Web Admin

5 Dariya News

ਸ੍ਰੀ ਮੁਕਤਸਰ ਸਾਹਿਬ , 30 Sep 2020

ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ ਚਾਰ ਸੌ ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਪੰਜਾਬ ਸਰਕਾਰ ਦੀ ਹਦਾਇਤਾਂ ਅਨੂਸਾਰ ਜਿਲਾ ਸ੍ਰੀ ਮੁਕਤਸਰ ਸਾਹਿਬ ਵਿਖੇ 71ਵਾ ਵਣ ਮਹਾਂ ਉਸਤਵ ਪਿੰਡ ਝਬੇਲਵਾਲੀ ਵਿਖੇ ਮਨਾਇਆ ਗਿਆ।ਇਸ ਸਮੇਂ ਸਮਸਾਨ ਘਾਟ ਪਿੰਡ ਝਬੇਲਵਾਲੀ  ਵਿਖੇ ਵਣ ਮੰਡਲ ਅਫਸਰ ਬਲਜੀਤ ਸਿੰਘ ਬਰਾੜ ਸਾਰਏਨਾਗਾ ਅਤੇ ਡੀ ਐੱਸ ਪੀ ਹਿੰਮਤ ਕੁਮਾਰ ਸ਼ਰਮਾ ਨੇ ਬੂਟੇ ਲਗਉਣ ਦੀ ਸ਼ੁਰੂਆਤ ਕੀਤੀ । ਜਾਣਕਾਰੀ ਦਿੰਦੇ ਹੋਏ ਵਣ ਮੰਡਲ ਅਫਸਰ ਬਲਜੀਤ ਸਿੰਘ ਬਰਾੜ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਅੱਜ ਪੂਰੇ ਪੰਜਾਬ ਵਿੱਚ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਪ੍ਰਕਾਸ ਪੁਰਬ ਨੂੰ ਸਮਰਪਿਤ ਵਣ ਮਹਾਂ ਉਸਤਵ ਮਨਾਇਆ ਜਾ ਰਿਹਾ ਲੜੀ ਹੈ ਇਸ ਤਹਿਤ ਅੱਜ ਪਿੰਡ ਝਬੇਲਵਾਲੀ ਵਿਖੇ ਇਸ ਮੁਹਿੰਮ ਦੀ ਸਰੂਆਤ ਕੀਤੀ ਗਈ ਹੈ ।  ਆਉਣ ਵਾਲੇ ਦਿਨਾਂ ਵਿੱਚ ਵਾਤਾਵਰਨ ਦੀ ਸੁਧਤਾ ਲਈ ਹਰੇਕ ਪਿੰਡ ਵਿੱਚ 400 ਬੂਟਿਆਂ ਦਾ ਟੀਚਾ ਰੱਖਿਆ ਗਿਆ ਹੈ ਇਸ ਤੋਂ ਇਲਾਵਾ ਆਈ ਹਰਿਆਲੀ ਐਪ ਰਾਹੀ ਵੀ ਕਿਸਾਨ ਬੂਟੇ ਬੁੱਕ ਕਰਵਾ ਸਕਦੇ ਹਨ । ਉਨ੍ਹਾਂ ਦੱਸਿਆ ਕਿ ਕਿਸਾਨਾਂ ਨੂੰ ਇਸ ਦੀ ਸਾਂਭ ਸੰਭਾਲ ਲਈ 35 ਪ੍ਰਤੀ ਬੂਟਾ ਪੰਜਾਬ ਸਰਕਾਰ ਵੱਲੋਂ ਸਬਸਿਡੀ ਵਜੋਂ ਦਿੱਤੇ ਜਾ ਰਹੇ ਹਨ ਅਤੇ ਕਿਸਾਨਾਂ ਨੂੰ ਪਹਿਲੇ ਸਾਲ 14 ਰੁਪਏ ਅਤੇ ਬਾਕੀ ਤਿੰਨ ਸਾਲ 7 ਰੁਪਏ ਪ੍ਰਤੀ ਬੂਟਾ ਦੇ ਹਿਸਾਬ ਨਾਲ ਕਿਸਾਨਾਂ ਦੇ ਬੈਂਕ ਖਾਤਿਆਂ ਵਿੱਚ ਪਾਏ ਜਾਣਗੇ ।