜਿਲ੍ਹਾਂ ਪ੍ਰਸ਼ਾਸਨ ਦੀ ਸਹਾਇਤਾ ਵਾਸਤੇ ਅੱਗੇ ਆਈ ਹੈ । ਆਪਣਾ ਬਹੁਮੁੱਲਾ ਯੋਗਦਾਨ ਦਿੰਦੇ ਹੋਏ ਸਵਰਾਜ ਨੇ 10 ਲੀਟਰ ਸਮਰੱਥਾ ਦੇ15 ਅਤੇ ਟੀ.ਪੀ.ਆਈ.ਨਾਰਥ ਨੇ 5 ਲੀਟਰ ਸਮਰੱਥਾ ਦੇ 10 ਆਕਸੀਜਨ ਕੰਸਟ੍ਰੇਟਰਜ਼ ਦਾਨ ਕੀਤੇ ਹਨ । ਉਨ੍ਹਾਂ ਨੇ ਡਿਪਟੀ ਕਮਿਸ਼ਨਰ ਸ਼੍ਰੀ ਗਿਰੀਸ਼ ਦਿਆਲਨ ਦੇ ਮਾਰਫਤ ਆਪਣੀ ਮਦਦ ਜਿਲ੍ਹਾ ਨਿਵਾਸੀਆ ਤੱਕ ਪੁੱਜਦਾ ਕੀਤੀ ।ਦੋਹਾਂ ਕੰਪਨੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕਰਦਿਆ ਡਿਪਟੀ ਕਮਿਸ਼ਨਰ ਸ਼੍ਰੀ ਗਿਰੀਸ਼ ਦਿਆਲਨ ਨੇ ਕਿਹਾ ਕਿ ਇਨ੍ਹਾਂ ਨੇ ਇਸ ਸੰਕਟ ਸਮੇਂ ਪ੍ਰਸ਼ਾਸਨ ਦਾ ਪੱਖ ਪੂਰਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਘੜੀ ਵਿੱਚ ਨਿੱਜੀ ਖੇਤਰ ਦੀਆਂ ਕੰਪਨੀਆਂ ਦਾ ਸਮਰਥਨ ਮਹੱਤਵਪੂਰਨ ਹੈ।ਸਵਰਾਜ ਟਰੈਕਟਰਜ਼ ਨੇ ਕਾਰਪੋਰੇਟ ਸਮਾਜਿਕ ਜਿੰਮੇਵਾਰੀ ਵਿੰਗ ਦੇ ਮੁਖੀ ਸ਼੍ਰੀ ਅਰੁਣ ਰਾਘਵ ਨੇ ਕਿਹਾ ਕਿ ਉਹ ਪਹਿਲੇ ਦਿਨ ਤੋਂ ਹੀ ਦੀ ਕੋਵਿਡ -19 ਸੰਕਟ ਨਾਲ ਨਜਿੱਠਣ ਵਿੱਚ ਪ੍ਰਸ਼ਾਸਨ ਦੀ ਸਹਾਇਤਾ ਕਰ ਰਹੇ ਹਨ। ਸਵਰਾਜ ਦੀਆਂ ਦੋ ਗੱਡੀਆਂ ਇਸ ਸਮੇਂ ਸੀਨੀਅਰ ਨਾਗਰਿਕਾਂ ਨੂੰ ਟੀਕਾਕਰਨ ਕੇਂਦਰਾਂ ਵਿੱਚ ਲਿਜਾਣ ਲਈ ਵਰਤੀਆਂ ਜਾ ਰਹੀਆਂ ਹਨ । ਉਨ੍ਹਾਂ ਕਿਹਾ 10 ਲੀਟਰ ਦੀ ਸਮੱਰਥਾ ਵਾਲੇ ਇਨ੍ਹਾਂ ਆਕਸੀਜਨ ਕੰਸਨਟੇਰਟਰਜ਼ ਨਾਲ ਕੋਵਿਡ ਕੇਅਰ ਸੈਟਰਾਂ ਵਿੱਚ ਦਿੱਤੀਆਂ ਜਾ ਰਹੀਆਂ ਸਿਹਤ ਸੰਭਾਲ ਸੇਵਾਵਾਂ ਨੂੰ ਬਲ ਮਿਲੇਗਾ।
ਸ਼੍ਰੀ ਰਾਘਵ ਨੇ ਦੱਸਿਆ ਕਿ ਸਵਰਾਜ ਟਰੈਕਟਜ਼ ਦਾ ਸੀ.ਐਸ.ਆਰ ਵਿੰਗ ਮਹਾਂਮਾਰੀ ਤੇ ਕਾਬੂ ਪਾਉਣ ਲਈ ਆਪਣਾ ਯੋਗਦਾਨ ਦੇ ਰਿਹਾ ਹੈ । ਇਸ ਵੱਲੋ ਬੀਤੇ ਸਮੇਂ ਦੌਰਾਨ ਫਰੰਟਲਾਈਨ ਵਾਰੀਅਰਜ਼ ਨੂੰ ਫੇਸ ਸ਼ੀਲਡਾ ਅਤੇ ਪੀਪੀਈ ਕਿਟਜ਼ ਤੋਂ ਇਲਾਵਾ ਸੈਨੇਟਾਈਜੇਸ਼ਨ ਕਾਰਨ ਲਈ ਟਰੈਕਟਰ ਅਤੇ ਫੂਡ ਪੈਕਟ ਦੇ ਫੇਸ ਮਾਸਕ ਆਦਿ ਮਹੁੱਈਆਂ ਕਰਵਾਏ ਸਨ। ਟੀ.ਪੀ.ਆਈ.ਦੇ ਵਪਾਰਕ ਮੁੱਖੀ ਸ਼ਿਵ ਦੀਪ ਸਿੰਘ ਜੰਮੂ ਅਤੇ ਐੱਚ ਆਰ ਮੁਖੀ ਅਜੇ ਵਰਮਾ ਨੇ ਕਿਹਾ ਕਿ ਕਰੋਨਾਂ ਮਾਹਾਮਾਂਰੀ ਤੇ ਫਤਿਹ ਹਾਸਲ ਕਰਨ ਲਈ ਉਹ ਆਪਣਾ ਹਿਸਾ ਪਾ ਰਹੇ ਹਨ । ਉਨ੍ਹਾਂ ਹੋਰ ਨਿੱਜੀ ਕੰਪਨੀਆਂ ਨੂੰ ਪ੍ਰਸ਼ਾਸਨ ਦੀ ਸਹਾਇਤਾ ਕਰਨ ਲਈ ਅੱਗੇ ਆਉਂਣ ਦੀ ਅਪੀਲ ਕੀਤੀ ।