Web Admin

5 Dariya News

ਰੂਪਨਗਰ , 05 Nov 2020

Last updated on: Nov 05, 2020, 00:00 IST

ਸੈਨਟਰੀਏਟ ਫਾਰਮਾਸਿਊਟਿਕਲਸ ਇੰਡੀਆ ਲਿਮਿਟਡ ਕੰਪਨੀ ਟੌਂਸਾਂ ਦੇ ਸੀ ਐਸ ਆਰ ਦੇ ਮੁੱਖੀ ਸਿਵ ਚਰਨ ਨੇ ਕੋਵਿਡ ਮਹਾਂਮਾਰੀ ਤੋਂ ਬਚਾਅ ਸਬੰਧੀ ਜ਼ਿਲ੍ਹਾ ਪ੍ਰਸ਼ਾਸਨ ਵਲੋਂ ਕੀਤੇ ਜਾ ਰਹੇ ਕੰਮਾਂ ਦੀ ਸਹਾਇਤਾ ਲਈ 200 ਪਲਸ ਆਕਸੀਮੀਟਰ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਸੋਨਾਲੀ ਗਿਰੀ ਨੂੰ ਸੋਂਪੇ ਗਏ। ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਸੋਨਾਲੀ ਗਿਰੀ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਵੀ ਕੰਪਨੀ ਵਲੋਂ ਸਮੇਂ ਸਮੇਂ ਸਿਰ ਕੋਵਿਡ ਮਹਾਂਮਾਰੀ ਤੋਂ ਬਚਾਅ ਸਬੰਧੀ ਸਹਾਇਤਾ ਕੀਤੀ ਜਾਂਦੀ ਰਹੀ ਹੈੇ ਅਤੇ ਕੰਪਨੀ ਦੇ ਪ੍ਰਧਾਨ ਡਾ. ਵਿਜੈ ਕੁਮਾਰ ਵਲੋਂ 1500 ਸੈਨੀਟਾਈਜ਼ਰ, 5000 ਮਾਸਕ ਅਤੇ 2000 ਦੇ ਕਰੀਬ ਦਸਤਾਨੇ ਦੀ ਵੰਡ ਕੀਤੀ ਗਈ ਸੀ।ਸੈਨਟਰੀਏਟ ਫਾਰਮਾਸਿਊਟਿਕਲਸ ਇੰਡੀਆ ਲਿਮਿਟਡ ਕੰਪਨੀ ਟੌਂਸਾਂ ਦੇ ਸੀ ਐਸ ਆਰ ਦੇ ਮੁੱਖੀ ਸਿਵ ਚਰਨ ਨੇ ਦੱਸਿਆ ਕਿ ਇਸ ਤੋਂ ਬਾਅਦ ਵੀ ਕੰਪਨੀ ਵਲੋਂ ਜ਼ਰੂਰਤ ਪੈਣ ਤੇ ਫੰਡ ਸਮੇਤ ਹਰ ਤਰ੍ਹਾਂ ਦੀ ਸਹਾਇਤਾ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਮੁਹੱਈਆ ਕਰਵਾਈ ਜਾਂਦੀ ਰਹੇਗੀ। ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਘਰਬਰਾਉਣ ਦੀ ਜ਼ਰੂਰਤ ਨਹੀਂ ਹੈ ਅਤੇ ਸਰਕਾਰ ਤੇ ਸਿਹਤ ਵਿਭਾਗ ਵਲੋਂ ਸਮੇਂ ਸਮੇਂ ਸਿਰ ਜਾਰੀ ਕੀਤੀ ਜਾਂਦੀ ਅਡਵਾਈਜ਼ਰੀ ਦੀ ਪਾਲਣਾ ਕਰਨ ਨੂੰ ਯਕੀਨੀ ਬਣਾਇਆ ਜਾਣਾ ਚਾਹੀਦਾ ਹੈ ਤਾਂ ਜੋ ਇਸ ਨਾਮੁਰਾਦ ਬਿਮਾਰੀ ਤੋਂ ਬਚਾਅ ਕੀਤਾ ਜਾ ਸਕੇ।