ਉਨ੍ਹਾਂ ਇਹ ਵੀ ਦੱਸਿਆ ਕਿ ਜੇਕਰ ਕੋਈ ਕਿਸਾਨ ਆਪਣੇ ਬੂਟੇ ਆਪ ਲਗਾ ਲੈਂਦਾ ਹੈ ਤਾਂ ਵਣ ਗਾਰਡ ਜਾ ਵਣ ਰੇਜ  ਦਫਤਰ ਸ੍ਰੀ ਮੁਕਤਸਰ ਸਾਹਿਬ  ਵਿਖੇ ਸੰਪਰਕ ਕਰੇ ਤਾਂ ਜੋ ਉਨ੍ਹਾਂ ਬੂਟਿਆਂ ਨੂੰ ਸਬ ਮਿਸਨ ਐਗਰੋ ਫੋਰੈਸਟਰੀ ਐਪ ਰਾਹੀਂ  ਬੁੱਕ ਕਰ ਕੇ ਸਬਸਿਡੀ ਦਿੱਤੀ ਜਾ ਸਕੇ।ਇਸ ਸਮੇਂ ਡੀ ਐੱਸ ਪੀ ਹਿੰਮਤ ਕੁਮਾਰ ਸ਼ਰਮਾ ਨੇ ਕਿਹਾ  ਕਿਹਾ ਕਿ ਅੱਜ ਪੰਜਾਬ ਸਰਕਾਰ ਵੱਲੋਂ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਪ੍ਰਕਾਸ਼ ਉਸਤਵ ਨੂੰ  ਸਮਰਪਿਤ ਪਿੰਡ ਝਬੇਲਵਾਲੀ  ਵਿਖੇ ਹੈ ਬੂਟੇ ਲਾਉਣ ਦੀ ਸੁਰੂਆਤ ਕੀਤੀ ਗਈ ਹੈ । ਉਨ੍ਹਾਂ ਵਣ ਵਿਭਾਗ ਸ਼ਲਾਘਾ ਕੀਤੀ ਅਤੇ ਕਿਸਾਨ ਭਰਾਵਾਂ ਨੂੰ ਅਪੀਲ ਵੀ ਕੀਤੀ ਕਿ ਵਣ ਵਿਭਾਗ ਰਾਹੀਂ ਪੰਜਾਬ ਨੂੰ ਹਰਿਆ ਭਰਿਆ ਬਣਾਉਣ ਲਈ ਹਰ ਇੱਕ ਮਨੁੱਖ ਇੱਕ ਰੁੱਖ ਲਗਾਵੇ ਤਾਂ ਕਿ ਵਾਤਾਵਰਨ ਨੂੰ ਸਾਫ ਸੁਥਰਾ ਕੀਤਾ ਜਾ ਸਕੇ । ਇਸ ਸਮੇਂ ਪਿੰਡ ਦੇ ਸਰਪੰਚ ਭਿੰਦਰ ਸਰਮਾ ਨੇ ਪਿੰਡ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਖੇਤਾਂ ਦੇ ਆਲੇ ਦੁਆਲੇ ਅਤੇ ਲਿੰਕ ਸੜਕਾਂ ਤੇ ਫਲਦਾਰ ਅਤੇ ਸਾਨਦਾਰ ਬੂਟੇ ਲਗਾ ਕੇ ਵਾਤਾਵਰਨ ਦੀ ਸਾਂਭ ਸੰਭਾਲ ਵਿੱਚ ਹਿੱਸਾ ਪਾਉਣ ।  ਇਸ ਸਮੇਂ ਰੇਂਜ ਅਫਸਰ ਹਰਦੀਪ ਸਿੰਘ ਹੁੰਦਲ ,ਚਮਕੌਰ ਸਿੰਘ ਰੇਂਜ ਅਫਸਰ, ਗੁਰਵਿੰਦਰ ਸਿੰਘ ਸੰਧੂ ਬਲਾਕ ਅਫ਼ਸਰ , ਗੁਰਮੀਤ ਸਿੰਘ ਕਾਕਾ,ਅਕਾਸਦੀਪ ਸਿੰਘ , ਅਮਨਦੀਪ ਸਿੰਘ, ਮਨਜਿੰਦਰ ਸਿੰਘ, ਵਿਕਰਮਪਾਲ ,ਕਰਮਜੀਤ ਕੌਰ ,ਜਸਵੀਰ ਕੌਰ, ਰੀਮਾ ਕੌਰ ਵਣ ਗਾਰਡ,  ਚਰਨਾ ਸਿੰਘ  ਅਤੇ ਇਸ ਤੋਂ ਇਲਾਵਾ ਮੈਂਬਰ ਪੰਚਾਇਤ ਜਸਕਰਨ ਸਿੰਘ ਢਿੱਲੋਂ ਹੇਮਰਾਜ , ਛੱਜੂ ਰਾਮ, ਨਛੱਤਰ ਸਿੰਘ ,ਅਤੇ ਡਾ ਨਰਿੰਦਰ ਜੋਸ਼ੀ ਰਾਮ ਸਰੂਪ ਪਟਵਾਰੀ ਨੇ ਇਸ ਮੁਹਿੰਮ ਵਿੱਚ ਸ਼ਾਮਿਲ ਹੋਏ ।