ਬੀਤੇ ਦਿਨ ਲਾਇਨਜ਼ ਕਲੱਬ ਖਰੜ ਨੇ ਆਪਣੀ ਆਨਲਾਈਨ ਮੀਟਿੰਗ ਕੀਤੀ ਜਿਸ ਵਿਚ ਆਉਣ ਵਾਲੇ ਸਾਲ ਦੀ ਨਵੀਂ ਟੀਮ ਦਾ ਗਠਨ ਕੀਤਾ ਗਿਆ। ਮੀਟਿੰਗ ਵਿੱਚ ਸਰਵਸੰਮਤੀ ਨਾਲ ਸਾਲ 2020-21 ਲਈ ਲਾਇਨ ਸੁਖਵਿੰਦਰ ਸਿੰਘ ਗੋਲਡੀ ਨੂੰ ਲਾਇਨਜ਼ ਕਲੱਬ ਖਰੜ ਦਾ ਨਵਾ ਪ੍ਰਧਾਨ, ਐਡਵੋਕੇਟ ਲਾਇਨ ਗਗਨਦੀਪ ਸਿੰਘ ਨੂੰ ਸਕੱਤਰ, ਲਾਇਨ ਰਾਜੀਵ ਗਰਗ ਤੇ ਲਾਇਨ ਨਰਿੰਦਰਪਾਲ ਸਿੰਘ ਬਿੱਟੂ ਨੂੰ ਪੀ ਆਰ ਓ ਨੂੰ ਚੁਣਿਆ ਗਿਆ। ਮੀਟਿੰਗ ਦੀ ਸਰਪ੍ਰਸਤੀ ਕਰਦੀਆਂ ਲਾਇਨਜ਼ ਕਲੱਬਸ ਇੰਟਰਨੈਸ਼ਨਲ ਜਿਲ੍ਹਾ 321ਐੱਫ ਦੇ ਸਾਬਕਾ ਡਿਸਟ੍ਰਿਕਟ ਗਵਰਨਰ ਲਾਇਨ ਪ੍ਰੀਤ ਕੰਵਲ ਸਿੰਘ ਨੇ ਕਿਹਾ ਕਿ ਲਾਇਨਜ਼ ਕਲੱਬਾਂ ਵੱਲੋਂ ਹਰ ਸਾਲ ਨਵੀਆਂ ਟੀਮਾਂ ਦਾ ਗਠਨ ਕੀਤਾ ਜਾਂਦਾ ਹੈ ਤੇ ਇਹ ਟੀਮਾਂ 1 ਜੁਲਾਈ ਤੋਂ ਅਪਣਾ ਕੰਮ ਸ਼ੁਰੂ ਕਰਦੀਆਂ ਹਨ ਤੇ ਉਨ੍ਹਾਂ ਨੂੰ ਪੂਰੀ ਉਮੀਦ ਹੈ ਕਿ ਲਾਇਨ ਸੁਖਵਿੰਦਰ ਸਿੰਘ ਗੋਲਡੀ ਦੀ ਰਹਿਨੁਮਾਈ ਵਿੱਚ ਕਲੱਬ ਮਾਨਵਤਾ ਦੀ ਸੇਵਾ ਵਿਚ ਨਵੀਆਂ ਪੁਲਾਂਘਾਂ ਪੁੱਟੇ ਗਾ । ਮੀਟਿੰਗ ਵਿੱਚ ਮਜੂਦ ਲਾਇਨ ਦਵਿੰਦਰ ਗੁਪਤਾ ਨੇ ਦੱਸਿਆ ਕਿ ਲਾਇਨਜ਼ ਕਲੱਬ ਖਰੜ ਸੇਵਾ ਦੇ ਖੇਤਰ ਵਿੱਚ 22ਵੇ ਸਾਲ ਵਿੱਚ ਦਾਖਲ ਹੋ ਚੁੱਕਿਆ ਹੈ ਤੇ ਬਹੁਤ ਦੇਰ ਤੋਂ ਲਟਕ ਰਹੇ ਆਪਣੇ ਇਕ ਵੱਡੇ ਪਰਮਾਨੇੰਟ ਪ੍ਰੋਜੈਕਟ ਨੂੰ ਇਸ ਸਾਲ ਨੇਪਰੇ ਚੜ੍ਹਾਇਆ ਜਾਵੇਗਾ ਤੇ ਇਸ ਨਾਲ ਗਰੀਬ ਵਰਗ ਦੇ ਜਰੂਰਤਮੰਦਾ ਨੂੰ ਰੋਜਾਨਾ ਬਹੁਤ ਫਾਇਦਾ ਹੋਵੇਗਾ।ਇਸ ਆਨਲਾਈਨ ਮੀਟਿੰਗ ਵਿੱਚ ਨਵੇਂ ਟੀਮ ਦੇ ਮੈਂਬਰਾਂ ਤੋਂ ਇਲਾਵਾ ਲਾਇਨ ਪ੍ਰੀਤ ਕੰਵਲ ਸਿੰਘ, ਲਾਇਨ ਦਵਿੰਦਰ ਗੁਪਤਾ, ਲਾਇਨ ਬਲਵਿੰਦਰ ਸਿੰਘ, ਲਾਇਨ ਗੋਪਾਲ ਕ੍ਰਿਸ਼ਨ ਕੰਸਲ, ਲਾਇਨ ਸੁਨੀਲ ਅਗਰਵਾਲ, ਲਾਇਨ ਸਤਵਿੰਦਰ ਕੌਰ, ਲਾਇਨ ਮੀਨਾ ਗੁਪਤਾ, ਲਾਇਨ ਸੁਨੀਲ ਸਹਿਗਲ, ਲਾਇਨ ਇਕਵਿੰਦਰ ਸਿੰਘ ਧਵਨ, ਲਾਇਨ ਅਵਤਾਰ ਸਿੰਘ ਵਾਲੀਆ, ਲਾਇਨ ਇੰਦਰਜੀਤ ਕੌਰ, ਲਾਇਨ ਕਮਲਜੀਤ ਸਿੰਘ ਆਦਿ ਹਾਜਰ ਸਨ।